TITUS
Movses Kalankatowaci, Patmowtiwn Alowanic Asxarhi
Part No. 28
Previous part

Chapter: 28  
Page: 106  
Line: 14 
ԳԼՈՒԽ ՜ԺԲ.

Line: 15  Շարագրած յաղագս աշակերտաց սրբոյն Մաշտոցի ընդ
Line: 16  ներգոյս զրուցատրաբար։


Line: 17       Յետ սրբոյն Մաշտոցի սուղ ինչ անցեալ
Line: 18    ժամանակ՝ նորին աշակերտեալքն որք ՛ի կողմանս
Line: 19    գաւառացն Աղուանից, գումարեալք ՛ի մի
Line: 20    վայր յազդմանէ Սուրբ Հոգւոյն եւ խորհրդազգացք
Line: 21    լինելով՝ փութային հասանել գործոց բարեաց։
Line: 22    "Զի՞նչ մեք արասցուք՝ ասեն, զի որ մեր լուսաւորութեանն
Line: 23    էր առիթ՝ ննջեաց ՛ի Քրիստոս, եւ
Line: 24    ահա ՛ի նմանէ մնացեալ եմք որբք. եկայք, եղբարք՝
Page: 107   Line: 1    յաստուածային ՛ի քաղաքն Երուսաղէմ
Line: 2    երթիցուք եւ ՛ի նոցանէ խնդրեսցուք մեզ առաջնորդ,
Line: 3    զի բնական լուսաւորութեան երկրիս արեւելից
Line: 4    ՛ի ձեռն սրբոյն Եղիշայի յԵրուսաղեմէ
Line: 5    եղեալ է սկիզբն"։ Յայնժամ հանդերձեցան, կազմեցան՝
Line: 6    յերիս բաժանեալ գունդս, եւ համբարձեալ
Line: 7    ՛ի կողմանցն Աղուանից՝ յառաջ խաղային
Line: 8    առ սահմանօք Ասորեստանի եւ երթեալ հետեւողաբար
Line: 9    յԵրուսաղէմեան հասանէին քաղաք եւ
Line: 10    մտեալ յաստուածաբնակ եկեղեցին՝ երկրպագանէին
Line: 11    ամենակեցոյց փայտին կենաց։ Եւ հանդիպեցան
Line: 12    հոգեզուարճ աստուածազարդ հայրապետին,
Line: 13    տուեալ ողջոյն եկեղեցւոյն՝ խոնարհամիտ
Line: 14    համբուրիւ ընկալեալ ՛ի նոցանէ լինէին։ Եւ զջան
Line: 15    քրտանց սրբոյն Մաշտոցի բովանդակ պատմէին
Line: 16    առաջի սրբոյ հայրապետին, եթէ՝ զինչ գունակ
Line: 17    սքանչելեօք առ բարբարոսականսն կատարեալ
Line: 18    լինէին ուղղութիւնք։ Զոր լսելով նոցա, մեծաւ
Line: 19    խնդութեամբ ընկալեալ՝ բազում մեծարանս ցուցանէին
Line: 20    խնամով. եւ առնէին անդ աւուրս բազումս՝
Line: 21    յարելով յինքեանս արս երիս աստուածասէր
Line: 22    քահանայս, որոց առաջինն Աթանասիոս.
Line: 23    զնոսա ողոքական բանիւք հաւանեցուցանէին գալ
Line: 24    ընդ իւրեանս, զի յառաջնուրդութիւն զնոսա վիճակեցուսցեն
Line: 25    յաշխարհին իւրեանց։ Եւ կատարեալ
Line: 26    նոցա զերկրպագութեան ուխտս՝ երանաւէտ
Line: 27    համբուրիւ ողջունէին զսրբոյ պատրիարգին ոտս
Page: 108   Line: 1    եւ նորին հրամանաւ ուղարկեալք անտի՝ ոսկեղէն
Line: 2    եւ արծաթեղէն սպասուք եւ բազում նշխարօք յամենայն
Line: 3    սրբութեանցն Աստուծոյ՝ յարազուարճ
Line: 4    ցնծութեամբ հրաժարեալք քահանայիւք հանդերձ
Line: 5    գնային. եւ եկեալ հասանէին ՛ի սուրբ պահս քառասնորդացն
Line: 6    յեօթներորդ շաբաթու պասեքի
Line: 7    Զատկին ՛ի ձորախորխում անտառայր մայրաստանիկ
Line: 8    աշխարհն Արցախայ ՛ի գաւառն Մեծ Կուենից.
Line: 9    եւ ՛ի կիրճս ճանապարհին եւ երկաջոկեալ
Line: 10    գունդն յերկուս բաժանելով՝ նստէին գուպարս
Line: 11    յայնմ տեղւոջ, որում Աստեղն կոչեն բլուր ՛ի
Line: 12    հիւսիսոյ կողմանն. իսկ գունդն երկրորդ յայնկոյս
Line: 13    Տրտուական գետոյն ՛ի հարաւական կողմանն
Line: 14    ՛ի մայրոլորտ հովտին ՛ի պուրակին բնակէր
Line: 15    Չղախ անուանելոյ, զի ուխտիւք խոստացեալ
Line: 16    էին առ միմեանս կատարել ՛ի տեղւոջն
Line: 17    զամենասուրբ զատիկն։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.