TITUS
Movses Kalankatowaci, Patmowtiwn Alowanic Asxarhi
Part No. 68
Previous part

Chapter: 38  
Page: 267  
Line: 5 
ԳԼՈՒԽ Լ՜Ը.

Line: 6  Յուղարկումն Իսրայելի եպիսկոպոսի յԱյրարատեան գաւառն
Line: 7  ՛ի մեծ իշխանէն Վարազ Տրդատայ առ մեծ հայրապետն
Line: 8  Հայոց Սահակ՝ եւ առ բարեպաշտ իշխանն
Line: 9  վասն սիրոյ։


Line: 10       Ընդ այն ժամանակս լինէր խորհուրդ բարեպաշտ
Line: 11    իշխանին Վարազ Տրդատայ ՛ի գործ ինչ
Line: 12    խորհրդական եւ ՛ի սէր՝ արձակել զեպիսկոպոսն
Line: 13    Իսրայէլ առ մեծ կաթուղիկոսն Հայոց եւ առ բարեպաշտ
Line: 14    իշխանն Այրարատեան գաւառին. որոց
Line: 15    մեծաւ սիրով պատուեալ ընդ յառաջ ելանէին
Line: 16    նմա, եւ տուեալ նմա հանգիստ՝ շնորհէին նմա
Line: 17    յամել ժամանակս ինչ ՛ի տիեզերական աշխարհին։
Line: 18    ՛Ի ժամանակսն յայնոսիկ բերեալ էր իշխանն
Line: 19    եւ մեծ զօրավարն Հայոց ՛ի Թորդանայ ՛ի
Line: 20    Դարանաղեաց գաւառէն զպատուական նշխարս
Line: 21    սրբոյն Գրիգորի բոլորովին ամենայն ոսկերօքն
Line: 22    հանդերձ յաշխարհն Հայոց յԱյրարատեան գաւառն
Line: 23    ՛ի Վաղարշապատ քաղաք եւ հանգուցեալ
Line: 24    ՛ի նորաշէն յարկս եկեղեցւոյն, զոր մեծին Ներսիսի
Line: 25    շինեալ էր յանուն սրբոյն Գրիգորի։ Ապա
Page: 268   Line: 1    մեծաւ աղաչանօք անկեալ եպիսկոպոսն Իսրայէլ
Line: 2    առաջի կաթուղիկոսին եւ զօրավարին Հայոց՝
Line: 3    մաղթէր, եթէ հնար ինչ իցէ լնուլ զկարօտ
Line: 4    սրտին եւ զխնդրուածս նորա. "Տուք, ասէ՝ ՛ի
Line: 5    նշխարաց սրբոյն Գրիգորի". իսկ նոքա ոչ առնուին
Line: 6    յանձն. "Եթէ ոչ ուրեք երբէք բաշխեալ
Line: 7    են նշխարք սրբոյն Գրիգորի, եւ ոչ ումեք ունիմք
Line: 8    իշխանութիւն հանել մասն ՛ի նմանէ եւ տալ
Line: 9    քեզ"։ Յայնժամ կալեալ նորա օգնական զդշխոյն
Line: 10    Հեղինէ՝ զտիկինն Հայոց Մեծաց, որ յԱղուանից
Line: 11    նահանգէն էր եւ սակս այնորիկ եղեւ ձեռնտու
Line: 12    նմա. որ պարառաբար յարուցեալ գայր առ կաթուղիկոսն
Line: 13    եւ աղաչէր կատարել զխնդիրն վասն
Line: 14    նշխարաց։ Նոյնպէս եւ զօրավարն Հայոց զիւր
Line: 15    տէրն հաւանեցուցանէր, "Թէ տուք զբաժին իմոյ
Line: 16    աշխարհին եւ տան հօր իմոյ ՛ի մեծէն Գրիգորէ.
Line: 17    եւ կատարեցէք զխնդրուածս եպիսկոպոսին, որ
Line: 18    առաքեցաւ յիմոյ աշխարհէն. զի լցեալ նորա
Line: 19    զփափագն՝ զուարթամիտ հրաժարեալ յուղարկեսցի
Line: 20    ՛ի մէնջ"։ Եւ մարդասիրին Աստուծոյ արկեալ
Line: 21    ՛ի սիրտ նոցա միակամութեամբ տալ մասն
Line: 22    յօրէնսուսոյց ծնօտէն խոստովանողին մեծին
Line: 23    Գրիգորի եւ պարգեւել նմա զփափագելի գանձն.
Line: 24    որոյ մեծարեալ մեծապատիւ շքեղութեամբ՝ յարքունեաց
Line: 25    ընկալեալ ողջոյն եւ յանձն արարեալ
Line: 26    շնորհացն Աստուծոյ. գայր հասանէր լուսաչու
Line: 27    փառօք յաշխարհն իւր. եւ զբերեալ սրբութիւնսն
Page: 269   Line: 1    հանգուցանէր յիւրում մենաստանին ՛ի Գլխոյ
Line: 2    վանս։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.