TITUS
Movses Xorenaci, Patmowtiwn Hayoc
Part No. 186
Previous part

Chapter: 60  
Կ՜
Line: 16 
Sentence: 1   Կրկին աւետարանիչ լինել Մեսրոպայ. Sentence: 2   եւ երթ թարգմանչացն ի Բիւզանդիոն։


Line: 17    Sentence: 3   Մեսրոպայ կացեալ յանապատ եւ ի հովանաւոր տեղիսն, որ Շաղգոմք
Line: 18    անուանին՝ բովանդակեաց զվարդապետութիւնս առաջին առելոց։

Page: 340   Line: 1    խմբիցն։ Sentence: 4   Քանզի ոչ որպէս զարուեստ ուսուցանէր, այլ իբրեւ զհոգի
Line: 2    առաքինաբար աշակերտացն տայր։ Sentence: 5   Յետ որոյ թողեալ վերակացուս
Line: 3    յիւրոց աշակերտացն ի նմին տեղւոջ, զՂեւոնդ եւ զԵնովք ի Սպեր, իսկ
Line: 4    ի Դերջան զնոցին եպիսկոպոսն զԳինդ, եւ յԵկեղեացզԴանան՝ ինքն
Line: 5    եկեալ յԱյրարատ՝ անցանէ յառաջնոյ բնակութեան գաւառն Գողթն։

Line: 6    Sentence: 6   Քանզի մնացեալ արմատ դառնութեան հեթանոսական աղանդոյն
Line: 7    ի ժամանակի անիշխանութեանն ի վեր երեւեալ՝ ի բազումս տարածեցաւ.

Line: 8    Sentence: 7   զորս բնաբարձ արարեալ երանելւոյն հանդերձ օգնականութեամբ
Line: 9    հօրաբարոյին Գտայ որդւոյ Շաբիթայ, իշխանի գաւառին, տեղեկանայր
Line: 10    եւս, եթէ չարեացն վարդապետք նախագոյնք ի Բաղասականն են կողմանս։

Line: 11    Sentence: 8   Ուր երթեալ զբազումս յուղղութիւն ածէ, եւ զսակաւսն անդարձս
Line: 12    յիշխանութիւն Հոնաց հալածականս առնէ։ Sentence: 9   Հաւատալով զվարդապետութիւն
Line: 13    կողմանցն այնոցիկ եպիսկոպոսին, որում մուշեղն կոչէին՝ ինքն դառնայ
Line: 14    զԳարդմանայ ձորովն. Sentence: 10   զի եւ ի նմա լուաւ լինել ի նոցին ընկերաց
Line: 15    աղանդոյն. Sentence: 11      զորս գտեալ՝ ածէ եւ զնոսա ի գիտութիւն ճշմարտութեան,
Line: 16    հանդերձ վերստին ուղղութեամբ իշխանին Գարդմանաց, որում անուն
Line: 17    էր Խուրս։ Sentence: 12      Հրաւիրի անտի ի բդեշխէն Գուգարացւոց Աշուշայէ՝ յաղագս
Page: 341   Line: 1    Նորին գործոյ գալ յիւր իշխանութիւնն ի գաւառն Տաշրաց. Sentence: 13   ուր
Line: 2    երթալ՝ լաւագոյնս վարդապետեաց եւ հաստատագոյնս քան զամենայն
Line: 3    աշակերտեալսն. Sentence: 14   առ որով ժամանակաւ Արձիլ ոմն էր կացեալ թագաւոր
Line: 4    Վրաց։

Line: 5    Sentence: 15   Ապա եկեալ եւ առեալ Մեսրոպայ եւ մեծին Սահակայ զնոյն աշակերտս,
Line: 6    Յովսէփ եւ զմիւս ընկերնմին ի կողբ գեղջէ, որում անուն
Line: 7    Եզնիկ կոչէր՝ առաքեն ի միջագետս ի քաղաքն Եդեսիայ. Sentence: 16   զի որ
Line: 8    միանգամայն գտցին անդ գիրք ասացեալ նոցին սրբոցն հարցն առաջնոց՝
Line: 9    թարգմանեալ ի մեր լեզուս բերցեն փութով, զի յետ այնր ի Բիւզանդիոն
Line: 10    առաքեսցին ի նոյն գործ։ Sentence: 17   Որոց ընկալեալ զհրապուրական թուղթս
Line: 11    սուտակասպասաց ոմանց, իբր թէ պատրաստին մեծն Սահակ եւ
Line: 12    Մեսրոպ զայլս առաքել ի Բիւզանդիոն. Sentence: 18      Վասն որոյ առանց հրամանի
Line: 13    վարդապետացն իւրեանց՝ ընդ նոյն չուեալ գնացին ի Բիւզանդիոն,
Line: 14    նախանձաւոր բարեաց եղեալ ուսմանց. Sentence: 19   եւ քաջ վարժեալ հելլէն
Line: 15    դպրութեամբ՝ ձեռնարկեցին ի թարգմանել եւ ի գրել։ Sentence: 20   Եւ ընդ նոսա
Line: 16    նախանձեալ ընկերաց իւրեանց աշակերտակցաց, որոց անուանք Ղեւոնդ
Line: 17    եւ Կորիւն կարդային՝ յիւրեանց կամաց ելին առ նոսա ի Բիւզանդիոն։

Line: 18    Sentence: 21   Ապա ելանեն անդր Յովհան եւ ԱՐձան, զորս կանխագոյն առաքեալ էր
Line: 19    մեծին Սահակայ եւ Մեսրոպայ. Sentence: 22   որոց յուլապար ուղեւորեալ եւ ծուլաբար
Line: 20    դեգերեալք՝ պատաղեցան ի Կեսարիայ։ Sentence: 23   Որոց ընդունելութիւն ամենաեցուն
Line: 21    մեծապէս արար Մաքսիմիանոս եպիսկոպոս Բիզանդացւոց։



Next part


This text is part of the TITUS edition of Movses Xorenaci, Patmowtiwn Hayoc.

Copyright TITUS Project, Frankfurt a/M, 9.12.2008. No parts of this document may be republished in any form without prior permission by the copyright holder.