TITUS
Movses Kalankatowaci, Patmowtiwn Alowanic Asxarhi
Part No. 69
Previous part

Chapter: 39  
Page: 269  
Line: 3 
ԳԼՈՒԽ Լ՜Թ.

Line: 4  Վասն խորհրդականութեան իշխանին Վարազ Տրդատայ
Line: 5  ընդ իւր նախարարս արձակել զեպիսկոպոսն Իսրայէլ
Line: 6  յերկիրն Հոնաց սակս հաշտութեան։


Line: 7       Ապա ՛ի վաթսներորդ երկրորդ ամի հարաւայնոյ
Line: 8    իշխանութեան գոռոզին Մահմատայ խորհուրդ
Line: 9    լինէր հաւանութեամբ Վարազ Տրդատայ
Line: 10    Աղուանից իշխանի ընդ ազգակից նախարարս իւր
Line: 11    եւ ընդ կաթուղիկոսին Եղիազարու եւ ասէ. "Ահա
Line: 12    հարկք, որք եդան ՛ի վերայ մեր ՛ի դժնդակ ազգէն
Line: 13    Տաճկաստանեայց՝ յոյժ վտանգեալ տարակուսէ
Line: 14    զմեզ՝ եւ երկրորդ անգամ անհնարին աղէտք
Line: 15    այն են մեզ՝ ամի ամի ասպատակել յաշխարհս
Line: 16    մեր զօրացն Հոնաց, եւ յերկաքանչիւր կողմանցն
Line: 17    բռնութենէ թշնամեաց աւերեալ պակասեցաւ երկիրս։
Line: 18    Եկայք՝ մերձաւորք իմ եւ սիրելիք, զի ընտրեսցուք
Line: 19    զեպիսկոպոս մի ՛ի մերմէ աշխարհէս
Line: 20    վասն մերոյ խաղաղութեանն, զի երթեալ հաճեսցէ
Line: 21    շնորհիւն Աստուծոյ զմիտս երկուց աշխարհակալաց
Line: 22    ՛ի հաշտութիւն եւ յանքակտելի սէր. զի
Line: 23    մի́ լիցի մեզ յայսմհետէ խէթ ունել ՛ի միտս մեր եւ
Line: 24    թշնամութեան խորհուրդ"։ Եւ զայս իբրեւ մտածէին
Line: 25    իշխանք եւ նախարարք՝ առժամայն ընտրեցին
Page: 270   Line: 1    եւ արձակեցին մեծաւ աղաչանօք զիմաստուն
Line: 2    եւ զպարկեշտ եպիսկոպոս գաւառին Մեծկողմանց,
Line: 3    որում Իսրայէլ կոչէր. վասն զի ողջախոհ վարուք
Line: 4    բացափայլեալ առաջի ամենեցուն ճշգրտապէս
Line: 5    հրաշանայր. շահելով զիւր հոգին հնազանդութեամբ
Line: 6    եւ զսիրոյն կատարէր պատուիրան.
Line: 7    յանձն առնոյր վաղվաղակի եւ ճանապարհորդէր
Line: 8    գնալ ՛ի հեռաբնակ աշխարհն Հոնաց։ Յայնժամ
Line: 9    պատրաստեցին հանդերձեցին զընծայս եւ զպատարագս,
Line: 10    նոյնօրինակ եւ վասն հեռաւոր ճանապարհին
Line: 11    թոշակս նմա եւ որք ընդ նմայն էին։ Եւ
Line: 12    յառաջէին անտի յամսեանն մեհեկի, որ օր տասն
Line: 13    եւ ութ էր ամսոյն. եւ յուղարկեալ խաղաղութեամբ
Line: 14    ՛ի Պերոզապատ քաղաքէ՝ վտարեալ անցանէին
Line: 15    ընդ գետն մեծ Կուր։ Հատեալ անցանէին ընդ
Line: 16    սահմանս Աղուանից եւ մինչեւ յերկոտասան օր
Line: 17    գային հասանէին ՛ի քաղաքն Լփնաց. ուր ընդ
Line: 18    առաջ ելեալ նմա ամենայն քաղաքացիքն՝ ընդունէին
Line: 19    զնա խնդութեամբ ըստ կարգի եպիսկոպոսաց,
Line: 20    մանաւանդ զի մերձեալ էր տէրունական
Line: 21    տօնն աստուածայայտնութեանն. եւ մտանելով ՛ի
Line: 22    քաղաքս երեկօթս արարեալ անդէն կատարէին.
Line: 23    եւ անտի գնացեալ անցանէին յաշխարհն Ճղբաց
Line: 24    առ ստորոտով լերինն մեծի։ Յայնժամ ձմեռնային
Line: 25    հողմոցն հիւսիսային բաղխմունքն ձիւնասոյզ անհնարին
Line: 26    փոթորիկս յարուցին մերձ ՛ի սարաւանդակ
Line: 27    լերինն Կովկասու։ Եւ յայնմ տեղւոջ եռօրեայ
Page: 271   Line: 1    արգելեալ՝ ոչ կարէին զաչս ամբառնալ
Line: 2    կամ նշմարել զանցս ճանապարհին. վասն զի տաժանեալ
Line: 3    յոյժ լցան տարակուսանօք յաղագս սատանայական
Line: 4    պատերազմին. արհաւիրք եւ բոմբիւնք
Line: 5    զարթուցեալք ոչ կարէին զայրն Աստուծոյ
Line: 6    զարհուրեցուցանել, զի զնշան խաչին առեալ ՛ի
Line: 7    ձեռն՝ հրամայէր ծունր դնել ամենեցուն. եւ նոքօք
Line: 8    հանդերձ ելեալ ՛ի լեառն, որում Վարդէգրուակ
Line: 9    անուանէր, զօրութեամբ աստուածային նշանի
Line: 10    խաչին եւ աղօթիւք մեծ եպիսկոպոսին լինէր խաղաղութիւն
Line: 11    հողմոց, եւ հանդարտէր բռնութիւնն։
Line: 12    Եւ այնպէս անցանէին աներկիւղ ընդ կատարն
Line: 13    հսկայաձիր եւ դիւցազանց։ Յետ այնորիկ ոչ արեւ
Line: 14    եւ ոչ աստեղք ՛ի բազում աւուրս երեւէին. եւ դառնաշունչ
Line: 15    օդն ոչ սկսաւ կայր ՛ի վերայ, դէմ եդեալ
Line: 16    ակամայ տարադէմ գնացեալ, լքեալք եւ աշխատեալք
Line: 17    ՛ի բազում աւուրս, երթեալ ՛ի վաղնջուց
Line: 18    ՛ի թագաւորանիստն հասանէին կայեանսն՝ յայն
Line: 19    տեղի, ուր վկայեաց սուրբն Գրիգորիս կաթուղիկոս
Line: 20    Աղուանից։ Անտի յետ աւուրց ինչ հասանէին
Line: 21    ՛ի դուռն Չողայ, որ է մերձ ՛ի Դարբանդ։
Line: 22    Եւ անդ նպաստամատոյց մեծարանս գտեալ ՛ի
Line: 23    քաղաքացեաց, եւ բազմապատիկ ճանապարհս արարեալ
Line: 24    գային հասանէին ՛ի հոյակապ քաղաքն Վարաչան
Line: 25    ՛ի մուտս քառասնորդացն։ Զորոյ զգալուստն
Line: 26    լուեալ մեծ իշխանին Հոնաց, ընդառաջ
Line: 27    ընթացեալ եւ ողջունիւ ընկալեալ զնա մեծաւ
Page: 272   Line: 1    ուրախութեամբ՝ խոնարհեցուցանէր զինքն առաջի
Line: 2    նորա. պատուէր եւ պատիւ հայրապետական
Line: 3    սրբութեանն առնէր։ Եւ եղեւ իբրեւ պայծառապէս
Line: 4    ծագեցան աւուրք քառասնորդացն սրբոց՝ մեծաւ
Line: 5    սիրով ընկալեալ զնա քաղաքացեացն, զուարճացեալ
Line: 6    եւ պատուեալ լինէր յամենեցունց, մանաւանդ
Line: 7    առաւել ՛ի բարեխնամ իշխանէն եւ յազնուական
Line: 8    մեծամեծացն։ Զայն պայծառութիւն
Line: 9    ընդունելութեան եւ զհամբոյր սրբութեան սիրոյն
Line: 10    իբրեւ տեսանէր եպիսկոպոսն՝ խնդամիտ յոյժ
Line: 11    լինէր եւ մեծապէս գոհանայր զանպատում պարգեւացն
Line: 12    Քրիստոսի։ Եւ այնպէս բազմօրեայ հանգուցեալ
Line: 13    ՛ի վաստակաբեկ աշխատութեանց՝ լսէր
Line: 14    եւ տեսանէր անդ ամբարտաւանութիւն եւ զկրօնս
Line: 15    մարդահաճոյ ազգին թշուապացելոյ. ողբայր եւ
Line: 16    տրտմէր վասն անհնարին չարեացն եւ երկմիտ հաւատոց
Line: 17    նոցա, որք զանձինս իւրեանց աստուածապաշտս
Line: 18    անուանէին՝ եւ էին ՛ի զօրութենէ անտի
Line: 19    ուրացեալք եւ օտարք։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.