TITUS
Girk tltoc
Part No. 14
Previous part

Letter: 39 
Page: 190 
Line: 1  Նորին Աբդիսոյ եպիսկոպոսի՝
Line: 2  յաղագս անիծեալ նեստորականաց
Line: 3  եւ ամենայն հերձուածողաց


Line: 4       Քանզի այսպէս հաւատամ առաջնորդութեամբ
Line: 5    Միածնին որ վասն մեր մարդացաւ, խոստովանիմ
Line: 6    որպէս որպէս ուսուցին գիրք սուրբք, եւ
Line: 7    վարդապէտեցին ծմարիտկք հարք՝ ՅԺ՜Ըքն որ
Line: 8    ի Նիկիայ՝ եւ Ճ՜Ծ-քն որ ի Կոստանդինուպաւլիս,
Line: 9    եւ Մ՜-քն որ յԵփեսոս, որ հաճեցան եւ հաստատեցին
Line: 10    զհաւատ եւ զսահման անշարժելի զոր յիւրեանց
Line: 11    ժամանակի հալածեցին զլոլորեցուցիչս որպէս
Line: 12    զայլս ապականիչս ի հաւատէ Քրիստոսի՝ եւ
Line: 13    զի նահատակեցան հաւատով, եւ նզովեցին
Line: 14    զմաենայն հերձուածողս. Ահա գրեալ են անուանք
Line: 15    նոցա ի գիրս կենդանութեան, եւ մեք որդիք
Line: 16    եւ ժառանգք հաւատոյ նոցա, քանզի նախանձաւորք
Line: 17    նոցա եմք՝ եւ զաւրանամք հաւատովք, նզովեմք
Line: 18    զհերձուածողս զառաջինս եւ զմիջինս եւ
Line: 19    զվերժինս որպէս զնոսա.

Line: 20       Նզովեմք զԱրիոս որ հայհոյեաց եւ ասաց՝
Line: 21    թէ Որդի ոչ է ո բնութենէ Հաւր.

Line: 22       Նզովեմք զՄակեդոնիոս, որ ասաց չէ
Line: 23    Հոգին սուրբ նուազ է քան զՀայր եւ զՈրդի.

Line: 24       Նզովեմք զՊաւղոս Սամուստացի, զի ասաց
Page: 191  Line: 1    թէ Յիսուս մարդ էր եւ իմաստութեամբ զաւրանայր
Line: 2    եւ ուսանէր, եւ իմաստութիւնն մէծ էր քան
Line: 3    զՅիսուս.

Line: 4       Նզովեմք զՄանի, եւ զՄարկիոն, եւ զԲարդեծան
Line: 5    եւ զԵւտիքոս՝ որ ասացին թէ որպէս նմանութեամբ
Line: 6    եւ ստուերիւ եւ կարծեաւք երեւեցաւ յաղխարհի
Line: 7    Որդին Աստուծոյ, եւ ոչ ստուգապէս առ մարմին
Line: 8    եւ հոգի եւ շունչ ի սուրբ կուսէն աստուածածնէ.

Line: 9       Նզովեմք եւ զԱպաւղինար որ ասաց թէ
Line: 10    մարմին եառ ի կուսէն, եւ հոգի եւ շունչ
Line: 11    եւ միտս ոչ առ.

Line: 12       Առաւել նզովեմք զպեղծն Նըստոր որ
Line: 13    հայհոյեաց եւ ասաց եթէ Մարիամ ոչ ծնաւ
Line: 14    զԱստուած, բայց զմարդ արարած, որպէս զմի
Line: 15    ոք ի մարգարէիցն՝ եւ այսու մեծ էր քան
Line: 16    զմարգարէսն զի տաճար եղեւ բանին աստուծոյ.

Line: 17       Նզովեմք եւ զԹէոդորոս, եւ զդիոդորոս,
Line: 18    եւ զԹէոդորիտոս, եւ զիբա, եւ զԱկակ, եւ
Line: 19    զԲաղծումայ հնծիհնայ եւ զպեղծ կանոնս
Line: 20    նոցա, եւ որք միանգամ հնազանդեցան՝ եւ
Line: 21    կամ հնազանդին չար ժողովոյն Նեստորի,
Line: 22    որ ամպարշտութեամբ իւրով ասաց, եթէ ի
Line: 23    ձեռն շնորհի արժանաւորեցաւ Քրիստոս լինել
Line: 24    տաճար բանին Աստուծոյ՝ եւ նոյն այս մարդ
Line: 25    Քրիստոս ի զաւակէ Դաւթի, չարչարեցաւ եւ
Line: 26    մեռաւ վասն մեր եւ մահուամբ իւրով արար
Line: 27    փրկութիւն ամենեցուն, եւ յաղագս այսր
Line: 28    պատուեցաւ լինել Որդի Աստուծոյ, եւ հայհոյեն
Line: 29    եւ ասեն, եթէ այլ որդի է որ ի Հաւրէ,
Line: 30    եւ այլ այն որ ի Մարիամայ. եւ մինչ խելագարեցան՝
Line: 31    արհամարհեցին զՀայր երկու որդւովք, միովն
Line: 32    բնութեամբ՝ եւ միւսովն եկամտիւ, եւ այսու
Line: 33    մուծին չորորդութիւն ի խոստովանութիւն
Line: 34    իւրեանց, եւ մոռացան
Page: 192  Line: 1    զսուրբ երրորդութիւնն որ յերկնայնոց եւ յերկրայնոց
Line: 2    (Երրորդութիւն) փառաբանի.

Line: 3       Եւ ըստ նոցա բանիցն անաւրենութիւն
Line: 4    հաստատի՝ եթէ նոր աստուած երկպագիցի որոյ
Line: 5    սկիզբն ի Մարիամայ եւ այսր, եթէ այդպէս
Line: 6    իցէ, ամենայն ազգք եւ տոհմք կորեան՝ եթէ
Line: 7    մարդոյ խաչէ երկպագանեն եւ զմարմին եւ
Line: 8    զարիւն մարդոյ ճաշակեն.

Line: 9       Նզովեմք զժողովն Քաղկեդոնի եւ զտումարն
Line: 10    Լեւոնի զի ասացին երկուս բնութիւնս եւ
Line: 11    երկուս դէմս քրիստոսի յետ միաւորութեանն.

Line: 12       Նզովեմք եւ զսեւերոս եւ զգիրս նոցա
Line: 13    ապականիչս որ արար բաժանումն աստուածութեանն
Line: 14    ի մարմնաւորութենէն՝ եւ ասաց եթէ ապականացու
Line: 15    էր մարմինն աստուծոյ որպէս ամենայն անկատար՝
Line: 16    բայց ի յարութեանն փառաւորեցաւ, եւ կատարեցաւ,
Line: 17    եւոչ լուաւ զբանն Պետրոսի որ ասէ, եթէ
Line: 18    Մարմին նորա ոչ ետես զապականութիւն.




Next part


This text is part of the TITUS edition of Girk tltoc.

Copyright TITUS Project, Frankfurt a/M, 28.8.2010. No parts of this document may be republished in any form without prior permission by the copyright holder.