TITUS
Movses Kalankatowaci, Patmowtiwn Alowanic Asxarhi
Part No. 80
Previous part

Chapter: 50  
Page: 318  
Line: 1 
ԳԼՈՒԽ Ծ՜.

Line: 2  Վասն Յովսեփայ անապատականի բնակիլ յԱրցախ, եւ
Line: 3  երթն յԵրուսաղէմ, ընդ նմին եւ բերումն նշխարաց
Line: 4  սրբոց։


Line: 5       ՛Ի թագաւորութեան Հերակլի եւ ՛ի ջախջախ
Line: 6    թագաւորութեանն Պարսից Յազկերտի, ՛ի կաթուղիկոսութեան
Line: 7    Հայոց Եզրի, ՛ի սպարապետութեանն
Line: 8    Մուշեղի, ՛ի Սիւնեաց տէրութեանն
Line: 9    Գրիգորի, յեպիսկոպոսութեանն Մաթուսաղայի
Line: 10    եւ յիշխանութեանն Աղուանից Վարազ Գրիգորի
Line: 11    Գարդմանայ Տեառն գնացի ես՝ Յովսէփ անապատականս,
Line: 12    ՛ի գաւառէն Գեղամայ յանապատէն
Line: 13    Բրտի Այրեաց վասն չար նեղութեան ժամանակիս,
Line: 14    յոր անիրաւք զայրացեալք առ ոտն կոխեցին
Line: 15    զեկեղեցիս, եւ զտառապեալս հարկապահանջք
Line: 16    անառակ գնացիւք աւարեցին. մանաւանդ արիւնարբու
Line: 17    ազգն տաճկաց սկսան զօրանալ եւ դնել
Line: 18    զամենայն աշխարհն իբրեւ զհող ՛ի կոխումն. յայսպիսի
Line: 19    նեղութեանց խոյս տուեալ եկի ՛ի գաւառս
Line: 20    Արցախոյ ՛ի գեօղն Յղերկս առ ծերունի եպիսկոպոսն
Line: 21    Միհր. եւ նորա ընկալեալ զիս զանարժանս՝
Line: 22    խնդրեաց ՛ի գեղջեացն զայս տեղի եւ շինեաց
Line: 23    եկեղեցի. եւ կացեալ իմ ՛ի սմա ամս երկոտասան՝
Line: 24    զնա Աստուած յաւել առ հարս իւր. եւ յաջորդեաց
Line: 25    զաթոռ նորին Անդրէաս՝ նմա յանձն
Page: 319   Line: 1    արարեալ զիս տեառն իմոյ. որ բարեսէր մտօք
Line: 2    ամենայնիւ զտեղիս հաստատեաց, բայց ոչ կային
Line: 3    նշխարք սրբոց ՛ի վանքս։ Իսկ Մխիթար ոմն անապատական
Line: 4    ՛ի Տանձեաց՝ ցանկացեալ սրբոյ
Line: 5    քաղաքին Երուսաղեմի, երկու ընկերօք գնացեալ
Line: 6    երկրպագէ ամենայն սրբութեանցն. եւ մի ամ
Line: 7    կացեալ անդ՝ շնորհէ նմա Քրիստոս ՛ի նշխարաց
Line: 8    սրբոյն Ստեփաննոսի եւ սրբոյն Գէորգայ՝ ՛ի ձեռն
Line: 9    հաւատարմի միոյ Հռոմայ շինացւոյ, որ սակս
Line: 10    իւր մերձաւորաց էր պահեալ զայնս. եւ ՛ի սպառիլ
Line: 11    նոցա՝ ետ զսուրբսն ցՄխիթար եւ ասէ. "Տարցես
Line: 12    զնոսա յաշխարհն մեր եւ յարժանաւոր բնակեցուսցես
Line: 13    տեղւոջ"։ Եւ նորա մեծաւ փութով
Line: 14    առեալ զգանձսն՝ չոգաւ ընդ Հոռոմս կոյս յերկիւղէ
Line: 15    թշնամեաց եւ հասանէր ՛ի լեառն Տորոս ՛ի
Line: 16    վկայարանս սրբոյն Անդրէի, որ բազում ընկերօք
Line: 17    վկայեաց ՛ի Սելեւկիոսէ թագաւորէ։ Անդ մեծահայց
Line: 18    եղեալ նորա խնդրէ ՛ի նշխարաց Անդրէի
Line: 19    ՛ի սպասաւորէն Թովմասայ. եւ նորա հաւանեալ
Line: 20    աղաչանացն՝ տայ նմա զխնդիրն։ Յայնժամ
Line: 21    ընկալեալ զպատուական գանձն՝ գայ հասանէ ՛ի
Line: 22    կողմանս Արցախայ. զորոյ զհամբաւն լուեալ իմ
Line: 23    Յովսեփայ՝ ելի ընդ առաջ նորա ըստ արժանի
Line: 24    սրբոցն եւ հանգուցի զայն օր. եւ ՛ի վաղիւն հարցի
Line: 25    զՄխիթար, թէ ո՞ւր կամիս զսուրբսն տանել",
Line: 26    նա ասէ. "ուր Աստուած կամի եւ նոքա բնակին"։
Line: 27    Իսկ իմ յորդորեալ ՛ի սէր սրբոցն ասեմ
Page: 320   Line: 1    ցնա. "Գիտեմ զի անարժան եմ ՛ի սպասաւորել
Line: 2    դոցա, այլ քեւ հանդերձ՝ Մխիթար, վստահ լինիմ
Line: 3    ՛ի սպասաւորել զամենայն աւուրս կենաց իմոց"։
Line: 4    Յայնժամ հաւանեալ նորա՝ հանգուցանէ զսուրբսն
Line: 5    ՛ի վկայարանին, զոր շինեաց փոքրիկ հիւսնն եւ
Line: 6    որդին իւր Յովհան՝ նպաստաւորեալ եւ Բախդանէր
Line: 7    դարբին. եւ զամս երեք ըստ կանոնաց զնոցայն
Line: 8    կատարեցաք զյիշատակս։ Յետ այսորիկ
Line: 9    տնկեցաւ ՛ի սիրտ իմ ցանկութիւն ստանալ ՛ի
Line: 10    նշխարաց սրբոյն Յովհաննու, որ մեծ ՛ի ծնունդս
Line: 11    կանանց ՛ի փրկչէն վկայեալ։ Եւ հանդերձեալ իմ
Line: 12    աշակերտօքս Քրիստոսատրիւ եւ Գրիգորիւ եւ սարկաւագաւս
Line: 13    գնացի ՛ի խնդիր Կարապետին հրամանաւ
Line: 14    եւ թոշակաւ Անդրէի երիցուն եւ հաւանութեամբ
Line: 15    ընտանեացն իմոց՝ Յովհաննու եւ Մխիթարայ
Line: 16    կրօնաւորաց։ Չոգայ հասի ՛ի սուրբ քաղաքն
Line: 17    Երուսաղէմ, եւ զերկրպագութիւնս անդ կատարեալ՝
Line: 18    մեծաւ տրտմութեամբ դարձայ, վասն
Line: 19    զի ամենեքեան էին հաւանեալ ժողովոյն Քաղկեդոնի.
Line: 20    որոց ողջոյն անգամ ոչ տուեալ՝ եկի ՛ի
Line: 21    գաւառն իմ Գեղարքունի ՛ի Պուհայ վանս, յորում
Line: 22    տեղեակ ՛ի մանկութենէ էի լինել անդ մասին
Line: 23    նշխարաց Յովհաննու. եւ յոյժ տենչանօք
Line: 24    հայցեցի ՛ի Գրիգորիկայ սպասաւորէ սրբոյն. եւ
Line: 25    ողորմութեամբն Աստուծոյ հաւանեալ նորա եբաց
Line: 26    զտապանակն եւ գտաք անդ զսուրբ Մկրտիչն եւ
Line: 27    զԹովմաս առաքեալ եւ զնախավկայն Ստեփաննոս,
Page: 321   Line: 1    զորս առաջնոց հարանց բերեալ էր յուղղափառացն
Line: 2    սրբոյն Երուսաղեմի։ Ընկալեալ իմ Յովսեփայ
Line: 3    բերի ՛ի նոյն վկայարանն. եւ մեր մեծապէս
Line: 4    լցեալ խնդութեամբ ընդ առաջ մեր եկին.
Line: 5    եւ այնպէս հանգուցեալ ՛ի տեղիսն կարգեցաք
Line: 6    զյիշատակ սոցա ըստ հրամանի Կիւրղի Երուսաղեմացւոյ,
Line: 7    որ զընթերցուածսն եցոյց ՛ի փառս
Line: 8    Քրիստոսի Աստուծոյ մերոյ։ Յետ այսր եղելոյ
Line: 9    հաճեցան սուրբքն ամենայն, որք ՛ի գաւառին
Line: 10    Գեղամայ բերդին իւրաքանչիւր ոք անուամբ եւ
Line: 11    գրով եւ եդան ՛ի նմին եկեղեցւոջն։ Որոց բարեխօսութեամբն
Line: 12    Տէր Աստուած աշխարհիս
Line: 13    ողորմեսցի"։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.