TITUS
Movses Kalankatowaci, Patmowtiwn Alowanic Asxarhi
Part No. 56
Previous part

Chapter: 26  
Page: 218  
Line: 1 
ԳԼՈՒԽ Ի՜Զ.

Line: 2  Խնամութիւն Ջիւանշիրի ընդ Հոնս, եւ առնել սէր
Line: 3  թըշնամեացն։


Line: 4       Մինչդեռ նստէր խաղաղացեալ ՛ի գահոյս
Line: 5    իւր արին Ջւանշիր, ՛ի միւս ամն լինէր ձմեռնային
Line: 6    եղանակի հասարակաւորութիւն. եւ ել թագաւորն
Line: 7    Հոնաց յոգնահազար հեծելովք. եւ թէպէտ
Line: 8    յառաջագոյն զգուշանալ աշխարհին հրամայեալ
Line: 9    էր ՛ի նմանէ, սակայն ասպատակաւորք Հոնաց
Line: 10    յայսկոյս գետոյն Կուրայ եւ զեզերբք Երասխայ
Line: 11    ոչ միայն զբնաշխարհիկսն, այլեւ որ յԱյրարատեան
Line: 12    գաւառաց եւ ՛ի Սիւնեստանեայց աշխարհէն
Line: 13    հօտք եւ անդեայք ՛ի ձմեռնաճաշակ դաշտն
Line: 14    եկեալ էին յարօտ՝ գերի վարեալ զամենայն ՛ի
Line: 15    բանակետղն ժողովէին։ Ապա եղեւ թագաւորին
Line: 16    Հոնաց ցանկութիւն տեսանել զերեսս Ջուանշիրի։
Line: 17    Եւ արձակեալ զեղբարս իւր առ նա թախանձեցուցանէր
Line: 18    զնա տեսանել զմիմեանս եւ ՛ի
Line: 19    մէջ իւրեանց առնել սէր եղբայրական։ Իսկ քաջ
Line: 20    եւ արի տէրն ոչինչ ածեալ զմտաւ զարհուրէր,
Line: 21    թէ ոչ ոք յարքայիցն Պարսից կարաց յանդիման
Line: 22    տեսանել զթուրքաստանեայցն թագաւոր, այլ
Line: 23    աներկիւղաբար անկեալ առաջի փրկչական խաչին,
Line: 24    ասէ. "Թէպէտ եւ գնացից ՛ի մէջ ստուերաց
Line: 25    մահու, ոչ երկեայց ՛ի չարէ, զի դու՝ Տէր,
Page: 219   Line: 1    ընդ իս ես"։ Ես անտի յարուցեալ ելանէր առ
Line: 2    նոսա արքայաչու կազմութեամբ։ Իսկ թագաւորն
Line: 3    Հոնաց ընդ առաջ նմա ելեալ գայր հանդերձէր
Line: 4    նաւով, եւ յայսկոյս խաղացեալ՝ դադարէր յեզր
Line: 5    գետոյն ՛ի վերայ մեղմաշարժ եւ խորասոյզ ջրոյն։
Line: 6    Դնեն առ միմեանս խորհուրդս խաղաղականս՝
Line: 7    բառնալ ՛ի միջոյ զանմիաբանութիւնս երկոցունց
Line: 8    եւ գրաւիլ ՛ի համակամ եղբայրութիւն. որոց կընքեալ
Line: 9    զդաւիլն՝ դարձան յիւրաքանչիւր տեղիս։
Line: 10    Իսկ զի՞նչ քաջասիրտ տէրն իմ ՛ի միւսում աւուր
Line: 11    եցոյց։ -- Տասն եւ եօթն արամբք էանց յայնկոյս
Line: 12    գետոյն ՛ի բանակն Հոնաց. անդ առնոյր
Line: 13    զդուստր թագաւորին իւր ՛ի կնութիւն եւ դարձուցանէր
Line: 14    յաւարէ անտի հարիւր եւ քսան հազար
Line: 15    հօտից եւ եօթն հազար ձիոց եւ արջառոց բազմութիւն.
Line: 16    եւ ոչ ինչ նուազ քան զհազար եւ երկերիւր
Line: 17    արանց գերելեաց։ Եւ անտուստ դարձեալ
Line: 18    խաղաղութեամբ գայր ՛ի տեղի իւր բարգաւաճեալ
Line: 19    սրտիւ. լայր առաջի Տեառն, կարդայր
Line: 20    եւ ասէր. "Ոչ եթէ յաղեղն իմ յուսացեալ եմ,
Line: 21    այլ դու, Տէր՝ փրկեցեր զիս. եւ պարծանք իմ ՛ի
Line: 22    քեզ՝ Տէր, են"։ Յայնժամ հրամայէր, զի որ ինչ
Line: 23    դարձուցեալ էր յաւարէն՝ արք հաւատարիմք առ
Line: 24    իւրաքանչիւր ոք ըստ մասին բաժանեսցեն։ Եւ
Line: 25    այս եղեւ երկու ամօք պակաս յերից տասներեկաց,
Line: 26    յորս աշխարհակալ սպարապետութեամբն
Line: 27    իւրով ՛ի տիոց անտի երիտասարդականացն մինչեւ
Page: 220   Line: 1    ցմիջակ արբունս ժամանակին դրուատայեղց
Line: 2    համաշխարհալուր կատարեաց՝ նախ ՛ի Պարսս եւ
Line: 3    ապա ՛ի Հոնս զանվեհեր քաջութիւնս՝ անսխալ
Line: 4    գոլով. մինչ զի արեւելից եւ արեւմտից, հիւսիսոյ
Line: 5    եւ հարաւոյ, յԱրիս եւ յԱնարիս, հրապարակաւոր
Line: 6    ամենեցուն եցոյց զքաջափարթամ ծանօթութիւնս։
Line: 7    -- Արդ ձեռնարկեցից եւ զայն ասել, եթէ
Line: 8    որպէս կամ զի՞նչ պատճառաւ շնորհատուն այն
Line: 9    խաչ ծագեաց նմա ՛ի խաւարէ զլոյս, կամ ետ
Line: 10    քաղել ծաղիլ ՛ի հրոյ։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.