TITUS
Frik, Diwan
Part No. 28
Previous part

Poem: 28   ԻԸ.
Line: 1  Verse: 1   ՆՈՐԻՆ ՖՐԿԱՆՆ
Line: 2  Verse: 2   ասացեալ
Line: 3  Verse: 3   ԽՐԱՏ ՀՈԳԵՇԱՀ ՎԱՍՆ ՀԱՒԱՏՈՅ
Line: 4  7-3-5


Line: 5  Verse: 4     Կանչեմ ի մեղաց վերայ, ով լըսէ թող յետ դառընայ,
Line: 6  Verse: 5     Մեղացն այլ ճարակ չը կայ՝ քան զ̆մեղայն, որ զաւրն ասէ նա։
Line: 7  Verse: 6     Այն մարդն, որ մեղայ չասաց, ի հըրոյն մէջըն վառենայ,
Line: 8  Verse: 7     Թող լայ ւ̆երեսին ընկնի, ով ստեղծեց՝ Նա ինքն ողորմեայ։
Line: 9  Verse: 8     Ջանցի թէ ճարակ առնեմ եւ դառնամ՝ ասեմ թէ մեղայ,
Line: 10  Verse: 9     Նա́յ՝ ալյուիկ յիշումն արար ւ̆ի նորոյ խաբեաց սատանայ։
Line: 11  Verse: 10     Տուէ՛ք ինձ ի խոր խըրատ՝ թ̆այսոր ինչ ճարակ լինենայ,

Page: 380  
Line: 1  Verse: 11     Այսոր այլ ճարակ չը կայ, քան զմարմինն, որ մարդն ուրանայ։
Line: 2  Verse: 12     Ով զայս կու առնէ, եղբարք, որ զմարմինն յայս տեղս ուրանայ,
Line: 3  Verse: 13     Թէպէտ որ տանջի սակաւ, բայց հոգին պայծառ, կու մընայ։
Line: 4  Verse: 14     Ի՞նչ շահ, որ քընքուշ պահես ըզմարմինդ՝ յետեւ հողանայ,
Line: 5  Verse: 15     Կենդանի մեռած դու լեր զինչ ցորեանն, որ արդիւնանայ։
Line: 6  Verse: 16     Հազար թէ մանուկ ես դեռ՝ ես կասեմ դու քեզ ճար արա́,
Line: 7  Verse: 17     Քակէ զքո մեղաց արմատն ի տակաց, որ այլ չի մընայ։
Line: 8  Verse: 18     Ծառայ մեղաց մի́ կենար, մի́ լինիր տըխմար ւ̆անիմայ,
Line: 9  Verse: 19     Թէ չէ ցանկութիւնն անցնի եւ որդունքըն քեզ կու մընայ։
Line: 10  Verse: 20     Ես ի՞նչ գիտէի, եղբարք, թէ մեղաց դարն հանց լինենայ,
Line: 11  Verse: 21     Զինչ, որ կու քաշիմք հիմիկ շատ չարիս եւ վըճար չի կայ։

Page: 381  
Line: 1  Verse: 22     Զայս ո՞ւմ գանգատիմ, եղբարք, երբ ածած խելացս ի վերայ,
Line: 2  Verse: 23     Զերդ եզն եմ ի լուծ մըտած՝ կու քաշեմ երբ անխելացայ։
Line: 3  Verse: 24     Ով այս բաներըս լըսէ, թո́ղ բերէ զիւր խելքն ի վերայ,
Line: 4  Verse: 25     Ըզմիտքըն մաքուր պահէ եւ յամէն մեղաց հեռանայ։
Line: 5  Verse: 26     Զինչ որ պատուիրան դըրած, թո́ղ զամէնն ամուր պահէ նա,
Line: 6  Verse: 27     Որ երբ յարութիւն լինի, նա անանց լուսոյն տիրանայ։
Line: 7  Verse: 28     Այս սէրս, որ ի յիմ սիրտս է բընակել՝ զայն նա́ գիտենայ,
Line: 8  Verse: 29     Որ ինքըն հանց սէր ունի, որ նըմա ընկեր չունենայ։
Line: 9  Verse: 30     Այս սէրս աշխարհիս սիրուն չէ նըման, ով զինքն իմանայ,
Line: 10  Verse: 31     Այս սէրս ի լուսոյ եկել, ով սիրէ՝ նա անմահանայ։
Line: 11  Verse: 32     Երնէկ ես նորա կու տամ, որ ըզսէրն ի սիրտն ունենայ,

Page: 382  
Line: 1  Verse: 33     Զամէնն հաւատով սիրէ, չարութեան տեղ իսկի չի տայ։
Line: 2  Verse: 34     Ով զայս ճանապարհս ունի կամ բարեաց ինքն ակն ունենայ,
Line: 3  Verse: 35     Զի գայ ի նարմէ վընաս, ո́չ ումեք նա վատ կամենայ։
Line: 4  Verse: 36     Շատ հայերէն բաներ ասի, ով լըսէ ու զինքն իմանայ,
Line: 5  Verse: 37     Ըզմարմինն տաճար շինէ, որ Աստուած գայ հանգչի ի նա։
Line: 6  Verse: 38     Ցանկայ երկնային լուսոյն եւ յերակ ըզմահն յիշենայ,
Line: 7  Verse: 39     Զամէն ցեղ մեղաց տեսակք, թո́ղ կոխէ ու անցնի գընայ։


Line: 8  ***


Page: 383  
Next part


This text is part of the TITUS edition of Frik, Diwan.

Copyright TITUS Project, Frankfurt a/M, 5.12.2017. No parts of this document may be republished in any form without prior permission by the copyright holder.