TITUS
Girk tltoc
Part No. 16
Previous part

Letter: 41 
Page: 196 
Line: 1  Տեառն Ներսէս Հայոց կաթողիկոսի
Line: 2  թուղթ Մեղադրութեան
Line: 3  առ եպիսկոպոսունսն


Line: 4       Սրբասիրաց քրիստոսասիրաց աթոռակցաց
Line: 5    մերոց՝ Գրիգորի արծրունեաց եպիսկոպոսի,
Line: 6    Սահակայ ֊շտունեաց եպիսկոպոսի, Սողովմոնի
Line: 7    Մոկաց եպիսկոպոսի, Ստեփաննոսի Անձեւացեաց
Line: 8    եպիսկոպոսի՝ Հռոմանոսի Ակիոյ եպիսկոպոսի՝
Line: 9    քրիստափորի Պալունեաց եպիսկոպոսի՝ Միքայէլի
Line: 10    զարեհաւանից եպիսկոպոսի. Աստուածատրոյ
Line: 11    Բժնունեաց եպիսկոպոսի՝ Թատէոսի Մեհնունեաց
Line: 12    եպիսկոպոսի՝ ի Ներսիսէ Հայոց կաթողիկոսէ
Line: 13    ի Մերշապհոյ Տարաւնոյ եպիսկոպոսէ, ի Պարգեւեայ
Line: 14    Հարքայ եպիսկոպոսէ՝ ի տիրկանէ Բագրեւանդայ
Line: 15    եպիսկոպոսէ՝ ի Բասենոյ եպիսկոպոսէ՝ ի
Line: 16    Պետրոսէ Սիւնեաց եպիսկոպոսէ՝ ի Մաշդոցէ
Line: 17    Խոռխոռունեաց եպիսկոպոսէ՝ ի Խոսրովայ
Line: 18    Ամատունեաց եպիսկոպոսէ, հոգեւոր սիրով
Line: 19    ողջոյն.

Line: 20       Վասն անիծեալ խուժկաց Նեստորականաց՝
Line: 21    որ եկեալ բնակեցան յաշխարհիս մերում պատճառաւ
Line: 22    վաճառաշահութեան, եւ այժմ չարահնար պղծալից
Line: 23    անիծաբեր արուեստիւ իւրեանց ցոգիս մեր ազդեցին,
Page: 197  Line: 1    մինչեւ իւրեանց պղծութեան հաւատոյ
Line: 2    առաջնորդ չեպիսկոպոս ածեալ, եւ մեզ լուսաւոր
Line: 3    եւ ուղղափառ հաստատուն հաւատոյ խոչընդակն
Line: 4    կացուցանել, յառաջագոյն վասն նորին իրաց,
Line: 5    մեք եւ աշխարհիս մերոյ տանուտեարք, եւ
Line: 6    ազատք միաբանութեամբ ի ձեռն գրոյ հրաման
Line: 7    արարք վասն ձեր, փութապէս ի դուին ի սուրբ
Line: 8    եկեղեցիս ժողովելոյ՝ եւ աստ միաբանութեամբ
Line: 9    ըստ հաճոյիցն Աստուծոյ առնել խորհուրդ
Line: 10    եւ հնար լինել բառնալ զայսպիսի անհնարին
Line: 11    աղէտս, եւ զհանաբազորդ հեծութիւն հոգւոց
Line: 12    մերոց. Եւ ձեր ոչ ունելով զնախանջն վասն
Line: 13    Աստուծոյ, հեղգացեալ սպուժեցէք, եւ ի
Line: 14    ձեր առնելոյ՝ բազում գործ սրբոյ եկեղեցւոյ
Line: 15    մնաց՝ քանզի Աստուծոյ է, եւ հանդէս հոգեւորական,
Line: 16    ձեր զմարմնոց հեշտութիւն կարեւոր համարելով
Line: 17    որոց յո՟յժ մեղադիր եմք.

Line: 18       Արդ վասն նորին զայս զիր միաբանութեամբ
Line: 19    առ ձեզ հրամայեցաք առնել՝ եւ զձեզ տեարս,
Line: 20    ստիպեմք փութով հասանել, ոչ վասն մարմնաւոր
Line: 21    պիտոյց՝ այլ նախանձախնդիր լինելոյ գործոյ
Line: 22    Աստուծոյ եւ հոգւոց փրկութեան ի սահմանալ
Line: 23    ժամադրութիւնս, ամենայն հաստատութեամբ
Line: 24    առանց յապաղանաց ի սրբոյ Գրիգորի ժողովն՝
Line: 25    միաբանութեամբ ի սուրբ եկեղեցիս ժողովել.
Line: 26    Ապա թէ ոք առանց պատճառի հիւանդութեան,
Line: 27    այլ սրբաւսանաւք կենցաղոյս հեղգացեալ
Line: 28    գտցի՝ եւ ի սահմանալ ժամդ ոչ եկեսցէ,
Line: 29    այնպիսի ի միաբանութենէ եպիսկոպոսութիւն
Line: 30    որոշեալ լիցի. իսկ որ կամաւոր յաւժարութեամբ
Line: 31    ի ժողով միաբանութեան ուղղափառ հաւատոյս
Line: 32    ի սուրբ եկեղեցիս փութասցի, նա հատուցումն
Line: 33    բարի ի սուրբ Երրորդութենէն ընկալցի,
Line: 34    եւ ի մէջն եւ յաթորակցաց մերոց աւրհնեսցի.
Line: 35    Եւ դուք տեարք, որպէս թուի
Page: 198  Line: 1    կամաւորութեամբ, ի ձեռն գրոյ պատասխանի
Line: 2    արարէք.

Line: 3       Ողջ լերուք յուսովն Քրիստոսի Աստուծոյ
Line: 4    մերոյ.




Next part


This text is part of the TITUS edition of Girk tltoc.

Copyright TITUS Project, Frankfurt a/M, 28.8.2010. No parts of this document may be republished in any form without prior permission by the copyright holder.