TITUS
Frik, Diwan
Part No. 29
Previous part

Poem: 29   ԻԹ.
Line: 1  Verse: 1   ՆՈՐԻՆ ՖՐԿԱՆՆ
Line: 2  Verse: 2   ասացեալ
Line: 3  Verse: 3   ՎԱՍՆ ԴԱԼԵՀԻ ԵՒ ԲՐՋԻ
Line: 4  7-3-5


Line: 5  Verse: 4     Մարդոյն երբ Դալեհն ու բուրջն ի Ֆալաքըն չէ ըղորդած,
Line: 6  Verse: 5     Թէ շատ, թէ քըչիկ ջանայ թ̆ըղորդի ն̆այլ խիստ է ծըռած։
Line: 7  Verse: 6     Բանին ղորդն ու ծուռն, գէշն ու աղէկըն ի Չարխն է կապած,

Page: 384  
Line: 1  Verse: 7     Եւ յաւր ծընընդեան մարդոյն ոնց ի մաւրէն ինքն բաժանած։
Line: 2  Verse: 8     Զ̆դովլաթն երբ կու տայ Աստուած, նա́յ, կու գայ ամէնն աջողած,
Line: 3  Verse: 9     Բայց զայն իմանալ պիտի, թէ Դալեհն յո՞յր բուրջն է անկած։
Line: 4  Verse: 10     Թէ Բուրջն ու Դալեհն աղէկ յԱստուծոյ է քեզ հրամայած,
Line: 5  Verse: 11     Զինչ յաշխարհըս մարդ որ կայ՝ զերդ մըշակ յառջեւդ քեզ կանգնած։
Line: 6  Verse: 12     Այն մարդն, որ Դալեհ չունի՝ ի յամէն տեղիք նա ծեծած,

Page: 385  
Line: 1  Verse: 13     Ջանայ թէ մէկիկ խաւսի, քան զոսկի աղէկ նա՜յ գըրած.
Line: 2  Verse: 14     Կանչեն թէ, "Քանի՜ ասես, քո ամէն բաներդ է հոտած,
Line: 3  Verse: 15     "Զաւրըն դու ի հաջ կենաս, յԱստուծոյ հարած ւ̆անիծած"։
Line: 4  Verse: 16     Այն մարդն, որ Դալեհ ունի, յոչումէ իսկի չէ ծեծած,
Line: 5  Verse: 17     Զաւրըն նա պարապ նըստի, շատ բարիք է մաւտըն կուտած։
Line: 6  Verse: 18     Զինչ որ կու խաւսի աղուոր, մարգարիտ պայծառ նա շարած,
Line: 7  Verse: 19     Թագո̆ւորի, դատո̆ւորի մաւտ եւ յամէն տեղիք մեծարած։

Page: 386  
Line: 1  Verse: 20     Թէ ճարտարութեամբ ուտէր մարդ ըզհացն՝ զինչ իւրն է տըւած,
Line: 2  Verse: 21     Տըխմար յաշխարհիս վերայ չի պիտէր մէկիկ մի ապրած։
Line: 3  Verse: 22     Ի սերմանելոյ ժամըն կու լինի այսցեղ հանդիպած,
Line: 4  Verse: 23     Մէկըն թագաւոր լինի, մէկըն աղքատ՝ մոխրին պառըկած։
Line: 5  Verse: 24     Զայս ո՞նց գիտենալ կարենք, թէ զայս է՞ր է հանց բաժանած,
Line: 6  Verse: 25     Մէկին ծերութիւն հասնի ու ամէն բարիք վայելած։
Line: 7  Verse: 26     Մէկին գերութիւն հասնի կամ կըտրիճ աւրաւք նա մեռած,

Page: 387  
Line: 1  Verse: 27     Կամ ինքն ի մաւրէ ցաւաւք, աչիկայ կամ կոճղ է անկած։
Line: 2  Verse: 28     Շատ մանկտիք հասրաթով գէմ կան ներքեւ ի հողին պառկած։
Line: 3  Verse: 29     Մըտաւքս այս բանիս վերայ շատ միժուկ ի հոգս եմ անկած.
Line: 4  Verse: 30     Կասեմ թէ այս է՞ր եղեր, որ զամէնն հաւսար չէ զուգած.
Line: 5  Verse: 31     Ամէն Ֆալաքին արարք՝ մէկին հաշտ, մէկին խըռոված,
Line: 6  Verse: 32     Ի մէկըն սիրով հայի, մէկալին դէմըն խոլորած։
Line: 7  Verse: 33     Շատ հասրաթ յիմ սիրտս ունիմ ու այսով եմ խիստ շիւարած.

Page: 388  
Line: 1  Verse: 34     Աւա́ղ թէ մեռնիմ պարտաւք եւ չ̆ըլնի պարտքըս վըճարած։
Line: 2  Verse: 35     Զինչ նաւն ի վերայ ծովուն՝ զաւրն ի բուն ես կամ տատանած,
Line: 3  Verse: 36     Վախեմ թէ ի վայր երթամ, զ̆ի մեղացն մէջն եմ կորուսած։
Line: 4  Verse: 37     Պատեալ է մութն ու խաւարն, չունիմ ճար, որ երթամ ի բաց,
Line: 5  Verse: 38     Լալով աղաչեմ զԱստուած, որ պահէ ի չարչարանաց,
Line: 6  Verse: 39     Անտես չառնէ զիւր ծառայն, զի իւր արեամբն եմ ես գընած։
Line: 7  Verse: 40     Դարձեալ աղաչեմ ըզՔեզ, որ չառնես զինչ ինձ կայ պահած,
Line: 8  Verse: 41     Աստուած, մի́ առներ ինձ ըստ շատ չար մեղացն, որ է իմ գործած.
Line: 9  Verse: 42     Մինչ որ վըճարի պարտքերս, որ ի յիմ շալակս է կուտած,

Page: 389  
Line: 1  Verse: 43     Այնչափ աղաչեմ զԱստուած, որ տեսնում ես զիս խըլըսած.
Line: 2  Verse: 44     Յետեւ թող ելնէ հոգիս՝ մեզ համար մահն է հրամայած,
Line: 3  Verse: 45     Մարմինս ի հողին հանգչի յօրէս այս մինչ ի կատարած։
Line: 4  Verse: 46     Մարդոյն՝ որ իւր հացն ու բաղդն ու ռոճիկն ի վերն է գըրած,
Line: 5  Verse: 47     Թէ զաւրըն դատած կենայ, թէ պարապ, նա՜յ, ինքն է հասած։
Line: 6  Verse: 48     Ոչ խիստ արտորալ պիտի ւ̆ոչ անհոգ, նա՜յ, ի վայր նըստած,
Line: 7  Verse: 49     Բայց պարտ է արթուն կենալ՝ վերո́ւստ է ամէն պատրաստած։
Line: 8  Verse: 50     Աւրհնեալ Արարիչն Աստուած, յամենայն շընչոյ Նա գոված,

Page: 390  
Line: 1  Verse: 51     Հանապազ դիմեմք ի Նա, որ թողու ըզմեր մեղքն ի բաց։


Line: 2  ***


Page: 391  
Next part


This text is part of the TITUS edition of Frik, Diwan.

Copyright TITUS Project, Frankfurt a/M, 5.12.2017. No parts of this document may be republished in any form without prior permission by the copyright holder.