TITUS
John Chrysostom, On the Apostolicum (Ephrem)
Part No. 5
Previous part

Text: Jac.  
Line of ed.: 1   თარგმანებაჲ
Line of ed.: 2   კათოლიკეთა
Line of ed.: 3   ებისტოლეთაჲ

Page of ed.: 341  
Section: Intr.  
Manuscript page: A211r 
Line of ed.: 1   უწყებაჲ მიზეზსა იაკობის კათოლიკისასა


Line of ed.: 2        იაკობ თჳსსა მას კათოლიკესა დასწერს ათორმეტთა ტომთაგან
Line of ed.: 3     განთესულთა მათ მიმართ, რომელთა ჰრწმენა უფლისა ჩუენისა იესუ
Line of ed.: 4     ქრისტეს მიმართ, ხოლო მისწერს სამოძღურებელად ებისტოლესა
Line of ed.: 5     ამას და ასწავებს განყოფილებისათჳს განსაცდელთაჲსა, თუ რომელი
Line of ed.: 6     არს ღმრთისა მიერ, ანუ რომელი არს თჳსისა გულისაგან კაცთაჲსა,
Line of ed.: 7     და ვითარმედ არა სიტყჳთ ხოლო, არამედ საქმით ჯერ-არს ჩუენებაჲ
Line of ed.: 8     სარწმუნოებისაჲ, და ვითარმედ არა მსმენელნი სჯულისანი, არამედ
Line of ed.: 9     მყოფელნი განმართლდებიან. და მდიდართათჳს ამცნებს, რაჲთა არა
Line of ed.: 10     პატივ-სცემდენ მდიდარსა უფროჲს გლახაკისა ეკლესიასა შინა, არამედ
Line of ed.: 11     რაჲთა უფროჲსღა ამხილებდენ ვითარცა ამპარტავანთა. და მერმე
Line of ed.: 12     ნუგეშინის-სცემს ვნებულთა და ამცნებს მათ სულგრძელებად, ვიდრე
Line of ed.: 13     მოსლვადმდე მსაჯულისა, და ასწავებს მოთმინებისა სიმაღლესა
Line of ed.: 14     იობისგან და უბრძანებს უძლურთა ზედა მოწოდებად ხუცესთა,
Line of ed.: 15     რაჲთა ულოცონ მათ, და რაჲთა მოსწრაფე იყვნენ მოქცევად
Line of ed.: 16     შეცთომილთა ჭეშმარიტებად, და ვითარმედ არს ამისი სასყიდელი
Line of ed.: 17     ღმრთისა მიერ შენდობაჲ ცოდვათაჲ, და ესრეთ აღასრულებს
Line of ed.: 18     კათოლიკესა თჳსსა.



Next part


This text is part of the TITUS edition of John Chrysostom, On the Apostolicum (Ephrem).

Copyright TITUS Project, Frankfurt a/M, 5.3.2021. No parts of this document may be republished in any form without prior permission by the copyright holder.