TITUS
John Damascene, Encomium Ioannis Chrysostomi
Part No. 13
Previous part

Page of edition: 146   Line of edition: 1     დასდებენ უჯეროებასა, ხოლო რომელნიმე ამათ ყოვლად უბრალო იქმან და
Line of edition: 2     დედოფლისა ზედა ოდენ მიიღებენ მაქადებელისა აწლა დაჴსნილთა საკერპოთა
Line of edition: 3     ტაძართა განახლებასა, უკუეთუ არა თანა-ეწამნენ მას საღმრთოჲსა ამის კაცისა
Line of edition: 4     განდევნასა ზედა და სძლევდინ ჰამბავკეთილობაჲ; რამეთუ არა კეთილ არს მამათაჲ
Line of edition: 5     ერთიერთას თანა-შეტყუჱბაჲ, რაჲთა არა თავით თჳსით მსაჯულ მათდა
Line of edition: 6     დადგინებულ ვიქმნნეთ.

Line of edition: 7        გინა თუ ესრეთ, ბინა თუ ეგრეთ, ანუ ამის, ანუ მათგან მოეკუჱთა ეკლესიასა
Line of edition: 8     წინა-მჯდომელი, ვითარცა თავი გუამისაგან. და დაქურივდა სამწყსოჲ
Line of edition: 9     კეთილისა მწყემსისაგან, რომელი მარადის ქრისტეს მსგავსად სულსა თჳსსა დასდებდა
Line of edition: 10     ცხოვართათჳს. და სუროდა ეკლესიასა ქადაგისათჳს, ცხოვართა მაძოვნებელისა
Line of edition: 11     დასტჳნვისათჳს, ქრისტეს თანა-მბრძოლთა წესთმთავრისათჳს, საყჳრისათჳს
Line of edition: 12     საცნაურთა მტერთადა წინაგანწყობილთა,ზედამდგომელისათჳს, ქურივთა,
Line of edition: 13     მამისათჳს ობოლთა, მტჳრთველისათჳს სნეულთა, უცხოთ შემწყნარებლისათჳს.
Line of edition: 14     და ეძიებდეს პორფირი ქალაქთაჲ ოქროსა უმანკოსა თავით თჳსით
Line of edition: 15     შემამკობელსა მისსა და შემაზავებელსა მეფობისასა მღდელობასა თანა და სულისა
Line of edition: 16     მხედველობისა მომმადლებელსა სკიპტრისა და პორფირისასა, ღმრთისმოყუარენი
Line of edition: 17     სასმენელნი ოქროპირსა ქრისტეს პირსა. და არა თუმცა კადნიერ
Line of edition: 18     იყოს სიტყუად მის თანა განჴდილსა ქრისტესა, რომელი მას თანამკჳდრად
Line of edition: 19     აქუნდა. ჵ ვითარ უცრემლოდ წარმოგითხრა მოუთმენელი განსაცდელი, რამეთუ
Line of edition: 20     არცაღა ქვისა გულსა ძალ-უც არაცრემლოვად ამას ზედა. ვინაჲთგან კლდეცა
Line of edition: 21     მოსეს კუჱრთხით ცემული წყალთა მოადინებდა, და გული მაგროვანი იწყლას
Line of edition: 22     რაჲ სიმძიმითა ჰამბვისაჲთა, მდინარებრ დასთხევს ცრემლთა ცუარებსა.

Line of edition: 23        არამედ მყის სამეუფონი აღშფოთნებიან, და კუალად ფარაო ღმრთის მხილველსა
Line of edition: 24     ჴმობს ღონედ საგუჱმელისა, რომელი ესე იქმნაცა. რამეთუ მყის მოქცევასავე
Line of edition: 25     თანა სამეუფოჲთა ბრძანებითა იოვანესსა დასცხრა შფოთებაჲ.

Line of edition: 26        ესრეთ იცის ღმერთმან პატივი ჭეშმარიტებით თჳსთაჲ. Page of ms. A: 46v  ცხოველ ვარ მე,
Line of edition: 27     იტყჳს უფალი, მადიდებელნი ჩემნი ვადიდნე. ვინაჲცა კუალად მხიარულებდა
Line of edition: 28     სამწყსოჲ ქრისტესი, რამეთუ ყოველითა უკუნ-ეზღო ყოვლად ყოველთა
Line of edition: 29     ქმნილი, იხარებდეს ყოველნი ქრისტეს მორჩილნი, პოხდეს და აღორძნდებოდეს
Line of edition: 30     კეთილ ქუეყანასა გულისასა შეწყნარებითა იოვანეს სიტყჳსაჲთა, ვითარცა სულისა
Line of edition: 31     მიერისა თესლისაჲთა.
Next part


This text is part of the TITUS edition of John Damascene, Encomium Ioannis Chrysostomi.

Copyright TITUS Project, Frankfurt a/M, 10.11.2017. No parts of this document may be republished in any form without prior permission by the copyright holder.