TITUS
Movses Kalankatowaci, Patmowtiwn Alowanic Asxarhi
Part No. 30
Previous part

Chapter: 30  
Page: 113  
Line: 1 
ԳԼՈՒԽ Լ՜.

Line: 2  Հաւատալն մեծի զօրավարին Թոբելեան ՛ի Քրիստոս,
Line: 3  թէ նա է Աստուած, եւ նահատակիլ նորա զօրօքն եւ
Line: 4  որդւովքն եւ քահանայական դասուքն յիւրմէ թագաւորէն
Line: 5  յաշխարհիս Աղուանից։


Line: 6       ՛Ի հասանել ճշմարտութեանն լուսոյ ՛ի սիրտ
Line: 7    աստուածարեալ իշխանին Թէոփիլոսի՝ ՛ի բաց
Line: 8    արձակել զմարդագերիսն հրամայէր եւ ինքն չուեալ
Line: 9    զայգոյ Զատկին՝ հանդերձ քահանայիւքն
Line: 10    սրբովք եւ այլ բազում հաւատացելովք խաղայր
Line: 11    գնայր Ագեստրոսեան գնդաւն։ Եւ երթեալ հասեալ
Line: 12    յՈւտի գաւառն՝ իջեալ բանակէին առ ափն
Line: 13    Կուրական գետոյն մերձ ՛ի նաւահանգիստն Զոմաքտակ
Line: 14    կամրջին. եւ ինքն իսկ մեծ թագաւորն
Line: 15    Ռոսմոսոքեան դարձեալ լինէր ամենայն զօրօքն
Line: 16    իւրովք ասպատակեալ բազմահոյլ գերութեամբն
Line: 17    եւ մեծամեծ աւարօքն անցեալ զԿուրական գետովն
Line: 18    ՛ի յարեւելից կուսէ բանակէր յայնկոյս յանդիման
Line: 19    նոցա։ Յայնժամ հրաման տայր դիւցազնն
Line: 20    մոլորութեամբ ձօնել նուէրս զոհից մեհեանազարդ
Line: 21    խնճոյիւք չաստուածոց իւրոց։ Զայն տեսեալ
Line: 22    քրիստոսազարդին Թէոփիլեայ եւ Ագիստրոսեան
Line: 23    գնդին, մատուցանէին եւ նոքա պատարագս Ասստուծոյ
Line: 24    ըստ կարգի քրիստոսական կրօնից ՛ի
Line: 25    ձեռն օրհնութեան քահանայիցն սրբոց. եւ խաչազարդ
Page: 114   Line: 1    յօրինէին զնշանս դրօշիցն իւրեանց։ Իսկ
Line: 2    զայն իբրեւ ետես գազանամիտ եւ անօրէն թագաւորն
Line: 3    բարբարոսաց՝ դիւագրգիռ մոլորութեամբն
Line: 4    դառնացեալ՝ հրամայէր առ ինքն կոչել զսուրբ
Line: 5    զօրավարն Թէոփիլոս երեսուն արամբքն։ Եւ նախ
Line: 6    ողոքանօք, եւ ապա սրտմտութեամբ խօսել սկսաւ
Line: 7    ընդ նմա եւ ասէ. "Սիրելի գոլով մերոյս թագաւորութեան,
Line: 8    քաջութեամբ յաղթող երեւեալ՝ մեծարեցար
Line: 9    յոյժ ՛ի մերմէ խնամակալութենէս.
Line: 10    վասն որոյ նախապատիւ ես քան զամենեսեան
Line: 11    եռամասնեայ զօրավարութեամբ փառաւորեալ.
Line: 12    ընդէ՞ր դու թողեր զքաջատոհմիկ աստուածս ազգի
Line: 13    քո, որ ետ մեզ յաղթութիւն ասպատակիս, եւ
Line: 14    ապստամբեալ քո յինէն քոյով զօրականօքդ՝ պաշտօն
Line: 15    մատուցանէք Աստուծոյ, զոր մեք ոչ գիտեմք։
Line: 16    Սակս որոյ եթէ ոչ մատուսցես զոհս աստուածոց
Line: 17    մերոց՝ մահապարտ ես դու եւ զօրականքդ
Line: 18    քո ՛ի միասին"։ -- Պատասխանի ետ խոստովանօղն
Line: 19    Քրիստոսի քաջ զօրավարն Թէոփիլոս
Line: 20    եւ ասէ ցթագաւորն. "Իմաստութիւն կենաց մարդոյ
Line: 21    ծնունդ է առաքինութեան. եւ առաքինութիւն
Line: 22    քաջալաւ բարեօք մայր է աստուածպաշտութեան։
Line: 23    Արդ եթէ յառաւելութիւն փառացն Քրիստոսի։
Line: 24    ծնունդն միաւորեցաւ ՛ի մերում բնութեանս,
Line: 25    շնորհօք լուսոյն գիտել ճանաչել զԱստուած արարիչ
Line: 26    երկնի եւ երկրի, զմիահասարակ սուրբ
Line: 27    Երրորդութիւնն, որ իւրով բարերարութեամբն
Page: 115   Line: 1    կամեցաւ մերժել զմեզ ՛ի չքոտի կռոցն վնասակարութենէ,
Line: 2    մի́ թէ արգելո՞ւլ ինչ կարիցես ՛ի
Line: 3    մէնջ զշնորհսն երկնային, կամ համեմատել զձեր
Line: 4    վայրկենի պատի՞ւդ կամիս ընդ աստուածային
Line: 5    պատուոյն, կամ թէ ՛ի սպառնալեա՞ց քոց համարեսցիս
Line: 6    զանգիտել մեզ եւ զառժամանակեայ ընտրել
Line: 7    զկեանս՝ թողլով զԱստուած՝ անմռնչոց մատուցանել
Line: 8    պաշտօն"։ Յայնժամ դժնդակ բարկութեամբ
Line: 9    ցասուցեալ մրմռայր թագաւորն եւ հրամայէր
Line: 10    վաղվաղակի տանջանաւոր մահուամբ կենազրաւել
Line: 11    զսուրբ զօրավարն Թոբելեան հանդերձ
Line: 12    երեսուն ընկերօքն եւ սուրբ քահանայիւքն. որոց
Line: 13    արիաբար կատարեալ զնահատակութեան մարտ՝
Line: 14    բարւոք վկայութեամբ ըստ մարտիրոսութեան
Line: 15    հանդիսի ՛ի Տեառնէ զյաղթութեանն ընդունէին
Line: 16    զպսակ. սուրբ խոստովանողն Թէոփիլէ քահանայական
Line: 17    դասուք եւ երեսնեակ զինուորօքն հանդերձ
Line: 18    յերկնայինսն փոխէին խորանս։ Իսկ երանելին
Line: 19    Մովսէս եւ Աներողոգէս որդիք սրբոյ զօրավարին
Line: 20    հանդերձ Ագիստրատոնեան գնդիւն եւ
Line: 21    այլ հաւատացելովք, իբրեւ զայն տեսանէին՝ աճապարէին
Line: 22    յիւրաքանչիւր երիվարս, փախստական
Line: 23    լինելով յանօրէն թագաւորէն, լաւ համարելով
Line: 24    հալածիլ վասն Քրիստոսի, քան յանցաւոր
Line: 25    կեանքս ամբարշտութեամբ կեալ. կարեւոր համարէին
Line: 26    զնախատինս վասն Քրիստոսի, քան զմեծութիւն
Line: 27    գանձուցն հայրենեաց։ Յայնժամ չուեալ
Page: 116   Line: 1    նոցա ընդ կողմանս հարաւոյ՝ երթեալ հասանէին
Line: 2    ՛ի բարձրաբերձ կատարս լերինն մեծի,
Line: 3    որ պարունակեալ շրջագայի զբազմաւորական
Line: 4    գաւառս աշխարհին։ Ապա ՛ի հրամանէ անողորմ
Line: 5    թագաւորին գունդք գունդք հատանէին եւ զկնի
Line: 6    լինէին նոցա զօրքն Հոնաց. եւ հասեալ առ նոսա
Line: 7    ՛ի գլուխ լերինն՝ ջանային բազում ողոքանօք
Line: 8    դարձուցանել զնոսա յերկրպագութիւն կռոցն եւ
Line: 9    ՛ի հնազանդութիւն թագաւորին։ Եւ ոչ կարացեալ
Line: 10    հնազանդեցուցանել զնոսա՝ հարկանէին սրով սուսերի
Line: 11    ՛ի նմին տեղւոջն։ Այսպէս կատարեալ նոցա
Line: 12    զընթացս՝ սուրբն Մովսէս երջանիկ եղբարբն
Line: 13    եւ ամենայն Ագիստրատեան գնդիւն, եւ ընկալեալք
Line: 14    ՛ի Քրիստոսէ զմարտիրոսական պսակն՝ փայլին
Line: 15    անաղօտ փայլմամբ ՛ի ծագաց հիւսիսոյ, յափըշտակող
Line: 16    եղեալք անմահ առագաստին ընդ ամենայն
Line: 17    սուրբս։


Line: 18  ԿԱՏԱՐԵՑԱՆ ԱՌԱՋԻՆ ԳԻՐՔ ՊԱՏՄՈՒԹԵԱՆՍ ԱՂՈՒԱՆԻՑ



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.