TITUS
Armenian NT (Zohrab Bible)
Part No. 9
Previous part

Chapter: 9  
(Թ՜)


Section: 13  
Verse: 1   Link to gnt   Եւ մտեալ ի նաւ անց յայնկոյս, եւ եկն ի քաղաք իւր։

Verse: 2   Link to gnt   Եւ ահա մատուցին առ նա անդամալոյծ մի որ դնէր ի մահիճս։ Եւ տեսեալ Յիսուսի զհաւատս նոցա՝ ասէ ցանդամալոյծն. թողեալ լիցին քեզ մեղք քո։

Verse: 3   Link to gnt   Եւ ահա՝ ոմանք ի դպրացն ասեն ընդ միտս. հայհոյէ դա։

Verse: 4   Link to gnt   Եւ ծանուցեալ Յիսուսի զխորհուրդս նոցա՝ ասէ ցնոսա. ընդէր խորհիք դուք չարիս ի սիրտս ձեր։

Verse: 5   Link to gnt   զինչ դիւրին է. ասել՝ թողեալ լիցին քեզ զմեղք քո. թէ ասել՝ արի եւ շրջեաց։

Verse: 6   Link to gnt   Այլ զի գիտասջիք՝ եթէ իշխանութիւն ունի որդի մարդոյ յերկրի թողուլ զմեղս, յայնժամ ասէ ցանդամալոյծն. արի՝ առ զմահիճս քո՝ եւ երթ ի տուն քո։

Verse: 7   Link to gnt   Եւ յարուցեալ գնաց ի տուն իւր։

Verse: 8   Link to gnt   Իբրեւ տեսին ժողովուրդքն, զարմացան. եւ փառաւոր առնէին զԱստուած զտուիչն այնպիսի իշխանութեան՝ մարդկան։

Section: 14  
Passage: 3-2 
Verse: 9   Link to gnt   Եւ անցեալ ընդ այն Յիսուսի՝ ետես այր մի՝ զի նստէր ի մաքսաւորութեան, մատթէոս անուն. եւ ասէ ցնա՝ եկ զկնի իմ։ եւ Յարուցեալ գնաց զկնի նորա։

Verse: 10   Link to gnt   Եւ եղեւ իբրեւ բազմեալ էր նա ի տանն, եւ ահա մաքսաւորք եւ մեղաւորք եկեալ եւ բազմեալ էին ընդ Յիսուսի՝ եւ ընդ աշակերտս նորա։

Verse: 11   Link to gnt   Իբրեւ տեսին փարիսեցիքն՝ ասեն ցաշակերտս նորա. ընդէր ընդ մաքսաւորս եւ ընդ մեղաւորս ուտէ վարդապետն ձեր։

Verse: 12   Link to gnt   Իսկ Յիսուս իբրեւ լուաւ՝ ասէ ցնոսա. ոչ պիտոյ է բժիշկ կարողաց՝ այլ հիւանդաց։

Verse: 13   Link to gnt   Երթայք ուսարուք, զինչ է՝ ողորմութիւն կամիմ, եւ ոչ զզոհ, զի ոչ եկի կոչել զարդարս՝ այլ զմեղաւորս։

Verse: 14   Link to gnt   Յայնժամ մատեան առ նա աշակերտքն յովհաննու՝ եւ ասեն. ընդէր մեք եւ փարիսեցիքն պահեմք յաճախ, եւ քո աշակերտքդ ոչ պահեն։

Verse: 15   Link to gnt   Ասէ ցնոսա Յիսուս. մի եթէ մարթ ինչ իցէ մանկանց առագաստի սուգ առնուլ՝ մինչ փեսայն ընդ նոսա իցէ. այլ եկեսցեն աւուրքն՝ յորժամ բարձցի ի նոցանէ փեսայն, եւ ապա պահեսցեն։

Verse: 16   Link to gnt   Ոչ ոք արկանէ կապերտ անթափ ի վերայ հնացեալ ձորձոյ. զի առնու ելանէ զլրութիւն նորա ի հանդերձէն, եւ եւս չար պատառումն լինի։

Verse: 17   Link to gnt   Եւ ոչ արկանեն գինի նոր ի տիկս հինս. ապա թէ ոչ տիկքն պատառին, եւ գինին հեղու, եւ տիկքն կորչին. այլ արկանեն գինի նոր ի զիկս նորս, եւ երկոքին պահին։

Section: 15  
Passage: 3-3 
Verse: 18   Link to gnt   Մինչդեռ բա զայս խօսէր ընդ նոսա, ահա իշխան մի մատուցեալ երկիր պագանէր նմա՝ եւ ասէր, դուստր իմ արդեւս վախճանեցաւ. այլ՝ եկեալ դիցես զձեռն քո ի վերայ նորա եւ կեցցէ։

Verse: 19   Link to gnt   Յարեաւ Յիսուս եւ գնաց զկնի նորա աշակերտօքն հանդերձ։

Section: 16  
Verse: 20   Link to gnt   Եւ ահա կին մի՝ տեռատես երկոտասանամեայ, մատուցեալ յետոյ մերձեցաւ ի դրօշակ հանդերձին նորա։

Verse: 21   Link to gnt   քանզի ասէր ի մտի իւրում, թէ միայն մերձենամ ի հանդերձս նորա փրկիմ։

Verse: 22   Link to gnt   Իսկ Յիսուս իբրեւ դարձաւ եւ ետես զնա, ասէ քաջալերեաց դուստեր՝ հաւատք քո կեցուցին զքեզ։ Եւ փրկեցաւ կինն ի ժամէն յայնմանէ։

Verse: 23   Link to gnt   Իբրեւ եկն ի տուն իշխանին, եւ ետես զփողարսն՝ եւ ամբոխ յոյժ. ասէ ցնոսա. ի բաց գնացէք.

Verse: 24   Link to gnt   Զի ոչ եթէ մեռեալ է աղջիկդ՝ այլ ննջէ։

Verse: 25   Link to gnt   Եւ ծաղր առնէին զնա։ Եւ իբրեւ ել ամբոխն ի բաց, եմուտ՝ կալաւ զձեռանէ նորա, եւ յարեաւ աղջիկն։

Verse: 26   Link to gnt   Եւ ել համբաւս այս ընդ ամենայն երկիրն ընդ այն։

Section: 17  
Passage: 3-4 
Verse: 27   Link to gnt   Եւ մինչդեռ անցանէր ընդ այն Յիսուս, զհետ եղեն նորա կոյրք երկու. աղաղակէին եւ ասէին. ողորմեաց մեզ որդի դաւթի։

Verse: 28   Link to gnt   Եւ իբրեւ եկն ի տուն, մատեան առ նա կոյրք։ Եւ ասէ ցնոսա Յիսուս. հաւատայք՝ եթէ կարող եմ առնել ձեզ զայդ։ Ասեն ցնա՝ այո տէր։

Verse: 29   Link to gnt   յայնժամ մերձեցաւ յաչս նոցա՝ եւ ասէ. ըստ հաւատոց ձերոց եղիցի ձեզ։

Verse: 30   Link to gnt   Եւ բացան աչք նոցա։ Եւ սաստեաց նոցա Յիսուս՝ եւ ասէ. զգոյշ կացէք՝ մի ոք

Verse: 31   Link to gnt   Եւ նոքա ելեալ՝ համբաւեցին զնա ընդ ամենայն երկիրն ընդ այն։

Section: 18  
Verse: 32   Link to gnt   Եւ յելանելն նոցա արտաքս, ահա մատուցին առ նա այր մի համր դիւահար։

Verse: 33   Link to gnt   Եւ յելանել դիւին՝ խօսեցաւ համրն։ Եւ զարմացան ժողովուրդքն՝ եւ ասեն, թէ եւ ոչ երբէք երեւեցաւ այսպիսի ինչ յիսրայէլի։

Verse: 34   Link to gnt   Իսկ փարիսեցիքն ասէին, թէ իշխանաւ դիւաց հանէ դա զդեւս։

Passage: 3-5 
Verse: 35   Link to gnt   Եւ շրջէր Յիսուս ընդ ամենայն քաղաքս եւ ընդ գեղս, ուսուցանէր ի ժողովուրդս նոցա, եւ քարոզէր զաւետարանն արքայութեան. եւ բժշկէր զամենայն ախտս եւ զամենայն հիւանդութիւնս ի ժողովրդեանն։

Verse: 36   Link to gnt   Եւ տեսեալ զժողովուրդսն՝ գթացաւ ի նոսա. զի էին աշխատեալք եւ ցրուեալք իբրեւ զոչխարս՝ որոց ոչ իցէ հովիւ

Verse: 37   Link to gnt   Յայնժամ ասէ ցաշակերտս իւր,հունձք բազում են՝ եւ մշակք սակաւ։

Verse: 38   Link to gnt   Արդ աղաչեցէք զտէր հնձոց՝ զի հանցէ մշակս ի հունձս իւր։



Next part


This text is part of the TITUS edition of Armenian NT (Zohrab Bible).

Copyright TITUS Project, Frankfurt a/M, 29.11.2024. No parts of this document may be republished in any form without prior permission by the copyright holder.