TITUS
Movses Kalankatowaci, Patmowtiwn Alowanic Asxarhi
Part No. 57
Previous part

Chapter: 27  
Page: 220  
Line: 11 
ԳԼՈՒԽ Ի՜Է.

Line: 12  Որ ինչ ՛ի թագաւորէն հարաւոյ մեծարանք արեւելից
Line: 13  իշխանին եղեւ՝ աստանօր գտցես։


Line: 14       Լերինք մշտնջենաւորք եւ ծովք անդնդայինք
Line: 15    ալեկոծեալք հնազանդեալ կան բանին Աստուծոյ։
Line: 16    Քանզի վերնառաք հրամանն, յորժամ հայի յերկիր՝
Line: 17    դողացուցանէ զնա, եւ ՛ի մերձիլն ՛ի լերինս՝
Line: 18    ծխին։ Որպէս եւ այժմ ահա յերեսաց Տեառն բարձրացեալ
Line: 19    բլուրքն հարթեալ հաւասարեցան եւ ալէփարթամ
Line: 20    խորոցն ջրայեղց բռնութիւնք անդէն
Line: 21    յինքեանս սուզան։ Զի ահագին փառք Պարսից
Line: 22    տէրութեանն խոնարհեցաւ, զանբաւ խրոխտ բարձրութիւնս
Line: 23    նորա խորք ծածկեցին. լռեցին թէւաւոր
Line: 24    արձանք խորոց ՛ի խողմուռոյց եռանդմանէ.
Page: 221   Line: 1    եւ փուշք ագարակի օդասլաց թռչմամբ եկեալ
Line: 2    տաղաւարեցան ՛ի վերայ մկանանց լայնատարած
Line: 3    ծովուն։ Զի որպէս ջուրք բազումք կոհակաշարժ
Line: 4    բռնութեամբ ծովասոյզ առնեն զերկիր, նոյնպէս
Line: 5    յերբեմն ժամանակի թագաւորք Հոռոմոց ամբոխեալ
Line: 6    զօրօք հիածածուկ զընդհանրական աշխարհիս
Line: 7    առնէին բազմութիւնս։ Իսկ այժմ այնր աթոռոյ
Line: 8    ամբարձեալ զօրութիւնքն այնքան ՛ի վեր ցնդեալ
Line: 9    շիջան, մինչ զի որք միանգամ ընդ ձեռամբ նորա
Line: 10    էին մարդկային անտառք՝ գնացեալ յարեցան
Line: 11    ընդ հովանեաւ այնր, որ Գեդէոնեան դժնկին էր
Line: 12    պատաղիչ. զոր ՛ի նոսա բարձեալ բռնաւորաց
Line: 13    շառաւիղքն խլրտել անգամ ոչ կարէին։ Զի իբրեւ
Line: 14    ետես քօշն արեւմտեան, թէ դարձոյց Տէր զօգնականութիւն
Line: 15    ՛ի սրոյ նորա եւ կինճն վայրենի
Line: 16    գազանանայ փշրել զեղջիւր նորա, առեալ զլրումն
Line: 17    ժամանակին ըստ կանխասաց մարգարէութեանն
Line: 18    եւ խոստմանն Աբրահամու."Եթէ ձեռք Իսմայելի
Line: 19    յամենեսին եւ ձեռք ամենեցուն ՛ի նա". եւ եթէ՝
Line: 20    "Առաջք նորա հուր ծախիչ եւ վերջ նորա բոց
Line: 21    բորբոքեալ". -- յայնժամ առեալ կայսերն Հոռոմոց
Line: 22    զսինլիքորսն զօրացն՝ աճապարէր ընդ ծով
Line: 23    եւ ընդ ցամաք անցանել ՛ի սահմանս հեռաւորս
Line: 24    կղզեացն արեւմտից։ Այն վեցերորդ ամ էր հարաւայնոցն
Line: 25    փոխելոյ զթագաւորութիւն իւրեանց
Line: 26    յաշխարհն Ասորեստանի. զի թողեալ զերկիր աղախնոյն՝
Line: 27    արկանէին զաթոռ տէրութեանն ՛ի
Page: 222   Line: 1    Դամասկոս. որոյ նստեալ անդ՝ սկսանէր շուրջ
Line: 2    զիւրեւ յաջ եւ յահեակ ծծել զուղեղ երկրի։ Քանզի
Line: 3    տուաւ նմա լայն եւ ընդդիմակաց զօրութիւն,
Line: 4    աշխարհավար իմաստ, երկրավար քաղցրութիւն
Line: 5    եւ հեզութիւն մարդկային. ուստի չորիւքս այսոքիւք
Line: 6    չորից անկեանց աշխարհիս հասարակապէս
Line: 7    եկաց իշխան։

Line: 8       Արդ տեսանելով զանհնարին տկարանալն
Line: 9    կայսերն Հոռոմոց ՛ի թագաւորէն հարաւայնոյ,
Line: 10    որ իբրեւ բոց ճարակեաց զբազմամարդ հրապարակս
Line: 11    եւ զքաղաքս նորա հրով, բազմահոգ վասն
Line: 12    իւրոյ իշխանութեանն լինէր մեծ իշխանն արեւելից
Line: 13    Ջուանշիր. նախազգաստ լինէր, թէ գուցէ
Line: 14    ամբոխն հարաւոյ ընդ ոտս առեալ զերկիր նորա
Line: 15    կոխեսցէ։ Եւ թէպէտ կարող էր զԹուրքաստանեայցն
Line: 16    հանել զանթիւ զօրսն յիւր յօգնականութիւն,
Line: 17    յանձն առնոյր նուաճիլ ընդ լծով ծառայութեան
Line: 18    թագաւորին հարաւոյ։ Արդ իբրեւ լսէր
Line: 19    բռնակալն հարաւոյ սակս մերոյ իշխանին ծայրափառ
Line: 20    բարելաւութեանն, զոր առ կայսրն ունէր
Line: 21    Հոռոմոց, եւ կամ եթէ նա էր երասանակալ Թուրքաստանեայցն
Line: 22    ազգաց հանել եւ արգելուլ զնոսա
Line: 23    յաղագս մարմնական խնամութեանն, անդանօր
Line: 24    անըմբերելի նախանձ ՛ի միտս տիեզերակալ պարծողին
Line: 25    բորբոքէր։ Ուստի ՛ի ձեռն հաւատարիմ
Line: 26    պատգամաւորաց առաքէր երդմունս մեծամեծս
Line: 27    եւ զխոստմունս անչափ պարգեւաց, զի առ նա
Page: 223   Line: 1    երթիցէ։ Իսկ նա մեծայոյս բարութեանցն, որ
Line: 2    ՛ի խաչն Քրիստոսի վստահ եղեալ՝ կազմէ ընծայս
Line: 3    բազմապատիկս եւ հանդերձի նոքօք յողջոյն
Line: 4    տիեզերակալի. եւ նախ ժամանէ ՛ի տուն Տեառն,
Line: 5    զոր յապաւինութիւն իւր շինեալ էր ՛ի բերդն
Line: 6    Գարդման. եւ անդ սրտառուչ հառաչմամբ զծածկագիտին
Line: 7    խնդրէր այցելութիւն, զոր մեծն Դաւիթ
Line: 8    ասէ. "Արարիչ իրաւանց եւ արդարութեան՝
Line: 9    մի́ մատներ զիս ՛ի ձեռն նեղչաց իմոց"։ Եւ
Line: 10    այսու մտօք հրաժարեալ մեծայաղթ յուսով զինեցաւ՝
Line: 11    չուեալ ՛ի տար աշխարհ։ Իսկ զօրավարին
Line: 12    Հայոց ամենայն նախարարօք ընդառաջ նորա
Line: 13    ելեալ զուարճալից խնդութեամբ ընդունող լինէր,
Line: 14    եւ մեծապատիւ շքով յուղարկիչ։ Իբրեւ իջանէր
Line: 15    յերկիրն Ասորեստանեայց՝ տեսանէր, զի
Line: 16    ահա պետք թագաւորին գաւառացն այնոցիկ հրամանաւ
Line: 17    նորա եւ ճոխք քաղաքացն ըստ իւրաքանչիւր
Line: 18    սահմանս պատուիչ լինէին, երիվարք պատրաստք
Line: 19    եւ օթեվանք կազմք, մինչեւ եհաս ՛ի դուռն
Line: 20    թագաւորին մեծաւ շքով։ Յայնժամ հրամայեալ
Line: 21    մերձակայ մեծամեծացն ընդ առաջ ելանել նմա,
Line: 22    ածելով զերիվարս, յորս ինքն թագաւորն հեծանէր,
Line: 23    եւ այնպէս շքեղաշուք փառօք եւ պատուով
Line: 24    մուծանէին ՛ի բանակն յոգնահոյլ գուպարից։
Line: 25    Վասն որոյ ՛ի հոյակապ նորա անունն խառնիճաղանճն
Line: 26    ամենայն ՛ի տես ճապէին համախմբեալ
Line: 27    ՛ի ճանապարհին։ Իսկ թագաւորն հարաւոյ ՛ի
Page: 224   Line: 1    ծագել արեւուն նախ քան զսովորական ժամն յարուցեալ
Line: 2    ՛ի քնոյ հրճուալից մտօք եւ բարի ողջունիւ
Line: 3    զիշխանն արեւելից տեսանէր, եւ յարազուարճ
Line: 4    վասն գալստեան նորա լինէր։ Ուստի ամենակատար
Line: 5    ընդունելութեամբ եւ ոչ առ մի ոք ՛ի կողմնակալաց
Line: 6    երկրի այնպիսի եղեն փաթշահաբար
Line: 7    մեծարգութիւնք. մանաւանդ յորժամ զփորձ առնոյր
Line: 8    զխոհական հանճարամտութեան նորա, վասընզի
Line: 9    թէպէտ եւ բազում տեարք եւ յոլով ազգաց
Line: 10    հիւղինակք ընդ ձեռամբ նորա կային հնազանդեալք,
Line: 11    այլ ոչ ումեք ՛ի նոցանէ աներկեւան խորհուրդ
Line: 12    որպէս Ջիւանշիրի տայր, յորոյ վերայ
Line: 13    պարգեւս մեծամեծս շնորհէր նմա եւ որոց ընդ
Line: 14    նմայն էին։ Յետ այսորիկ խնդրէր իշխանն արեւելից
Line: 15    խաղաղական ողջոյն եւ հրաժեշտ։ Իսկ արքայն
Line: 16    հարաւոյ վասն սեռն եւ սերտ սիրոյն հաստատութեան
Line: 17    երդմունս կնքեալ՝ տայր նմա եւ
Line: 18    զաջ իւր, որ չէր երբէք լեալ սովորութիւն տիեզերապետ
Line: 19    գոռոզին օտարազգւոյ ումեք առնել
Line: 20    զայս։ Այսոցիկ այսպէս եղելոց՝ մեծավայելուչ
Line: 21    փառօք յուղարկիւր ՛ի համաշխարհական մարզարանէն,
Line: 22    եւ գայր հասանէր յԱյրարատական գաւառ.
Line: 23    ուր ընդ առաջ լինի նմա ՛ի Մամիկոնեան
Line: 24    տոհմէ քաջն Գրիգոր համօրէն ազատօքն եւ ածէ
Line: 25    զնա ՛ի գիւղաքաղաքն իւր Արուճ։ Գայր հասանէր
Line: 26    անդ աղաւնին սուրբ եւ սիւնն եկեղեցւոյ՝
Line: 27    մեծ հայրապետն Հայոց Անաստաս. զոր տեսեալ
Page: 225   Line: 1    մեծահաւատ իշխանին հոգեզուարճ բերկրանօք
Line: 2    լցեալ, խոնարհեցուցեալ զինքն՝ օրհնեցաւ ՛ի
Line: 3    նմանէ որպէս ՛ի հրեշտակէ սրբոյ. եւ նովին բարեզարդութեամբ
Line: 4    գայր իջանէր ՛ի գաւառն Գարդման,
Line: 5    ուր իսկ եւ իսկ մտանէր ՛ի յարկ ապաւինին
Line: 6    իւրոյ եւ սկսանէր զոր ինչ ազնուական
Line: 7    նիւթեղինացն առ ՛ի զարդ հրաշագեղութեան անճառելի
Line: 8    լուսոյն ծախել. որ եւ գեղագերիչս ՛ի գործ
Line: 9    արկեալ նկարեաց ՛ի գմբեթէն մինչեւ ՛ի բարաւորս
Line: 10    դրանն պատաղահիւթ կերպասագործեալ. եւ
Line: 11    զդուռն սենեկին՝ զլոյսն տիեզերաց ունողին,
Line: 12    արծաթապատ հրաման տայր քանդակել։ Եւ յայսու
Line: 13    ամենայնի վերայ իբրեւ զերեամ մի ողջոյն
Line: 14    հաւատարիմ խորհրդովք տիրասէր առ թագաւորն
Line: 15    հարաւոյ զինքն ցուցանէր մեծավայելուչ իշխանն
Line: 16    Ջիւանշիր։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.