TITUS
Movses Xorenaci, Patmowtiwn Hayoc
Part No. 178
Previous part

Chapter: 52  
Ծ՜Բ
Page: 325  
Line: 2 
Յաղագս Դանիելեան նշանագրութեանն։


Line: 3    Sentence: 1   Յայնմ ժամանակի հիւանդացեալ Արկադ, եւ շարժմանց ահագնից եւ
Line: 4    հրկիզութեանց եղեալ ի Բիւզանդիոն, որ յաղագս մեծին Յովհաննու՝
Line: 5    շփոթեալ լինէր թագաւորութիւնն Յունաց. Sentence: 2   եւ զօրքն ընդ միմեանս
Line: 6    պատերազմէին եւ ընդ Պարսս։ Sentence: 3      Վասն որոյ Վռամ հրամայեաց Վռամշապհոյ
Line: 7    մերում թագաւորին իջանել ի Միջագետս, զի խաղաղացուցեալ
Line: 8    կարգեսցէ զնոսա, եւ համար երկաքանչիւրոցն հատցէ գործակալացն։

Line: 9    Sentence: 4   Եւ իջեալ նորա ի կարգել զայս ամենայն՝ ոչ փոքր ինչ կրէր աշխատութիւն
Line: 10    յաղագս քարտուղարի. Sentence: 5      զի մինչ գնաց Մեսրոպ յարքունական
Line: 11    դրանէն՝ ոչ զոք ի ճարտարաց գտանէր անդ ի դպրաց, քանզի պարսկականաւն
Line: 12    վարէին գրով։ Sentence: 6   Վասն որոյ մատուցեալ առ արքայն քահանայի
Line: 13    ուրումն Հաբէլ անուն կոչեցեալ, խոստանայր հայկականացս լեզուաց
Line: 14    առնել նշանագիր, յարմարեալ ի Դանիելէ Եպիսկոպոսէ, յիւրմէ մերձաւորէ։

Line: 15    Sentence: 7   Զորով անփոյթ արարեալ արքայի, եւ ելեալ ի Հայս՝ գտանէ
Line: 16    ժողովեալ առ մեծն Սահակ եւ Մեսրոպ զամենայն եպիսկոպոսունս, հոգալ
Line: 17    զգիւտ դպրութեան Հայոց, զոր զգացուցին արքային. Sentence: 8   եւ նա պատմեաց
Line: 18    նոցա զասացեալն վանականին։ Sentence: 9      Զոր իբրեւ լուան՝ թախանձէին զնա
Line: 19    փոյթ զայսպիսեացն առնել պիտոյից։

Page: 326   Line: 1    Վասն որոյ առաքեաց հրեշտակութեամբ զայր մի պատուական
Line: 2    յաշխարհիս եւ հաւատարիմ իւր, Խադունի ազգաւ, Վահրիճ անուն, յոյժ
Line: 3    փափագող նորին գործոյ, առ Հանէլն այն։ Sentence: 10   Զոր առեալ, եւ երթեալ նովաւ
Line: 4    հանդերձ քաջ հմտացեալ ի Դանիելէ, կարգեալ ըստ ձեւոյ օրինակի յունականին
Line: 5    զվաղնջուցն գրեալ շարագիր տառից՝ եկեալ ետուն ցմեծն
Line: 6    Սահակ եւ Մեսրոպ։ Sentence: 11   Որոց ուսեալ, եւ թեւածելով ընդ նոսա տղայոց զամս
Line: 7    սակաւս, տեղեկացեալ գիտացին՝ ոչ լինել բաւական այնու նշանագրօք
Line: 8    ստոյգ հոլովել զհեգենայ բառից հայկականաց հագներգաբար, մուրացածոյիւն
Line: 9    այնուիկ գծագրութեամբ։



Next part


This text is part of the TITUS edition of Movses Xorenaci, Patmowtiwn Hayoc.

Copyright TITUS Project, Frankfurt a/M, 9.12.2008. No parts of this document may be republished in any form without prior permission by the copyright holder.