TITUS
Armenian NT (Zohrab Bible)
Part No. 8
Previous part

Chapter: 8  
(Ը՜)


Section: 6  
Verse: 1   Link to gnt   Այլ իբրեւ էջ ի լեռնէ անտի, գնացին զկնի ժողովուրդք բազումք։

Verse: 2   Link to gnt   Եւ ահա մատուցեալ բորոտ մի, երկիր պագանէր նմա, եւ ասէր. տէր՝ եթէ կամիս կարօղ ես զիս սրբել։

Verse: 3   Link to gnt   Ձգեալ զձեռն իւր եւ հասոյց ի նա Յիսուս եւ ասէ. կամիմ՝ սրբեաց։ Եւ վաղվաղակի սրբեցաւ ի նմանէ բորոտութիւն։

Verse: 4   Link to gnt   Եւ ասէ ցնա Յիսուս զգոյշ լեր՝ մի ումեք ասիցես. այլ երթ ցոյց զանձն քո քահանային. եւ մատո զպատարագն, զոր հրամայեաց մովսէս ի վկայութիւն նոցա։

Verse: 5   Link to gnt   Եւ մտեալ ի կափառնայում, մատեաւ առ նա հարիւրապետ մի, աղաչէր զնա,

Verse: 6   Link to gnt   եւ ասէր. տէր մանուկ իմ անկեալ կայ ի տան անդամալոյծ՝ չարաչար տանջեալ։

Verse: 7   Link to gnt   Ասէ ցնա Յիսուս ես եկից եւ բժքեցից զնա։

Verse: 8   Link to gnt   Պատասխանի ետ հարիւրապետն՝ եւ ասէ. Տէր չեմ բաւական եթէ ընդ հարկաւ իմով մտցես. այլ ասա բանիւ, եւ բժշկեսցի մանուկն իմ։

Verse: 9   Link to gnt   Քանզի եւ ես այր մի եմ ընդ իշխանութեամբ, ունիմ ընդ ինեւ զինուորս. ասեմ սմա երթ եւ երթայ, եւ այլում թէ եկ՝ եւ գայ, եւ ծառայի իմում թէ արա զայս՝ եւ առնէ։

Verse: 10   Link to gnt   Իբրեւ լուաւ Յիսուս զարմացաւ, եւ ասէ ցայնոսիկ՝ որ զհետն երթային. ամէն ասեմ ձեզ եւ ոչ յիսրաելի այսպիսի հաւատս գտի երբէք։

Verse: 11   Link to gnt   Բայց ասեմ ձեզ, զի բազումք յարեւելից եւ յարեւմտից եկեսցեն՝ եւ բազմեսցին ընդ աբրահամու՝ եւ սահակայ՝ եւ ընդ յակովբու յարքայութեան երկնից։

Verse: 12   Link to gnt   Եւ որդիք արքայութեան ելցեն ի խաւարն արտաքին. անդ եղիցի լալ եւ կրճել ատամանց։

Verse: 13   Link to gnt   Եւ ասէ Յիսուս ցհարիւրապետն. երթ եւ որպէս հաւատացերդ եղիցի քեզ։ Եւ ողջացաւ մանուկն նորա յաուր յայնմիկ։

Section: 8  
Verse: 14   Link to gnt   Եւ եկեալ Յիսուս ի տուն պետրոսի, ետես զի զոքանչն նորա անկեալ դնէր տապացեալ։

Verse: 15   Link to gnt   կալաւ զձեռանէ նորա՝ եւ եթող զնա ջերմնն. յոտն եկաց՝ եւ պաշտէր զնա։

Section: 9  
Verse: 16   Link to gnt   Իբրեւ եղեւ երեկոյ՝ մատուցին առ նա դիւահարս բազումս, եւ եհան զայսսն բանիւ. եւ զամենայն հիւանդսն բժշկեաց։

Verse: 17   Link to gnt   Զի լցցի բանն՝ որ ասացաւ. ի ձեռն եսայեայ մարգարէի. նա զհիւանդութիւնս մեր վերացոյց, եւ զցաւս մեր եբարձ։

Section: 10  
Passage: 3-1 
Verse: 18   Link to gnt   Տեսեալ Յիսուսի ժողովուրդս բազումս զիւրեւ. հրամայեաց երթալ յանկոյս։

Verse: 19   Link to gnt   Եւ մատուցեալ դպիր մի ասէ ցնա. Վարդապետ՝ եկից եւ ես զկնի քո յոր վայր եւ երթիցես։

Verse: 20   Link to gnt   Ասէ ցնա Յիսուս. Աղուեսուց որջք գոն, եւ թռչնոց երկնից բոյնք.այլ որդւոյ մարդոյ ոչ գոյ՝ ուր դիցէ զգլուխ իւր։

Verse: 21   Link to gnt   Եւ մի ոմն յաշակերտաց նորա ասէ ցնա. տէր տուր ինձ հրաման՝ զի երթայց նախ թաղեցից զհայր իմ։

Verse: 22   Link to gnt   Ասէ ցնա Յիսուս. եկ զկնի իմ, եւ թոյլ տուր մեռելոցն թաղել զմեռեալս իւրեանց։

Section: 11  
Verse: 23   Link to gnt   Եւ իբրեւ եմուտ ի նաւն, գնացին զկնի նորա աշակերտքն նորա։

Verse: 24   Link to gnt   եւ ահա շարժումն մեծ եղեւ ի ծովուն մինչ ի նաւին ծածկեալ յալեաց անտի. եւ ինքն ննջէր։

Verse: 25   Link to gnt   Եւ մատուցեալ աշակերտքն յարուցին զնա եւ ասեն. տէր փրկեա զմեզ՝ զի կորնչիմք։

Verse: 26   Link to gnt   Եւ ասէ ցնոսա. ընդէր վատասիրք էք սակաւահաւատք։ Յայնժամ յարուցեալ սաստեաց հողմոցն եւ ծովուն, եւ եղեւ խաղաղութիւն մեծ։

Verse: 27   Link to gnt   Եւ մարդիկն զարմացան՝ եւ ասէին. որպէսո ոք իցէ սա, զի եւ հողմք եւ ծով հնազանդին նմա։

Section: 12  
Verse: 28   Link to gnt   Եւ իբրեւ անցին յայնկոյս յերլիրն դերգեսացւոց, պատահեցին նմա դիւահարք երկու՝ ելեալք ի գերեզմանացն, չարաչարք յոյժ. որպէս զի չէր հնար անցանել ումեք ըստ այն ճանապարհ։

Verse: 29   Link to gnt   Եւ ահա աղաղակեցին եւ ասեն. զի կայ մեր եւ քո Յիսուս որդի Աստուծոյ, երկիր տարաժամ տանջել զմեզ։

Verse: 30   Link to gnt   Եւ էր հեռագոյն ի նոցանէ երամակ մի խոզից արօտական։

Verse: 31   Link to gnt   Եւ դեւքն աղաչէին զնա ասէին. եթէ հանես զմեզ աստի, հրաման տուր մեզ երթալ յերամակ խոզիցն։

Verse: 32   Link to gnt   Եւ ասէ ցնոսա. երթայք. Եւ նոքա ելեալ գնացին յերամակն խոզից, եւ դիմեաց ամենայն երամակն ի դարէ անտի ի ծով, եւ մեռանի ի ջուրսն։

Verse: 33   Link to gnt   Եւ խոզարածքն փախեան, եւ երթեալ ի քաղաք պատմեցին զամենայն, եւ զիրս դիւահարացն։

Verse: 34   Link to gnt   Եւ ահա ամենայն քաղաքն ել ընդ առաջ Յիսուսի, իբրեւ տեսին զնա՝ աղաչեցին զի գնասցէ ի սահմանաց նոցա։



Next part


This text is part of the TITUS edition of Armenian NT (Zohrab Bible).

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.