TITUS
Movses Kalankatowaci, Patmowtiwn Alowanic Asxarhi
Part No. 61
Previous part

Chapter: 31  
Page: 242  
Line: 1 
ԳԼՈՒԽ Լ՜Ա.

Line: 2  Առ այս պատասխանիք եպիսկոպոսացն՝ ՛ի հայրապետէն
Line: 3  եւ յիշխանէն։


Line: 4       "Տառայարեալ պատճէն հրովարտակիս, զոր
Line: 5    շարաքերեալ եւ կարգեալ էր՝ տեսաք, յորմէ մեծապէս
Line: 6    զանզղջականէն գոհացաք զԱստուծոյ, որ
Line: 7    իւրով ողորմութեամբն օր ըստ օրէ հրաշագործէ
Line: 8    յարարածս իւր, առաւել եւ ՛ի մեզ՝ զշնորհս ձերոյ
Line: 9    սրբութեանդ, Դաւիթ եւ Յովէլ եպիսկոպոսունք --
Line: 10    Ուխտանէս նուաստ կաթուղիկոս եւ Ջիւանշիր
Line: 11    Աղուանից զօրավար եւ իշխան, ՛ի Տէր խնդալ։

Line: 12       "Վասն կենսատու փրկութեանդ, հասելոյ
Line: 13    մեզ յԱստուծոյ՝ յաւետապէս գոհացաք զԱստուծոյ
Line: 14    պարգեւացն եւ վասն խաչիդ, որ ՛ի միջի մերում
Line: 15    երեւեցաւ եւ ծագեաց, եբաց եւ լուսաւորեաց
Line: 16    զաչս մեր՝ վասն այդորիկ անդադար բերանով եւ
Line: 17    անհանգիստ լեզուաւ զՏէր մեր Յիսուս Քրիստոս
Line: 18    զբարերարն, զսքանչելագործն եւ զպարգեւաբաշխն
Line: 19    օրհնեցաք, որ շնորհեաց մեզ անապական պարգեւս
Line: 20    ՛ի սուրբ Հոգւոյն. եւ մեք՝ թէպէտ հեռի եմք
Line: 21    մարմնով, մերձ համարեալ հոգւով յիշեսջիք առաջի
Line: 22    նորագիւտ խաչիդ։ Եւ դուք զառաքինազգեստ
Line: 23    եւ զսրբասնեալդ Իսրայէլ, եւ զգանձդ շնորհաց
Line: 24    հանդերձ սրբոյ նշանիւդ առեալ՝ այսր առ
Line: 25    մեզ հասուցէք մեծաւ զգուշութեամբ, զի եւ մեք
Page: 243   Line: 1    երկրպագեսցուք երանաւէտ համբուրիւ հանդերձ
Line: 2    տիեզերական ժողովովս։ Ողջ լերուք Տերամբ"։

Line: 3       Եւ նմանապէս իսկ երջանիկ վերադիտող եւ
Line: 4    տեսուչ եպիսկոպոսացն տեսեալ զդրուակ նամակին
Line: 5    արեւելից զօրապետին եւ սրբոյ կաթուղիկոսին,
Line: 6    այնուհետեւ շեշտակի ճեպով առեալ զգտեալ
Line: 7    գանձն սրբութեանց՝ եպիսկոպոսքն հանդերձ
Line: 8    Իսրայելիւ անյապաղ ժամանէին ՛ի մեծ քաղաք
Line: 9    Պերոժապատ. վասն զի արեւելից մեծ իշխանն
Line: 10    Ջիւանշիր եւ եպիսկոպոսապետն Ուխտանէս անդ
Line: 11    նստէին ամենայն նախարարօք։ Որոց ընկալեալ
Line: 12    զլուսապայծառ շնորհսն հռչակաւոր հանդիսիւ
Line: 13    յերկարէին զերկրպագութիւնն ՛ի բազմախումբ
Line: 14    հոլարանին. եւ նպաստամատոյց ընծայիւք եւ պատարագօք
Line: 15    կատարէր իշխանն առաջի սուրբ խաչի
Line: 16    սեղանոյն զնուէրս իւր. եւ ներբողելով զԱբասն՝
Line: 17    մեծարէր զնա կաթուղիկոսաւն եւ ամենայն աշխարհակոյտ
Line: 18    ամբոխիւն։ Ապա հրաման տայր յուղարկել
Line: 19    զնա խաչապայծառ տապանակաւն անդրէն
Line: 20    ՛ի վերնակողմ գաւառն Մեծկուենից՝ ՛ի բարձրաւանդակ
Line: 21    լեառնն, ՛ի տեղի մենաստանի նորա
Line: 22    ՛ի Գլխոյ վանս։ Եւ ողջոյն տուեալ հոգեւոր համբուրիւ
Line: 23    երանելւոյն՝ խնդամիտ յիւրաքանչիւր
Line: 24    դառնային նաւահանգիստս։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.