TITUS
Movses Kalankatowaci, Patmowtiwn Alowanic Asxarhi
Part No. 81
Previous part

Chapter: 51  
Page: 321  
Line: 14 
ԳԼՈՒԽ Ծ՜Ա.

Line: 15  Վասն որ ՛ի սուրբն Երուսաղէմ եկեղեցեաց շինուածք,
Line: 16  թուով եւ չափով հիմնադրելոց. զստոյգն գտցես աստանօր,
Line: 17  որում ականատես լեալ։


Line: 18       Անձնաչափ կենարարին Քրիստոսի լայնութիւնն
Line: 19    տապանափորած վիմին գիրկ եւ կէս հեռի
Line: 20    է ՛ի միջի գմբեթէն սրբոյ կենարար գերեզմանին.
Line: 21    եւ ՛ի վերայ սեանցն գմբեթաձեւ եկեղեցւոյն,
Line: 22    որ շինեալ է հարիւր կանգուն բարձրութեամբ եւ
Line: 23    հարիւր լայնութեամբ. եւ յայնմ երկոտասան սիւնք
Line: 24    ՛ի ներքոյ եւ երկոտասան ՛ի վերոյ վերնատանն.
Page: 322   Line: 1    եւ յայնմ վերնատան է գեղարդն եւ սպունգն եւ սկաւառակն
Line: 2    Քրիստոսի պատեալ ոսկւով։ Իսկ եկեղեցին
Line: 3    կաթուղիկէ, որ Մատուռն անուանի, որ է
Line: 4    գիւտ խաչին՝ քսան կանգուն հեռագոյն ՛ի Յարութենէն,
Line: 5    վաթսուն եւ հինգ սիւն ՛ի վերոյ եւ ՛ի ներքոյ
Line: 6    երկայնութեանն։ Իսկ սուրբ Գողգոթայի եկեղեցին
Line: 7    տասն քայլ հեռի է ՛ի Յարութենէն, որ
Line: 8    Ադամայ գերեզման կոչի, ներքոյ եւ ՛ի վերոյ սեղանոյ
Line: 9    խորհրդոյն, յորում խաչեցաւ Քրիստոս ՛ի
Line: 10    վիմին վերայ։ Իսկ Սուրբ Սիոն եկեղեցին միով
Line: 11    ասպարիզաւ բացագոյն է ՛ի Յարութենէն. հարիւր
Line: 12    կանգուն յերկայնն եւ եօթանասուն ՛ի լայնն,
Line: 13    ութսուն սեամբք կամարակապօք եւ չէ վերնատամբ,
Line: 14    այլ թարբ կապեալ է փայտեայ. եւ պսակ
Line: 15    փշոյն կայ ՛ի կախ զթարբէն, զոր եդին ՛ի Կենարարին
Line: 16    գլուխն։ Եւ յաջմէ եկեղեցւոյն է վերնատունն
Line: 17    խորհրդոյ եւ փայտեայ գմբէթ, յորում
Line: 18    նկարեալ է ընթրեացն խորհուրդ Փրկչին. յորում
Line: 19    սեղան խորհրդոյ եւ պատարագ մատչի ՛ի վերնայարկն
Line: 20    Սիոնի, եւ վերնատուն մի շինի։ Եւ սուրբն
Line: 21    Սիոն ընդ աջմէ խորանին Պիղատոսի, որ Կապպաթա
Line: 22    անուանի. եւ վէմն, յորոյ վերայ կայր
Line: 23    Փրկիչն առաջի Պիղատոսի, յորում ոտից տեղն
Line: 24    երեւի ցարդ եւս. եւ աւազան ՛ի ներքոյ նորին, ուր
Line: 25    զաշակերտաց լուաց զոտսն։ Եւ յահեկէ Սիոնի
Line: 26    բանտն, ուր զՔրիստոս արգելին, անդ սեղան է
Line: 27    եւ պատարագ մատչի։ Եւ յայնմ տեղւոջ, ուր
Page: 323   Line: 1    զՍուրբ Կուսին դագաղն կալաւ հրէայն արտաքոյ
Line: 2    քաղաքին եւ չտայր թոյլ թաղել՝ գմբէթ կապեալ
Line: 3    է ՛ի չորից սեանց. եւ սեանցն պղնձի խաչ
Line: 4    զգեցուցեալ, որք են մարմարիոնք։ Եւ անտի ՛ի
Line: 5    վայր երկու հարիւր եւ յիսուն քարեայ աստիճանք
Line: 6    մինչեւ ցսուրբ գերեզման Կուսին, որ ՛ի
Line: 7    ձորն Գէթսեմանի. եւ անտի մինչեւ ՛ի լեառն Ձիթենեաց,
Line: 8    ուստի վերացաւ Քրիստոս՝ ութ հարիւր
Line: 9    աստիճանք են։ Իսկ ՛ի տեղւոջ համբարձմանն՝
Line: 10    ըստ Յարութեան եկեղեցւոյն ձեւոյ գեղեցկահիւս՝
Line: 11    գմբեթաձեւ շինուած է, հարիւր կանգուն յերկայնն
Line: 12    եւ հարիւր ՛ի լայնն. անտի երեւի Յորդանան
Line: 13    գետ եւ Հովր լեառն եւ բազում գաւառք։ Իսկ
Line: 14    Բեթղեհեմ հեռագոյն է ՛ի Յարութենէն երկու
Line: 15    հարիւրեւքսան հրասխիւ յարեւմտից կողմանէ. չափ
Line: 16    մեծութեան եկեղեցւոյն երկու հարիւր կանգուն
Line: 17    երկայնութիւնն եւ հարիւր ՛ի լայնն, իննսուն
Line: 18    սեամբք մարմարիոնովք քարեայ կամարակապօք.
Line: 19    եւ ՛ի նմա է կրկին այրն, զոր Աբրահամ գնեաց
Line: 20    ՛ի կալուածս շիրմաց. եւ ՛ի ներքոյ բեմին է սուրբ
Line: 21    այրն եւ մսուրն, ուր սեղան է եւ պատարագ մատչի.
Line: 22    եւ յաջմէ եկեղեցւոյն է մատուռն, յորում
Line: 23    մանկանցն սպանելոցն ՛ի Հերովդէէ նշխարքն
Line: 24    պահին. եւ անտի յարեւելից կուսէ ըստ Յորդանանու
Line: 25    կողմանէ երեք ասպարիզօք հեռի ՛ի Բեթղեհեմէ
Line: 26    է հովանոց, ուր երկու եկեղեցիք են եւ պատարագ
Line: 27    մատչի։ Եւ Յորդանան գետ հինգ հրասխ
Page: 324   Line: 1    հեռի է յԵրուսաղեմէ յարեւելից կուսէ, ուր Փըրկիչն
Line: 2    մկրտեցաւ. յորում եկեղեցի սագաշէն խաչանման
Line: 3    յարմարեալ, ութսուն կանգուն երկայն
Line: 4    եւ ութսուն լայն. երեք սեղանք խորհրդոց եւ պատարագք
Line: 5    մատչին։ Եւ լեառն Ձիթենեաց՝ Երուսաղեմի
Line: 6    յարեւելից կուսէ լինի։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.