TITUS
John Chrysostom, On the Apostolicum (Ephrem)
Part No. 4
Previous part

Section: Ep.  
Line of ed.: 1   მთარგმნელის ბოლოსიტყვა
Line of ed.: 2   "საქმე მოციქულთა"-ს განმარტებისათვის


Line of ed.: 3        დიდებაჲ და მადლობაჲ დასაბამსა და სრულებასა ყოველთა არსთასა
Line of ed.: 4     და მიზეზსა და არა-არსისაგან მომყვანებელსა არსთა არსებისასა --
Line of ed.: 5     ღმერთსა ჩუენსა, რომელი-იგი მარადის არს და მარადის სამგუამოვან
Line of ed.: 6     და ერთ-არს არს, რომლისა მომადლებითა და წყალობითა, მეოხებითა
Line of ed.: 7     წმიდისა ღმრთისმშობელისაჲთა და ყოველთა წმიდათაჲთა, და ლოც\ვითა
Line of ed.: 8     ბერთა ჩუენთაჲთა სრულ-იქმნა თარგმანებაჲცა მოციქულთა
Line of ed.: 9     საქმისაჲ, აწ ახლად თარგმნილი ბურძულისა ენისაგან, რამეთუ
Line of ed.: 10     ვითარცა წინაჲსწარმეტყუელი იტყჳს -- "არათუმცა უფალმან საბაოთ
Line of ed.: 11     დამიტევა ჩუენ თესლი, ვითარცა სოდომელნი და გომორელნი ვიქმნენით
Line of ed.: 12     და მივემსგავსენით" -- ეგრეთვე მე, არაწმიდაჲ ესე, ვიტყჳ ვითარმედ:
Line of ed.: 13     არათუმცა ლოცვაჲ წმიდათა მამათა ჩუენთაჲ და სიტყუაჲ და სწავლაჲ
Line of ed.: 14     მათი ქმნილ იყო საჭეთმპყრობელ და მმართებელ, არარაჲმცა კეთილი
Line of ed.: 15     სრულ-იქმნა ჩემ. [სახ]ისა სულით და ჴორცით მწინკულევანისაგან,
Line of ed.: 16     ვინაჲცა, რაჟამს მომადლებითა ბერისა საბაჲს ლოცვათაჲთა მომ\მადლა
Line of ed.: 17     ღმერთმან საფარველი წმიდისა მამისა ჩუენისა ბერისა ანტო\ნისი,
Line of ed.: 18     რაჲთა არა სრულიად ობოლ ვიქმნე შემდგომად მ[ისა], მაშინ
Line of ed.: 19     ამისითა ბრძანებითა [უპირატეს] უკუე სამოციქულოთა პავლეს ების\ტოლეთა
Line of ed.: 20     და კათოლიკეთა თარგმანი ვთარგმნე, ვითარცა უსაჭიროესთაჲ.
Line of ed.: 21     ამისსა შემდგომად საქმისა მოციქულთაჲსა თარგმანებაჲ
Line of ed.: 22     რეცა მძიმედ აღმიჩინა ეშმაკმან. არამედ ცუდ-ყო უფალმან სივერაგე
Line of ed.: 23     მისი, და ვითარცა საკრველითა, ეგრეთ მიპყრა ბერმან ანტონი, და
Line of ed.: 24     არა მიტევა უსრულად დატევებაჲ ამისი. და მას თანა-ეწამნენ იოვანე
Line of ed.: 25     ღრამმატიკოსი სჳმეონწმიდელი და იოვანე [რა]ტეული, რაჲთა
Line of ed.: 26     "პირითა ორისა და სამისა მოწამისაჲთა დაემტკიცოს ყოველი
Line of ed.: 27     სიტყუაჲ". [აწ უკუე] ჩემი აღმიარებია სულმოკლებაჲ, რაჲთა
Line of ed.: 28     შენდობაჲ მომმადლოთ, და ბერისა ანტონისსა ვქადაგებ, შემდგომად
Line of ed.: 29     ღმრთისა, ჴელის-აპყრობასა, რაჲთა თქუენცა, რომელნი იკითხვიდეთ
Line of ed.: 30     გინა სწერდეთ, მას აკურთხევდით და ჰმადლობდით.






Page of ed.: 339  
Next part


This text is part of the TITUS edition of John Chrysostom, On the Apostolicum (Ephrem).

Copyright TITUS Project, Frankfurt a/M, 5.3.2021. No parts of this document may be republished in any form without prior permission by the copyright holder.