TITUS
Movses Xorenaci, Patmowtiwn Hayoc
Part No. 180
Previous part

Chapter: 54  
Ծ՜Դ
Page: 328  
Line: 2 
Յաղագս դպրութեան Հայոց, Վրաց եւ Աղուանից։


Line: 3    Sentence: 1   Վախճանեալ Արկադայ՝ փոխանակ նորա թագաուրեսցէ նորին որդի,
Line: 4    որ կոչեցաւն Թէոդոս փոքր. Sentence: 2   եւ զնոյն բարեկամութիւն կալաւ ընդ
Line: 5    մերում աշխարհիս եւ ընդ արքային մերում Վռամշապհոյ. Sentence: 3      Բայց զմասն
Line: 6    իւր ոչ հաւատաց նմա, այլ ինքն կալաւ գործակալօք եւ խաղաղութիւն
Line: 7    արար ընդ Յազկերտի արքայի Պարսից։ Sentence: 4   Ընդ այն ժամանակս եկեալ
Line: 8    Մեսրոպայ, եւ բերեալ զնշանագիր մերոյ լեզուիս, եւ հրամանաւ Վռամշապհոյ
Line: 9    եւ մեծին Սահակայ ժողովեալ մանկունս ընտրեալս, ուշեղս եւ քաջասունս,
Line: 10    փափկաձայնս եւ երկարոգիս, եւ դպրոցս կարգեաց յամենայն
Line: 11    գաւառս. Sentence: 5   եւ ուսոյց զբնաւ կողմանս բաժնոյն Պարսից, բայց ի Յունաց
Line: 12    մասնէն, որք ընդ ձեռնադրութեանն տուգանեցան, վիճակեալք յաթոռն
Line: 13    Կեսարու, վարել Յունական դպրութեամբ եւ ոչ ասորւով։

Line: 14    Sentence: 6   Իսկ Մեսրոպայ երթեալ յաշխարհն Վրաց՝ առնէ եւ նոցա նշանագիրս
Line: 15    տուեցելովն ի վերուստ շնորհաւն, հանդերձ Ձաղայիւ ոմամբ
Line: 16    թարգմանաւ հելլէն եւ հայ լեզուի, ձեռնատու լինելով արքայի նոցա
Line: 17    Բակրոյ եւ եպիսկոպոսին Մովսիսի։ Sentence: 7   Եւ ընտրեալ մանկունս եւ յերկուս
Line: 18    բաժանաեալ դասս՝ եւ Վարդապետս թողու նոցա յաշակերտաց իւրոց զՏէր
Line: 19    Խորձենացի, եւ զՄուշէ Տարօնացի։

Page: 329   Line: 1    Եւ ինքն յԱղուանս իջեալ առ Արսվաղէն թագաւոր նոցա եւ առ
Line: 2    եպիսկոպոսապետն Երեմիայ. Sentence: 8   որոց կամաւ յանձն առեալ զվարդապետութիւն
Line: 3    նորա ետուն մանկունս ընտիրս։ Sentence: 9   Եւ կոչեալ զԲենիամին ոմն
Line: 4    շնորհաւոր թարգման, զոր անդանդաղ արձակեաց մանուկն Վասակ
Line: 5    Սիւնեաց տէր, ի ձեռն Անանիայի եպիսկոպոսի իւրոյ. Sentence: 10   որովք ստեղծ
Line: 6    զնշանագիրս կոկորդախօս աղխազուր խժական խեցբեկագունին այնորիկ
Line: 7    Գարգարացւոց լեզուն։ Sentence: 11   Եւ վերակացու թողեալ զաշակերտ իւր զՅովնաթան,
Line: 8    միանգամայն եւ քահանայիս կացուցանել դրանն արքունի՝ ինքն
Line: 9    դառնայ ի Հայս. Sentence: 12   եւ գտանէ զմեծն Սահակ թարգմանութեան պարապեալ
Line: 10    յասորւոյն, յոչ լինելոյ յունի։ Sentence: 13   Քանզի նախ ի մեհրուժանայ այրեալ
Line: 11    լինէին ընդհանուր աշխարհիս յոյն գիրք. Sentence: 14   դարձեալ ի բաժանել զաշխարհս
Line: 12    Հայոց ՝ չտային պարսիկ վերակացուքն յոյն ումեք ուսանել
Line: 13    դպրութիւն յիւրեանց մասինն, այլ միայն ասորի։



Next part


This text is part of the TITUS edition of Movses Xorenaci, Patmowtiwn Hayoc.

Copyright TITUS Project, Frankfurt a/M, 9.12.2008. No parts of this document may be republished in any form without prior permission by the copyright holder.