TITUS
Movses Xorenaci, Patmowtiwn Hayoc
Part No. 187
Previous part

Chapter: 61  
Կ՜Ա
Page: 342  
Line: 2 
Յաղագս ժողովոյն Եփեսոսի, որ վասն ամբարշտին Նեստորի եղեւ։


Line: 3    Sentence: 1   Ընդ այն ժամանակս եկաց յաթոռ եպիսկոպոսութեանն Բիւզանդացւոց
Line: 4    անարժանաբար ամբարիշտն Նեստոր, եւ հրէական իմացմանց
Line: 5    հետեւեալ՝ հայհոյեաց զամենասուրբ կոյսն՝ մարդածին լինել եւ ոչ
Line: 6    աստուածածին։ Sentence: 2   Քանզի ծնեալն ի նմանէ առեալ սկիզբն ՝ այլ որդի ասէր
Line: 7    շնորհօք ի Մարիամայ, եւ այլ որդի ի Հօրէ յառաջ քան զյաւիտեանս։

Line: 8    Sentence: 3   որպէս զի լինել երկուս որդիս, որով Երրորդութիւնն չորրորդութիւն
Line: 9    լինի։ Sentence: 4   Վասն որոյ ժողովեալ սրբոց հարցն յԱսիա ի ծովահայեացն
Line: 10    Եփեսոս գրաւորական վերծանութեամբ, Կելեստինոս Հռոմայ, Կիւրղոս
Line: 11    Աղեքսանդրի, Յոբնաղիոս Երուաղեմի, Յովհաննէս Անտիոքայ, Մեմնոն
Line: 12    Եփեսոսի, Պաւղոս Հեմեսու, Թէոդոտիոս Անկիւրիայ, եւ այլք բազումք,
Line: 13    համագամայն երկերիւր հարք, նզովեալ զՆեստոր՝ խոստովանեցին մի
Line: 14    որդի Աստուծոյ զտէր մեր Յիսուս Քրիստոս, եւ աստուածածին զամենասուրբ
Line: 15    կոյսն Մարիամ։

Line: 16    Sentence: 5   Եւ վասն զի ոչ հանդիպեցան յայնմ ժողովի մեծն Սահակ եւ Մեսրոպ՝
Line: 17    գրեն առ նոսա Կիւրեղ Աղեքսանդրացի եւ Պրոկղոս Կոստանդնուպօլիսի եւ
Line: 18    Ակակ Մելիտինեայ եպիսկոպոսք, զգուշացուցանելով զնոսա. Sentence: 6   քանզի
Line: 19    լուան, եթէ ոմանք ի չարափառացն աշակերտաց առեալ զգիրսն
Page: 343   Line: 1    Թէոդորոսի Մամուեստացւոյ, զվարդապետին Նեստորի, եւ զաշակերտին
Line: 2    Թէոդորի՝ գնացին յաշխարհն Հայոց։ Sentence: 7   Ապա եկեալ թարգմանիչքն մեր,
Line: 3    զորոց զանուանսն յիշատակեցաք յառաջագոյն՝ գտին զմեծն Սահակ եւ
Line: 4    զՄեսրոպ յԱշտիշատ Տարօնոյ, եւ մատւցին զթուղթսն եւ զկանոնս
Line: 5    ժողովոյն Եփեսոսի, վեց սահմանեալ կանոնաւ, եւ ստոյգ օրինակս Գրոց։

Line: 6    Sentence: 8   Զոր առեալ մեծին Սահակայ եւ Մեսրոպայ՝ դարձեալ թարգմանեցին
Line: 7    զմի անգամ թարգմանեալն փութանակի, հանդերձ նոքօք վերստին
Line: 8    յօրինեալ նորոգմամբ։ Sentence: 9   Բայց քանզի անգէտք էին մերումս արուեստի՝
Line: 9    ի բազում մասանց թերացեալ գործն գտանէր. Sentence: 10   վասն որոյ առեալ մեծին
Line: 10    Սահակայ եւ Մեսրոպայ զմեզ առաքեցին յԱղեքսադրիայ, ի լեզու
Line: 11    պանծալի, ի ստոյգ յօդանալ ճեմարանին վերաբանութեան։



Next part


This text is part of the TITUS edition of Movses Xorenaci, Patmowtiwn Hayoc.

Copyright TITUS Project, Frankfurt a/M, 9.12.2008. No parts of this document may be republished in any form without prior permission by the copyright holder.