TITUS
Movses Kalankatowaci, Patmowtiwn Alowanic Asxarhi
Part No. 60
Previous part

Chapter: 30  
Page: 238  
Line: 19 
ԳԼՈՒԽ Լ՜.

Line: 20  Պատճէն թղթոյն, որ գրեցաւ յեպիսկոպոսացն ՛ի Դաւթէ
Line: 21  եւ ՛ի Յովելայ եւ ՛ի մեծ ժողովարանէն, թէ որպէս
Line: 22  եցոյց Աստուած զմեծ սքանչելիսն։


Line: 23       "Ուղփաճեմ հոգեճաշակ համբուրիւ առլցեալ
Line: 24    եւ ՛ի շնորհաց Հոգւոյն ընկալեալ պարգեւ, ով
Line: 25    աստուածազան արեւելից արքեպիսկոպոս Ուխտանէս,
Page: 239   Line: 1    եւ բարեխնամող քաջազնեայ, յաւետաբարգաւաճ
Line: 2    զօրաւոր ապուհի պատրիկ տէր Ջիւանշիր՝
Line: 3    Աղուանից իշխան, ամենայն նախարարօք
Line: 4    համանգամայն ընդ ձեզ Դաւիթ եւ Յովէլ՝ նուաստ
Line: 5    եպիսկոպոսունք ՛ի Տէր խնդալ։

Line: 6       "Աւետաբեր հնչմամբ հանդիսացուցանել ձեզ
Line: 7    պարտիմք ՛ի ձեռն հրովարտակ պատճենիս զհրաշափառ
Line: 8    ծածկելոցն երեւումն եւ զգիւտ սրբոյ խաչին,
Line: 9    որ առաւել քան զառաւել յաճախեաց զյոգնայեղց
Line: 10    զարմացումն ՛ի մեր միտս։ Զի որ երբեմն
Line: 11    անհաւան եւ անհաւատ մտօք ճառել իսկ
Line: 12    վասն իրացն չառնուաք յանձն, այժմ ահա տեսող
Line: 13    եղեաք յաւէտասքանչ ցուցակութեան խաչիս եւ
Line: 14    պիտառապէս վկայեմք ճշմարտութեամբ, թէ սա
Line: 15    է պարծանք պարծանաց։ Եւ զիա՞րդ զայս տալ
Line: 16    լռութեան մարթ իցէ կամ զարփիափայլ պատկերն
Line: 17    դնել ընդ գրուանաւ, այլ յայտ է թէ ՛ի
Line: 18    վերայ կարգաց լուսեղէն աշտանակի, այսինքն՝
Line: 19    ՛ի սրբում կոչարանի լուսատու յԱմարասումն
Line: 20    լինել զսա։ Արդ այսուհետեւ պարտ է մեզ դատողագոյն
Line: 21    հրապարակել զառիթն զգալի մերոյ
Line: 22    փրկութեան, զգեղաղէշ յարավայելուչ չորեքկերպեան
Line: 23    զատիւկանն յաղագս մեր ընդունելով յինքեան
Line: 24    զանհամեմատ նախակրութիւն։ Զի արդարեւ
Line: 25    սա իսկ է քրիստոնէից յոյս, մեռելոց յարութիւն
Line: 26    եւ կուրաց առաջնորդ։ Զի որ երբեմն դատապարտութեան
Line: 27    էր անուն խաչն, այժմ հաւատացելոցս
Page: 240   Line: 1    իրք եղեն փրկութեան, որով եւ ՛ի ձեռն
Line: 2    սորա ՛ի ներքոյ արքայականին գտաք յառագաստի,
Line: 3    եւ չերկնչիմք այսուհետեւ ՛ի բոցեղէն նետից,
Line: 4    զի զթագաւորական նշանն յանձինս մեր բարձեալ
Line: 5    բերեմք։ Ունկնդիր լերուք մտադիւրութեամբ
Line: 6    բանիս, զոր լսէք. թէպէտ ոչ կամաւ յօժարեցաք
Line: 7    հմտանալ այսմ գործոյ, այլ իբրեւ ոչ մարթացաք
Line: 8    դառնալ ընդդէմ ձերոց հրամանաց, եւ
Line: 9    մանաւանդ զի երկբայելի մտօք խաբէութիւն
Line: 10    զիրսն կարծեցաք. սակայն ճշդիւ քննեալ շնորհիւն
Line: 11    Աստուծոյ՝ գտաք զճշմարտութիւնն ՛ի գալն
Line: 12    մեր ՛ի հովիտ մի Արցախայ՝ յեզր գետոյն ՛ի
Line: 13    տեղի մի Չղախ անուն կոչեցեալ, ուր կայր մատուռն
Line: 14    մի։ Եւ ահա համբաւն հռչակէր երթալոյն
Line: 15    մերոյ, եւ բազմութիւն շրջակայիցն յոյժ շեղջակուտեալ
Line: 16    անդր հասանէին՝ քահանայական դասք
Line: 17    եւ այլք ՛ի պատուական արանց, յորս ոչ սակաւ
Line: 18    կայր հակաճառութիւն դիմամարտելոց։ Բայց ապա
Line: 19    պահս պինդս եդաք երեքօրեայ լնլով սահմանաց
Line: 20    եւ յաւէժ խնդրուածոցն իւրաքանչիւրոց.
Line: 21    եւ սկսանէաք զփորուածն առնել մերձ առ սեղանովն,
Line: 22    ուստի յանկարծակի հոտ անոյշ բուրեաց
Line: 23    եւ յաճախապէս զմեր լցոյց հոտոտելիս, որով եւ
Line: 24    յետ սուղ ինչ վաստակոց գտաք զփափագելին ՛ի
Line: 25    ձեռն շնորհաց Բարձրելոյն եւ յաղօթից սրբոյ հօրն
Line: 26    Իսրայելի՝ կողոփս երկուս արծաթեղէնս կապարեայ
Line: 27    կնքով պնդեալ հոռոմափակ, յորմէ տախտակ
Page: 241   Line: 1    մի ձոյլ ոսկի հաստահեղոյս բեւեռեալ եւ ՛ի
Line: 2    նմա գիր ասորի եւ հայ. եւ ըստ գրոյն բացեալ
Line: 3    մեր առաջի սրբազան քահանայից՝ գտաք զամենակեցոյց
Line: 4    խաչին մասն եւ այլ բազում սրբութեանց,
Line: 5    զորոց գիրն ասաց, թէ "Երուսաղեմեան
Line: 6    են մասունք սրբութեանց Տեառն"։ Ընդ որս ես
Line: 7    իսկ Յովէլ նուաստ եպիսկոպոս մեծապէս գոհացեալ
Line: 8    զբոլորից պարգեւատուէն՝ զամենայն երկբայութիւն
Line: 9    ՛ի բաց ընկեցեալ յիմոց մտացս, եւ
Line: 10    հաւատով ընկալեալ զտեսիլ Աբասուն, վասն լինելոյ
Line: 11    գիւտիս այսորիկ յիմում վիճակիս, մեծաւ
Line: 12    ցանկութեամբ զմի ՛ի տապանակացս յիմ սեփհական
Line: 13    եկեղեցին առեալ տարայ, եւ զայլ սրբութիւնսն
Line: 14    յուղարկեցաք ՛ի ձեռն քորեպիսկոպոսաց
Line: 15    եւ քահանայից եւ դասուց պաշտօնէից մեք՝ Դաւիթ
Line: 16    եւ Յովէլ եպիսկոպոսունք, ՛ի տեղի մենաստանեայց
Line: 17    Աբասուն, շնորհօք Աստուծոյ ցնծալից
Line: 18    ուրախութեամբ եւ հոգեւորական երգովք։
Line: 19    "Եւ Տէր Աստուած զօրութեամբ եւ փառօք
Line: 20    զձեզ պահպանեցուսցէ ՛ի շնորհս աստուածընկալ
Line: 21    խաչիս երեւման եւ բազմաւուրբ կենօք խաղաղականօք
Line: 22    ՛ի ցօղոյ երկնից եւ ՛ի պարարտութենէ
Line: 23    երկրի տացէ զանհամեմատ վայելումն երկաքանչիւրոցդ՝
Line: 24    հոգեծաղիկ տեսողիդ եւ թագազարմ ժառանգօք
Line: 25    մեծագահ հեղինակիդ Ջիւանշիրի։ Ողջ
Line: 26    լերուք ՛ի Տէր"։




Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.