TITUS
Frik, Diwan
Part No. 37
Previous part

Poem: 37   ԼԷ.
Line: 1  Verse: 1   ՆՈՐԻՆ ՖՐԿԱՆՆ
Line: 2  Verse: 2   ասացեալ
Line: 3  Verse: 3   ԲԱՆ ՄՏԱՒՈՐ ԵՒ ՀՈԳԵՇԱՀ
Line: 4  Verse: 4   Յաղագս Արարչութեան Ամենայն Կենդանեաց
Line: 5  3-3 \\ 2-3


Line: 6  Verse: 5     Աստուծոյ զաւրութիւն եւ կամքն է աւրհնեալ,
Line: 7  Verse: 6     Զարարածս յոչընչէ թէ ո՞նց գոյացել.
Line: 8  Verse: 7     Ի յառաջ հըրաման ու հիմն է դըրել,
Line: 9  Verse: 8     Զանդընդոց խորութիւն բանիւ Նա փակել։
Line: 10  Verse: 9     Հակառակ հողմերով ի ջուրն է փըչել,
Line: 11  Verse: 10     Քաջութեամբ ըզկամարն ամուր կառուցել.
Line: 12  Verse: 11     Գեղեցիկ լուսաւորք յերկինքն է կախել,
Line: 13  Verse: 12     Աստեղացն անմոլար ճանա́պարհ ցուցել։
Line: 14  Verse: 13     Ի վերայ գըմբէթին կամար է կազմել,
Line: 15  Verse: 14     Ի չորից կենդանեաց վերայ հանգուցել։
Line: 16  Verse: 15     Ի հոգոյ ւ̆ի լուսոյ հրեշտակք է ստեղծել,
Line: 17  Verse: 16     Պարունակ աթոռոյն է շըրջափակել։

Page: 434  
Line: 1  Verse: 17     Հրամանաւ ըզհողոյ երեսն է բացել,
Line: 2  Verse: 18     Ի հըրոյ ւ̆ի ջըրոյ լերինք եռացել։
Line: 3  Verse: 19     Ցամաքիս ամրութեան բեւեռք է դըրել,
Line: 4  Verse: 20     Ի լերանց է զաղբիւրք եւ գետքըն բըղխել։
Line: 5  Verse: 21     Զինչ ի տիկ ըզծովու ջուրըն ժողովել,
Line: 6  Verse: 22     Սահմանիւ ամենայն է ա́մրացուցել։
Line: 7  Verse: 23     Մեծամեծ կենդանիք ի ջուրն է դըրել
Line: 8  Verse: 24     ւ̆Ի ջըրոյն թեւաւորք յաւդըն թըռուցել։
Line: 9  Verse: 25     Ի հողոյ ւ̆ի ջըրոյ ըզբոյսքն է հանել,
Line: 10  Verse: 26     Զանասուն ու զգազանք յերկիր ծընուցել։
Line: 11  Verse: 27     Տարերաւք զամենայն յըղորդ կացուցել,
Line: 12  Verse: 28     Յետ այսոց ամենայն ըզմարդն արարել։
Line: 13  Verse: 29     Արարչին քաղցրութիւն եւ փա́ռքըն աւրհնել,
Line: 14  Verse: 30     Թ̆ի հողոյն ինչ գոհար պատկեր յաւրինել։
Line: 15  Verse: 31     Եւ թնարփեան շընորհաւք ըզմա́րդըն լըցել,
Line: 16  Verse: 32     Հանց հոգի եւ իմացք ու խելք է տըւել։
Line: 17  Verse: 33     Յեդեմըն վանց մարդոյ դըրախտ է զուգել,

Page: 435  
Line: 1  Verse: 34     Գեղեցիկ մըրգաբերք ի նա է տընկել։
Line: 2  Verse: 35     Զինչ զեղունք գեղեցիկ կանայք է ստեղծել,
Line: 3  Verse: 36     Աշխարհի շինութեան պաաճառ հրամայել։
Line: 4  Verse: 37     Գոյն ըզգոյն հանդերձիւ զինքըն պըճընել,
Line: 5  Verse: 38     Զանազան կերակրաւք զինքըն ճաշակել։
Line: 6  Verse: 39     Զարեգակն ու զլուսի́նըն ճորտ է տըւել,
Line: 7  Verse: 40     Ըզցերեկն աշխարհի վայելք է զուգել,
Line: 8  Verse: 41     Ըզգիշե́րըն քընոյ հանգիստ հրամայել։
Line: 9  Verse: 42     Նաւերով ըզմարդիկք ի ծովն իջուցել,
Line: 10  Verse: 43     Ամենայն եղելոցս իշխան կացուցել,
Line: 11  Verse: 44     Զանասունք ու զ̆գազանք ու զ̆դեւք է կապել,
Line: 12  Verse: 45     Հանճարով զամենայն ի ձեռն է տըւել։
Line: 13  Verse: 46     Հանց տաճիկ ձիանով է բա́րձրացուցել,
Line: 14  Verse: 47     Որ զաշխարհս ամենայն թըրով նա կալել։
Line: 15  Verse: 48     Ո՛չ ոսկի, ւ̆ո́չ արծաթ չէ իւրն խընայել,
Line: 16  Verse: 49     Մարգարիտ պատուական, ակունք ցուցուցել,
Line: 17  Verse: 50     Զամենայն ցեղ հընարք ւ̆արուեստ ուսուցել։
Line: 18  Verse: 51     Ով ունի խելք ու միտք եւ զայս իմացել,

Page: 436  
Line: 1  Verse: 52     Որ սիրով Աստուած զ̆մարդըն մեծարել.
Line: 2  Verse: 53     Յաշխարհի հանց պարգեւք ու փառք է տւել,
Line: 3  Verse: 54     ւ̆Ի յերկինքն է արքա́յութիւն խոստացել։
Line: 4  Verse: 55     Փառակից զիւր Որդին ի վայր առաքել,
Line: 5  Verse: 56     Մեզ համար ի զենումըն զինքն է աըւել.
Line: 6  Verse: 57     Զերախտիքն, որ Աստուած առ մեզ է արել,
Line: 7  Verse: 58     Մեր լեզո̆ւովս ըզնա ո՞ւր կարենք վըճարել։
Line: 8  Verse: 59     Զաւրութիւնք երկնաւորք յահէն սասանել,
Line: 9  Verse: 60     Յերեսացն ապառաժք ու վէմք է հալել։
Line: 10  Verse: 61     Յիւր ահէն ծով եւ գետք՝ ամէն ցամաքել,
Line: 11  Verse: 62     Զայս ամէնըս բանիւ Ինքն է ըստեղծել։
Line: 12  Verse: 63     Յետ այսոր ծառայի մարմին ըզգեցել,
Line: 13  Verse: 64     Իւր կամաւ վասըն մեր ի մահ մատընել.
Line: 14  Verse: 65     Զիւր մարմինն ու զարի́ւնըն մեզ է բաշխել,
Line: 15  Verse: 66     Սըրբասաց սերովբէքն այսոր ցանկացել։
Line: 16  Verse: 67     Զայս ամէն բարութիւնս է մեզ կամեցել,
Line: 17  Verse: 68     Պատուական սուրբ արեամբն ըզմեզ Նա զընել։
Line: 18  Verse: 69     Քան ըզհայր առաւել ի մեզ գըթացել,

Page: 437  
Line: 1  Verse: 70     Քան ըզմայր առաւել աղէտ կալել,
Line: 2  Verse: 71     Քան զեղբայր առաւել ըզմեզ սիրեցել,
Line: 3  Verse: 72     Չէ՛ ի մեր առնելո́ցըս մեզ հատուցել։
Line: 4  Verse: 73     Թէ խաբել ̆ինք քընով եւ կամ ծուլացել,
Line: 5  Verse: 74     Ինքն եղել մեզ Քաւիչ եւ Ինքն ողորմել։
Line: 6  Verse: 75     Նեղութիւն թ̆ինք մըտել կամ ի փորձութիւն,
Line: 7  Verse: 76     Տէրն եղեւ պահապան եւ Ինքն է հաճել։
Line: 8  Verse: 77     Զայս ամէն զինչ Աստուած է հետ մեզ արել,
Line: 9  Verse: 78     Ե՞րբ կարենք Իւր նըման զինքըն ծառայել։
Line: 10  Verse: 79     Քեզ պիտի հայնց կենալ զինչ Տէրն ասացել,
Line: 11  Verse: 80     Մի́ շընալ, գողանալ, մի ը՛սպանանել։
Line: 12  Verse: 81     Ծընաւղաց ւ̆ընկերաց՝ սիրով ծառայել,
Line: 13  Verse: 82     Զզհոգի եւ զ̆մարմին ու զմիտք մաքըրել։
Line: 14  Verse: 83     Ուղղափառ հաւատով զԱստուած դաւանել,
Line: 15  Verse: 84     Աղքատաց եւ այրեաց, որբոց գըթացել։
Line: 16  Verse: 85     Հիւանդաց, նեղելոց ի տես գընացել,
Line: 17  Verse: 86     Իմաստնոց եւ ծերոց ըսպա́սաւորել։
Line: 18  Verse: 87     Ամէնի հաւասար գըթով խընամել,
Line: 19  Verse: 88     Որ ապա գիտենանք, թէ Տէրն է հաճել։
Line: 20  Verse: 89     Մեղաւոր եւ աղքատ Ֆըրիկն ասացել,

Page: 438  
Line: 1  Verse: 90     Ամէնի հաւասար ի յոտք եմ անկել։
Line: 2  Verse: 91     Ի ձեզնէ թողութիւն մեղաց խընդըրել,
Line: 3  Verse: 92     Բարեխաւս առ Աստուած սըրտիւ յաւժարել։
Line: 4  Verse: 93     Որ լինի մեր խորհուրդս ի Տէր կատարել,
Line: 5  Verse: 94     Հաւասար, ի́մ եղբարք, ամե́նքըդ աւրհնել։
Line: 6  Verse: 95     Դուք լինիք արժանի զԱստուած տեսանել,
Line: 7  Verse: 96     Քաղցրալուր ականջով զբարբա́ռըն լըսել,
Line: 8  Verse: 97     Թէ հոգին ինչ շընորհք եւ խաւսք է տըւել,
Line: 9  Verse: 98     Բայց յետեւ ամէնին ըզմահ կամեցել։


Line: 10  ***


Page: 439  
Next part


This text is part of the TITUS edition of Frik, Diwan.

Copyright TITUS Project, Frankfurt a/M, 5.12.2017. No parts of this document may be republished in any form without prior permission by the copyright holder.