TITUS
John Damascene, Encomium Ioannis Chrysostomi
Part No. 12
Previous part

Page of edition: 145   Line of edition: 1     საღმრთოჲ ტაძარი, განმბანელ შეცოდებათა. მეზუჱრემან სერობად რაჲ შეიწყნარა
Line of edition: 2     
იესუ, კეთილად განაბნია, რაჲ-იგი ბოროტად შეეკრიბა. და შენცა, ასულო,
Line of edition: 3     
რამეთუ ჯერეთ ასოდვე გხადი, დაღათუ ძჳრად ჰმოქმედებ, არამედ ასულვე ხარ
Line of edition: 4     
სასოებითა ცხორებისაჲთა. ხოლო ცხორებაჲ თჳნიერ სინანულისა არა არს. უკუნეც
Line of edition: 5     
კეთილად, რაჲ-იგი ბოროტად იტაცე.

Line of edition: 6        
ამას რაჲ ეტყოდა, ვერ არწმუნა, რამეთუ დაეყვნეს სასმენელნი, ვითარცა
Line of edition: 7     
ასპიტსა არასმენად ღმრთის-მოყუარისა და ბრძნისა წამლის-მცემელისა. ვინაჲთგან
Line of edition: 8     
უკუჱ ხედვიდა ვნებისა ყოვლად უკურნებელობასა, განჴადა სამღდელოთა
Line of edition: 9     
ეზოთაგან არამქონებელი იგი სასძლოჲსა სამოსლისაჲ.

Line of edition: 10        
მერმე რაჲ კუალად იეზაბელ ზედა-აღუდგების წინაწარმეტყუელსა და არასადა
Line of edition: 11     
ივლტის მისგან ქადაგი ჭეშმარიტებისაჲ, აწცა საპყრობილედ მიეცემის,
Line of edition: 12     
არამედ ვითარცა ჴმაჲ ღაღადებისაჲ ექსორიობად დაისაჯების. ეჰა უჯეროსა
Line of edition: 13     
ცნობასა კუალად გუჱლის გულის-თქუმათ მოქმედისასა! ეკლესიისაგან განდევნად
Line of edition: 14     
იკადრებს კაცსა ღმრთისასა, და ჴუჱბულ იქმნა გულის-თქუმისაგან,
Line of edition: 15     
კნინღა წუთ-ერთ ჰრულითა ღმრთისა სულგრძელებისა წამთაჲთა, და ექსორია
Line of edition: 16     
ყო სამეუფოჲთ ქალაქით წმიდაჲ იგი, უფროჲსღა წინა-განგებითა ღმრთისა,
Line of edition: 17     
მოყუარეთა და მსახურთა თჳსთა წულებრივისა ცნობისა
Line of edition: 18     
განმაცხადებელისაჲთა.

Line of edition: 19        
რამეთუ მას, ვითარცა თჳსნი აქუნდეს უცხონი და ყოველივე თჳსად, უფროჲსღა
Line of edition: 20     
ღმრთისად, ვითარ-იგი არსცა ღმრთისაჲ, რომლისათჳს და რომლისა თანა
Line of edition: 21     
ესე მიმოვლიდა; აბრაჰამის თანა უცხოდ სოფლად მიწოდებული, მოსეს
Line of edition: 22     
თანა სამეუფოთაგან ლტოლვილი, ელიაჲს თანა ქუაბად ქორებისა მილტოლვილი,
Line of edition: 23     
იესუჲს თანა ივლტის ეგჳპტედ, ვიდრემდის ღუაწლსა შინა სიმჴნე იცნობოს
Line of edition: 24     
და ღუაწლის-შემდგომნი მოისთულნეს, რაჲთა სახით რაჲთმე იობს
Line of edition: 25     
მიემსგავსოს, და მანვე ღმერთმან ამისსაცა მიმართ თქუას; ანუ ჰგონება სხუად
Line of edition: 26     
რადმე გამოცხადებასა შენსა, არამედ რაჲთა გამოსჩნდე მართლად, რაჲთა
Line of edition: 27     
ჰქადაგო სახარებაჲ.

Line of edition: 28        
ხოლო უკუეთუ სხუანიცა ვიეთნიმე უსჯულოჲსა ამის ექსორიობისა თანაშემწე
Line of edition: 29     
იქმნნეს, ამას დუმილით პატივ-ვ\სცემთ Page of ms. A: 46r  კრძალვითა მამათაჲთა,
Line of edition: 30     
რაჲთა არა ქამის პატიჟი დავიმკჳდროთ მამათ-მბასრობელობითა. რამეთუ მრავალსახეცა
Line of edition: 31     
არს ამათ პირთათჳს თხრობაჲ: რამეთუ რომელნიმე ეპისკოპოსთა ზედა
Next part



This text is part of the TITUS edition of John Damascene, Encomium Ioannis Chrysostomi.

Copyright TITUS Project, Frankfurt a/M, 10.11.2017. No parts of this document may be republished in any form without prior permission by the copyright holder.