TITUS
Frik, Diwan
Part No. 27
Previous part

Poem: 27   ԻԷ.
Line: 1  Verse: 1   ՆՈՐԻՆ ՖՐԿԱՆՆ
Line: 2  Verse: 2   Ասացեալ բան պիտանի
Line: 3  Verse: 3   ԸՆԴԴԷՄ ՖԱԼԱՔԻՆ
Line: 4  Verse: 4   Ի վերայ Չարխի, Դալեհի եւ Դովլաթի
Line: 5  Verse: 5   եւ վասն Բախտի
Line: 6  Verse: 6   [Երազ է եւ սուտ եղբարք]
Line: 7  7-3-5


Line: 8  Verse: 7     Է՜յ Չարխ, երբ ծըռիս մարդուն՝ զաւրն ի բուն փորես նորա հոր,

Page: 372  
Line: 1  Verse: 8     Յորժամ դու քակես ըզմանդ ու չ̆թողուս, որ դառնայ յոլոր։
Line: 2  Verse: 9     Սահուն ւ̆երերուն պահես յաստընւորս ի գիլ ւ̆ի գըլոր,
Line: 3  Verse: 10     Կապիճ մի չարէ ցուցնես, թէ՝ "Զայս լից ի հոգ ւ̆ի ցընոր"։
Line: 4  Verse: 11     Է՜յ Չարխ, ըզվատին տունըն կու ծեփես ոսկով դու բոլոր,
Line: 5  Verse: 12     Զաղէկն ի յերկիր ի վար վըտարես, որ ժողվէ կըտոր։
Line: 6  Verse: 13     Զայն, որ խոզարած չ̆վայլէ, կու զուգես ահեղ ձիաւոր,
Line: 7  Verse: 14     Եւ ըզղորդ մարդկաց զտունըն կու քակես առանց բահաւոր։
Line: 8  Verse: 15     Ֆալա́ք, թէ քեզ վատ ասեմ՝ նա́յ, ասեն, թէ մարդն է մոլոր,

Page: 373  
Line: 1  Verse: 16     Թէ չէ ի գիտուն մարդըն յէ՞ր նայիս յերակ դու խոլոր։
Line: 2  Verse: 17     Զանգէտ ու զնաքաս մարդըն յաստընւորս առնես ձեռնաւոր,
Line: 3  Verse: 18     Զիմաստուն մարդկաց ըզհացն կու ձըգես ի սար կամ ի ձոր։
Line: 4  Verse: 19     Հիմիկ դըժարեց բաներս, որ Թաթարն եղաւ թագաւոր,
Line: 5  Verse: 20     Զըրկեց զամենայն աշխարհս ու զգողերն եղիր մեծաւոր։
Line: 6  Verse: 21     Այս այլ չի մընայ հանցեղ ու Ֆալաքն ոչում կարեւոր,
Line: 7  Verse: 22     Զարնու եւ ձըգէ ի վայր՝ չ̆համարէ զոչ ոք թագաւոր։
Line: 8  Verse: 23     Է՞յ, Չարխ, ամ քեզ ո՞նց աւտամ, երբ չունիս զոչ ով մաւտեւոր,
Line: 9  Verse: 24     Ո՛չ ղաւլ, ո́չ երդումն ունիս, ւ̆ոչ հաւատ, ո՜վ դու նենգաւոր։
Line: 10  Verse: 25     Զոր կու սիրես այսաւր, կու դընես ի յոսկի աթոռ,

Page: 374  
Line: 1  Verse: 26     Վաղիւն երբ ձըգես յաչաց՝ հաւսըրես հողոյն մոխրաւոր։
Line: 2  Verse: 27     Յորժամ որ ի յետ քակիս ու ձըգես ի յաչքըդ խոլոր,
Line: 3  Verse: 28     Ո՛չ թուղթ, ո́չ ղալամն օգնէ, ւ̆ոչ հարիւր հազար ձիաւոր։
Line: 4  Verse: 29     Տաս ի վիզն ւ̆ի վայր ձըգես, չի մըռես զոչ ոք թագաւոր,
Line: 5  Verse: 30     Հընցգուն քար ափով ածես, որ չաւգնէ հազար ռըմբաւոր։
Line: 6  Verse: 31     Սահիպ դիւանին ասենք, որ մըլքեց զերկիր նա բոլոր,
Line: 7  Verse: 32     Հանցեղ սիասաթ ունէր, որ չունէր ոչ ոք թագաւոր։

Page: 375  
Line: 1  Verse: 33     Զինչ որ խանորայք կային՝ յափն ունէր զինչ ըզմի խընձոր,
Line: 2  Verse: 34     Ֆալաքն երբ ի սիրտ ելաւ, նա́յ, արար զինքն երկու կըտոր։
Line: 3  Verse: 35     Թէ հետ Ֆալաքին սազիս՝ ըռովկիս թէ թաց, նա́յ թէ չոր,
Line: 4  Verse: 36     Զոտքըդ քո չափով փըռես եւ ապա լինիս շահաւոր։
Line: 5  Verse: 37     Ապա թէ յաւել անցնիս ու վազես ի սար կամ ի ձոր,
Line: 6  Verse: 38     Այդիւ չի ճարես դու հաց՝ լուկ շըրջիս զաւրըն դու մոլոր։
Line: 7  Verse: 39     Է՞ր չես դու առներ ուղորդ դատաստան, է՜ ծուռ դատաւոր,
Line: 8  Verse: 40     Ֆալաքդ ես ծըռին ընկեր ւ̆ըղորդին ես խիստ նենգաւոր։
Line: 9  Verse: 41     Թէ չէ դու ի նա հայեաց, որ չունի հունար հոգեւոր,
Line: 10  Verse: 42     Կայ նա ի յոսկոյ միջին, շըփացել զինչ ըզթագաւոր։
Line: 11  Verse: 43     Է՜յ, Չարխ, ա՜մ, քեզ ի՞նչ ասեմ, քան զամէնն ես խիստ դու մոլոր,

Page: 376  
Line: 1  Verse: 44     Զերկինք ու զերկիր եւ ը̆զծով կու պատես դուն յաւր մի բոլոր։
Line: 2  Verse: 45     Զ̆յիմարքն ընտրեցեր աղէկ, ւ̆իմաստնոց գըլուխն է ի կոր,
Line: 3  Verse: 46     Ծուռ է զինչ որ դու կառնես, ո՞վ լինի հաւան քեզ այդոր։
Line: 4  Verse: 47     Ֆալաքըն պացխուն կուտայ. - "Մի́ հաջեր, անգէտ հալեւոր,
Line: 5  Verse: 48     "Քանի ես Ֆալաք եմ ̆լել՝ չեմ տեսեր քան ըզքեզ մոլոր։
Line: 6  Verse: 49     "Քան զիս այլ յառաջ էր այդ քեզ գըրած Հայրն ահաւոր,
Line: 7  Verse: 50     "Զարիւնդ ի վերաս ձըգես՝ թէ Ֆալաքն է ծուռ դատաւոր.
Line: 8  Verse: 51     "Չգիտե՞ս թ̆Արարչէն լինի, զով կամի առնէ մեծաւոր"։

Page: 377  
Line: 1  Verse: 52     Դարձեալ կու ասէ Ֆալաքն ընդ աղքատ եւ ընդ թագաւոր։
Line: 2  Verse: 53     "Աստըւած է տըւող բարեաց, որ առնէ զամէն զաւրաւոր,
Line: 3  Verse: 54     Հազար թէ Ֆալաք եմ ես՝ չեմ կարող, որ տամ քեզ կըտոր։
Line: 4  Verse: 55     "Հրամանն յԱստուծոյ լինի՝ ես զուգեմ ըզքեզ թագաւոր,
Line: 5  Verse: 56     "Երբ որ չաջողէ Աստուած, ո՞վ կարող է տալ քեզ կըտոր"։
Line: 6  Verse: 57     Ֆալաք, քեզ մեղ ո՞վ դընէ՝ զինչ առնես ամէնն է աղւոր,
Line: 7  Verse: 58     Բայց ի մեր մեղացն լինի, որ հայի Աստուած մեզ խոլոր։
Line: 8  Verse: 59     Գիտես ըզտալոյ տեղին, զարժանն ու զարժանաւոր,
Line: 9  Verse: 60     Լոկ մեզ կը թըւի հանցեղ՝ թէ դու չես իրաւ դատաւոր։
Line: 10  Verse: 61     Զամէնն է հաշուով զուգեր անղալատ Աստուած թագաւոր,
Line: 11  Verse: 62     Է՜յ, Չարխ, ա̆մ, հերիք արա ու ձըգէ ըզքակդ ի յոլոր։
Line: 12  Verse: 63     Դարձո́ զչարութիւնս յիսնէ եւ փոխէ զինչ հին կայ՝ ի նոր,

Page: 378  
Line: 1  Verse: 64     Թէ չար՝ թէ բարի, թէ դուր՝ թէ դըժար, որ ի յաստընւոր։
Line: 2  Verse: 65     Ամէնն ի քենէ կու գայ, դո́ւ պատճառ՝ Աստուած դատաւոր,
Line: 3  Verse: 66     Աղքատ իմաստուն լաւ է, քան զհազար անգէտ գանձաւոր։
Line: 4  Verse: 67     Աստէնս նա չունի հոգի, ւ̆ի յանդէնն է դառն ու մոլոր,
Line: 5  Verse: 68     Մաւտ յԱստուած արդարմ՝ լաւ է, քան զհազար հարուստ մեղաւոր։
Line: 6  Verse: 69     Եղբա́յր, ա՜մ, ով խելք ունի մաւտ յԱստուած է խիստ փառաւոր,
Line: 7  Verse: 70     Խելաւքըն չի գայթակղեր, ւ̆իւրն Աստուած է հովանաւոր։


Line: 8  ***


Page: 379  
Next part


This text is part of the TITUS edition of Frik, Diwan.

Copyright TITUS Project, Frankfurt a/M, 5.12.2017. No parts of this document may be republished in any form without prior permission by the copyright holder.