TITUS
Movses Xorenaci, Patmowtiwn Hayoc
Part No. 177
Previous part

Chapter: 51  
Ծ՜Ա
Page: 322  
Line: 2 
Երթ մեծի Սահակայ ի Տիսբոն, եւ դարձ մեծարանօք եւ պարգեւօք։


Line: 3    Sentence: 1   Սուրբք ոմանք եւ երեւելիք, առաջինք ի նախարարացն եւ ի վերադիտաց
Line: 4    աշխարհիս, լուսաւորութեան պատճառք, որդէծնութեամբ իջեալ
Line: 5    ի մեծն Սահակ՝ դադարումն եղեւ ուստերաց նորա. Sentence: 2   ունելով դուստր մի
Line: 6    Սահականոյշ կոչեցեալ, որ տուաւ յամուսնութիւն Համազասպայ Մամիկոնենի։

Line: 7    Sentence: 3   Եւ ի մեռանել քաջ սպարապետին Հայոց Սահակայ ասպետին՝
Line: 8    ի տեղի նորա աղաչէր սուրբն Սահակ կարգել զնա Խոսրովայ արքայի,
Line: 9    եւ զկնի կապանաց նորա՝ եղբօր Վռամշապհոյ։ Sentence: 4   Այլ սա հրաժարէր
Line: 10    առանց հրամանաց արքայից արքային առնել զայն. Sentence: 5      յիշելով, եթէ սակս
Line: 11    այսպիսեաց իրաց կրէ վիշտս եղբայր նորին Խոսրով։ Sentence: 6   Վասն որոյ առեալ
Line: 12    ի նմանէ թուղթս, ի թախանձելոյ դստերն ինքնին ճոգաւ առ Արտաշիր
Line: 13    Պարսից արքայ, որ յետ եօթանասուն ամի թագաւորութեան հօրն
Line: 14    կալաւ զտէրութիւնն ամս չորս։

Line: 15    Sentence: 7   Եւ մեծարի ի նմանէ յոյժ. Sentence: 8   նախ վասն քաջատոհմիկ ազգին Պահլաւկաց,
Line: 16    դարձեալ եւ զի առաջի անհաւատից արգոյ եւ պատուական
Line: 17    ցուցանէ Աստուած զծառայս իւր։ Sentence: 9   Որոյ զբնաւն կատարեալ զխնդիրսն,
Line: 18    նախ վասն փեսային նորա Համազասպայ, դարձեալ եւ վասն մնացելոցն
Line: 19    մեղուցեալ նմա ազգաց Կամսարական եւ Ամատունի, որք սուզեալք
Line: 20    ղօղեալք էին յանյայտ տեղիս. Sentence: 10   վասն որոյ մաղթեաց գթալ, իբր յաստուածային
Line: 21    հրամանէ՝ ոչ բառնալ որդւոց զյանցանս հարց. Sentence: 11   մանաւանդ
Page: 323   Line: 1    զի եւ հարքն որք մեղանն՝ նոքին սակս այնր եւ մեռան։ Sentence: 12      Որոց մնացելոցն
Line: 2    պարգեւեալ զկեալն՝ հրամայեաց զտունս երկաքանշճիւր զկալեալսն
Line: 3    յարքունիս՝ դարձուցանել ի նոսա. Sentence: 13   բայց միայն ի գահ հայրենի ոչ
Line: 4    հաստատեալ, այլ ի խոնարհ քան զբազումս մատուցեալ նախարարս, ի
Line: 5    կարգ կրտսերագունից պատրաստել։ Sentence: 14   Իսկ զազգն Համազասպայ, որ է
Line: 6    տհմ Մամիկոնեան, ի վեր մատուցեալ, զի կարգեսցին ունել զհինգերորդ
Line: 7    գահ նախարարացն Հայոց, եւ ի դիւանի իւրում գրել։

Line: 8    Sentence: 15   Զի զերկուս զայս այսպէս պահէին սովորաբար. Sentence: 16   զի յորժամ նստէր
Line: 9    արքայ նոր՝ նոյն ժամայն փոխէին զդրամ գտեալ ի գանձս արքունի,
Line: 10    զնորայն տպաւորեալ պատկեր. Sentence: 17      եւ զգիր դիւանին յայլ փոխեալ նորա
Line: 11    անուամբ, սուղ ինչ զանազանեալ, ոչ բառնալով զհինն։ Sentence: 18   Իսկ եթէ յամիցէ
Line: 12    ի տէրութեանն ամս բազումս, եւ արասցէ աշխարագիր նոր՝ թողուին
Line: 13    զայն որ ի հնոյն փոխեցաւ, զի միայն նորոյն վերագրեսցի անուն։ Sentence: 19   Արդ՝
Line: 14    Արդաշիր ոչ ժամանեալ ի կարճութենէ աւուրցն այլ առնել աշխարհագիր՝
Line: 15    յայնմ որ յառաջնոցն փոխեաց, իւր անուամբն հրամայեաց գրել
Line: 16    զայն ամենայն, եւ տալ գահու եւ պատուոյ, հանդերձ իշխանութեամբ
Line: 17    գիւղից եւ դաստակերտաց Համազասպայ, եւ որում ցանկայրն՝
Line: 18    զսպարապետութիւնն Հայոց, հրովարդակ առ Վրամշապուհ մեր թագաուր գրեալ
Line: 19    զայս. -

Line: 20    Sentence: 20   Թուղթ Արտաշրի առ Վռամշապուհ։

Line: 21    Sentence: 21   "Մազդեզանց քաջ, Արտաշիր արքայից արքայ. Sentence: 22   առ եղբայր Վռամշապուհ
Line: 22    թագաուր Հայոց ողջոյն շատ։

Line: 23    Sentence: 23   "Ընկալայ զգրեալսս քո, որ ինչ վասն եպիսկոպոսինս Սահակայ,
Page: 324   Line: 1    եւ յիշեցի զերախտիս նախնեաց հարցն դորա, որք էին նահապետք
Line: 2    Սուրենեան Պահլաւոյ, եւ կամաւ յանձն առին զտէրութիւն իմոյ նախնւոյն
Line: 3    եւ համանուանն Արտաշրի. Sentence: 24   եւ այնչափ սիրեալ զնա քան զիւրեանց
Line: 4    ազգայինսն, մինչեւ զի ոչ շատացան միայն ի պարսից աշխարհիս մարտնչել
Line: 5    ընդ նոսա, այլ եւ ի ձերդ եկեալ նորին աղագաւ՝ սպանին զԽոսրով զքո
Line: 6    նախնին, եւ զտոյջ սպանութեանն իւրեանց հատուցին մահուամբ։ Sentence: 25   Իսկ
Line: 7    որդին սպանողին Գրիգոր՝ զկեանս եւ զթագաւորութիւն կորուսեալ
Line: 8    հիւանդութեամբ Տրդայայ, վերստին ետ իւրով բժշկութեամբ, եւ առաւել առ ձեզ
Line: 9    եղեւ երախտաւոր։ Sentence: 26   Վասն որոյ զորդիացեալդ դորա զՀամազասպ
Line: 10    կացուսցես ի վերայ զօրացդ սպարապետ՝ մեր հրամանաւ, եւ ազգի
Line: 11    դորա տացես զգահն հինգերորդ՝ պատուոյ Նախարարացդ. Sentence: 27   եւ զգիւղս եւ
Line: 12    զդաստակերտս, զոր տուեալ է նախնեացն քոց հարց դոցա՝ կալցին
Line: 13    դոքա։ Sentence: 28   Սապէս եւ զտունս վնասակարաց ազգացդ զորս կայարքունիս՝
Line: 14    թողցես ի բաց, աներկիւղաբար ժառանգել նոցին մնացորդաց. Sentence: 29   բայց
Line: 15    գահուց հայրենականաց պատուոյ մի արասցես արժանի. Sentence: 30   զի եւ մեք ի
Line: 16    մերում դիւանի հրամայեցաք գրել։ Sentence: 31   Ողջ լեր"։

Line: 17    Sentence: 32   Բայց յորժամ եկն մեծն Սահակ եւ զամենայն պարգեւեալսն յԱրտաշրէ
Line: 18    հաստատեաց՝ մեռաւ արքայն Պարսից Արտաշիր, եւ փոխանակ
Line: 19    նորա թագաւորեաց Վռամ, որ եւ Կրմանն կոչեցաւ, ամս տասն։ Sentence: 33   Եւ
Line: 20    զնոյն բարեկամութիւն կալաւ ընդ աշխարհս Հայոց եւ ընդ թագաւորին
Line: 21    մերում Վռամշապհոյ եւ ընդ մեծին Սահակայ. Sentence: 34   եւ էր խաղաղութիւն ի
Line: 22    մէջ Վռամայ եւ Արկադեայ։ Sentence: 35   Եւ Վռամշապուհ ունէր զաշխարհս մեր, եւ
Line: 23    ծառայէր երկոցունց թագաւորացն, տալով հարկս, զմասինն Պարսից՝
Line: 24    Վռամայ, եւ զմասինն Յունաց Արկադեայ։



Next part


This text is part of the TITUS edition of Movses Xorenaci, Patmowtiwn Hayoc.

Copyright TITUS Project, Frankfurt a/M, 9.12.2008. No parts of this document may be republished in any form without prior permission by the copyright holder.