TITUS
Frik, Diwan
Part No. 30
Previous part

Poem: 30   Լ.
Line: 1  Verse: 1   ՆՈՐԻՆ ՖՐԿԱՆՆ
Line: 2  Verse: 2   ասացեալ
Line: 3  Verse: 3   ԲԱՆ ՇԱՀԱՒԷՏ
Line: 4  7--3--5


Line: 5  Verse: 4     Է՜յ, անմիտ եւ անասուն, գիտե՞ս, թէ զոր տեղիք կուզես,
Line: 6  Verse: 5     Զարժանաւորաց տեղըն՝ դու յաւժար սըրտիւ խընդըրես։
Line: 7  Verse: 6     Այնոր նըման գործք պիտի, որ ապա զայն դու գըտանես,
Line: 8  Verse: 7     Հազար կապիճ մեղք ունիս, այդով ո՞նց յերկինքն ելանես։
Line: 9  Verse: 8     Եղբա́յր, թէ դու շատ ուտես ու խըմես՝ նա՜յ, շատ հառաչես,
Line: 10  Verse: 9     Չասե՜ս, թէ դու մարդ ծընար, յիրաւի ի յէշ նըմանես։
Line: 11  Verse: 10     Երթաս թաւալտիս յաղբիսն՝ հետ թոքաս եւ հետ փուք հանես,
Line: 12  Verse: 11     Այդով, ա՜մ, դու ո՞նց հասնիս յայն սըրբոց դասն որ դու կուզես։
Line: 13  Verse: 12     Ապա թէ չափով ուտես ու խըմես եւ քիչ զըրուցես,
Line: 14  Verse: 13     Արթուն եւ պատրաստ կենաս՝ դու ապա ի մարդ նըմանիս։

Page: 392  
Line: 1  Verse: 14     Զմարմինըդ մաքուր պահես եւ գործովըդ ջահ դու վառես.
Line: 2  Verse: 15     Ապա թէ կարես անցնել յայն դըժար տեղն, որ կու վախես.
Line: 3  Verse: 16     Թէ դու յայն ապով կենաս, թէ զԱստուած գըթած դու գիտես,
Line: 4  Verse: 17     Ընկար դու ի գուբն խոր, զոր ի հաւս դու քեզ կու փորես։
Line: 5  Verse: 18     Յայնժամ ողորմի Աստուած, որ աստէն լալով դու խնդրես.
Line: 6  Verse: 19     Թէ չէ երբ տանեն ըզքեզ, դու ի հաւն ճար ո՞ւր գըտանես։
Line: 7  Verse: 20     Ճանպահն, որ ունիս յաւռջեւդ՝ ահըն խիստ է, գէմ կու լըսես,
Line: 8  Verse: 21     Խաւար է ու ցուրտ եւ տաւթ, հանց արա, որ ըզքեզ թափես։
Line: 9  Verse: 22     Յայդ երեք տեղդ հանց արա, եղրա́յր, որ դուն այլ չի վախես։
Line: 10  Verse: 23     Թէ չէ ի տեղին մընաս, դըժոխքն է, զինչ որ կու լըսես։
Line: 11  Verse: 24     Սիրով է պատկեր ստեղծած, դու գիտես, թէ յո՞վ նըմանես,
Line: 12  Verse: 25     Աղէկ քընընէ ըզքեզ, ա՜յ յիմար, թէ ի՞նչ բանի ես։
Line: 13  Verse: 26     Զչարըն քո կամաւ գործես՝ ըզսատանայ պատճառ դընես,

Page: 393  
Line: 1  Verse: 27     Եղբա́յր, քեզ երդումըն տամ, սատանայ դու ե՞րբ տեսեր ես։
Line: 2  Verse: 28     Ասա́ թէ ի՞նչ կերպ ունի կամ ի յո́ւմ բերնէն լըսեր ես,
Line: 3  Verse: 29     Դու զմիտքդ սատանայ զուգես ւ̆ի յաշխարհս ի շուռ կու ածես։
Line: 4  Verse: 30     Անմեղ սատանայ զայն ո՞ւր կու գիտէ, զինչ դու կու գիտես,
Line: 5  Verse: 31     Յանդէն քեզ մտիկ ո՞վ դնէ պատճառիդ, զինչ որ կու դընես։
Line: 6  Verse: 32     Ջանք դիր դուն ու հանց արա, որ ըզքեզ դու պարտաւորես,
Line: 7  Verse: 33     Շատ մեղք ու չարիք ունիս՝ զամէնըն մէկ--մէկ դու գիտես։
Line: 8  Verse: 34     Զամէն մեղք դու ա́ստ քաւէ, որ յանդէնն ափսոս դու չասես,
Line: 9  Verse: 35     Ափսոսն անդէնն ի՞նչ աւգտէ, թէ հազար վըկայ դու կանչես։
Line: 10  Verse: 36     Ասես. "Ողորմեա́ ինձ, Տէ՜ր, մեղաւոր ծառայն Քո եմ ես,
Line: 11  Verse: 37     "Գին եմք Քո անպարտ արեանդ, ̆րի վերայ Խաչին հեղեր ես"։
Line: 12  Verse: 38     Յորժամ հարցանես ըզքեզ. "թէ ըզՏէրն ո՞ւստի ճանաչես",

Page: 394  
Line: 1  Verse: 39     Բանին պատասխան ի՞նչ տաս, է՜յ, հազար գործաւք սեւերես։
Line: 2  Verse: 40     Ֆըրի́կ, քեզ խըրատ մի տամ յիրաւի, թէ ինձ կու լըսես,
Line: 3  Verse: 41     Այս կեանքս է խաբող, եղբայր, սորա ̆սկի մըտիկ չառընես։
Line: 4  Verse: 42     Այն մարդն, որ այս կենցաղոյս աւատայ՝ յանդէնն սեւերես,
Line: 5  Verse: 43     Ողորմ ու լալի է նա մէջ յամէն սըրբոց՝ սեւերես։
Line: 6  Verse: 44     Եղբա́յր, խըրատիս լըսէ եւ արա́ ըզքեզ պարզերես,
Line: 7  Verse: 45     Յորժամ յարութիւն լինի, ընդ սըրբոցըն փառաւորես։


Line: 8  ***


Page: 395  
Next part


This text is part of the TITUS edition of Frik, Diwan.

Copyright TITUS Project, Frankfurt a/M, 5.12.2017. No parts of this document may be republished in any form without prior permission by the copyright holder.