TITUS
Girk tltoc
Part No. 17
Previous part

Letter: 42 
Page: 199 
Line: 1  Ուխտ Միաբանութեան Հայոց աշխարհիս
Line: 2  ի ձեռն Ներսէսի Հայոց կաթողիկոսի, եւ
Line: 3  Մերշապհոյ Մամիկոնից եպիսկոպոսի. Եւ
Line: 4  Պետրոսի Սիւնեաց եպիսկոպոսի. Եւ այղոց
Line: 5  աթոռակցաց, եւ տանուտերանց. Եւ ազատաց.
Line: 6  Եւ համաւրէն ժողովրդականաց.


Line: 7       Վասն զի եհաս մեզ վտանգ հոգեւոր դիպուածի,
Line: 8    որ եղեւ հանապազորդեան հիւանդութիւն՝
Line: 9    եկաք ի խորհուրդ միաբանական, զի բարձուք
Line: 10    զհառչագին հեծութիւն ցաւոյս այսորիկ հիգւոց
Line: 11    մերիոց եւ զխիղճ ի խորհրդոց փախչել ի
Line: 12    մեղաց աւտարոտեաց, որում լինել երբէք
Line: 13    չէրակնկալութիւն. Եւ վասն զի եղեւ, վասն
Line: 14    այնորիկ հարկեցաք առնել զմիաբանութիւնս
Line: 15    զայս համաշխարհական, մեք ամենայն Հայք,
Line: 16    ի քսան եւ չորրորդ ամի Խոսրովու արքայից
Line: 17    արքայի, ի սուրբ ի քառասնեերորդսն, ի
Line: 18    կիւրակէի իւղոգոմենին, վասն չար աղանդին
Line: 19    խուժկաց Նեստորականաց, զորս նզովեաց սուրբ
Line: 20    Հոգին ի ձեռն սրբոց ուղղափառ եպիսկոպոսաց
Line: 21    ՅԺ՜Ըիցն ժողովելոց ի Նիկիայ. եւ Ճ՜Ծ-իցն
Line: 22    ի Կոստանդինուպաւղիս. եւ Մ՜-ոցն յԵփեսոյս,
Line: 23    որոց անիծեալ զՆեստոր խզեցին ի բաց ընկեցին,
Line: 24    արարեալ զնա հալածական յաւտար աշխարհ
Line: 25    ի կողմանս Մծբնացւոց, զորս երթեալ խմորեաց, չարագիւտ
Page: 200  Line: 1    արուեստիւ իւրով զոգիս նոցա,
Line: 2    արարեալ զնոսա փշաբերս եւ խաւարաբանակս,
Line: 3    յոր ըմբռնեցան եւ զկողմանք Խուժաստանի,
Line: 4    յորոց ոմանք հասեալ յառաջագոյն յաշխարհ
Line: 5    մեր, վաճառաշահութեամբ կեցին ընդ հարսն
Line: 6    մեր եւ ընդ մեզ, միաբանութեամբ ի մեր
Line: 7    եկեղեցւոջ խոստովանելով զինքեանս միահաւատ
Line: 8    ընդ մեզ. Եւ ի տասն եւ յեթներորդ ամի
Line: 9    Խոսրովու արքայից արքայի, ի մարզպանութեանն
Line: 10    Նիհորականայ, արարին իմն շինած յանուն
Line: 11    Մանաճրհի ֊աժիկ որ հաւատացեալ ի Քրիստոս
Line: 12    եւ մկրտեալ անուանեցաւ Գրիգոր, եւ սպանաւ
Line: 13    վասն նորին հաւատոյ, եւ ապա անուանեցին
Line: 14    զնա տեղի ժողովոյ պղծութեան իւրեանց.

Line: 15       Ածին եւ վարդապետս առաջմորդ կորստեան
Line: 16    ինքեանց, որք եկեալ ձեռնարկեցին՝ զապականութիւն
Line: 17    իւրեանց բերելով ի սուրբ եւ ի ճշմարիտ
Line: 18    հաւատ մեր, եւ պատրեցին ի ժողովրդականաց
Line: 19    տգիտաց զարս եւ զկանայս, հաղորդել հաւատոյ
Line: 20    յաղտեղութեան աղաւթից նոցա՝ ընդունել
Line: 21    ի ձեռաց նոցա հաղորդութիւն՝ իբրեւ յուխտէ
Line: 22    նուիրաց պաւղոկենաց, յանդգնեցան տալ զիւրեանց
Line: 23    ջնջագիր կնիք անկնիք մանկանց ժողովրդեան
Line: 24    մերոյ՝ առ ի մեռանել նոցա առանց մկրտութեան
Line: 25    զմահն յաւիտենական, եւ զդողս եւ զպորնիկս
Line: 26    եւ զայղ վնասակարս զոր մեք արտաքոյ եկեղեցւոյ
Line: 27    եւ աւրհնութեան առնեաք եւ չհամարեաք արժանի
Line: 28    սրբոյ Հաղորդութեանն, երթային առ նոսա
Line: 29    եւ նոքա ընդունէին յիւրեանց ի պիղծ եւ
Line: 30    յանաւրէն աւրհնութիւնն եւ հաղորդութիւն
Line: 31    ժողովարանին՝ հակառակ քմեզ. Զայս աղտէ
Line: 32    հոգեւոր տեսանելով ի նոցանէ, հասաք՝ թէպէտ
Line: 33    եւ անագան, ի վերայ պատճառող ստութեան
Line: 34    նոցա, զի կեղծաւորութեամբ ունելով
Line: 35    զանուն քրիստոնէութեան եւ ուրանան
Page: 201  Line: 1    զճշմարտութիւնն. իսկ մեր ոչ կարացեալ համբերել այսպիսի
Line: 2    չար գործոց նոցա, համաւրէն ամենեքեան
Line: 3    արարաք զգիրս զայս ուխտի եւ հաստատութեան
Line: 4    ամենեցուն կամաց յաւժարութեամբ, առաջի
Line: 5    տեառն մերոյ Յիսուսի Քրիստոսի աստուծոյ
Line: 6    մերոյ. Քանդեալ աւերեցաք զտեղի ապաւինի
Line: 7    անաւրէնութեան նոցա՝ ի բաձաք ի մէնջ գիշերայինն
Line: 8    զայն խաւար.

Line: 9       Եւ Ներսէս Հայոց կաթողիկոս. Եւ Մերշապուհ
Line: 10    Տարաւնու եւ Մամիկոնեից եպիսկոպոս՝ Գրիգոր
Line: 11    սեպհական գնդին եպիսկոպոս. Պարգեւ Հարքայ
Line: 12    եպիսկոպոս. Տիրակ Բագրեւանդեայ եպիսկոպոս.
Line: 13    Գրիգոր Բասենոյ եպիսկոպոս, Ներսէս Մարդաղոյ
Line: 14    եպիսկոպոս. Վաղոտ Արշամունեաց եպիսկոպոս.
Line: 15    Պետրոս Սիւնեաց եպիսկոպոս՝ գրիգոր Արծրունեաց
Line: 16    եպիսկոպոս. Մարկոս Բագրեւանդեայ եպիսկոպոս.
Line: 17    Մաշդոց Խոռխոռունեաց եպիսկոպոս. Յոհան
Line: 18    Ապահունեաց եպիսկոպոս՝ Աբդիսոյ Ասորեաց
Line: 19    ուղղափառաց եպիսկոպոս՝ ՅովնանՎանանդայ
Line: 20    եպիսկոպոս՝ Հաւուկ Արշարունեաց եպիսկոպոս.
Line: 21    Քրիստոփոր Պալունեաց եպիսկոպոս. Յոյս
Line: 22    Գողթան եպիսկոպոս՝ Թադէոս Մեհենունեաց
Line: 23    եպիսկոպոս՝ եւ ամենայն եպիսկոպոսունք
Line: 24    Հայոց աշխարհի. Եւ իշխանք՝ Համազասպ ի
Line: 25    գուգւարամեան ի տանէ Մամիկոնից՝ Գարջոյր
Line: 26    Հայոց մաղխազ. Սամէղ յարդտաւազդան սպարապետ.
Line: 27    Գրիգոր ի Հմայկան. Սահակ ի Վարդանան.
Line: 28    Աստուածատուր Վանանդայ տէր. Դատոյ ի Գարջուղեան.
Line: 29    Գրիգոր ի Վարդան ի Վասակայ. Զուարակ ի
Line: 30    Գղաւոնան. Վարազ՝ Յոհան ի Յոհանան. Վարդան
Line: 31    ի մուշեղեան՝ Համազասպ՝ Սահակ ի Հմայակեան.
Line: 32    Գնեալ գնունի. Վարազ Գաբեղեան. Գրիգոր
Line: 33    ապեղեան. Մերշապուհ ի Շինական. Համազասպ
Line: 34    Զ՞իւնականեան. Աստուածատուր Հաւենունի.
Line: 35    Աշոտ ի Վարազտիրոցեան. Մուշեղ
Page: 202  Line: 1    ի Հմայեկեան. Վրիւ յարտաշրան. աստուածատուր
Line: 2    Արշաւրեան. Սամուեղ ի Մամական. Վարդ ի Հմայական.
Line: 3    Ներսէս ի Սամսոնեան. Վարդան Վահեւունի.
Line: 4    Հմայեակ Վարաժնունի. Մանոեղ Սպանռունի.
Line: 5    Վարդ եւ Արտաւազդ ի Մամական. Համազասպ
Line: 6    ի Սահական. Սահակ ի Մանուեղեան. Վարդան
Line: 7    ի Մուշեղեան. Եւ ոչ ոք արտաքոյ մնաց յաշխարհականաց
Line: 8    ի յայս ի կամաւոր գործոյ, ի քահանայից,
Line: 9    ի վանականաց, ի ժողովրդականաց, ի բարետոհմից,
Line: 10    ի յամենայն շինականաց. Եւ բարձր ի միջոյ
Line: 11    զնոցա կրճիմն չար. ի լոյս խաղաղական ոգւոյ
Line: 12    եւ մարմնոյ.

Line: 13       Եւ սահմանեցաք ըստ հրամանի սուրբ
Line: 14    առաքելոցն, եւ երանելի ուղղափառ ձարդապետաց,
Line: 15    ամենեւիմք մի վիճել ընդ նոսա հակառակաբանութեամբ,
Line: 16    այղ հեռանալ ի նոցանեն՝ արդարեւ որպէս
Line: 17    ի թշնամեաց Քրիստոսի Աստուծոյ. եւ մեզ
Line: 18    կալ ի նմին ուխտի հաստատուն որպէս արարաք
Line: 19    եւ գործեցաք հանդերձ Աստուծով. յաղագս
Line: 20    սրբոյ հաւատոյ խոստովանութեան. Ապա թէ
Line: 21    իցէ ոք որ սայթաքցիցէ ի մէնջ կամ ի զաւակէ
Line: 22    եւ կամ ի զաւակաց զաւակէ մերմէ մինչեւ
Line: 23    յաւիտեան, եւ կամիցի թիւրեալ եւ դառնալ
Line: 24    յուխտէ հասարակաց՝ եւ խորհից առնել ինչ
Line: 25    ընդդիմութիւն կամակոր մտաւք՝ բանիւ եւ
Line: 26    կամ գործով, հաւանել երբեք՝ միւսանգամ
Line: 27    շինութիւն քանդման աւերեցելոյն միաբանեալ
Line: 28    Նեստորիանոսաց. եւ հեռանալ ի մէջն այսու
Line: 29    մասամբ. եւ ատեալ զանձն յետս կալով ի
Line: 30    մեծ խորհրդոյ քրիստոնէոպթեան. Նզովեսցի
Line: 31    հոգւով նզովեսցի մարմնով՝ եւ ամենայն
Line: 32    կենցաղիւ իւրով ի սուրբ Երրորդութենէն՝
Line: 33    եւ որոշեալ լիցի հալածանաւք՝ եւ արտաքս
Line: 34    ընկեցեալ լիցի յամենայն ուղղափառաց՝ ի
Line: 35    ջամանակի դիպէցելոյ նովին անիծիւք,
Page: 203  Line: 1    եթէ ի կաթւղիկոսաց ոք իցէ, եթէ յեպիսկոպոսաց,
Line: 2    եթէ ի քահանայից՝ եթէ յիշխանաց՝ եթէ յայղ՝
Line: 3    ժողովրդականաց. Եւ արարաք զայս հաստատութիւն
Line: 4    պատուիրանի՝ մեզ եւ որդւոց որդւոց մերոց,
Line: 5    մինչեւ ի կատարումն ջամանակաց. եւ կնքեցաք
Line: 6    առաչին սրտիւք մերով յուսովն Քրիստոսի
Line: 7    Աստուծոյ մերոյ եւ ապա մատանեաւք
Line: 8    մերովք.




Next part


This text is part of the TITUS edition of Girk tltoc.

Copyright TITUS Project, Frankfurt a/M, 28.8.2010. No parts of this document may be republished in any form without prior permission by the copyright holder.