TITUS
John Damascene, Encomium Ioannis Chrysostomi
Part No. 14
Previous part

Page of edition: 147     
Line of edition: 1        ხოლო ეშმაკი იწყლვოდა, და კუალადცა ჩუჱულებისაებრ მართლისა ამის
Line of edition: 2     ზედა-აღმდგომ იქმნებოდა მჴნისა მის ეკლესიისა წინა-საკუჱთებელისა დაჴსნად
Line of edition: 3     მეცადინეობითა და წარტყუჱნვად ჴელ-ყოფითა სიმდიდრისა მისისა წარუტყუჱნველსა
Line of edition: 4     იავარსა იავარ-ქმნისაჲთა. მიიღო უკუჱ ჴელმწიფებაჲ ჴორცთა ზედა,
Line of edition: 5     ვითარცა პირველ იობის ზედა, არა თავს-მდებელმან მან პირველთა ამისთა შერისხვათამან.
Line of edition: 6     და კუალად მართალი იგი აღეღო, და სიძე სასძლოჲთ განიჴადა,
Line of edition: 7     და ეკლესიასა სასძლოჲ სამკაული მოეძარცუა, და თავი არღარა ქონებითა
Line of edition: 8     აღეპარსა. რამეთუ ცეხლი, ვითარცა ღმრთივ მოვლინებული, საყდრით აღატყდა
Line of edition: 9     და ცრემლოვანი თანა-განმავალ, ანუ ყოვლად წარმავალ ყოფად აღმასურვებელნი
Line of edition: 10     ერისანი, და იყო მათდა სიკუდილი უსაწადელეს იოვანესაგან დაკლებისასა. არამედ
Line of edition: 11     ეჰა მიშუჱბაჲღა ღმრთისაჲ ძჳრთა მოსლვისათჳს მსჯავრითა მით, რომელი
Line of edition: 12     მან მხოლომან უწყის.

Line of edition: 13        ესრეთ უკუჱ კუალად განიჴადა ქალაქით და ადგილითი-ადგიდ მიმოსრბითა
Line of edition: 14     მისდევდა ქალაქსა, რომლისა ცხორებად სურვიელ იყო და მისთჳს სიკუდილი
Line of edition: 15     შესაძინელად შეერაცხა. ღუაწლი კეთილი მოიღუაწა, სარწმუნოებაჲ
Line of edition: 16     დამარხა და სრბაჲ აღასრულა და მოიხუნა ღუაწლთა ღუაწლთ-სანაცვლონი
Line of edition: 17     გჳრგჳნნი სიმართლისანი.

Line of edition: 18        არამედ მომკუდარმანცა არავე დაუტევა სძალი თჳსი სიძემან მან თანად
Line of edition: 19     სძლის მოყუარემან და შვილთ-მოყუარემან. არცაღა შვილნი მისნი დაკლებულ
Line of edition: 20     ყოფად მადლისა მისისაგან.

Line of edition: 21        არამედ საღმრთოჲთა წინა-განგებითა და ბჭობითა ზოგად შემსგავსებულად
Line of edition: 22     სამეუფოდვე აღმოიყვანა, ხილულად უკუჱ ჴორცითა და უხილავად სულითა,
Line of edition: 23     და ჰგიეს ქადაგად საღმრთოთა სიტყუათა, ვიდრემდის ქრისტე
Line of edition: 24     კუალად მოსლვა-ჰყოფდეს, რომლისა თანა იდიდოს მისითავე მოხარული
Line of edition: 25     შუჱბითა და შუჱნიერებითა.

Line of edition: 26        ესე ჩემნი, ჵ მამათა მამაო, შენდა მომართ ბრგუნვილობანი. არამედ მოგუხე\დევდ
Line of edition: 27     Page of ms. A: 47r  ჩუენ თანა-მოსახელეთა და ნაცვლის-მგებლობდ დამბადებელისა
Line of edition: 28     მიმართ საკუთრებასა, რომელ-იგი არს ტკბილი, მხიარულებაჲ საუკუნოჲ ქრისტე
Next part


This text is part of the TITUS edition of John Damascene, Encomium Ioannis Chrysostomi.

Copyright TITUS Project, Frankfurt a/M, 10.11.2017. No parts of this document may be republished in any form without prior permission by the copyright holder.