TITUS
Movses Kalankatowaci, Patmowtiwn Alowanic Asxarhi
Part No. 82
Previous part

Chapter: 52  
Page: 324  
Line: 7 
ԳԼՈՒԽ Ծ՜Բ.

Line: 8  Անուանք վանորէից, որք յԵրուսաղէմ են շինեալ յԱղուանից
Line: 9  անուն, զորս ՛ի թղթոյ երանելւոյն Անաստասայ
Line: 10  առ Վահան Մամիկոնեան՝ առեալ ուսաք։


Line: 11       Պանդայ վանքն, որ յարեւելից կողմանէ Ձիթենեաց
Line: 12    լերինն կայ՝ Պանոն ոմն ճգնաւոր յԱղուանից
Line: 13    եղեալ նախաշինող, եւ այժմ Պետրոս
Line: 14    Աղուան քահանայ ունի։ -- Մրուվոյ վանք Սուրբ
Line: 15    Քառասունքն ՛ի նոյն կողմն եւ մերձ ՛ի նա, զոր
Line: 16    այժմ Տաճիկն ունի։ Պարտաւոյ վանք Սուրբ
Line: 17    Աստուածածնին, որ առ Աշտարակին Դաւթի,
Line: 18    զոր այժմ ունի կին ոմն՝ Մարիամ անուն Շամքորեցի,
Line: 19    եւ զկէսն Տաճիկն ունի։ Կաղանկատուաց
Line: 20    վանք ՛ի նոյն կողմն, այժմ Թէոդորոսն ունի
Line: 21    քրիստոնեայ եւ տաճիկն Աբրահամեան դպիր Աբուղկամեայ՝
Line: 22    յԱղիովտայ եւ ՛ի Զարիշատայ։ Արցախայ
Line: 23    վանք Սուրբ Աստուածածնին եւ սրբոյն
Line: 24    Ստեփաննոսի՝ այժմ տաճիկն ունի զամենայն։

Page: 325  
Line: 1       Ամարասայ վանք Սուրբ Գրիգոր, այժմ ունի կին
Line: 2    մի Գրիգորիկ անուն եւ զկէսն ունի Տաճիկն։ Այլ
Line: 3    երեք վանք Աղուանից, զորս Տաճիկք ունին բըռնութեամբ,
Line: 4    որոց անուանքն չեն յայտ։ Միւս եւս
Line: 5    այլ վանք Աղուանից ընդ Առաուենից վանօքն,
Line: 6    որ ՛ի շուկամիջին է, զոր այժմ Տաճիկք ունին.
Line: 7    այսինքն՝ առ նախանձու հայրապետքն Երուսաղեմի
Line: 8    խանգարեցին զՀայոց եւ զԱղուանից անդ
Line: 9    ձեռնտուութիւն վանորէիցն, զի հարիւր աւելի
Line: 10    վանք կան անդ, զորոց փոյթ կալեալ իշխանացն
Line: 11    Հայոց՝ եօթն կենդինար տուեալ թագաւորին
Line: 12    Յուստիանոսի, (որ է եօթանասուն հազար դահեկան)
Line: 13    թափեցին ՛ի բռնութենէ հայրապետացն
Line: 14    զամենայն վանորայսն. ապա յետոյ յանհոգանալոյ
Line: 15    մերայնոցս ամենայնն այլայլեցաւ։


Line: 16  ԿԱՏԱՐԵՑԱՒ ԵՐԿՐՈՐԴ ԳԻՐՔ ՊԱՏՄՈՒԹԵԱՆՍ ԱՂՈՒԱՆԻՑ


Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.