TITUS
Movses Kalankatowaci, Patmowtiwn Alowanic Asxarhi
Part No. 79
Previous part

Chapter: 49  
Page: 313  
Line: 12 
ԳԼՈՒԽ ՜ԽԹ.

Line: 13  Պատասխանի թղթոյն Մխիթարայ Ամարասայ եպիսկոպոսի
Line: 14  ՛ի Հայոց.


Line: 15       "Պատուական գտելոցդ եւ վեհ հռչակելոցդ,
Line: 16    որք զտկարութիւնն բերեալ յօժարութեամբ յառարկութեան,
Line: 17    զանտեղիս բացասողք, նմանող
Line: 18    թուեցեալք՝ ՛ի դէպ ինձ ասել՝ կամօք հաւասար
Line: 19    ընդ ջանի հարցն Աթենականաց, նորագունից
Line: 20    լսողք եւ պատմողք յարդեան ժամանակիս, ՛ի մէջ
Line: 21    հիւսիսակողմանդ տարավարողք զբոլոր լսողս
Line: 22    տարուբերմամբ, մանաւանդ ՛ի սակս ջամբելոյ
Line: 23    զխորհրդոցն սեւեռութիւն, տէր Մխիթար Ամարասայ
Line: 24    եպիսկոպոս, Սիմէոն Մեծիրանց եպիսկոպոս
Line: 25    եւ եթէ այլ եպիսկոպոսք նոցին համախոհք
Page: 314   Line: 1    սրբոյ եկեղեցւոյ, եւ ազատ մարդիկ եւ այլք ՛ի
Line: 2    ժողովրդականաց Աղուանից՝

Line: 3       "Յաբրահամէ Հայոց կաթուղիկոսէ, ՛ի Թէոդորոսէ
Line: 4    Մարդպետական եպիսկոպոսէ, ՛ի Ստեփաննոսէ
Line: 5    Բագրեւանդայ եպիսկոպոսէ, ՛ի Դաւթայ
Line: 6    Սիւնեաց եպիսկոպոսէ, ՛ի Մովսիսէ Խորխոռունեաց
Line: 7    եպիսկոպոսէ, ՛ի Քրիստափորէ Ապահունեաց
Line: 8    եպիսկոպոսէ, եւ յայլոց եպիսկոպոսաց
Line: 9    եւ յուխտէ եկեղեցւոյ եւ յազատ մարդկանէ,
Line: 10    ըղձամք աղօթալիր եւ ուժգին խնդրուածովք սրտի
Line: 11    զտէրունեան հոգեխառն ողջոյն համարձակապէս
Line: 12    մեզ առ ձեզ ասել։

Line: 13       "Քանզի գրելով ձեր առ մեզ պատմեցիք
Line: 14    զձեր աստուածպաշտութեան կամս, թէ անհակառակս
Line: 15    արդեօք եւ թէ ստեղծեալ զհակառակութիւնս,
Line: 16    զոր ընկալաք ՛ի նախարարէ միոյ Սիւնեցւոյ՝
Line: 17    Գրիգոր անուն։ Քանզի եւ զարբանեկէն
Line: 18    ձեր ասաց ՛ի կերտողէն հրաժարեալ, բայց մեզ
Line: 19    բարեպաշտութեան խնդիր գուշակեցաւ եւ կամաց
Line: 20    շարժութիւն ՛ի կատարեալ խոստովանութիւնն
Line: 21    երանելի նախնեացն. եւ թէպէտ ՛ի նմանէ լուրս
Line: 22    զանազանս տեղեկացաք, այլ նախնեացն ձերոց
Line: 23    հարազատ եղբայրութեան գութ բռնաձգեալ էած
Line: 24    զմեզ յայս, զի զգրեալն ձեր համառօտ խոստովանութիւն
Line: 25    հաւատոյ կամեցաք յիշատակել, եւ առ
Line: 26    նմին զՀոգւոյն Սրբոյ վարդապետութիւնն դնել
Line: 27    մերձ ըստ մասին՝ ՛ի ճշմարտութենէ հեռանալ
Page: 315   Line: 1    կամ միաբանիլ. որոց յետ ծանօթանալոյ տուր ինձ
Line: 2    զքո միտսդ յէանալ յուղիղն եւ մի́ դասիր ՛ի հակառակող
Line: 3    կամս, զի եկեղեցւոյ Աստուծոյ ոչ է այդ
Line: 4    սովորութիւն։ Քանզի ՛ի ձէնջ գիրն ծանոյց մեզ՝
Line: 5    յետ դուզնաքեայ զմէնջ գոհութեանն, ամբաստանութեան
Line: 6    ճառ զմարդոյ տկարագունի նշանակեալ,
Line: 7    եւ զմեր նմա հաւատալն իբրեւ անիմաստ
Line: 8    անտեղի իմն համբաւեալ. եւ թէ ոչ թերի, այլ լի
Line: 9    նման ձեզ եմք ՛ի հաւատս, զի առաքեալքն եւ
Line: 10    վարդապետքն հասարակ եւ միապէս աւետարանեցին։
Line: 11    Ապա յետ սակաւ ինչ բանից՝ զսրբոյ
Line: 12    Երրորդութեանն յառաջ քան զյաւիտեանս զէութենէն
Line: 13    էր աստուածաբանեալ ձեր տարաբերմամբ.
Line: 14    եւ յետ յոլովից՝ զմարմնաւորութիւնն բանին
Line: 15    մեզ պատմեցիք զանազանեալ մտօք. զորպիսի
Line: 16    վարդապետութեան միտս եկեղեցի Քրիստոսի
Line: 17    չէ առեալ յառաքելոց, եւ ոչ ՛ի բանից գրոց
Line: 18    ՛ի նոյնս բռնաձգելոց, այլ ՛ի գայլոց յափշտակեալ,
Line: 19    արք որք խօսին թիւրս ՛ի ձգել զկնի իւրեանց
Line: 20    զաշակերտեալսն. իսկ այլ խօսք, որ ոչ
Line: 21    ընդ սոսա միաբանին՝ իբրեւ պարզամտաց խաբելոց
Line: 22    կեղծաւորութեան դուռն առ մեզ հաւատացեալ՝
Line: 23    փակի։ Եւ զի այս այսպէս, ով պատուականքդ,
Line: 24    միտ դիք խոստովանութեան ձերում, թէ
Line: 25    ուր ձգէ զձեզ եւ որպէս մեկուսացուցանէ ՛ի Հոգւոյն
Line: 26    Սրբոյ վարդապետութենէն։ Արդ բան առ բան
Line: 27    բազմաւորական եւ հատու պատասխանեօք զլոյսն
Page: 316   Line: 1    առ խաւար ծաներուք՝ խորագոյնս քննելով։ Եւ
Line: 2    դու՝ բարեաց ցանկացողդ, վերացո ընդ իս սրագոյնս
Line: 3    զհայեցուածս ՛ի սահմանն Սրբոյ Երրորդութեանն,
Line: 4    զոր Պօղոս վարդապետէ առ Հռովմայեցիսն.
Line: 5    "Աղաչեմ զձեզ՝ ասէ, ՛ի ձեռն Տեառն
Line: 6    Յիսուսի Քրիստոսի եւ սիրով Հոգւոյն պատերազմակից
Line: 7    լինել ինձ յաղօթս առ Աստուած. եւ թէ
Line: 8    Աստուած է Տէր Յիսուս Քրիստոս եւ Սուրբ Հոգին"։
Line: 9    Այսպէս ուսուցեալ զանուն Սուրբ Երրորդութեանն՝
Line: 10    գրէ իսկ, թէ ամենայն առաքելական
Line: 11    կտակարանքն լի են այսու բարբառով. յոր անուն
Line: 12    մեք հրաման առաք մկրտել եւ փառս վայելել
Line: 13    միով երկրպագութեամբ։ Արդ ընդէ՞ր տամք
Line: 14    տեղի պատառելոյ զեկեղեցին Աստուծոյ, զոր
Line: 15    Որդին Աստուծոյ ժողովեաց ՛ի մի գաւիթ։ Մի́
Line: 16    ՛ի մէնջ երեւեսցի Նաբաթ եւ Աբիութ՝ օտար հուր
Line: 17    մատուցանելով անհաւատապէս, զի մի́ հրատոչոր
Line: 18    լիցուք. զմեզ վերստին զերկնողն զՔրիստոս
Line: 19    մի́ անարգեսցուք՝ այլաձեւելով զհաւատս, զի մի́
Line: 20    զՆոյեանն առ Քանան անէծս յորոշողէն զօդիս
Line: 21    յայծեաց մեք առցուք։ Քանզի ընդ մեզ է ձայնս
Line: 22    եւ ընդ քեզ՝ Մխիթար, որ կացեալդ ես գլուխ
Line: 23    Ամարասայ եկեղեցւոյդ. եւ համբաւես, եթէ զԳրիգորի
Line: 24    եդեալ հիմն եւ զնոյն հաւատս ունիս եւ զզաւակսն
Line: 25    բարեխօս առ Քրիստոս Աստուած վասն
Line: 26    մեզ ժառանգակից նմա լինելոյ. մի́ գուցէ լինիցի
Line: 27    լսել, եթէ դուք զաւակ Քանանու էք ծառայելոյն
Page: 317   Line: 1    մեղաց եւ ոչ Յուդայի խոստովանողի, եւ
Line: 2    հրամայեսցի կտրել ընդ մէջ եւ ընդ կեղծաւորացն
Line: 3    դնել մասն։ Եթէ որդիք այնց հարց եմք,
Line: 4    որք ոչ անզանազան յԱռաքելոցն են, հաւատ զնոցին
Line: 5    ուսուցեալ՝ պինդ կալցուք. եւ մի ջուր ընդ
Line: 6    բուռն խառնելով՝ զնմանութիւն անխարդախ կաթինն
Line: 7    արասցուք։ Զի որոյ անուամբն մեք պարծիմք՝
Line: 8    նա իսկ չարախօս լինի առ երկնաւոր Հայրն։
Line: 9    Այլ եւ ոչ յոլովութեամբ ոխից հրապուրեսցուք,
Line: 10    այլ ըստ առակողին խրատու՝ մի́ միտել ընդ բազումս
Line: 11    ՛ի չարիս, ընդ ութ ոգիսն տապանափակ
Line: 12    ջանասցուք լինել ՛ի բազմաց ամբոխն չոգողաց
Line: 13    եւ ՛ի ջրահեղձոյց պատուհասէն ընդ Ղովտայ զերծանել
Line: 14    ՛ի հրակէզ անձրեւաց, ընդ երկուսն ՛ի
Line: 15    պարգեւականն մտանել յերկիր ՛ի վեց հազարաց
Line: 16    տապաստելոց։ Քանզի եւ ցանկ բարի հովիւն զլերինս
Line: 17    հնչեցուցանելով՝ ասէ. "Մի́ երկնչիր հօտ
Line: 18    փոքրիկ, զի հաճեցաւ Հայր ձեր տալ ձեզ զարքայութիւն".
Line: 19    եւ զյամառեալս յայսցանէ յորդորեսցուք
Line: 20    ՛ի նոյնս։ Բայց մեք՝ որպէս ընկալաքն երկրպագութեամբ
Line: 21    պատուել զՍուրբ Երրորդութիւնն,
Line: 22    առանց թերահաւատութեան ունիմք եւ կալցուք
Line: 23    մինչեւ յաւիտեան, խորշելով յամենայն եղբօրէ,
Line: 24    որ յայսմ ստահակ իցէ"։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.