TITUS
Girk tltoc
Part No. 22
Previous part

Letter: 50 
Page: 231 
Line: 1  Փառաւորելոց Տերանց Վրթանիսի Տերանց
Line: 2  Նուիրակի եւ վարդապետի Քշկան որդւոյ
Line: 3  ի սորմենայ ստրատելատէ եւ Հայոց
Line: 4  զաւրաւարէ


Line: 5       Մեք բազում անգամ յանդիման բանիւք,
Line: 6    եւ հեռուստ գրով խաւսեցաք ընդ ձերում
Line: 7    իմաստոբւթեանդ, եւ ակն ունէաք գտանել
Line: 8    զձեզ որպէս զմիաժառանգս իս րբոյ աւազանին
Line: 9    հարազատ եղբարս եւ որդիս հասարակաց հաւատոյ
Line: 10    մեր հաւրն սրբոյն Գրիգորի, եւ դուք շատ
Line: 11    ինչ աւտարաբար վարեցայք առ մեզ, եւ հաւասար
Line: 12    առաջնոցն այժմու պատասխանիքս լի խարդախանաւք
Line: 13    եւ պատճառաւք խաբէութեան. Զի եթէ չէր
Line: 14    իշխան, որպէս գրեցէքն, տեղապահդ ձեր եկեղեցւոյդ
Line: 15    առանց աթորակցաց իւրոց ասել ընդ մեզ եւ
Line: 16    կամ լսել, եւ կամ որ ասէքդ քերդող, նստեալ
Line: 17    ի Դունայ, աւերածին հաւատոյդ նոր կարապետդ,
Line: 18    եւ յառաջընթաց նեռին, պատճուճեալ սնափառութեամբ
Line: 19    ի մէջ ախմար եւ մտամոլար մարդկան, եւ
Line: 20    ցուցանէ զանձն իւր թէ ես իսկ եմ վարդապետութիւն,
Line: 21    ապա պարտ է ինձ անսալ համախոհ միաբամութեան
Line: 22    եւ կամ ժողովական գրոց առ միմեանս հաւանութեան՝
Line: 23    եւ ոչ այնպէս յանկարծաւրէն, եւ վարկապարզի
Line: 24    որպէս զոչինչ՝ զսրբոց հարանցն հաստատեալ
Page: 232  Line: 1    սեղանս կործանել, եւ որպէս զպիղծ ինչ
Line: 2    եւ զանաւրենութեամբ թաթաւեալս վերստին
Line: 3    մկրտել, եւ զանմեղ քահանայս բռնադատել,
Line: 4    եւ տալ հաստատել գրով՝ մի իշխանեսցեն
Line: 5    հաղորդել ընդ մեր բարեպաշտութիւնս. իմացաք
Line: 6    եւ զասացեալսդ ձեր զինուորական կարգի,
Line: 7    առանձին ի դոցանէն՝ զի այդ ըստ դոցա կամաց
Line: 8    լինիցի՝ առ ի լինելոյ պատիր պատճառանաց
Line: 9    առ ի յապա, եթէ առաքեցէ զոր կամիք թող
Line: 10    գան, զհարցն հաւատ կարգեալ տեսանեն. Եթէ
Line: 11    զԴէոսկորոսին ասէք, զտիմոլէոսին զԱղեքսանդրացւոյ
Line: 12    որ ընդդէմ բարեպաշտութեան կոգեկիր հարցն
Line: 13    յանդգնեցան ասել, ուստի եւ մերժեցան ի
Line: 14    սրբոյ եկեղեցւոյ, եւ անջինջ վիճակեցան
Line: 15    յիշատակի նզովից, զայդ եւ մեք քաջ գիտեմք,
Line: 16    եւ ունիմք ի կապարճս հաւատոյ մերոյ ճշմարիտ,
Line: 17    որպէս զսուտ եւ զաւտար եւզանգործ նետս.
Line: 18    Այլ ինչ եթէ ունիք զոր ոչ գիտեմք, որ
Line: 19    ոչ էհասեալ առ մեզ, տուք բերել. իսկ զսրբոյն
Line: 20    Աթանասի՝ որզհոգեխառն ժողովն զարդարեաց,
Line: 21    եւ զմեծին Բարսեղի՝ եւ զչորից Գրիգորանց,
Line: 22    եւ զանխարդախ խարդապետութիւնն տեառն Յովհաննու
Line: 23    ի զնմանից նոցունց ասէք՝ այս ի սիրտ մեր
Line: 24    առ մեզ է՝ եւ ոչ կարաւտիմք Խորասանիկ
Line: 25    եւ Ատրպատիճ կանոնադրութեան եւ վարդապետութեան.
Line: 26    Աստ ունիմք եւ զմեծի հաւրն Կիւրղի աղեքսանդրի
Line: 27    եպիսկոպոսապետին զժողովական զթուղթսն,
Line: 28    որ զամպարշտութիւնն Նեստորի վանեալ ձաղեաց.
Line: 29    Եւ յուսամք յամենեցունց աղաւթս սոցա եւ
Line: 30    ի բարեխաւսութիւն եւ ի բոլորովին ի ճմարիտն
Line: 31    Աստուած Տէր մեր Յիսուս Քրիստոս, որ մարմնացաւ
Line: 32    եւ մարդացաւ ի սուրբ եւ յաստուածածնէն
Line: 33    ի միշտ կուսէն Մարիամայ, եւ յանձն էառ
Line: 34    զչարչարանս եւհամբեր խաչի, եւ մեռաւ եւ
Line: 35    թաղեցաւ եւ յարեաւ,
Page: 233  Line: 1    եւ ել յերկինս եւ նստաւ ընդ աջմէ Հաւր,
Line: 2    եթէ պահէ անսանսանելի եւ անխռով ընդհանդական
Line: 3    զսուրբ եկեղեցի իւր.

Line: 4       Եւ զայս կամիմք զի գիտացէք, եղբարք,
Line: 5    զի որ ի ձեր տեսութիւն կարի թեթեւ եւ
Line: 6    ոչ համարիք, մեր տառապելութիւնս զայս
Line: 7    ոչ կարաց բառնալ՝ այլ զկնի շատ ողբոց
Line: 8    եւ արտասուաց, հարկ եղեւ ծանուցանել մեր
Line: 9    բարեպաշտ եւ խաղաղական տերաց. Եւ մի ոք
Line: 10    փորձեսցի ըստ իւրում սովորութեան մտանել
Line: 11    կեղծաւորութեամբ եւ նենգութեամբ ընդ նեղ
Line: 12    դուռն սիրոյ, եւ բանալ զլայն դուռն թշնամութեամբ.
Line: 13    Այլ պարտ է այնպիսեացն մեծախիղճ լինել
Line: 14    եւ հայել ի դատաստանս եւ յիրաւունս եւ
Line: 15    ի վրէժխնդրութիւնս անաչառ դատաստանի Աստուծոյ
Line: 16    աստ եւ ի հանդերձելումն. Եւ թէպէտ այսպէս
Line: 17    եղեւ մեր բանս, եւհարկաւորութեամբ եկաք
Line: 18    ի բազում ինչ իրս, սակայն նա է քաջ եւ
Line: 19    յաղթող նահատակ՝ որ վասն սիրոյն Քրիստոսի
Line: 20    խոնարհի եւ զգլորեալն ջանայ կանգնել.
Line: 21    Վասնորոյ աղաչեմք յայսմ եւս նուազի, եթէ
Line: 22    հաճոյ է ձեզ, պատուիրեցէք ժողովեալ եպիսկոպոսաց
Line: 23    եւ երեւելի քահանայից, յոր կարծէք ունել
Line: 24    գիտութիւն բանի, եւ զպատշաճ տեղի յայտ
Line: 25    արարէք, եւ զժամդրութեան ժամանակ ստուգեղէք,
Line: 26    եւ մեք զառաջնորդ մերոյ եկեղեցւոյ աղաչեմք՝
Line: 27    գտանել եւ սոցա անդ միաբանութեամբ. Եւ
Line: 28    յուսամք ի Քրիստոս Աստուած մեր եթէ այդպիսի
Line: 29    համբաւակոծ եւ սնոտի երկպարակութիւն յանդիմանութեամբ
Line: 30    միմեանց լուծանի, եւ ըստ աւետարանին բանի
Line: 31    լինիմք Մի հաւատ եւ մի հովիւ.




Next part


This text is part of the TITUS edition of Girk tltoc.

Copyright TITUS Project, Frankfurt a/M, 28.8.2010. No parts of this document may be republished in any form without prior permission by the copyright holder.