TITUS
Movses Kalankatowaci, Patmowtiwn Alowanic Asxarhi
Part No. 55
Previous part

Chapter: 25  
Page: 215  
Line: 9 
ԳԼՈՒԽ Ի՜Ե.

Line: 10  Աղօթք Ջիւանշիրի։


Line: 11       "Տէր իմ Տէր՝ որովհետեւ եղեր անյիշաչար
Line: 12    ծառայի քո բազմամեղի, եւ պարգեւեցեր ինձ
Line: 13    զխաչն, զորմէ զքեզ բեւեռեալ կախեցեր յերկրի,
Line: 14    առաքեա ՛ի տաճարս յայս զշնորհս Սուրբ Հոգւոյդ
Line: 15    եւ հանգոյն Սողոմոնի տաճարին հոգեխառն
Line: 16    ամպով փառաց քոց իբրեւ միգով զսա զարդարեալ
Line: 17    վայելչացո. արա զսա տուն աղօթից եւ
Line: 18    խնդրուածոց, որք յարեւելս ծովեզերայք իցեն։ Զի
Line: 19    որք միանգամ պատարագօք զերեսս քո պաշտեսցեն
Line: 20    ՛ի տեղւոջս յայսմիկ, լուիցես դու ՛ի բարձանց
Line: 21    եւ տացես զխնդրուածս նոցա։ Եւ եթէ ամենայն
Line: 22    աշխարհս Աղուանից միաբան գայցեն
Line: 23    փառաւորել զանուն քո ՛ի տանս յայսմիկ՝ աստուածընկալ
Line: 24    զօրութեամբ խաչիս աղխեսցես զդըրունս
Page: 216   Line: 1    թշնամեացն եւ խափանեսցես զմարտիցն
Line: 2    հէնս, զօդս քաղցրաբերս հրամայեսցես հեղուլ
Line: 3    ՛ի վերայ երկրիս, զի լիապատար բերմամբ որթ
Line: 4    եւ թզենի եւ ամենայն բոյսք անդաստանաց պըտղաւէտ
Line: 5    լիցին, եւ յըղձալի երկրիս անվրդով հանգիցեն։
Line: 6    Իսկ զՋուանշիրս, որ ծանրաբեռնեալ եմ
Line: 7    յանցանօք եւ ՛ի քո՝ Տէր, ամենազօր նշանիս օգնականութիւն՝
Line: 8    որպէս կարօտագոյն ոք հիւանդ ՛ի
Line: 9    բժիշկ բարի, անձկացեալ ապաւինեցայ, մի́ դարձուցաներ
Line: 10    ունայն եւ ամաչեցեալ։ Եւ զտունս զոր
Line: 11    շինեցի՝ արա զսա հովանի զլխոյ իմոյ յօր մարտի.
Line: 12    զյարուցեալսն ՛ի վերայ իմ ներքոյ իմ արասցես.
Line: 13    զուստերս եւ զդստերս իմ աներկիւղ արասցես
Line: 14    ՛ի չարէ եւ զօրաւոր յամենայնի։ Եւ դու՝
Line: 15    Տէր իմ Տէր, որ պահեցեր զիս ՛ի մանկութենէ
Line: 16    իմմէ, ՛ի շրջապատեալ փորձութեանց փրկեցեր,
Line: 17    յաճախեցեր ինձ ոսկի եւ արծաթ, ծառայս եւ աղախնեայս,
Line: 18    եւ ետուր ինձ իշխանութեամբս իմով
Line: 19    արքայաբար առնել տեսչութիւն, ընկալ եւ այժմ
Line: 20    զծառայս քո ՛ի բարի, եւ ՛ի վերայ ծննդոց իմոց
Line: 21    հեղ զհանճար գիտութեան՝ գնալ ՛ի ճանապարհս
Line: 22    քո եւ հնազանդ կալ առ ՛ի քէն պսակելոյ կայսերն
Line: 23    Յունաց աներկայաբար։ Իսկ ՛ի համաշխարհական
Line: 24    աւուրն յարութեան հասելոյ, յորժամ աներեւոյթքն
Line: 25    զերեւելիսս փոխանորդեն եւ փողագոչ
Line: 26    հնչմունքն զննջեցեալսն կոչեն ՛ի քնոյ, եւ հրեղէն
Line: 27    ջոկքն ՛ի ծագաց երկրէ առ ամենակալ թագաւորդ
Page: 217   Line: 1    հաւաքին, յայնժամ ՛ի ձեռն կարապետի
Line: 2    խաչի քո՝ յոր ապաւինեալս եմ, ողորմութեամբ
Line: 3    այց արասցես ինձ եւ զուգակցի իմոյ Խոսրովանուշի,
Line: 4    նախահարց իմոց, մանաւանդ ծաղկեալ
Line: 5    ալեօք հօր իմոյ Վարազ Գրիգորի եւ մօր իմոյ
Line: 6    Գորիդխտոյ եւ եղբարց իմոց Վարազ Պերոժի եւ
Line: 7    Յեզուտ Խոսրովու եւ զաւակաց իմոց։ Իսկ զիս
Line: 8    զՋիւանշիրս՝ որ յօրինակ Դաւթի երանելւոյ իջուցի
Line: 9    զարտասուս, մի́ բարկութեամբ խրատեր եւ
Line: 10    մի́ ճշդութեամբ պահանջեր. զի զի՞նչ օգուտ է
Line: 11    քեզ յարենէ իմմէ յիջանել ինձ յապականութիւն.
Line: 12    Փրկեա զիս ՛ի յաւիտենից փորձանաց, եւ
Line: 13    փոխանակ տաճարիս այսմիկ՝ զոր շինեցի յանուն
Line: 14    քո յերկրի, պատրաստեա մեղուցելոյս զհոգեւոր
Line: 15    օթեւանս ՛ի տան Հօր քո՝ Քրիստոս։ -- Ես իբրեւ
Line: 16    կատարեաց զաղօթս, մատոյց եւ զայն՝ որ յաղագս
Line: 17    նորահրաշ տօնին էին պատարագք։ Եւ
Line: 18    ուխտեաց անդ ուխտ փրկութեան, եթէ սա եղիցի
Line: 19    ինձ եւ որդւոց իմոց տեղի տալոյ երախայրիս
Line: 20    առաջի Տեառն եւ գտանելոյ զողորմութիւն ՛ի
Line: 21    նմանէ։ Եւ յետ այնորիկ իջանէ աստուածավայելուչ
Line: 22    աւետեօքն ՛ի ձմեռնահանգիստ քաղաքն
Line: 23    Պերոզքաւատ. եւ զամն ողջոյն յըղձալի եւ ՛ի խաղաղաւէտ
Line: 24    անցուցանէ ՛ի հանգիստս։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.