TITUS
Armenian NT (Zohrab Bible)
Part No. 35
Previous part

Chapter: 7  
(Է՜)


Section: 18  
Passage: 5-3 
Verse: 1   Link to gnt   Եւ ժողովեցան առ նա փարիսեցիքն՝ եւ ոմանք ի դպրացն որ եկեալ էին յերուսաղեմէ։

Verse: 2   Link to gnt   Եւ տեսեալ զոմանս յաշակերտացն անտի զի խառնեալ ձեէօք, այսինքն է անլուայ ուտէին հաց, բամբասեցին։

Verse: 3   Link to gnt   Զի փարիսեցիքն՝ ամենայն հրէայք, եթէ ոչ բռնալիր լուանան զձեէս, հաց ոչ ուտեն. քանզի ունին զաւանդութիւն ծերոցն.

Verse: 4   Link to gnt   Եւ ի հրապարակէ մտեալ՝ եթէ ոչ նախ մկրտիցին, ոչ ուտեն։ եւ այլ ինչ բազում է՝ զոր ընկալան ունել, մկրտութիւնս բաժակաց, եւ ստոմանաց, եւ պղնձեաց, եւ մահճաց։

Verse: 5   Link to gnt   Ապա հարցանեն զնա փարիսեցիքն՝ եւ դպիրքն թէ ընդօր աշակերտքն քո ոչ գնան ընդ աւանդութեան ծերոցն. այլ խառնակ ձեռօք հաց ուտեն։

Verse: 6   Link to gnt   Նա պատասխանի ետ՝ եւ ասէ ցնոսա, թէ բարւոք մարգարէացաւ եսայի վասն ձեր կեղծաւորաց, որպէս ասաց. ժողովուրդս այս շրթամբք մեծարէ զիս, եւ սիրտք նոցա հեռացեալ ի բացեայ են յինէն։

Verse: 7   Link to gnt   զուր պաշտեն զիս ուսուցանեն վարդապետութիւնս՝ զմարդկան պատուիրեալ։

Verse: 8   Link to gnt   Թողեալ զպատուիրանն Աստուծոյ, ունիք զմարդկան աւանդութիւն։

Verse: 9   Link to gnt   Եւ ասէ ցնոսա. բարւոք խոտէք զպատուիրանն Աստուծոյ, զի զձեր աւանդութիւնն հաստատիցէք։

Verse: 10   Link to gnt   Զի մովսէս ասէ. պատուեա զհայր քո եւ զմայր. եւ որ չարախօսեսցէ զհօրէ կամ զմօրէ, մահու վախճանեսցի։

Verse: 11   Link to gnt   Եւ դուք ասէք, եթէ ասիցէ ոք ցհայր կամ ցմայր՝ կորբան, որ է պատարագ, զոր յինէն օգտեսցիս։

Verse: 12   Link to gnt   Եւ ոչ եւս տայք թոյլ նմա չառնել ինչ հօրն, կամ մօր։

Verse: 13   Link to gnt   եւ անարգէք զբանն Աստուծոյ ձերով աւանդութեամբն, զոր աւանդեցէք. եւ բազում ինչ այլ՝ որ այսմ նման է՝ առնէք։

Verse: 14   Link to gnt   Եւ կոչեալ առ ինքն զամենայն ժողովուրդն՝, ասէ ցնոսա. լուարուք ինձ ամենեքեան՝ եւ ի միտ առէռկ։

Verse: 15   Link to gnt   Ոչ ինչ արտաքուստ ի մարդ մտեալ՝ եթէ կարիցէ պղծել զնա, այլ որ ելանէ ի նմանէ՝ այն է որ պղծէ զմարդն։

Verse: 16   Link to gnt   որ ունիցի ականջս լսելոյ՝ լուիցէ։

Passage: 5-4 
Verse: 17   Link to gnt   Եւ իբրեւ եմուտ ի տուն յամբոխէ անտի, հարցանէին զնա աշակերտքն վասն առակին։

Verse: 18   Link to gnt   Եւ ասէ ցնոսա. այդպէս եւ դուք անմիտք էք. ոչ իմանաք, եթէ ամենայն որ արտաքուստ ի ներքս մտանէ, ի մարդ, ոչ կարէ զնա պղծել.

Verse: 19   Link to gnt   Զի ոչ եթէ ի սիրտ նորա մտանէ, այլ յորովայն. եւ արտաքս ելանէ, եւ սրբէ զամենայն կերակուրսն։

Verse: 20   Link to gnt   Եւ ասէր, թէ որ ինչ ի մարդոյն ելանէ՝ այն պղծէ զմարդ։

Verse: 21   Link to gnt   Զի ի ներքուստ ի սրտէ մարդկան խորհուրդք չարութեան ելանեն. շնութիւնք, պոռնկութիւնք.

Verse: 22   Link to gnt   գողութիւնք սպանութիւնք, ագահութիւնք, չարութիւնք, նենգութիւնք. գիջութիւն. չարակնութիւն, հայհոյութիւն. անբարտաւանութիւն, անզգամութիւն։

Verse: 23   Link to gnt   Այս ամենայն չարիք ի ներքուստ ելանեն, եւ պղծեն զմարդ։

Section: 19  
Verse: 24   Link to gnt   Եւ անտի յարուցեալ եկն ի սահմանս տիւրոսի եւ սիդովնի. եւ մտեալ ի տուն՝ ոչ ումեք կամէր յայտնել, եւ ոչ կարաց ծածկել։

Verse: 25   Link to gnt   Լուաւ կին մի զնմանէ, որոյ դուստր իւր նեղեալ էր յայսոյ պղծոյ. եկն՝ անկաւ առաջի նորա։

Verse: 26   Link to gnt   Եւ կինն՝ էր հեթանոս, փիւնիկ ասորի յազգէ. եւ աղաչէր զնա՝ զի զդեւն հանցէ ի դստերէ նորա։

Verse: 27   Link to gnt   Եւ Յիսուս ասէ ցնա. թոյլ տուր, նախ յագեսցին մանկունք. զի ոչ է բարւառնուլ զհաց մանկանց եւ արկանել շանց։

Verse: 28   Link to gnt   Նա պատասխանի ետ եւ ասէ. տէր՝ եւ շունք ի փշրանաց սեղանոյ մանկանց կերակրին։

Verse: 29   Link to gnt   Եւ ասէ ցնա. Վասն այդր բանի՝ երթ, ել դեւն ի դստերէ քումմէ։

Verse: 30   Link to gnt   Գնաց ի տուն իւր, եւ եգիտ ելեալ զդեւն, եւ զդուստրն, զի անկեալ ծնէր ի մահիճս։

Section: 20  
Passage: 5-5 
Verse: 31   Link to gnt   Եւ ելեալ միւսանգամ ի սահմանացն տիւրոսի եւ սիդովնի, եւ եկն ի ծովեզրն գալիլեացւոց ի մէջ սահմանացն ի դեկապոլիս։

Verse: 32   Link to gnt   Եւ բերին առաջի նորա խուլ մի եւ համր. եւ աղաչեցին՝ զի ձեռն դիցէ ի վերայ նորա։

Verse: 33   Link to gnt   Եւ առեալ զնա մեկուսի յամբոխէ անտի, արկ զմատունս իւր ընդ ականջս նորա՝ եւ եթուք անդր. եւ կալաւ զլեզուէ նորա։

Verse: 34   Link to gnt   Հայեցաւ յերկինս՝ յոգոց եհան՝ եւ ասէ. եփփաթա, որ է՝ բացիր։

Verse: 35   Link to gnt   Եւ նոյնժամայն բացան լսելիքն նորա, եւ լուծան կապանք լեզուի նորա. եւ խօսէր՝ ուղիղ։

Verse: 36   Link to gnt   Եւ պատուիրեաց նոցա զի մի ումէք ասիցեն։ Եւ որչափ նա պատուիրէր նոցա նոքա եւս առաւել քարոզէին։

Verse: 37   Link to gnt   Եւ եւս քան զեւս զարմանային եւ ասէին. Զամենայն ինչ բարւոք գործեաց սա, զի խլից՝ լսել տայ, եւ համերց խօսել։



Next part


This text is part of the TITUS edition of Armenian NT (Zohrab Bible).

Copyright TITUS Project, Frankfurt a/M, 29.11.2024. No parts of this document may be republished in any form without prior permission by the copyright holder.