TITUS
John Damascene, Encomium Ioannis Chrysostomi
Part No. 11
Previous part

Page of edition: 144   Line of edition: 1     რაჲმე მაგარ და დაურღუჱველ მტკიცე პოვნითა კაცისა ღმრთისაჲთა, არა დარედ
Line of edition: 2     განმზრახი. რამეთუ ვინმცა სხუა პოვა აღმასუბუქებელად ვნებისა. მთავარი ვინმეა;
Line of edition: 3     არამედ ჰმთავრობდა მთავართა ამისი მაჭირვებელი, ანუ მეფემცა; არამედ
Line of edition: 4     ასოჲსა თანალმობითა დადედლებულ იყო ცნობითა. რამეთუ ჴორცი იყო
Line of edition: 5     ჴორცთა მისთაგანი და ძუალ მისსა იძულების მოქმედი. და რომელსა-იგი
Line of edition: 6     უჴმდა პირის დაყოფაჲ უსამართლოთაჲ, უსამართლოებისა მიდევნებულ იყო.

Line of edition: 7        რასა იქმ, ჵ უსჯულოო დედაკაცო, გვრგჳნი ზედა გადგს და სამეუფოჲთა
Line of edition: 8     პორფირითა გამშუჱნებულ ხარ, ვითარცა სჯულთა ზედა საღმრთოთა მცველად
Line of edition: 9     დადგინებული და სჯულთაი დასთრგუნავა?

Line of edition: 10        ეჰა, გამოუთქუმელსა სიბრძესა მეტყუჱლისასა! ნუ მისცემთ სიწმიდესა
Line of edition: 11     ძაღლთა, ნუცა დაუფენთ მარგალიტსა თქუენსა წინაშე ღორთა. რამეთუ შენ ხარ
Line of edition: 12     ნამდჳლვე ყოვლად წმიდისა საღმრთოჲსა სჯულისა დამთრგუნველი მარგალიტისა
Line of edition: 13     მრავალსასყიდლისაჲ, რომელმან მიერ მიიქეც და განხეთქე გლახაკი
Line of edition: 14     ქურივი წარტაცებითა მისისა სამდღევრო საცხორებელისაჲთა. რასა იქმ, ჵ
Line of edition: 15     უძღებო და უმადლოო დედაკაცო! რომელსა ქუეყანაჲ და ზღუაჲ ძღუნის
Line of edition: 16     მომრთუმელად გაქუს, ქურივისა უნდოჲსა და უღონოჲსა მონაგებსა ზედა
Line of edition: 17     მიუხუალა? ჰჱ, თუმცა ამის ცხორებისაგან განჴდაჲ შეგემთხუჱოდა დაცვისათჳს
Line of edition: 18     და საქმით დამტკიცებისა სიტყუათა სჯულისათა, ხოლო შენ საქმით განაგდებ
Line of edition: 19     მას და არა გეკდიმების მამისაგან ობოლთაჲსა და მსაჯულისა
Line of edition: 20     ქურივთაჲსა.

Line of edition: 21        არამედ ესმა საღმრთოთა მიერ სიტყუათა ნამდჳლვე მარადის აღზრდილსა
Line of edition: 22     მას: უსაჯეთ ობოლსა და განამართლეთ ქურივი. და ელია აქუს მას ფერჴთმყვანებელად
Line of edition: 23     მოშურნეობისა ცეცხლმბერველი იგი იოვანეს ემსგავსების კადნიერებასა.
Line of edition: 24     არა ჯერ-არს შენდა, გეტყჳს, ქონებად ვენაჴი დისა შენისაჲ. ჰგონე\ბა Page of ms. A: 45v 
Line of edition: 25     ბუნებით მისსა ზესთაობასა, დაღათუ პატივითა ზესთა ექმენ სახითა
Line of edition: 26     მძლავრებითითა. რამეთუ დასაბამ სჯულის დაწესებისა მეფე არს, ხოლო
Line of edition: 27     უსჯულოებაჲ შენივთებული არა უსამართლოდ სახელ-იდებოდის მძლავრებად.

Line of edition: 28        არა წარგეკითხაა იეზაბელის საქმიანობაჲ. რაჲსა შეხუალ სახლსა ამას
Line of edition: 29     ღმრთისასა, განვედ შორს საღმრთოთა სამეუფოთაგან. საბანელ არს.
Next part


This text is part of the TITUS edition of John Damascene, Encomium Ioannis Chrysostomi.

Copyright TITUS Project, Frankfurt a/M, 10.11.2017. No parts of this document may be republished in any form without prior permission by the copyright holder.