TITUS
Frik, Diwan
Part No. 38
Previous part

Poem: 38   ԼԸ.
Line: 1  Verse: 1   ՆՈՐԻՆ ՖՐԿԱՆՆ
Line: 2  Verse: 2   ասացեալ
Line: 3  Verse: 3   ԽՐԱՏ ՀՈԳԵՇԱՀ
Line: 4  Verse: 4   [Անցանի մեծագոյն]
Line: 5  3-3 \\ 2-3


Line: 6  Verse: 5     Փափագել եմ ի ջուրն՝ յուսով կու գընամ,
Line: 7  Verse: 6     Թե հասնիմ յայն աղբիւրն, որ կ̆ենդանանամ։
Line: 8  Verse: 7     Ես խըմեմ յայն ջըրէն ու հետ գոհանամ,
Line: 9  Verse: 8     Թէ թողուն մէկ պահիկ, որ յինք լողանամ։
Line: 10  Verse: 9     Այն սիրոյ յաւազանն ես զիս լուանամ,
Line: 11  Verse: 10     Նորոգիմ վերըստին քան ը՛զհինն Ադամ,
Line: 12  Verse: 11     Թէ լինի ինձ ռոճիկ, որ ա́րժանանամ,
Line: 13  Verse: 12     Դու արա ինձ մըտիկ, թէ ո՞նց կու փայլամ։
Line: 14  Verse: 13     Թէ զերկիրն կենդանեաց ես ինձ կամենամ,
Line: 15  Verse: 14     Յաւրինացն Աստուծոյ ես երբ հեռանամ։
Line: 16  Verse: 15     Թէ ուզեմ, որ անանց բարոյն տիրանամ՝

Page: 440  
Line: 1  Verse: 16     Զ̆տուն ու զտեղ ու զեղբայր ու զ̆քոյր մոռանամ։
Line: 2  Verse: 17     Հեղեղեմ զարտասուս ու զիս լուանամ,
Line: 3  Verse: 18     Եւ մաքրիմ ի մեղաց եւ ա́րդարանամ։
Line: 4  Verse: 19     Քուրձ ապա ըզգենում, թէ ես կամենամ,
Line: 5  Verse: 20     Երբ ձըգեմ զմեծութիւնս եւ ա́ղքատանամ։
Line: 6  Verse: 21     Յոյս ունիմ առ Աստուած, որ ա́նմեղանամ,
Line: 7  Verse: 22     Երբ ի նեղ եւ յանձուկ ճանպարհն յամենամ։
Line: 8  Verse: 23     Ես լուսով սուրբ Խաչին անահ կու մընամ,
Line: 9  Verse: 24     Թէ հազար զայս բարիս ես ինձ ուզենամ։
Line: 10  Verse: 25     Երբ դու տաս ինձ կարո́ղութիւն զաւրանամ,
Line: 11  Verse: 26     Որ կարեմ ժիր կենալ, որ ոչ ծուլանամ։
Line: 12  Verse: 27     Յիս նայեաց քաղցրութեամբ, որ նոր մանկանամ,
Line: 13  Verse: 28     Զի կարեմ լուծ քաշել ւ̆ի քեզ մաւտենամ։
Line: 14  Verse: 29     Իյահեղ Ատենին երկիւղ չունենամ,
Line: 15  Verse: 30     Երբ տեսոյն Յիսուսի ես ա́րժանանամ։
Line: 16  Verse: 31     Սիրտ ունիմ այս բանիս, որ հանց կու ջանամ,
Line: 17  Verse: 32     Որ յաղէկ ընկերացն ի զատ չի մընամ։
Line: 18  Verse: 33     Յայն աղբիւրն եմ կարաւտ, որ լաց կու կենամ,
Line: 19  Verse: 34     Թէ հասնի կաթ մի յիս, որ ա́րդարանամ։
Line: 20  Verse: 35     Երանի ինձ հազար թէ հանց լինենամ,
Line: 21  Verse: 36     Որ ի մեծ աղբերէն կարաւտ չի մընամ։

Page: 441  
Line: 1  Verse: 37     Դու Աստուած ես գըթած ու խիստ բարեկամ,
Line: 2  Verse: 38     Յայն ջըրէն ինձ արբո, որ ես լիանամ։
Line: 3  Verse: 39     Ի բըղխմանց Սուրբ Հոգոյդ, որ ես զովանամ,
Line: 4  Verse: 40     Յերեսացդ ի լուսոյն ուրախ լինենամ։
Line: 5  Verse: 41     Յայն ձայնէն տուր լըսել, որ յաջ դեհըն գամ,
Line: 6  Verse: 42     Եւ ի ձախ կողմանէն ես ահ չունենամ։
Line: 7  Verse: 43     Խոստացար մեզ բարի, թէ յայն կեանքըն տամ,
Line: 8  Verse: 44     Զայն լըսել եմ գերիս ու խիստ կու տարփամ։
Line: 9  Verse: 45     Երերամ զաւրն ի բուն եւ զայս կու հոգամ,
Line: 10  Verse: 46     Թ̆երբ լինի այն տառաւսն, որ աւր մի խընդամ։
Line: 11  Verse: 47     Երբ մեղաւքս եմ մեռած՝ զայդ ո՞նց կու շողամ,
Line: 12  Verse: 48     Զընդանել է, գեմ, զիս փորձաւղն անըզգամ։
Line: 13  Verse: 49     Զիս ոսկով ւ̆արծաթով փորձէ յարաժամ,
Line: 14  Verse: 50     Զերդ յիմար կամ հարբած ի շուռ գամ ու գամ։
Line: 15  Verse: 51     Չասէի յետ մահու թէ յո՞ւր կու գընամ,
Line: 16  Verse: 52     Կամ համար ու հաշիւ ես յով պիտի տամ։

Page: 442  
Line: 1  Verse: 53     Անալի է դարձել իմ միտքս ու անհամ,
Line: 2  Verse: 54     Չ̆ի առնուլ ըզգըրոց ճաշակ եւ ըզհամ։
Line: 3  Verse: 55     Երբ բացեր զիմ ըզմիտս, որ դեռ կու ըզգամ,
Line: 4  Verse: 56     Վառեցաւ սէրդ ի յիս՝ զերդ հուր կու եռամ։
Line: 5  Verse: 57     Խաւսեցայ հետ սըրտիս, թէ զինչ լինենամ,
Line: 6  Verse: 58     Ո՞վ հանէ յայս կապէս, որ ես դիւրանամ։
Line: 7  Verse: 59     Տէ՛ր, զ̆Քո ձայնդ յիս հասու, որ խա́ղաղանամ,
Line: 8  Verse: 60     Լոյս ծագեաց խաւարիս՝ այլ ոչ կուրանամ։
Line: 9  Verse: 61     Խըղճացիր ծառայիս, որ չա́նպիտանամ,
Line: 10  Verse: 62     Քարշեցեր զիս ի Քեզ, այլ ո՞ւր դառընամ.
Line: 11  Verse: 63     Երբ յիշեմ զայս գոհար բաներս ու ցընծամ,
Line: 12  Verse: 64     Զահագին զիմ ըզմեղքս ու նը՛ստիմ ու լամ։
Line: 13  Verse: 65     Զինչ ըզգետ աշխարհըս բոլոր պիտի գամ
Line: 14  Verse: 66     Ու մըտնում ես՝ Ֆըրիկս ի ծով ու ծըփամ։
Line: 15  Verse: 67     Ի յալեաց կոծելոյն ես ի՜նչ վախենամ,
Line: 16  Verse: 68     Երբ ծովուն ի միջին ես ղարղ լինենամ։

Page: 443  
Line: 1  Verse: 69     Երբ քըննէ մէկըն զիս, թէ ո՞ւր կու գընամ,
Line: 2  Verse: 70     Ես նորա պատեհի պատա́սխանի տամ,
Line: 3  Verse: 71     "Թէ խնդրեմ զայն գոհարն, որ փա́րթամանամ,
Line: 4  Verse: 72     "Ու տեսնում իմ մըտաց աչաւքս ու դողամ.
Line: 5  Verse: 73     "Ով բերէ զինքն առ իս, որ պահ մի խընդամ,
Line: 6  Verse: 74     "Կու քաղի շունչս յինէն, թէ ե՞րբ մաւտենամ,
Line: 7  Verse: 75     "Եւ առնում պահ մի յափս եւ ո́ւրախանամ,
Line: 8  Verse: 76     "Եւ հոգով ու մարմնով ես ա́նմահանամ"։
Line: 9  Verse: 77     Հաստատուն եւ անբեկ նաւուն կու մընամ,
Line: 10  Verse: 78     Որ մըտնիմ յինքն վըստահ եւ այլ չերերամ։
Line: 11  Verse: 79     Նաւապետն է Քրիստոս՝ ի հետ կու գընամ,
Line: 12  Verse: 80     Քան ըզՆա այլ ինձի ճարակ չունենամ։
Line: 13  Verse: 81     Զիմ գըլուխս ու զարիւ՛նըս վարձ պիտի տամ,
Line: 14  Verse: 82     Որ տանի զիս յայն տեղն, որ ես կու ցանկամ։
Line: 15  Verse: 83     Ես ինձէն Քրիստոսի մատաղ լինենամ,

Page: 444  
Line: 1  Verse: 84     Որ առնում զիմ կարիքն ու թա́գուորանամ։
Line: 2  Verse: 85     Կենդանի է Քրիստոս եւ զինքն հաւատամ,
Line: 3  Verse: 86     Թող մաշիմ ի յայս հոգս եւ խիստ հընանամ։
Line: 4  Verse: 87     Իմաստուն եւ խելաւք յայնում լինենամ,
Line: 5  Verse: 88     Երբ առնեմ քըննութիւն ւ̆ի խոր իմանամ,
Line: 6  Verse: 89     Երբ սակաւ մի աստ լամ, նա՜յ անդ խընդանամ։
Line: 7  Verse: 90     յԱրարչէն ես պատիւ եւ փառք ըստանամ,
Line: 8  Verse: 91     Որ հանգչիմ ես անդէն ւ̆ի Նա գոհանամ։


Line: 9  ***


Page: 445  
Next part


This text is part of the TITUS edition of Frik, Diwan.

Copyright TITUS Project, Frankfurt a/M, 5.12.2017. No parts of this document may be republished in any form without prior permission by the copyright holder.