TITUS
Frik, Diwan
Part No. 35
Previous part

Poem: 35   ԼԵ.
Line: 1  Verse: 1   ՆՈՐԻՆ ՖՐԿԱՆՆ
Line: 2  Verse: 2   ասացեալ
Line: 3  Verse: 3   ՎԱՍՆ ԱՐՂՈԻՆ-ՂԱՆԻՆ ԵՒ ԲՈՒՂԱՅԻՆ
Line: 4  4-4 \\ 4-4


Line: 5  Verse: 4     Փառք Աստուծոյ միշտ կենդանոյն,
Line: 6  Verse: 5     Արդար ւ̆իրաւ դատաւորին,
Line: 7  Verse: 6     Տեսէք՝ թէ ի՞նչ զարմանք եղեւ
Line: 8  Verse: 7     Հետ Բուղային եւ Արուխին։
Line: 9  Verse: 8     Բուղա́, դու ո՞նց կամիր նենգել,
Line: 10  Verse: 9     Աստուածադիր թագաւորին,
Line: 11  Verse: 10     Զոր քրիստոնեայքն ամէն հաւսար,
Line: 12  Verse: 11     Ի յԱստուծոյ կու խնդրէին։
Line: 13  Verse: 12     Արղուն ղանըն Աստուած եդիր,
Line: 14  Verse: 13     Ո՞վ է յաղթող Արղուն Ղանին,
Line: 15  Verse: 14     Արղունըն ի՞նչ վընաս գործեց,
Line: 16  Verse: 15     Գիտեմ՝ որդին էր Աբաղին։
Line: 17  Verse: 16     Այն որ ըզքեզ ի վեր քաշեց
Line: 18  Verse: 17     Եւ քեզ երետ զամէն բարին,
Line: 19  Verse: 18     Այնոր փոխրէն զի՞նչ խորհեցար
Line: 20  Verse: 19     Կամ ո՞վ լըռէր հանցեղ բանին։
Line: 21  Verse: 20     Ով անմեղաց հոր կու փորէ
Line: 22  Verse: 21     Ինքն անկանի ի մէջ գըբին,
Line: 23  Verse: 22     Սուլտան--աղան թող իմացաւ
Line: 24  Verse: 23     Ապա քո գործքն զ̆քեզ սպանեցին։
Line: 25  Verse: 24     Նոցա չի կայր իսկի գունահ,
Line: 26  Verse: 25     Զինչ քո թերաց կոտորեցին,
Line: 27  Verse: 26     Դու քան զԱրղո́ւնըն չ̆իր պակաս,
Line: 28  Verse: 27     Ի քո յահէդ խիստ կու վախին։

Page: 423  
Line: 1  Verse: 28     Բուղա էիր՝ չինքսան եղար,
Line: 2  Verse: 29     Բէկլար--բէկի ̆իր հեծելին,
Line: 3  Verse: 30     Չ̆գիտեմ թէ զի՞նչ կամիր լինել,
Line: 4  Verse: 31     Դու չ̆իր որդի Չանկըզ ղանին։
Line: 5  Verse: 32     Զինչ ի վերուստ քեզ չէր տըւած,
Line: 6  Verse: 33     Դու ե՞րբ կարիր հասնել բանին,
Line: 7  Verse: 34     Զոհալըն խիստ ի վեր քարշէ՝
Line: 8  Verse: 35     Յետեւ զարնէ խիստ ի գետին։
Line: 9  Verse: 36     Մըտիկ դըրէք, աշխարհ ամէն,
Line: 10  Verse: 37     Ըսքանչելեացն Երկնաւորին,
Line: 11  Verse: 38     Տեսէք՝ թէ ի՞նչ արար Աստուած,
Line: 12  Verse: 39     Ի հատուցո́ւմըն հըզաւրին։
Line: 13  Verse: 40     Քակեց ըզբա́րձրըն յաթոռոյ,
Line: 14  Verse: 41     Ջախեց ըզգլո́ւխն վիշապին,
Line: 15  Verse: 42     Ով կուռըն տայ թագաւորաց՝
Line: 16  Verse: 43     Իւրըն բերէ կործանութիւն։
Line: 17  Verse: 44     Գեմ սատանայ զայն խորհեցաւ
Line: 18  Verse: 45     Հետ Աստուծոյ՝ իւր Ստեղծաւղին,
Line: 19  Verse: 46     Որ ի փառաց անկաւ ի վայր,
Line: 20  Verse: 47     Խորտակեցաւ անդընդային.
Line: 21  Verse: 48     Յորժամ ձըգէ Աստուած յաչից
Line: 22  Verse: 49     Ըզգործակից սատանային,
Line: 23  Verse: 50     Հանց խայտառակ հրապարակէ,
Line: 24  Verse: 51     Զինչ որ արար հետ Բուղային։
Line: 25  Verse: 52     Տէրըն եզարկ յերկնից ի վայր
Line: 26  Verse: 53     Չընկսայ Բուղին եւ Արուխին,
Line: 27  Verse: 54     Նա՜յ, ամենայն գըլխաւորացն՝
Line: 28  Verse: 55     Զինչ ի մէկտեղ խորհուրդ արին։
Line: 29  Verse: 56     Դու ես, Տէ՛ր, խը՛նդրող վըրէժից,
Line: 30  Verse: 57     Ի խոր նայիս անդընդային,

Page: 424  
Line: 1  Verse: 58     Լըսես ձայնի հառաչանաց
Line: 2  Verse: 59     Եւ հեծութեա́նցըն տընանկին։
Line: 3  Verse: 60     Դու զըրկելոց ես ողորմած,
Line: 4  Verse: 61     Որբերըն Քո են եւ այրին,
Line: 5  Verse: 62     Տէ՛ր, Դու տեսար յերկնից ի վայր
Line: 6  Verse: 63     Զինչ Քո ծառա́յքըն քարշեցին։
Line: 7  Verse: 64     Գեմ չի մընաց աղբիւր ու գետ
Line: 8  Verse: 65     Որ լացուցա́ծքըս չի խմեցին,
Line: 9  Verse: 66     Գեմ չի մընաց լեռներ ու դաշտք,
Line: 10  Verse: 67     Որ Մասաս--չիքըն չ̆կոխեցին։
Line: 11  Verse: 68     Ձըմեռն առան՝ յերթին լալով
Line: 12  Verse: 69     ւ̆Ամառն ի քո́չըն խաշէին,
Line: 13  Verse: 70     Քըսան տարի դար քաշեցաք,
Line: 14  Verse: 71     Որ հալեցաւ ոսկր ու մորթի
Line: 15  Verse: 72     Լոկ շընչաւոր ենք մընացել,
Line: 16  Verse: 73     Խելք, զգայարանք ̆ի մեզ չերեւին,
Line: 17  Verse: 74     Ջալալադինն էր մընացել,
Line: 18  Verse: 75     Նա կու զարնէր աքցի բանին։
Line: 19  Verse: 76     Տէրըն սաստեց խոլոր աչաւք,
Line: 20  Verse: 77     Ու ցըրուեցաւ տունն ու բարին,
Line: 21  Verse: 78     ............
Line: 22  Verse: 79     ............
Line: 23  Verse: 80     Հանց փոխարէն արար Աստուած,
Line: 24  Verse: 81     Այն Գրիգորին եւ իւր ազգին,
Line: 25  Verse: 82     Որ ամենայն մարդ վըկայեաց
Line: 26  Verse: 83     Թէ աւրթախնին անիծեցին։
Line: 27  Verse: 84     Սուրբ Յովհաննէսն իւրեն խըռով՝
Line: 28  Verse: 85     Այն անաւրէն Թուման-ճուխին,
Line: 29  Verse: 86     Իսկի չ̆ածեր զԱստուած ի միտ՝
Line: 30  Verse: 87     Չունէր երկիւղ ի յիւր սըրտին։

Page: 425  
Line: 1  Verse: 88     Հանց խորտակէ Աստուած ըզնա,
Line: 2  Verse: 89     Որ իւր ազգովն ամէն ջընջին.
Line: 3  Verse: 90     Տիրասըպան, Աստուածուրաց,
Line: 4  Verse: 91     Լիրբ ւ̆անամաւթ՝ այն շուն Սաւֆին։
Line: 5  Verse: 92     Հանչաք վազէ դըռնէ ի դուռն,
Line: 6  Verse: 93     Մինչ որ անկնի ի մէջ գըբին,
Line: 7  Verse: 94     Գեմ չարարին հանչաք վընաս,
Line: 8  Verse: 95     Որ հաւանէր Աստուած բանին։
Line: 9  Verse: 96     Կու հրամայէ մեծըն Դաւիթ
Line: 10  Verse: 97     Ժողովրդեան Բաբիլոնին,
Line: 11  Verse: 98     Թէ երանի, որ հարկանէ
Line: 12  Verse: 99     Զորդիքն ի քա́րըն չարկամին։
Line: 13  Verse: 100     Մեք վա՜շ ասենք անձանց մերոց,
Line: 14  Verse: 101     Թէ ո՞նց տեսաք ըզթըշնամին,
Line: 15  Verse: 102     Գիտեմ՝ կային հանցեղ մարդիկք,
Line: 16  Verse: 103     Որ ի մեր չա́րըն խընդային։
Line: 17  Verse: 104     Երբ նըստէաք ի հրապարակ
Line: 18  Verse: 105     Ամէնն ըզմեզ ծիծաղէին.
Line: 19  Verse: 106     Հանց բարետես աչո̆ւի ունինք,
Line: 20  Verse: 107     Որ նոքա այլ գըլխիվայրին։
Line: 21  Verse: 108     Թող չ̆յուսանայ մարդ ի դըրամ
Line: 22  Verse: 109     Եւ ոչ ի զուր մարդ ծիծաղին.
Line: 23  Verse: 110     Ֆալաքըն տայ ժուկ մի դեկան,
Line: 24  Verse: 111     Յետեւ հանէ խիստ ի քամին։
Line: 25  Verse: 112     Ով յանմեղուց մարդ կու ճաւշայ,
Line: 26  Verse: 113     Դուք նայեցէք հետ իւր բանին,
Line: 27  Verse: 114     Ապա զայս այլ կամիմ ասել,
Line: 28  Verse: 115     Զինչ Մասսաչի́քըն գործեցին։
Line: 29  Verse: 116     Խիստ յուսացան ի յանցաւորս
Line: 30  Verse: 117     Եւ պարծեցան յիւրեանց մըտին,
Line: 31  Verse: 118     Թէ մեք շինենք շատ մի թուման,

Page: 426  
Line: 1  Verse: 119     Երթանք, կախենք զորբն ու զայրին։
Line: 2  Verse: 120     Հետ ընկերաց ծուռ են կացել
Line: 3  Verse: 121     Եւ շատ մարդկաց տուն քակեցին,
Line: 4  Verse: 122     Խիստ ապիրատ բան խաւսեցան,
Line: 5  Verse: 123     Մեղաւք զԱստուած բարկացուցին։
Line: 6  Verse: 124     Զինչ որ տըւել էր Տէր նոցա,
Line: 7  Verse: 125     Զայն գոհութեամբ հերիք չարին,
Line: 8  Verse: 126     Բարձի թողի արար զամէն՝
Line: 9  Verse: 127     Երթալ ըզհետ իւրեանց սըրտին։
Line: 10  Verse: 128     Հանց խարզանաւ Տէրըն ծեծեց,
Line: 11  Verse: 129     Որ չ̆իմացան զինչ գործեցին,
Line: 12  Verse: 130     Յորժամ գիտաց, թէ խրատեցան
Line: 13  Verse: 131     Եւ զըղջացան յիւրեանց մըտին,
Line: 14  Verse: 132     Տէրըն դարձեալ ողորմեցաւ
Line: 15  Verse: 133     Փոխրէնք արար հակառակին.
Line: 16  Verse: 134     Հանց սատակեաց Աստուած զ̆նոսա
Line: 17  Verse: 135     Զինչ Մասասչեց չար կամէին։
Line: 18  Verse: 136     Իսրայէլի գերիքն էաք
Line: 19  Verse: 137     Ձեռն ̆ինք ընկել ի Բուղային,
Line: 20  Verse: 138     Ումեկ հատել էր ի սըրտէ
Line: 21  Verse: 139     Թէ զի՞նչ լինի ճար մեր բանին։
Line: 22  Verse: 140     Դառն եւ ողորմ ̆ինք մընացել,
Line: 23  Verse: 141     Թէ ե՞րբ հասնենք մեր մուրատին,
Line: 24  Verse: 142     Յերկու դիմաց ̆ինք պարտական,
Line: 25  Verse: 143     Մէկ աստէնիս, մէկ անդէնին։
Line: 26  Verse: 144     Յիւրեանց բարեացըն զըրկեցան,
Line: 27  Verse: 145     Դէմ յԱստուծոյ շատ մի լացին,
Line: 28  Verse: 146     Գանգատ ասցին ի խոր սըրտէ,
Line: 29  Verse: 147     Հառաչանաւք զայս ասացին.
Line: 30  Verse: 148     "Տէ՛ր, մի́ հաներ զմեզ ի կենացս,
Line: 31  Verse: 149     Մինչ որ մեր պարտքըս վըճարին"։

Page: 427  
Line: 1  Verse: 150     Զինչ Մասաս չի կան՝ հաւասար
Line: 2  Verse: 151     Ամենքեան թող ժողովին,
Line: 3  Verse: 152     Որ աղաչենք ըզՏէր Աստուած,
Line: 4  Verse: 153     Որ ցուցանէ Արղուն ղանին,
Line: 5  Verse: 154     Թէ չէ աղէկ այն արտասուքն,
Line: 6  Verse: 155     Որ թափեցին Աւրտուղանին։
Line: 7  Verse: 156     Կու հրամայէ հոգցող անուն,
Line: 8  Verse: 157     Թաչար, Ղազան, Սադադաւլին.
Line: 9  Verse: 158     Թէ "Շուտ հոգցէք զիւրեանց բաներդ,
Line: 10  Verse: 159     Թէ չէ ի հետ ձեզ պարապին"։
Line: 11  Verse: 160     Անէծքըն չէ՛ ոչում բարի,
Line: 12  Verse: 161     Շուտ կու բըռնէ զադամորդին,
Line: 13  Verse: 162     Աստուած յերկնից ականջ դըրել՝
Line: 14  Verse: 163     Խիստ կու լըսէ մեղաւորին։
Line: 15  Verse: 164     Թէպէտ որ քիչ մի կու դատէ,
Line: 16  Verse: 165     Բայց կու փորձէ զիւր սիրելին,
Line: 17  Verse: 166     Տէ՛ր, որ զՅունան տըւեր կիտին,
Line: 18  Verse: 167     Հաներ արձակ հող ւ̆ի գետին,
Line: 19  Verse: 168     Զայս մեղաւոր ծառայքս յետին,
Line: 20  Verse: 169     Մի́ տար տանել մեղաց գետին,
Line: 21  Verse: 170     Ֆըրիկն երեսքն ի վայր դըրել
Line: 22  Verse: 171     Եւ արտասուաւք թանայր զգետին,
Line: 23  Verse: 172     Տէ՛ր, մի́ առներ ի մեր գործոյս
Line: 24  Verse: 173     Մեզ հատուցո́ւմըն չար բանին,
Line: 25  Verse: 174     Դու ես անմեղ եւ անղալատ,
Line: 26  Verse: 175     Հողն ո՞վ լինի, որ չ̆մեղանչին։
Line: 27  Verse: 176     Բաներս աղէկ ու գործքըս վատ,
Line: 28  Verse: 177     Զիս մի́ դատել յիմ արժանին,
Line: 29  Verse: 178     Բըժիշկըն չէ՛ ողջաց ի բան,
Line: 30  Verse: 179     Գեմ դու եկիր վասն հիւանդին։

Page: 428  
Line: 1  Verse: 180     Յերկնից ի վայր խոնարհեցար,
Line: 2  Verse: 181     Վասըն միոյ մեղաւորին,
Line: 3  Verse: 182     Ողորմութեանըդ կու մընամք,
Line: 4  Verse: 183     Որ վերջք առնես Դու մեր չարին։
Line: 5  Verse: 184     Աւուրքս անցաւ հետ Մասասիս,
Line: 6  Verse: 185     Եզըր չի կայ, հուն չերեւին.
Line: 7  Verse: 186     Ցաւս երկարեց, ւ̆ի յոսկր անցաւ,
Line: 8  Verse: 187     Այլ չի մընաց համբերութիւն։
Line: 9  Verse: 188     Տէ՛ր, վասըն Քո Աստուածութեանդ
Line: 10  Verse: 189     Յաւգըն հասիր մեզ յատենին,
Line: 11  Verse: 190     Փըրկեա́ ըզմեզ ի տանջանաց,
Line: 12  Verse: 191     Երեւեցո́ զերեսս Քոյին։


Line: 13  ***


Page: 429  
Next part


This text is part of the TITUS edition of Frik, Diwan.

Copyright TITUS Project, Frankfurt a/M, 5.12.2017. No parts of this document may be republished in any form without prior permission by the copyright holder.