TITUS
Armenian NT (Zohrab Bible)
Part No. 7
Previous part

Chapter: 7  
(Է՜)


Passage: 2-7 
Verse: 1   Link to gnt   Մի դատիք՝ զի մի դատիցիք։

Verse: 2   Link to gnt   զի որով դատաստանաւ դատիք՝ դատելոց էք. եւ որով չափով չափէք՝ չափեսցի ձեզ։

Verse: 3   Link to gnt   Զի տեսանես զշիղ յական եղբօր քոյ, եւ քում ական զգերանդ ոչ նշմարես։

Verse: 4   Link to gnt   կամ զիարդ ասես ցեղբայր քո, թող հանից զշիղդ յականէ քումմէ. եւ ահաւադիկ ի քում ականդ գերան կայ։

Verse: 5   Link to gnt   Կեղծաւոր՝ հան նախ զգերանդ յականէ քումմէ, եւ ապա հայեսցս հանել զշիղն յականէ եղբօր քոյ։

Verse: 6   Link to gnt   Մի տայք զսրբութիւն շանց. եւ մի արկանէք զմարգարիտ ձեր առաջի խոզաց, զի մի առ ոտն կոխեսցեն զնոսա, եւ դարձեալ երգիծուցանիցեն զձեզ։

Verse: 7   Link to gnt   Խնդրեցէք եւ դացի ձեզ, հայցեցէք եւ գտջիք. բախեցէք եւ բացցի ձեզ,

Verse: 8   Link to gnt   զի ամենայն որ խնդրէ՝ առնու. եւ որ հայցէ գտանէ, եւ որ բախէ՝ բացցի նմա։

Verse: 9   Link to gnt   Ո իցէ ի ձենջ մարդ՝ ցոր խնդրիցէ որդի իւր հաց եւ միթէ քար տայցէ նմա.

Verse: 10   Link to gnt   եւ կամ խնդրիցէ ձուկն, միթէ օձ տայցէ նմա։

Verse: 11   Link to gnt   Արդ եթէ դուք որ չարքդ էք գիտէք պարգեւս բարիս տալ որդւոց ձերոց, որչափ եւս առաւել հայրն ձեր որ յեկինս է տացէ բարիս այնոցիկ որ խնդրեն զնա։

Verse: 12   Link to gnt   Զամենայն զոր միանգամայն կամիջիք՝ թէ արասցեն ձեզ մարդիկ այնպէս եւ դուք արարէք նոցա. զի այս իսկ են օրէնքն եւ մարգարէք։

Verse: 13   Link to gnt   Մտէք ընդ նեղ դուռն. քանի ընդարձակ է դուռն եւ համարձակ ճանապարհն՝ որ տանի ի կորուստ, եւ բազումք են որ մտանեն ընդ նա։

Verse: 14   Link to gnt   Քանի անձուկ է դուռնն եւ նեղ ճանապարհն՝ որ տանի ի կեանս, եւ սակաւք են որ գտանեն զնա։

Verse: 15   Link to gnt   Զգոյշ լերուք ի սուտ մարգարէիցն՝ որ գան առ ձեզ հանդերձիւք ոչխարաց, եւ ի ներքոյ են գայլք յափշտակօղք։

Verse: 16   Link to gnt   Միթէ քաղիցեն ի փշոց խաղող՝ կամ ի տատասկէ թուզ։

Verse: 17   Link to gnt   Այսպէս ամենայն ծառ բարի՝ պտուղ բարի առնէ, եւ ծառ չար պտուղ չար առնէ։

Verse: 18   Link to gnt   Ոչ կարէ ծառ բարի պտուղ չար առնել, եւ ոչ ծառ չար՝ պտուղ բարի առնել։

Verse: 19   Link to gnt   Ամենայն ծառ՝ որ ոչ առնէ պտուղ բարի, հատանի եւ ի հուր արկանի։

Verse: 20   Link to gnt   Ապա ի պտղոյ նոցա ծանիջիք զնոսա։

Verse: 21   Link to gnt   Ոչ ամենայն որ ասէ ցիս՝ տէր տէր, մտցէ յարքայութիւն երկնից. այլ որ առնէ զկամս հօր իմոյ որ յերկինս է։

Verse: 22   Link to gnt   Բազումք ասիցեն ցիս յաւուրն յայնմիկ. տէր տէր՝ ոչ յանուն քո մարգարէացաք, եւ յանուն քո դեւս նահաք, եւ հանուն քո զէրութիւնս բազումս արարաք։

Verse: 23   Link to gnt   Եւ յայնժամ ասացից ցնոսա՝ եթէ ոչ երբէք գիտէի զձեզ. ի բաց կացէք յինէն ամենեքեան՝ ոյք գործէիք զանօրէնութիւն։

Verse: 24   Link to gnt   Ամենայն որ լսէ զբանս իմ զայսոսիկ՝ եւ առնէ զսոսա, նմանեսցէ առն իմաստնոյ, որ շինեաց զտուն իւր ի վերայ վիմի։

Verse: 25   Link to gnt   իջին անձրեւք՝ եւ խաղացին գետք, շնչեցին հողմք՝ եւ բախեցին զտունն, եւ ոչ կործանեցաւ, քանզի ի վերայ վիմի հաստատեալ էր։

Verse: 26   Link to gnt   Եւ ամենայն որ լսէ զբանս իմ զայսոսիկ՝ եւ ոչ առնէ զսոսա, նմանեսցէ առն յիմարի, որ շինեաց զտուն իւր ի վերայ աւազոյ։

Verse: 27   Link to gnt   իջին անձրեւք՝ յարեան գետք, շնչեցին հողմք՝ հարին զտունն, եւ անկաւ. եւ էր կործանումն նորա մեծ յոյժ։

Verse: 28   Link to gnt   Եւ եղեւ իբրեւ կատարեաց Յիսուս զամենայն զբանսս զայսոսիկ, զարմանային ժողովուրդքն ընդ Վարդապետութիւն նորա։

Verse: 29   Link to gnt   զի իբրեւ իշխանուտՋԶ̣եամբ ուսուցանէր՝ եւ ոչ որպէս դպիրքն նոցա։



Next part


This text is part of the TITUS edition of Armenian NT (Zohrab Bible).

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.