TITUS
Girk tltoc
Part No. 15
Previous part

Letter: 40 
Page: 193 
Line: 1  Նորին Աբդիսոյի, եպիսկոպոսի յաղագս
Line: 2  նզովելոյ զամենայն հերձուածողս.
Line: 3  որք էին հակառակ ուղղափառաց


Line: 4       Որ ոչ հաւատոյ եթէ բնութեամբ եութեանն
Line: 5    ճանաչի միութիւն Երրորդութիւն՝ միութիւն
Line: 6    եութենէ, եւ երրորդութիւն դիմաց՝ անսկիզբն
Line: 7    է միութիւն եութեանն եւ երրորդութեանն
Line: 8    դիմաց, եղիցի նզովեալ.

Line: 9       Որ ոչ խոատովանեսցի զՅիսուս Աստուած
Line: 10    որ համբերեաց խաչի, զխաչն կամաւորութեամբ
Line: 11    վասն մեր, մի ի դիմաց Երրորդութեանն եւ
Line: 12    ի բնութենէ Աստուծոյ Հաւր՝ այլ փոխանակ
Line: 13    այդորիկ ասէ, եթէ մարդ է բնութեամբ, եւ
Line: 14    այր է արարած, եւ Աստուած է շնորհաւք,
Line: 15    եւ որդի է ընդրութեամբ եւապականացու մարմնով,
Line: 16    եւ չարչարելի եւ մահկանացու բնութեամբ
Line: 17    մարդկայնւով, եղիցի նզովեալ.

Line: 18       Որ ասէ եթէ յերկնից, եւ կամ յայլմէ
Line: 19    բնութենէ եառ աստուած մարմին եւ արիւն,
Line: 20    եւ ոչ աչաւել խոստովանի եթէ ի Մարիամայ
Line: 21    ի սուրբ կուսէն որ ի մեր բնութենէ եառ
Line: 22    Տէրն մարմին եւ շունչ, եւ չարչարեցաւ
Line: 23    եւ մեռաւ վասն մեր որպէս եւ կամեցաւ,
Line: 24    եղիցի նզովեալ.
Page: 194 

Line: 1       Որ համարձակին ասել զմարմինն աստուծոյ
Line: 2    ապականացու ի միաւարութեանն, եւ ասէ բաժանումն
Line: 3    աստուծոյ եւ մարմնոյն եւ ոչ առաւել խոստովանի
Line: 4    մի Աստուած անապական, եւ մի բնութիւն
Line: 5    անմահ եւ մի դէմ երկրպագեալ, զի է Աստուած
Line: 6    եւ մարմին մի բնութիւն եւ մի դէմ աներկբայանալի,
Line: 7    եղիցի նզովեալ.

Line: 8       Որ ասէ զկնի միաւորութեանն անբաժանելոյ,
Line: 9    երկուս բնութիւնս ի Քրիստոս, եւ կամ երկուս
Line: 10    դէմս, եւ երկուս կերպարանս, եւ այդու
Line: 11    մուծանէ չորրորդութիւն յերրորդութիւնն,
Line: 12    եղիցի նզովեա՟լ.

Line: 13       Որ ասէ զմահն Տեառն կենդանացուցիչ
Line: 14    եւ զչարչարանս փրկարար՝ ապականացու՝ եւ
Line: 15    ոչ առաւել խոստովանի, եթէ չարչարանաւքն
Line: 16    անչարչարելի, եւ մահուամբն անմահ որպէս
Line: 17    Աստուած, որում ամենայն ինչ դիւրին է,
Line: 18    եղիցի նզովե՟ալ.

Line: 19       Որ ասէ զմարմինն ճշմարիտ Աստուծոյ
Line: 20    եւ Տեառն Յիսուսի Քրիստոսի, եթէ ի միաւորութենէն
Line: 21    մինչեւ ցյարութիւնն ապականացու էր եւ
Line: 22    անփառաւոր եւ անկատար, բայց ի յարութեանն
Line: 23    փառաւորեցաւ եւ կատարեցաւ, եւ ոչ արաւել
Line: 24    խոստովանի, եթէ որպէս զկնի յարութեանն,
Line: 25    նոյնպէս եւ յառաջ քան զայրութիւնն կենդանի
Line: 26    եւ կենդանացուցիչ, փառաւոր եւ կատարեալ
Line: 27    եւ անապական, եղիցի նզովեալ.

Line: 28       Զայս ամենայն զոր գրեցաք եւ նզովեցաք
Line: 29    զպեղծ հերձուածողս, զի ուսաք
Line: 30    ի մարգարէից, առաւել ի Դաւթայ երանելոյ՝
Line: 31    եթէ Զատելիս քո տէր ատեցի, եւ ի վերայ
Line: 32    թշնամեաց քոց մաշեցայ, ատելութիւն կատարեալ
Line: 33    ատեցի զնոսա, եւ եղեն ինձ ի թշնամիս՝
Line: 34    եւ իմաստացաք յառաքելոյն որ ասէ եթէ Փախիր
Line: 35    ի պէղծ եւ ի նորաձայն բանից եւ ի հակառակութենէ
Line: 36    եւ ի մոլորեցուցիչ գիտութենէ,
Page: 195  Line: 1    եւ ճշմարիտ վարդապետքն, որ պատուիրեցին մեզ,
Line: 2    Գրիգորիոս եւ Բարսեղիոս, եւ Աթանասիոս եւ Կիւրիղղոս
Line: 3    եւ ամենայն ուղղափառ վարդապետք, որ նահատակեցան
Line: 4    վարդապետութեամբ սրբոյ եկեղեցւոյ, եւ
Line: 5    ուսուցին յատնապէս ամենեցուն՝ եթէ որ
Line: 6    ոչ հաւատայ թէ աստուած ծնաւ ի Մարիամայ
Line: 7    ի սրբոյ կուսէ, չարչարեցաւ խաչեցաւ եւ
Line: 8    մեռաւ վասն մեր, յարեաւ յերրորդ աւուր,
Line: 9    համբարձաւ յերկինս, եւ նստաւ ընդ աչմէ
Line: 10    Հաւր, եւ գալոց է դատել զկենդանիս եւ
Line: 11    զմեռեալս անվախճան թագաւորութեամբ՝ եղիցի
Line: 12    նզովեալ.

Line: 13       Եւ յաղագս այդր փառաբանեմք՝ Սուրբ
Line: 14    Աստուած, Սուրբ եւ Հզաւր, սուրբ եւ անմահ,
Line: 15    որ խաչեցար վասն մեր ողորմեա մեզ՝ եւ
Line: 16    առաւել քան զայս հաւատ ոչ ընդունիմք,
Line: 17    քանզի ասէ առաքեալ, եթէ մեք կամ հրեշտակ
Line: 18    յերկնից աւետարանեսցէ ձեզ աւելի քան զոր
Line: 19    աւետարանեցաք ձեզ, նզովեալ եղիցի.




Next part


This text is part of the TITUS edition of Girk tltoc.

Copyright TITUS Project, Frankfurt a/M, 28.8.2010. No parts of this document may be republished in any form without prior permission by the copyright holder.