TITUS
Frik, Diwan
Part No. 31
Previous part

Poem: 31   ԼԱ.
Line: 1  Verse: 1a   ՆՈՐԻՆ ՖՐԿԱՆՆ
Line: 2  Verse: 2a   ասացեալ
Line: 3  Verse: 3a   ՈՂԲԱՆՔ Ի ՎԵՐԱՅ ԳԱԼՍՏԵԱՆՆ ԵՒ ՁԱԽԵԼՈՅ։
Line: 4  7-3-5


Line: 5  Verse: 4a     Զարմանք մի մեծ լըսեցէք եւ մըտիկ դըրէք հաւասար,
Line: 6  Verse: 5a     ԶԱստուածութեան հանգամանքն ո՞վ կարէ պատմել միալար։
Line: 7  Verse: 6a     Իւր աստուածութիւնն անեղ, էութիւնըն իւր անվըճար,
Line: 8  Verse: 7a     Իւր քաղցրութիւնն է բարի, եւ Իւր դառնութիւնն է դըժար։


Line: 9  _____


Line: 10  Verse: 1b     Եղբայրք լսեցէք բանիս ու մտիկ արէք հաւասար,
Line: 11  Verse: 2b     Ֆրիկ դու էր խաբեցար ի մեղաց մէջըն կապեցար,
Line: 12  Verse: 3b     գշերն ի քուն չեղար ու ցերեկն ի բուն դատեցար,
Line: 13  Verse: 4b     իրաւ ու սուտ խաւսեցար ու յետեւ դու ի՞նչ շահեցար։
Line: 14  Verse: 5b     Պատճառ եղար դու չարաց ու մեղաց հետ մոլորեցար,
Line: 15  Verse: 6b     զաւրն կեր ու խում արիր անըխեալ յակընատդ է՞ր ընկար.
Line: 16  Verse: 7b     Ֆրիկ ես վզովդ ընկել ու երկու ոտաւքդ ես ի լար,


Line: 17  _____


Page: 396  
Line: 1  Verse: 8a     Խոնարհութիւնն է բազում եւ համբերութիւնն է յերկար,
Line: 2  Verse: 9a     Հաշտելութիւնն է ի լոյս եւ Իւր բարկութիւնն է խաւար։
Line: 3  Verse: 10a     Աստուածութիւնըն է մի եւ ահեղ անունն է հազար,
Line: 4  Verse: 11a     Իւր հայրութիւնն է հաստատ եւ որդիութիւնն ի կատար։
Line: 5  Verse: 12a     Հոգին Սուրբ է փառակից ընդ Հաւր, Որդւոյ՝ հարթ հաւասար.
Line: 6  Verse: 13a     Աւրհնութիւն եւ գոհութիւն Արարչին ամենակատար։
Line: 7  Verse: 14a     Զհրեշտակսն արար ի լուսոյ ւ̆ի հոգոյ անմահ՝ միաբար.
Line: 8  Verse: 15a     Շինեց զերկինքըն կամար եւ զ̆ծով ու զ̆ցամաք հետ իրար։
Line: 9  Verse: 16a     Արար զարեւն ու զլուսին եւ եւթն աստղն ի հետն մոլար,
Line: 10  Verse: 17a     Զտարերք ու զչորս բընութիւնըս կըշռով զուգեց միաբար։


Line: 11  _____


Line: 12  Verse: 8b     ունիր դու քեզ չափ բարի մեծութիւն դու է՞ր ցանկացար։
Line: 13  Verse: 9b     Մոխիր ածիր քո ձեռաւքդ ի գուլխդ՝ դու անխելացար,
Line: 14  Verse: 10b     նմանեցար արծըվուն որ անթավ ու խիստ շփացար,
Line: 15  Verse: 11b     ասցի թէ զուկիմ ես շամտն [= շատ մ̆ն] դեկան ու իմ կամս ի կատար,
Line: 16  Verse: 12b     նետով մի յանց խոցեցար դու որ ինչ կրակ վառեցար։
Line: 17  Verse: 13b     Երբ աչքդ ի նետն ի վեր ի քո թեւէտ դու զինք տեսար,
Line: 18  Verse: 14b     Ֆրիկ զայս ում գանգատիս քո չարին պատճառ դու եղար.
Line: 19  Verse: 15b     այլ քեզիկ ճարակ չկայ աղօթից կարիք դու ընկար,
Line: 20  Verse: 16b     մի՞թէ խայլըսիս ատիւ այս չարէդ որ ինքն դու ընկար։
Line: 21  Verse: 17b     Ողորմութեամբ ազատիս այս մեղացըս որ դուն տիրացար,


Line: 22  _____


Page: 397  
Line: 1  Verse: 18a     ԶԴակասն եդեր տանուտէր, որ պահէր զամէնն ի դադար,
Line: 2  Verse: 19a     Ձըկունք, թըռչունք, անասունք եւ սողունք ամէն հաւասար։
Line: 3  Verse: 20a     Շինեաց դըրախտ ի յԵդեմ եւ տընկեց զ̆ծառըն գերարար,
Line: 4  Verse: 21a     Զամէնն ստեղծեաց ի վեց աւր եւ մըտաւքն արար Նա՜ հանճար։
Line: 5  Verse: 22a     Խաղաղութիւն առաքեաց Տէր ւ̆ողորմութիւն իւր յաշխարհ,
Line: 6  Verse: 23a     Յառաջ մինչ դեռ չէր եղեր այս ամէն ի գիր ու համար։
Line: 7  Verse: 24a     Երրորդական միութիւն արարին խորհուրդ ու հընար,
Line: 8  Verse: 25a     Եկայք, որ մարդ արասցուք մեզ նըման պատկեր մի գաւհար։
Line: 9  Verse: 26a     Դարձեալ եղաւ հըրաման, թէ չ̆տանի պատուէրդ այդ ի ծայր,
Line: 10  Verse: 27a     Որդիդ եղեր հընազանդ եւ խոնարհութիւն կամեցար։


Line: 11  _____


Line: 12  Verse: 18b     ջերմն արտասուք հանես որ լնի խընդիրդ ի կատար.
Line: 13  Verse: 19b     Ֆրիկ անյոյս մի կենալ որ չըլնիս անհոգ ի շուար,
Line: 14  Verse: 20b     ունիմք մեք յոյս ապաւէն, զՔ՟ս որ հայր է ու մայր։
Line: 15  Verse: 21b     Զարմանք մի մեծ լսեցէք եւ մտիկ դրէք հաւասար,
Line: 16  Verse: 22b     զա՟ծութեան հանկամանքն ով կարէ պատմել միալար.
Line: 17  Verse: 23b     իւր մեծութիւնն է անբաւ եւ իւր տէրութիւն անվըճա՜ր,
Line: 18  Verse: 24b     իւր քաղցրութիւն է բարի եւ իւր դառնութիւն դժար։
Line: 19  Verse: 25b     Խոնարհութիւնն բազում եւ համբերութիւնն յերկար,
Line: 20  Verse: 26b     հաշտելութիւնն է ի լուս իւր բարկութիւնն է խաւար.
Line: 21  Verse: 27b     Ա՟ծ ողորմութիւն ինքն է մէկ ահեղ անունն է հազար,


Line: 22  _____


Page: 398  
Line: 1  Verse: 28a     Ասցեր, թէ ըզմեղս Ադամայ Ե́ս քաւեմ, զի մարդ է տըկար,
Line: 2  Verse: 29a     Ի հողէն, ջըրեն, կ̆րակէն ւ̆ի քամոյն զուգեցին կաղպար։
Line: 3  Verse: 30a     Պատկերակից ու նըման Իւր ձեռաւքն արար դու եղար,
Line: 4  Verse: 31a     Փըչեաց զ̆շունչ, ւ̆երետ հոգի եւ կրնքեաց ու կենդանացար։
Line: 5  Verse: 32a     Կազմեց ու եդիր ի դ̆րախտն՝ զանազան փառաց տիրացար.
Line: 6  Verse: 33a     Զաչերդ ի յետ դու բացիր, ինքնաբոյս դու քեզ թըւեցար։
Line: 7  Verse: 34a     Ասցեր թէ մէ՞ն կու կենամ ի դ̆րախտին՝ ընկեր կամեցար.
Line: 8  Verse: 35a     Երետ քեզ քուն թըմրութեան, ւ̆ի կողէդ ետ կին քեզ համար։
Line: 9  Verse: 36a     Դու ̆իր ւ̆Եւա միաւոր, ի դըրախտն այլ ո́ք մի չի կայր,
Line: 10  Verse: 37a     Աստուած միշտ եւ հանապազ ի տեսոյդ ձեր ուրախանայր։
Line: 11  Verse: 38a     Պըտուղն, որ պատուիրեցաւ մի́ ուտել, Ադամ Նախահայր,


Line: 12  _____


Line: 13  Verse: 28b     իւր հայրութիւնն հաստատ եւ որդիութիւնն ի կատար։
Line: 14  Verse: 29b     Հոգին ս՟բ էր փառակից հօր եւ որդոյ հաւասար,
Line: 15  Verse: 30b     զհրեշտակս արար ի լուսոյ ի հոգոյ անմահ միաբար,
Line: 16  Verse: 31b     շինեաց զերկինքն կամար զծով ու ցամաքս ի յիրար,
Line: 17  Verse: 32b     արար զարեգակն զլուսին եւ հինգ աստղ ի հետն ի մոլար։
Line: 18  Verse: 33b     Ֆալաք եղիր տանուտէր ու պահէր զամէնս ի դադար,
Line: 19  Verse: 34b     ձկունք թռչունք անասունք եւ գազանք սողունք են ի շար.
Line: 20  Verse: 35b     Շինեց զդրախտն եդեմ եւ տնկեց զծառ գերարար,
Line: 21  Verse: 36b     զամէնն էստեղծ ի վեց աւր եւ մտաւքն արար նայ հանճար։
Line: 22  Verse: 37b     Եւ խաղաղութիւն առաքեաց տէր զողորմութիւն ի յաշխարհ,
Line: 23  Verse: 38b     յառաջ ինչ դայռ չէր եղել այս ամէն ի գիր ու համար.


Line: 24  _____


Page: 399  
Line: 1  Verse: 39a     Չարեր մըտիկ՝ դըրախտին ի պըտուղն ի կեր դու եղար։
Line: 2  Verse: 40a     Ծառըն ճըչէր եւ ասէր - "Մի́ մաւտիլ, թէ չէ գերեցար.
Line: 3  Verse: 41a     Դըրախտին անմահութիւն ու բարիքն ամէն քեզ համար,
Line: 4  Verse: 42a     Ասաց՝ թէ "Կե́ր յամէնէն, բայց մէկէն ուտել քեզ չի կայր",
Line: 5  Verse: 43a     Ադա́մ, ընդէ՞ր չուժեցեր եւ հանդարտութեամբ դու կերար։
Line: 6  Verse: 44a     Դու մարդ էիր փառաւոր, ի վերին դասուցն ̆իր ի յար,
Line: 7  Verse: 45a     Կընոջ դաւաճանութեան եւ աւձի բանիւ խաբեցար։
Line: 8  Verse: 46a     Դու հող էիր եւ մոխիր, ո՞նց աստուածութեան ցանկացար,
Line: 9  Verse: 47a     Պատճառ դու զԵւա դըրիր ւ̆ի յանանց լուսոյն զատացար։
Line: 10  Verse: 48a     Թէ ո՞նց խաբեց սատանայ եւ կամ ո՞ւր աարաւ Բելիար,
Line: 11  Verse: 49a     Երբ Տէրն երեկ ի դըրախտն քեզ ի խընդիր եւ ձայն արար։
Line: 12  Verse: 50a     Դու է՞ր չանկար ի յԻւր ոտքն ւ̆ասացեր թէ, "Իմ Բարերար,


Line: 13  _____


Line: 14  Verse: 39b     Երրորդական միութիւն արարին խորհուրդ անհնար,
Line: 15  Verse: 40b     եկայք որ մարդ արասցուք մեզ նման պատկեր մի գոհար։
Line: 16  Verse: 41b     Դարձեալ եղաւ հրաման թէ չ̆տանի պաաուէր դայ ի ծար,
Line: 17  Verse: 42b     որդիդ հնազանդ եղար եւ զխոնարհութիւն կամեցար.
Line: 18  Verse: 43b     Ասցիր թէ զմեղս Ադամայ ես քաւեմ թէ մարդն է տկար,
Line: 19  Verse: 44b     հողէն ջրէն կրակէն ի քամէն շինեց կաղապար։
Line: 20  Verse: 45b     Պատկերակից եւ նման իւր ձեռաւքն արար դու եղար,
Line: 21  Verse: 46b     փըչաց ըզշունչըն եւ ետ քեզի հոգի որ կենդանացար.
Line: 22  Verse: 47b     կազմեաց եւ եդ ի դրախտն զանազան փառաց տիրացար,
Line: 23  Verse: 48b     զաչվերդ ի յետ դու բացիր ինքնաբուս դու քեզ թվեցար։
Line: 24  Verse: 49b     Ասցիր թէ մէկու կենամ ի դրախտն ընկեր կամեցար,
Line: 25  Verse: 50b     երետ քեզ քուն եւ զուգեց ի կողէդ ընկեր քի համար.


Line: 26  _____


Page: 400  
Line: 1  Verse: 51a     "Ես հող էի ու մոխիր, ի՞նչ գիտի թէ հանց լինենայր"։
Line: 2  Verse: 52a     Նա չէր հանել ու վարել, յիւր ձեռացն ի վեր կայ ու գայր,
Line: 3  Verse: 53a     Դու մարդ էիր ի պատիւ ու զայդոր չափըն չիմացար։
Line: 4  Verse: 54a     Նըմանեցար անբանից ւ̆անասնոց հետըն վարեցար։
Line: 5  Verse: 55a     Ադամ լալով կու ասէ Ստեղծաւղին. "Ա՜յ իմ դեղ ու ճար,
Line: 6  Verse: 56a     "Զ̆պտուղն ես դեռ չի կերել՝ զինչ յառաջ դու Հաւր խոստացար.
Line: 7  Verse: 57a     "Դու է՞ր անկար ի կարիք, ւ̆ի Կուսէն մարմին ըզգեցար։
Line: 8  Verse: 58a     "Երեսուն ւ̆երեք տարի ի յաշխարհս եկիր դու կեցար,
Line: 9  Verse: 59a     "Կարող էիր դու փըրկել զմեղուցեալքս ի յերկնից ի վայր,
Line: 10  Verse: 60a     "Թէ չէր պատճառն ի Քենէ՝ է՞ր եկիր ի վայր խաչեցար"։


Line: 11  _____


Line: 12  Verse: 51b     Դու իր եւայ միաւոր ի դրախտին այլ ոք մի չկայր,
Line: 13  Verse: 52b     պտուղն որ պատուիրեցաւ մի ուտել ադամ նախահար։
Line: 14  Verse: 53b     Զարդիր մտիկ դիր դրախտին ի պտուղն ի կեր դու եղար
Line: 15  Verse: 54b     ծառն ճընչերոյ ասէր մի ուտել թէ չեն գերեցար.
Line: 16  Verse: 55b     Դրախտն է անմահութիւն եւ բարիքն ամէն քի համար,
Line: 17  Verse: 56b     ասաց թէ կեր ամենէն բայց մէկէն մի՝ ուտել քի չկար։
Line: 18  Verse: 57b     Ադամ դու է՞ր չուժեցեր եւ հանդարտութեամբ չկերար,
Line: 19  Verse: 58b     դու մարդ էիր փառաւոր ի վերին դասուցն էիր յիրար.
Line: 20  Verse: 59b     կնոջ դաւաճանութեան եւ օձին բանիւ խաբեցար.
Line: 21  Verse: 60b     դու հող էիր եւ մոխիր ո՞նց աստուածութեան ցանկացար։


Line: 22  _____


Page: 401  
Line: 1  Verse: 61a     Զայդ ո՞նց կարես դու ասել ընդ Աստուած, Ֆրի́կ, դու յիմար.
Line: 2  Verse: 62a     Յառաջ գիտացիր ըզքեզ՝ յոչընչէ թէ ո՞նց գոյացար,
Line: 3  Verse: 63a     Երբ չես գիտելոյ կարող, հանց վըստահ դու է՞ր խաւսեցար։
Line: 4  Verse: 64a     Ընկիր ի յերես ւ̆ի յոտք, ասա́. "Տէ՛ր, մեղայ քեզ հազար,
Line: 5  Verse: 65a     "Դու ես բարերար Աստուած, որ սիրով ի մեզ գըթացար։
Line: 6  Verse: 66a     "Դու ես կարող ու թողուս զամէնի մեղքըն հաւասար,
Line: 7  Verse: 67a     "Քաւեա́ զիս ըզմեղաւորս, որ քըննէ ըզխոր ու դըժար։
Line: 8  Verse: 68a     "Մեղա՜յ քեզ, Տէր իմ Աստուած, Քեզ մեղա՜յ հազար զենահար.
Line: 9  Verse: 69a     "Դու ես գըթած ւ̆ողորմած եւ ամէն ցաւոց դեղ ու ճար"։


Line: 10  _____


Line: 11  Verse: 61b     Պատճառ դրիր դու զեւայ ի յանանց լուսոյն զրկեցար.
Line: 12  Verse: 62b     թէ ոնց խաբեց սատանայ կամ ի յուր տարաւ Բելիար.
Line: 13  Verse: 63b     Յերբ տէրն երեկ քեզ խնդիրք ի դրախտէն ի քեզ ձայն արար,
Line: 14  Verse: 64b     դու յէ՞ր չանկար ի յոտքն եւ ասիր իմ տէր բարերար։
Line: 15  Verse: 65b     Դու հող էիր եւ մոխիր չգիտէիր թէ յանց լնենար,
Line: 16  Verse: 66b     նայ չէր հանելու վայել ի ձեռացն վեր կար ու գայր,
Line: 17  Verse: 67b     դու մարդ էիր եւ կերպիւ եւ զայդ ոք չայսըն (զչափսըն) յիմացար,
Line: 18  Verse: 68b     Նմանեցար անբանից եւ յետ անասնոց վարեցար։
Line: 19  Verse: 69b     Ադամ լալով ասէր իւր տիրոջն նայ իմ դեղ ու ճար,


Line: 20  _____


Page: 402  
Line: 1  Verse: 70a     Նըմանեցար արծուին ու ի յաւդն ելար, շըփացար,
Line: 2  Verse: 71a     Ասցեր՝ թէ շատ մի դեկան զուգեմ, լինիմ կամս ի կատար։
Line: 3  Verse: 72a     Նետով մին հանց խոցեցար, որ զինչ ըզկըրակ վառեցար.
Line: 4  Verse: 73a     Երբ զաչքդ ի նետըն տըւիր՝ ի քու թեւդ ըզինքըն տեսար.
Line: 5  Verse: 74a     Դու քո լեզուովդ ասացեր, թ̆իմ թեւէս չեղեւ ինձ հընար։
Line: 6  Verse: 75a     Ֆըրի́կ, զայդ ո՞ւմ գանգատիս, քո գիշուդ՝ պատճառ դո́ւ եղար.


Line: 7  _____


Line: 8  Verse: 70b     պտուղ ես դեռ չի կերել յերբ յառաջ դու հաւր խոստացար.
Line: 9  Verse: 71b     դու էր անկար ի կարիք ի կուսէն մարմին զգեցար
Line: 10  Verse: 72b     լ՟. դ՟. տարի էր աշխարհս եկիր դու կեցար։
Line: 11  Verse: 73b     Կարող էիր փրկելոյ ի յերկնուցն ի վայր զինչ որ կայր,
Line: 12  Verse: 74b     թէ էր պատճառն ի քենէ է՞ր եկիր ի վայր խաչեցար,
Line: 13  Verse: 75b     Զայս ոնց կարես ասել րնդ Աստուած....


Line: 14  _____


Line: 15  Verse: 76     Այլ ցեղ ճարակ քեզ չիկայ, աղաւթից կարիք դու անկար։
Line: 16  Verse: 77     Մի՞թէ այդիւ խըլըսիս ի չարէդ այդ, որ դու անկար,
Line: 17  Verse: 78     Ողորմութեամբ ազատիս յայդ մեղացդ, որ դու տիրացար։
Line: 18  Verse: 79     Ջերմ արտասուս դու հանես, որ լինի խընդիրքդ ̆ի կատար.

Page: 403  
Line: 1  Verse: 80     Ֆրի́կ, անյոյս մի́ կենար, որ չընկնիս ի հոգս ւ̆ի շիւար։
Line: 2  Verse: 81     Ունիմք մեք յոյս ւ̆ապաւէն առ Աստուած, որ է հայր եւ մայր.
Line: 3  Verse: 82     Տո́ւք ըզփառըս Փըրկողին, ի́մ եղբարք, ամէնքդ հաւասար։


Line: 4  ***


Next part


This text is part of the TITUS edition of Frik, Diwan.

Copyright TITUS Project, Frankfurt a/M, 5.12.2017. No parts of this document may be republished in any form without prior permission by the copyright holder.