TITUS
Frik, Diwan
Part No. 36
Previous part

Poem: 36   ԼԶ.
Line: 1  Verse: 1   ՆՈՐԻՆ ՖՐԿԱՆՆ
Line: 2  Verse: 2   ասացեալ
Line: 3  Verse: 3   ԲԱՆ ՄԵԿՆՈՒԹԵԱՆ
Line: 4  7-3-5


Line: 5  Verse: 4     Յառաջն ինչ խորհուրդ եղեւ՝ Որդին ըսկիզբըն ամենին,
Line: 6  Verse: 5     Դեռ այն փայտըն չէր բուսել, որ հանին զմեր Տէրն ի Խաչին։
Line: 7  Verse: 6     Յետոյ էր ծընել Սուրբ Կոյսն, ո̆ր զԱդամայ կաւըն կու զուգին
Line: 8  Verse: 7     Թէ չէ՝ ի՞նչ պատճառ եղեւ, որ երեկ խընդիր ծառային։
Line: 9  Verse: 8     Ծընաւ անարատ Սուրբ կոյսն ի յայրին զՈրդին միածին,
Line: 10  Verse: 9     Մոգուց թագաւորքն եկին եւ տեսին զԱստուած՝ նոր ու հին։
Line: 11  Verse: 10     Ո՞վ իշխէ ասել զԱստուած, թէ պատած էր ի խանձարուրին,
Line: 12  Verse: 11     Այսինքըն միայն Աստուած, որ ասաց զէլի է՛լն ի Խաչին։
Line: 13  Verse: 12     Յերկնից ի յերկիր իջեալ խոնարհեալ, թէ որ ուսանին,
Line: 14  Verse: 13     զԱստուած ո՞վ կարէ տեսնուլ, բայց ծընաւ ու զԻնքն սընուցին։
Line: 15  Verse: 14     Այսինքն է՝ ծածկեալ Խորհուրդ, բայց յայտնի է՝ գըրկով բարձին,
Line: 16  Verse: 15     Ա՛յն որ զամենայն էստեղծ, ի բանից՝ զԻնքըն խաչեցին։
Line: 17  Verse: 16     Գեմ ի սկըզբանէ էր Բանն Աստըւած ի յարգանդ Կուսին,
Line: 18  Verse: 17     Ամուրքըն երկնից չի կայր, անդընդոց աղխքըն չերեւին։
Line: 19  Verse: 18     Ըզխաղողն արիւն զուգեց եւ զ̆ցորեանն Իւրեանըն մարմին,

Page: 430  
Line: 1  Verse: 19     Զայս մեզ յիշատակ եթող եւ գընաց առ Հայրն եւ Հոգին։
Line: 2  Verse: 20     Քան զԱդամ այլ ո՞վ հարուստ, որ ունէր զ̆դրախտն առանձին,
Line: 3  Verse: 21     Դեռ այն ծառըն չէր բուսել, ո́չ պըտուղն ինչ պատո̆ւիրեցին։
Line: 4  Verse: 22     Պըտուղ մի́ ուտեր, Ադա́մ, որ չընկնիս ի մեծ գերութիւն,
Line: 5  Verse: 23     Կերաւ, խաբեցաւ Ադամ՝ զաւրըն լայր ի դիմաց դըրախտին։
Line: 6  Verse: 24     Է՞ր ես հագել դու նասիճ ու նըստել զինչ մէկ ի նըւին,
Line: 7  Verse: 25     Ճորտեր են կանգնած յառջեւդ՝ ղըռաւաշ գինին լընուին։
Line: 8  Verse: 26     Տառպելքն են ի դուռն եկել, որ իւրեանցն կըտոր մուրային,
Line: 9  Verse: 27     Կանչէր, թէ "ի զատ հանէք յերեսէս, որ իրք չուզէին"։
Line: 10  Verse: 28     Յորժամ դատաստան լինէր, որ ըզքեզ յառաջ կոչէին,
Line: 11  Verse: 29     Ի՞նչ ես դու տուել նոցա, որ ի քո դուռըն կու գային։
Line: 12  Verse: 30     Ո՞ւր են այն ամէն ճորտերն, որ կանչ̆ին "Անո՜ւշ պարոնին",
Line: 13  Verse: 31     Թող գան ու թափեն ըզձեզ կըրակէն ւ̆ի հուր գեհենին։
Line: 14  Verse: 32     Ո՞ւր է քո ոսկի կապայն, որ ծառայքն ի թեւն առնուին,
Line: 15  Verse: 33     Ո՞ւր է փափուկ անկողինդ, որ գիշերըն քեզ փըռէին։
Line: 16  Verse: 34     Այսաւր ո́չ կապայ ունիս, ո́չ անկողին մէջն ի հողին,
Line: 17  Verse: 35     Յայգուց՝ հուր ու բոց ածեն ի բերան ըռաւաշ խըմողին։

Page: 431  
Line: 1  Verse: 36     Ո՛չ դուստր, ո́չ որդին աւգտէ, ո́չ դեկան իւր վաստակողին,
Line: 2  Verse: 37     Յորժամ յարութիւն լինի՝ չունենաս պացխուն դատողին։
Line: 3  Verse: 38     Մինչ խելքդ ի վերայ է դեռ, դու քակէ զդըժոխքն ահագին,
Line: 4  Verse: 39     Շինէ անդէնին դարպաս ու գընէ դըրախտ մեծագին։
Line: 5  Verse: 40     Դարձեալ հրամայէ Աստուած ընդ հարուստ ու փարթամընին,
Line: 6  Verse: 41     Ո՞ւր է ձեր ամէն դեկանն ու թաւերն եւ շատ ծառանին։
Line: 7  Verse: 42     Թող գան ու թափեն ըզձեզ ի ձեռացըն չար տանջողին,
Line: 8  Verse: 43     Է՞ր չ̆իք ի տալ ինձ ի փոխ, երբ գային ի ձեր դըռվընին։
Line: 9  Verse: 44     Գեմ խիստ փոշիման է լեալ մեծատունն յիւրենն ի մըտին,
Line: 10  Verse: 45     Ասէ, թէ "Ե՞րբ տեսայ ես ըզաղքատն ի յիմ դըռվընին"։
Line: 11  Verse: 46     Անխե́լ, գեմ աղքատն էր այն, որ ճորտերն ըզինքն վարէին,
Line: 12  Verse: 47     Եւ կամ թէ տային կոտոր, որ շըներն զինքըն չուտէին։
Line: 13  Verse: 48     Յայգուց, որ դընենք կըշեռք ւ̆իրաւունք առնենք ամէնին,
Line: 14  Verse: 49     Բարեացն զփոխարէնոն տանք քան զհարիւր հազարն աւելին,
Line: 15  Verse: 50     Նոքա, որ զկաշառքն առին ու շատ վաշխ եւ մեծ տոկոսին,
Line: 16  Verse: 51     Զհուրն եւ ըզկըրակըն տան եւ զտանջանքն, որ ո́չ շիջանին։
Line: 17  Verse: 52     Ամբարձ ըզհոգոյ աչերդ ւ̆յըղըրկէ պաշար զանդէնին,
Line: 18  Verse: 53     Այսաւր դու արա ճարակ, որ չ̆լինիս բաժին գեհենին։
Line: 19  Verse: 54     Զինչ որ դու ունիս շատ գանձ ու ղումաշ եւ բաժին ժանգին,
Line: 20  Verse: 55     Գընա́, վաճառէ դու զինքն ւ̆աղքատացըն տուր դու բաժին։
Line: 21  Verse: 56     Ու Տէրն ողորմի յէգուց, չը տայ զքեզ բաժին սատանին,

Page: 432  
Line: 1  Verse: 57     Կանգնիս ի յաջոյ դեհին ու շահես ըզլոյսն եւ զ̆բարին։
Line: 2  Verse: 58     Զինչ որ խոստացաւ Աստուած՝ զայն կու տայ իւրեն ծառային,
Line: 3  Verse: 59     Ջանա́ ու ճարտար կացիր, որ առնուս ըզտեղ հայրենին։
Line: 4  Verse: 60     Զով որ դու խելաւք գիտ̆իր, քան զամէն անխել նոքա ̆ին,
Line: 5  Verse: 61     Երբ ցաւ մի դիպնէր նոցա.........
Line: 6  Verse: 62     Խելաւք ես նոցա ասեմ, որ ողջնու թանգար գըրէին,
Line: 7  Verse: 63     Երբ մահն ի վերայ հասնէր, լուկ անհոգ զաչսըն խըփէին։


Line: 8  ***


Page: 433  
Next part


This text is part of the TITUS edition of Frik, Diwan.

Copyright TITUS Project, Frankfurt a/M, 5.12.2017. No parts of this document may be republished in any form without prior permission by the copyright holder.