TITUS
Movses Kalankatowaci, Patmowtiwn Alowanic Asxarhi
Part No. 27
Previous part

Chapter: 27  
Page: 103  
Line: 21 
ԳԼՈՒԽ Ի՜Է.

Line: 22  Յաղագս սրբոյն Մեսրոպայ եւ ընկերաց նորա պատմութիւն
Line: 23  վիպասանաբար։


Line: 24       Եւ եղեւ յետ վկայութեանն Գրիգորիսի Աղուանից
Line: 25    կաթուղիկոսի՝ բարբարոսական ազգք
Page: 104   Line: 1    կողմանցն արեւելից վերստին ՛ի դիւցախելառ
Line: 2    կռամոլութիւնս կործանեցան. եւ բազում ուխտս
Line: 3    ատրուշանաց կատարելով՝ հարուցին հալածանս
Line: 4    ՛ի վերայ քրիստոնէից։ Մի ոմն ՛ի նախեղելոց
Line: 5    վարդապետաց, որ ՛ի Հոգւոյն Սրբոյ խնամոցն
Line: 6    նշանագիր երից ազգաց առնէր՝ Հայոց, Աղուանից
Line: 7    եւ Վրաց, եւ այնուհետեւ ՛ի սուրբն երթայր
Line: 8    յԵրուսաղէմ մատուցանել ուխտադրութիւն, անտի
Line: 9    դարձեալ աշակերտօքն՝ ընդ ինքեան ունելով
Line: 10    զխաչն արծաթեղէն ոսկեխաղաց տեսակաւ, յորում
Line: 11    ՛ի տէրունեան խաչէն էր մասնաւորեալ, եւ
Line: 12    անցեալ ընդ Հայաստան՝ ճանապարհ առնէ հասանել
Line: 13    ՛ի սահմանս արեւելից ՛ի գաւառն Ուտիական.
Line: 14    եւ մտեալ բնակէր ՛ի ճաղճաղուտ տեղիս եւ
Line: 15    ՛ի լօռաբոյս մօրս, առ տեղեաւն՝ որում Գիսն
Line: 16    կոչեն։ Եւ նորոգեալ զեկեղեցւոյ հաւատս հաստատէր.
Line: 17    եւ ձգէր զքարոզութիւն աւետարանին
Line: 18    յաշխարհն Ուտիացւոց, եւ յԱղուանս եւ ՛ի Լփինս
Line: 19    եւ ՛ի Կասպս եւ ՛ի Դուռն Չորայ եւ յայլ ազգի ազգիսն,
Line: 20    զորս գերութեամբն էր ածեալ Աղեքսանդրի
Line: 21    Մակեդոնացւոյ եւ նստուցեալ զմեծ լերամբն
Line: 22    Կովկասու. զԳարգառսն եւ զԿամիճիկ Հեփթաղսն
Line: 23    դարձուցեալ ՛ի հաւատս՝ զկարգ աստուածպաշտութեան
Line: 24    ուսուցանէր, զոր ՛ի վաղնջուց ուսեալն
Line: 25    էին եւ մոռացեալ. եւ բոլորովին քարոզ եւ առաքեալ
Line: 26    խուժադուժ սարոտանեացն լինելով ըստ
Line: 27    նոցին բարբառոյ դպրութեան առնէր զնոսա ծանօթս։
Page: 105   Line: 1    Եւ անտի դարձեալ ՛ի մօրսն երթեալ բնակէր,
Line: 2    ղօղեալ ՛ի սպառնալեաց դժնդակ իշխանացն։
Line: 3    Եւ անդ յանտառսն ծածկեալ՝ օր ըստ օրէ
Line: 4    հաստատէր զեկեղեցիսն Աստուծոյ։ Անդէն ոգի
Line: 5    մոլորութեան գրգռէր զմիտս գազանացեալ բըռնակալացն՝
Line: 6    զայրագնեալ նոցա եւ փոյթ կալեալ ՛ի
Line: 7    սպանանել զնա։ Իսկ երանելոյն Մաշտոցի ՛ի
Line: 8    Հոգւոյն Սրբոյ ազդեալ՝ փութացեալ փորէր փոս
Line: 9    մի ըստ պիտոյից գործոյն եւ աստուածայինն առեալ
Line: 10    գանձ, որ է խաչն տէրունեան՝ եդեալ ՛ի
Line: 11    տապանի ծածկէր ՛ի գետնափոր կայանին։ Եւ
Line: 12    այնուհետեւ հաւատարիմ եւ զուգակրօն աշակերտքըն
Line: 13    միաբան յաղօթս եւ ՛ի խնդրուածս ապաւինեալ՝
Line: 14    միմեանց կամաւ յերկուս բաժանէին ջոկս.
Line: 15    կէսք ՛ի կողմանս գաւառացն ելեալ խորհէին, եւ
Line: 16    կիսոցն բազում աշխարհս հատեալ՝ անցեալ քարոզէին
Line: 17    զհաւատս։ Բայց մնացեալ դասն ՛ի տեղւոջ
Line: 18    կայանի խաչին յետ սակաւ ինչ աւուրց զմարտիրոսական
Line: 19    առնոյր զպսակ. յորոց նահատակութեանց
Line: 20    տեղւոջ նշանք լուսեղէնք եւ հրաշալի սքանչելիք
Line: 21    երեւեալ. զոր տեսեալ բազում անգամ անհաւատից,
Line: 22    եւ ուսեալ թէ մեծին Աստուծոյ է այն
Line: 23    նշան՝ հաւատային միաբան եւ մկրտէին առհասարակ։
Line: 24    Իսկ մի ոմն ՛ի նորահաւատից՝ որ բազում
Line: 25    անգամ տեսեալ էր զնշանն զայն ՛ի վերայ գետնափոր
Line: 26    կայանի խաչին՝ շինէ մատուռն մի հողեշէն
Line: 27    չորեքկուսի եւ տապան տախտակամած արարեալ՝
Page: 106   Line: 1    ամփոփէր զնշխարս նոցա ՛ի տապանի անդ
Line: 2    եւ ամ յամէ ուխտաւորեալ՝ կատարէր զյիշատակս
Line: 3    նոցա, եւ յոլովից լինէր բժշկութիւն ՛ի տեղւոջն,
Line: 4    յորս հաստատեալ նուաճեցան հաւատացեալքն։
Line: 5    Եւ նախ անդ եդեալ հիմունս՝ հաստատէին զեկեղեցի
Line: 6    Աստուծոյ ՛ի կայարանի խաչին, զոր Հին
Line: 7    Եկեղեցի տեղւոյն անուանէին, որում Գիսն կոչեն։
Line: 8    Այլ եւ յետ բազում ժամանակաց վեհազգի
Line: 9    ոմն իշխան Վարազպերոժ անուն՝ յԱռանշահիկ
Line: 10    տոհմէ, կամեցեալ նորոգել զհին եկեղեցին եւ ոչ
Line: 11    կարէր քակել զաղիւսաշար պոյր գմբեթին, զի
Line: 12    բնակեալ էր անդ խաչն տէրունական եւ նշխարք
Line: 13    վկայիցն։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.