TITUS
Movses Kalankatowaci, Patmowtiwn Alowanic Asxarhi
Part No. 29
Previous part

Chapter: 29  
Page: 108  
Line: 18 
ԳԼՈՒԽ Ի՜Թ.

Line: 19  Դիմումն հիւսիսականացն յամենայն սահմանս Աղուանից,
Line: 20  Հայոց եւ Վրաց, եւ վկայութիւն աշակերտացն սըրբոյն
Line: 21  Մեսրոպայ։


Line: 22       Ընդ այն ժամանակս թագաւորն Ռոսմոսոքեան
Line: 23    իւրովք զօրօք եւ Թոբելական գնդիւն գումարեալ
Line: 24    ժողովեաց զամենայն զօրս Հոնաց եւ
Line: 25    էանց յայսկոյս Կուրական գետոյն, տարածեալ
Page: 109   Line: 1    յՈւտէացւոց գաւառն, եւ ածեալ նստուցանէր
Line: 2    զղակիշ իւր մերձ ՛ի Խաղխաղ քաղաք։ Եւ անդէն
Line: 3    արս երիս ընտրեալ զօրաւորս՝ ոստիկանս առնէր
Line: 4    ՛ի վերայ գնդին մեծի, եւ բովանդակեալ գումարէր
Line: 5    ՛ի ձեռս նոցա զմետասան զօրացն բազմութիւն.
Line: 6    հրամայէր երիս առաջս առնել եւ ասպատակել
Line: 7    ՛ի վերայ աշխարհին Աղուանից, Հայոց եւ
Line: 8    Վրաց։ Իսկ երրորդ մասն զօրուն հասեալ ՛ի
Line: 9    մուտս զատկին յԱրցախական գաւառն տայր ասպատակ
Line: 10    ՛ի վերայ Մեծ Կուենից։ Զայն հէն համբաւու
Line: 11    լուեալ Չղախկան գնդին երուսաղեմեան՝
Line: 12    զահի հարեալ մեծաւ երկիւղիւ աճապարեալ ՛ի
Line: 13    մի վայր ժողովէին զմասունս նշխարացն ամենայն
Line: 14    եւ յերկուս ամփոփեալ արծաթեղէն կողոփս՝
Line: 15    ծածկէին յերկրի։ Եւ իսկոյն հասեալ օրհասականն
Line: 16    այն գոյժակռիչ աղմուկ նման ցօղացայտ
Line: 17    անձրեւի տարածեալ անճողոպրելի տարակուսանքըն,
Line: 18    դիմեալ որպէս ալիք ծովու նախահաս յԱստեղն
Line: 19    լինէր բլուր. նոցա անկասկած լինելով
Line: 20    իրացն յեղակարծ ժամու դիմէին անխնայ խոցոտման
Line: 21    սրոյ առհասարակ. զսպասս ոսկւոյ եւ
Line: 22    արծաթոյ աւար առեալ ցիրեւցան ընդ բլուրն Վիժան
Line: 23    ճապաղէին. եւ զմնացեալսն գերի առեալ ՛ի
Line: 24    տեղւոջն բակարգել առնէին։ Բայց կին մի՝ Թագուհի
Line: 25    անուն, յՈւտի գաւառէ ՛ի բնաշխարհիկ
Line: 26    ազատաց ՛ի Բագնաց գեղջէ մեծատուն յոյժ, որ
Line: 27    նոյն ինքն ընդ երուսաղէմացիսն էր ցանկորդեալ,
Page: 110   Line: 1    զնա տեսեալ զօրավարին Հոնայ ՛ի մէջ
Line: 2    գերելոցն, դիւահորդոր բղջախոհական ախտիւն
Line: 3    յեղազեղեալ տռփէր ՛ի նա, զի գեղեցիկ էր յոյժ.
Line: 4    հրամայէր պահել զնա մեծաւ զգուշութեամբ՝
Line: 5    առնուլ ՛ի կնութիւն իւր կամեցեալ. եւ ինքեանք
Line: 6    զառօրեայ արշաւանսն վճարելով՝ ածին, ժողովեցին
Line: 7    զամենայն առեւաւար գաւառին եւ զնոյն
Line: 8    իսկ համագունդ եղբարսն՝ զբազումս ՛ի նոցանէ
Line: 9    սպանանէին եւ զմնացեալսն գերի վարէին՝ ածելով
Line: 10    յԱստեղն բլուր։ Եւ ՛ի մէջ գերելոցն ունէին
Line: 11    զերկու քահանայսն, զընկերս Աթանասի վկային։
Line: 12    Եւ քանզի մեծ զօրավարն Հոնաց անդէն բնակեալ
Line: 13    կայր իւրոյին զօրօքն զայն գիշեր, ընդ
Line: 14    երեկս աւուրն սպահապետ գնդին Թոբելեան հրամայէր
Line: 15    ածել զերանելի Թագուհին, զի կատարեսցէ
Line: 16    ընդ նմա զկամս վավաշոտութեան իւրոյ։
Line: 17    Իսկ նա վառեալ զինու զօրութեամբ Տեառն՝ այպանէր
Line: 18    զնա, չանսայր, չհաւանէր, ծաղր առնէր
Line: 19    զլկտի բարբարոսովն. "Քաւ լիցի ինձ, ասէ՝ տալ
Line: 20    զզգաստութիւն պարկեշտութեան իմոյ անազգի
Line: 21    եւ խոզաբարոյ հեթանոսաց. կամ թէ յերկիւղէ
Line: 22    տանջանաց ինչ զանգիտել մինչեւ ՛ի մահ, եւ փոխանակել
Line: 23    զոչինչ կեանս ընդ այնմ՝ որ ոչ անցանէ"։
Line: 24    Եւ համբարձեալ զձեռս իւր առ Աստուած՝
Line: 25    բարբառէր ասելով. "Տէր Տերանց եւ թագաւոր
Line: 26    թագաւորաց, մի́ յամօթ առնէր զիս զյուսացեալս
Line: 27    ՛ի քեզ, անբիծ եւ ուղիղ պահեա յառժամանակեայ
Page: 111   Line: 1    վտանգէս. որպէս շնորհեցեր ինձ զծընունդ
Line: 2    աւազանին լուսոյ նորոգման ճանաչել
Line: 3    զքեզ, արա́ եւ այժմ անարատ մնալ ՛ի մեղաց
Line: 4    հաւատովք եւ սրբութեամբք։ Ծագեա զլոյս ճըշմարտութեան
Line: 5    քո ՛ի սիրտս անզգայ բարբարոսացս,
Line: 6    զի եւ սոքա ծանիցեն զքեզ միայն ճշմարիտ
Line: 7    Աստուածդ"։ Իսկ զայն իբրեւ լուան անօրինացն
Line: 8    ջոկք, չոքան, պատմեցին իշխանին իւրեանց,
Line: 9    զի թարգման կայր ՛ի միջի նոցա, որ
Line: 10    լսէր զամենայն խօսս նորա։ Յայնժամ մոլեկան
Line: 11    սրտմտութեամբ առլցեալ բռնաւորն ըստ խածանող
Line: 12    եւ մրմռող գազանութեանն զայրացեալ հրամայէր,
Line: 13    զի թէ ոչ եկեսցէ շքով եւ պատուով, անհնարին
Line: 14    տանջանօք չարամահ արասցեն զնա։ Եւ
Line: 15    երթեալ սպասաւորքն ստիպէին առնել զկամս
Line: 16    իշխանին։ Եւ իբրեւ ոչ կարէին հաւանեցուցանել
Line: 17    զանհրապուրելի Թագուհին, կապէին զձեռս նորա
Line: 18    յետս եւ քարշէին զվարսից նորա, եւ դժնդակ
Line: 19    փշով անտառի անապատին ծեծէին զերեսս նորա,
Line: 20    եւ քանցէին մարմինք սրբոյն առհասարակ։
Line: 21    Եւ ապա բառնային զգլուխ երանելւոյն սուսերաւ,
Line: 22    որպէս սուրբ տիկնոջն Հռիփսիմեայ լինէր
Line: 23    մարտ նորա՝ եւ աստուածայաղթ պսակօքն Քրիստոսի
Line: 24    պսակեալ լինէր մեծն այն Թագուհի։ Եւ
Line: 25    յետ այնորիկ ՛ի նմին գիշերի մինչդեռ արթնական
Line: 26    խնճոյիւք դեգերէին այլազուն իշխանքն
Line: 27    հանդերձ զօրականօք եւ առնէին ծաղրական խընդութիւն,
Page: 112   Line: 1    յանկարծակի նշան զարմանալի երեւեալ
Line: 2    ՛ի Տեառնէ, ակն յայտնի ամենեքեան տեսանէին
Line: 3    լոյս սաստիկ ծագեալ ՛ի տեղւոջն, ուր
Line: 4    սուրբն Թագուհի վկայեաց եւ ուր ցրեալ պատառած
Line: 5    հանդերձի նորա սփիւռ եւ տարած ընդ երեսս
Line: 6    անտառին փայլէին որպէս աստեղք։ Եւ հարուստ
Line: 7    ժամանակաւ լոյս աստեղանման ծագեալ
Line: 8    ՛ի տեղւոջն փարէր ՛ի վերայ սրբոյ նահատակին,
Line: 9    զոր տեսեալ բազմութեան մարդկանն՝ զանուն
Line: 10    տեղւոյն Աստեղաբլուր անուանեցին մինչեւ ցայսօր։
Line: 11    Վասն որոյ աւետասքանչ հրաշիւք հիանայր
Line: 12    իշխանն եւ ՛ի մեծի ահի եղեալ՝ հրամայէր առ
Line: 13    ինքն կոչել զքահանայս Տեառն եւ ուսեալ ՛ի նոցանէ
Line: 14    զփրկութեանն ճանապարհ՝ հաւատայր յԱստուած
Line: 15    կենդանի, եւ հրամայէր ամփոփել զնըշխարս
Line: 16    սրբոյն, պատել սուրբ կտաւօք եւ ծածկել
Line: 17    ՛ի բլրին։ Եւ անդէն կատարէին յօդեաց եւ յայծեաց
Line: 18    պատարագ օրհնութեան եւ զտէրունական
Line: 19    զտօնն մեծապայծառ խմբէին յիշատակօք ՛ի նոցունց
Line: 20    վկայելոցն։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.