TITUS
Movses Kalankatowaci, Patmowtiwn Alowanic Asxarhi
Part No. 67
Previous part

Chapter: 37  
Page: 264  
Line: 13 
ԳԼՈՒԽ Ի՜Է.

Line: 14  Վասն յառաջադիմութեան Վարազ Տրդատայ, եւ ընդունել
Line: 15  գահ եւ պատիւ ՛ի կողմանց, եւ վախճանի Դաւթի
Line: 16  Մեծկողմանց եպիսկոպոսի եւ Իսրայելի փոխանորդել
Line: 17  զաթոռ նորին, որ եղեւ առաջնորդ բարի յիւրում
Line: 18  կողմանն։


Line: 19       Այնուհետեւ աստուածարեալ իշխանն Վարազ
Line: 20    Տրդատ օր ըստ օրէ յառաջանայր ՛ի պետաւորութեանն
Line: 21    իւրում, եւ ընդունէր զգերագոյն գահն
Line: 22    ՛ի հզօր եւ յարքայակերպ իշխանէն Տաճկաց՝ սահմանակալ
Line: 23    լինել կողմանն արեւելից, իշխել ամենայն
Line: 24    թագաւորութեանն Աղուանից եւ Ուտէացւոց
Line: 25    գաւառին եւ նուաճել ընդ ինքեամբ զամենեսինն,
Page: 265   Line: 1    յարազուարճ ցնծութեամբ յաղթող եւ հզօր
Line: 2    գոլով ՛ի վերայ սահմանաց իւրոց։

Line: 3       Ընդ ժամանակս ընդ այնոսիկ եւ երջանիկ
Line: 4    հայրապետն Մեծկուենից՝ Դաւիթ, յաւելաւ առ
Line: 5    հարս իւր, որոյ զբարւոքն պատերազմեալ՝ յաստեացս
Line: 6    բարի անուանեցաւ, եւ ՛ի հանդերձեալսն
Line: 7    հրանիւթիցն գտաւ հանդիսակից։ Բայց ապա
Line: 8    անհովիւ հօտն գոլով՝ եկեղեցին մնացեալ էր տըխուր։
Line: 9    Յայնժամ խորհուրդ ՛ի միտ առեալ բարեպաշտ
Line: 10    իշխանին Աղուանից ընդ հարազատ զօրավարին
Line: 11    եւ ընդ կաթուղիկոսին ամենայն եպիսկոպոսօք
Line: 12    եւ նախարարօք հանդերձ՝ փութով հասանել
Line: 13    ՛ի կատարումն աստուածային խորհրդոյն.
Line: 14    "Եկայք՝ ասէ, զընտրեալս զայս յԱստուծոյ Իսրայէլ՝
Line: 15    առաքինազգեստ այր՝ յաթոռ աստուածազան
Line: 16    վերադիտողութեան գաւառին Մեծկողմանց
Line: 17    կարգեսցուք տեսուչ. զի լուսաւորեսցէ զնոսա
Line: 18    օրէնսուսոյց խոհականութեամբ ՛ի հրամանս Արարչին"։
Line: 19    Իսկ նա թէպէտեւ առ մի նուագ ոչ
Line: 20    առնոյր յանձն, բայց իշխանասաստ հրամանաւ
Line: 21    ստիպէին զնա ոչ յամառել պնդել, զառաքելականն
Line: 22    յիշելով զբան. "Եթէ որ եպիսկոպոսութեան
Line: 23    ցանկայ՝ բարւոյ գործոյ ցանկայ", կամ
Line: 24    զվաղնջուցն յիշատակել ՛ի միտս նորա զհամբակական
Line: 25    տիոց զտեսիլն ցուցակութեան նմա ՛ի
Line: 26    սուրբ եկեղեցւոջն ՛ի Վաղարշապատ քաղաքի.
Line: 27    վասն որոյ ձայն արկեալ ասէր. "Կամք Աստուծոյ
Page: 266   Line: 1    կատարեսցին"։ Ապա յայնժամ շեշտակի ճեպով
Line: 2    յղեալ զնմանէ արս աւագս իշխանս ՛ի նախարարաց,
Line: 3    զի փութով առ նա հասուսցեն։ Արդ
Line: 4    եկեալ հասեալ նոքա ՛ի մէջ Արցախն գաւառի,
Line: 5    գտանէին զնա ՛ի Գլխոյ վանս յիւրում մենաստանին.
Line: 6    ուրանօր եղեւ ժողով վիճակելոց քահանայից.
Line: 7    եւ յուղարկեալ զնոսա անտի՝ պիտառականն
Line: 8    հրովարտակօք հասանէն առ կաթուղիկոսն
Line: 9    եւ առ իշխանն Աղուանից եւ յանդիման առնէին
Line: 10    նոցա զսրբասնեալն Իսրայէլ՝ կրօնաւորազգեստ
Line: 11    կարգաւ. որոց առեալ զգիր գովութեանն՝ մուրհակ
Line: 12    կնքէին նմա յիւրաքանչիւր կողմանց՝ զօրավարն
Line: 13    նախարարօք հանդերձ։ Եւ պատուեալ
Line: 14    զնա կաթուղիկոսին ձեռնադրէ յեպիսկոպոսութիւն
Line: 15    գաւառին Մեծկողմանց՝ մեծաւ ժողովով
Line: 16    եւ ընծայական թղթով յուղարկեալ զնա յիւր գաւառն։
Line: 17    Եւ նորա եկեալ ՛ի նախնականն հասանէ
Line: 18    յեպիսկոպոսանոց, որում Տաղձանսն անուանէին.
Line: 19    եւ մեծաշուք մեծարանօք յաթոռակցաց եւ ՛ի գըլխաւորաց
Line: 20    եւ ՛ի ժողովրդականաց՝ առաւել քան
Line: 21    զամենեսին լաւ ցուցանէր զիւր վարդապետութիւնն,
Line: 22    առեալ զնշան խաչին յանձն իւր՝ բազկատարած
Line: 23    պաղատանս առ Աստուած մատուցանէր
Line: 24    վասն իւրոյ աշխարհին, եւ զգաստացեալ կրօնաւոր
Line: 25    վարուք յառաջադէմ լինէր, շրջէր ընդ
Line: 26    ամենայն գաւառս վիճակելոցն իւրոց եւ հաստատէր
Line: 27    զնոսա վարդապետական շնորհօք յուղղափառ
Page: 267   Line: 1    հաւատս պատուիրանին ճշմարտութեան։
Line: 2    Այսպէս եւ այսու օրինակաւ ցուցանէր զիւր վարդապետութիւնն
Line: 3    եւ պայծառանայր սիրովն
Line: 4    Քրիստոսի։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.