TITUS
Gregory of Nyssa, Works
Part No. 13
Previous part

Text type: Enc.  
Text: Ephr.  
Page of edition: 329  
Line of edition: 1   შესხმაჲ წმიდისა მამისა ჩუენისა

Line of edition: 2   ეფრემ ასურისაჲ,

Line of edition: 3   თქუმული წმიდისა მამისა ჩუენისა
Line of edition: 4   გრიგოლი ნოსელისაჲ,
Line of edition: 5   რომელი იკითხვების დღესასწაულსა მისსა


Line of edition: 6        1. აღმძრავს მე წინამდებარისა ამის პირისა მიმართ საიდუმლოჲ
Line of edition: 7     იგი სანთლისაჲ, წმიდათა სახარებათა შინა აღწერილი, და აღჳრითა
Line of edition: 8     დუმილისაჲთა შეკრულსა ენასა ჩემსა და ჴმასა განჰჴსნის მსახურებად
Line of edition: 9     სიტყჳსა, და გზათა გულისჴმის-ყოფისათა, ვითარცა ალაგთა
Line of edition: 10     ცხენთ-სარბიელთა წრფელ-ჰყოფს, და სიტყჳსა მრავალსახესა ეტლსა
Line of edition: 11     საეროთა გზათა ზედა სრბად აიძულებს ბრწყინვალითა მით ოხრითა
Line of edition: 12     თჳსითა. ესე იგი არს, ვითარმედ: "არა აღანთიან სანთელი და ჴჳმირსა
Line of edition: 13     ქუეშე დადგიან იგი, არამედ სასანთლესა ზედა, რაჲთა ჰნათობდეს
Line of edition: 14     ყოველთა, რომელნი იყვნენ სახლსა შინა", და შემდგომითა მით
Line of edition: 15     სიტყჳთა სიღრმესა მას ძალისა მისისასა გამოაცხადებს და იტყჳს,
Line of edition: 16     ვითარმედ: "ესრეთ ბრწყინევდინ ნათელი თქუენი წინაშე კაცთა, რაჲთა
Line of edition: 17     იხილნენ საქმენი თქუენნი კეთილნი და ადიდებდენ მამასა თქუენსა
Line of edition: 18     ზეცთასა", აწ უკუე ვინაჲთგან კეთილად ცხორებულთა საქმენი
Line of edition: 19     სადიდებელ არიან ღმრთისა, და სათნოებათა მათთა საანჯმნო-ყოფაჲ
Line of edition: 20     თანანადებ არს, სიტყჳსაებრ უფლისა, არღარა არს მიზეზი მოშიშებისა
Line of edition: 21     მიერ დაფარვისა მათისაჲ, რომლისათჳს უფალმან კადნიერებაჲ
Line of edition: 22     გუამცნო, რომელმან-იგი ესრეთ შუენიერად და მზისა მცხინვარებისა
Line of edition: 23     უბრწყინვალეს აღანთო სულიერი იგი ლამპარი საღმრთოჲსა ამის
Line of edition: 24     მამისა ჩუენისა მოქალაქობისაჲ; არცა ჰნებავს, რაჲთამცა დუმილისა
Line of edition: 25     ჴჳმირსა ქუეშე დაიფარა, არამედ რაჲთა სასანთლესა ზედა ეკლესიისა
Page of edition: 330   Line of edition: 1     სამყაროჲსასა დაიდგას და ყოველთავე სოფელსა ამას შინა მყოფთა
Line of edition: 2     უნათობდეს, რაჲთა მხილველნი იგი მისნი ადიდებდენ მამასა მას
Line of edition: 3     ზეცათასა.

Line of edition: 4        2. ვინაჲცა არღარა ჯერ-არს შიში მამებრივთა მათ საკრველთა
Line of edition: 5     მის\თაგან, Page of ms.: B272v  რაჟამს სამეუფოჲ შჯული დაიტკებნებოდის, არამედ
Line of edition: 6     უფროჲსღა მათ მიერ ჯერ-არს დასაბამსა შესხმისასა დაწყებაჲ; დაღაცათუ
Line of edition: 7     ჩუენ მიერი ესე წესი სიტყჳსაჲ ღირსად შესხმისა მისისაგან
Line of edition: 8     ფრიად ნაკლულევან არს; რამეთუ უკუეთუ ვინმე გონიერად გულისჴმა-ჰყოფდეს
Line of edition: 9     ძალსა საქმეთასა, არა არს ესე საკრველი დამაყენებელ
Line of edition: 10     შესხმათა, რაჟამს დიდებასა ვინ კაცთასა ევლტოდის და განიშორებდეს,
Line of edition: 11     არამედ ესევითარი ესე საკრველიარს შეუკრავი, დაყენებაჲ
Line of edition: 12     დაუყენებელი, და წინაუკუმოთა საქმეთა მიმართ აღმძრველი ჭეშმარიტებისა
Line of edition: 13     ტრფიალთაჲ.

Line of edition: 14        რამეთუ რომელთა საკრველთა მიერმან შესხმათა ჩუენთაგან სივლტოლაჲ
Line of edition: 15     მოიგონა, მათ მიერ მოვიღებთ ჩუენ ძალსა და მიზეზსა
Line of edition: 16     შესხმათასა; რამეთუ ყოველნივე სათნოებანი მისნი მიზეზსა შესხმისასა
Line of edition: 17     მოგუცემენ, და უფროჲს ყოველთასა ესე, რომელ არს სივლტოლაჲ
Line of edition: 18     შესხმათაგან და ქებათა, რამეთუ ენება ნეტარსა მას, რაჲთა არა
Line of edition: 19     საგონებელ იყოს სათნოდ, არამედ რაჲთა იყოს ჭეშმარიტებით სათნო.

Line of edition: 20        და დაღაცათუმცა სხუაჲ არაჲ ექმნა ღირსი ქებისაჲ, თჳთ მებრ
Line of edition: 21     ამისთჳს ღირს იყო შესხმისა, რომელ ესოდენ მოიძაგნა შესხმანი,
Line of edition: 22     ვიდრეღა საკრველი კრულებისაჲ განაწესა ბეჭდად ესევითარისა მის
Line of edition: 23     ჴელ-ყოფისა, ხოლო ჩუენ ესე განგჳღებს პირველსა შესავალსა სიტყუათა
Line of edition: 24     სტადიონისასა და გულსავსე-გუყოფს, რაჲთა არა განუკრძალველად
Line of edition: 25     ვრბიოდით, არცა კაპანთა შთავიბნეოდით, არამედ რაჲთა
Line of edition: 26     სამეუფოსა გზასა ვიდოდით და გონიერად აღვსწონდეთ საქმეთა. რამეთუ
Line of edition: 27     უკუეთუმცა საკჳრველი ესე კაცი ღმრთისაჲ საქებელთა ღირსსა რასმე
Line of edition: 28     საქმესა არა ხედვიდა თავსა შორის თჳსსა, არამცა დააყენნა შესხმისაგან,
Line of edition: 29     რომელთა-იგი ენება შესხმაჲ მისი, რამეთუ არავინ არს, რომელსამცა
Line of edition: 30     საწუთროსა ამას შინა ღირსნი ქებისა საქმენი არა ექმნნეს და
Line of edition: 31     იგიმცა შემდგომთა თჳსთა ამცნებდა სიღრმითა დავიწყებისაჲთა ჴსენებისა
Line of edition: 32     თჳსისა უჩინო-ყოფასა. და ამის თანა ამასცა გულისჴმა-ვჰყოფთ,
Line of edition: 33     ვითარმედ ვითარცა-იგი პავლე, რიტორმან მადლისამან და ეზოჲსმოძღუარმან
Line of edition: 34     ეკლესიისამან და პირმან ქრისტესმან არა წარწყმიდა
Page of edition: 331   Line of edition: 1     სახელი მოციქულებისაჲ, სიტყჳსა ამის მიერ, რომელ თქუა, ვითარმედ
Line of edition: 2     "არა ღირს ვარ წოდებად მოციქულად", არამედ უფროჲსღა
Line of edition: 3     ესევითარისა ამის სიმდაბლისა მიერ უაღრესი დიდებაჲ განიკუთნა,
Line of edition: 4     ეგრეთვე დიდმან ამან მამამან ჩუენმან, ვინაჲთგან შიშისათჳს ღმრთისა
Line of edition: 5     უღირსად შესხმათა საჯა თავი თჳსი, ჯეროვნად არა ჴუებულ იქმნა
Line of edition: 6     შესხმისაგან წესისაებრ და შჯულისა საეკლესიოჲსა, რომელი-იგი
Line of edition: 7     ესევითართა სათნოებისა მუშაკთა, შესხმით გჳრგჳნოსან ჰყოფს; და
Line of edition: 8     უფროჲს[ღა] რომელნი სიმდაბლისა მიერ სიმაღლედ სათნოებისა აღვიდეს
Line of edition: 9     სიტყჳსაებრ უფლისა, ვითარმედ: "რომელმან დაიმდაბლოს თავი
Line of edition: 10     თჳსი, იგი ამაღლდეს".

Line of edition: 11        ვინაჲცა ამიერითგან თავისუფალ ვართ ყოვლისავე კრძალვისა
Line of edition: 12     და ბრალობისაგან და საშჯელისა, რომელნი-ესე წმიდისა ამის და
Line of edition: 13     ღმერთშემოსილისა მამისა ჩუენისა სათნოებათა აღვსწერთ, და ვითარცა
Line of edition: 14     ძეგლსა სულიერსა და ცხოველსა ცხორებასა მისსა სახედ
Line of edition: 15     კეთილისა ყოველსა სოფელსა აღუმართებთ. Page of ms.: A21v  და სიტყუათა ამათ
Line of edition: 16     ჩუენთა ჭეშმარიტებაჲ, ბრძენმან მსმენელმან განცხადებულად
Line of edition: 17     პოვოს, Page of ms.: B335r  [უკუეთუ] სიტყუათა ჩუენთა უკუანა შეუდგეს, და სათნოებანი
Line of edition: 18     იგი მისნი პირად-პირადნი გულისჴმის-ყოფით ყურად-იხუნეს,
Line of edition: 19     რომელთა მიერ თჳთ იგი ჩუენცა, ვითარცა ერთსა რასმე ოქროგანრჩუნვილსა
Line of edition: 20     გჳრგჳნსა, პირად-პირადად აღყუავებულსა და თუალთა
Line of edition: 21     მიერ მრავალსასყიდლისათა შემკობილსა, სძალსა ქრისტესსა ეკლესიასა
Line of edition: 22     მიუძღუნებთ. რამეთუ იხარებს იგი ესევითართა მადლთა მიერ
Line of edition: 23     პატივ-ცემასა და სტუმრებასა, რაჟამს ჴსენებასა მართლისასა შვილთა
Line of edition: 24     თჳსთა თანა წლითი-წლად ქებით აღასრულებდეს.

Line of edition: 25        რამეთუ აჰა ესერა მოქცევსა შინა თჳსსა წელიწადმან ჴსენებაჲ
Line of edition: 26     ეფრემისი საქებელად და შესასხმელად წინა-გჳყო, და ვინმცა არა
Line of edition: 27     შეიწყნარა იგი სიხარულით, ეფრემ, რომელსა-იგი ყოველნი ქრისტიანენი
Line of edition: 28     მოუთხრობენ.

Line of edition: 29        ეფრემს ვიტყჳ ასურსა, [რამეთუ რომლისა] სათნოებათათჳს ვიქადი
Line of edition: 30     და შევიმკობვი, მისთა ნათესავთა ჴსენებაჲ არა მრცხუენის. ეფრემ,
Line of edition: 31     რომლისა ცხორებისა და ხედვისა ნათელი ყოველსა სოფელსა განბრწყინდა
Line of edition: 32     და ყოველი ქუეყანაჲ, რაოდენიცა არს მზესა ქუეშე, დაიპყრა
Line of edition: 33     და ყოველთა მიერ საცნაურ იქმნა, და ესოდენთა შორის ხოლო არს
Page of edition: 332   Line of edition: 1     უცნაურ, რაოდენთა შორის დიდი იგი მნათობი ეკლესიისაჲ ბასილი
Line of edition: 2     უცნაურ არს. ეფრემ, გონიერი იგი ევფრატი ეკლესიისაჲ, რომლისა
Line of edition: 3     მიერ ირწყვის სავსებაჲ მორწმუნეთაჲ და ასეულად აღაორძინებს
Line of edition: 4     თესლსა სარწმუნოებისასა; ეფრემ, მრავალნაყოფიერი იგი საღმრთოჲ
Line of edition: 5     ვენაჴი, რომელი მსგავსად ტკბილთა ტევანთაჲსა ყუავის ყუავილითა
Line of edition: 6     მოძღურებისაჲთა და შვილთა ეკლესიისათა, ღჳნითა საღმრთოჲსა
Line of edition: 7     სიყუარულისაჲთა ახარებს; ეფრემ, კეთილი იგი და სარწმუნოჲ
Line of edition: 8     განმგე მადლისაჲ, რომელი-იგი საზრდელსა სათნოებათასა,
Line of edition: 9     შემსგავსებულად კაცად-კაცადისა მის-თანათა მათ მონათა ჯეროვნად
Line of edition: 10     განუყოფს და სახლსა მას სამეუფოსა ღმრთივბრწყინვალედ განაგებს,
Line of edition: 11     რომლისა ნათესავთა და მამულსა, და ჰან-პაპთა დიდებასა და მშობელთა
Line of edition: 12     წარჩინებულებასა, და შობასა და აღზრდასა და ჰასაკისა
Line of edition: 13     აღორძინებასა და ჴორციელსა ჴელოვნებასა და სიმარჯუესა, და გუარსა,
Line of edition: 14     და ნეშტთა მათ საქმეთა, რომელთა გარეშენი იგი შემასხმელნი და
Line of edition: 15     მეზღაპრენი შეჰკრებენ და მათ მიერ ქებულთა მათ შესხმასა შეუმზადებენ,
Line of edition: 16     მოჴსენებაჲცა მათი და შორის-შემოღებაჲ ნამეტნავად შევჰრაცხეთ,
Line of edition: 17     რამეთუ არა ესევითართაგან გჳსწავიეს ჩუენ საღმრთოთა კაცთა
Line of edition: 18     ქებაჲ, დაღაცათუ ნამეტნავად და გარდარეულად აქუს მას ამათ
Line of edition: 19     ესევითართა პირთაგან ღირსი და სარწმუნოჲ ძალი შესხმისაჲ.

Line of edition: 20        არამედ რომელთა საქმეთა მიერ თჳთ მან თავსა თჳსსა ქებაჲ
Line of edition: 21     მოატყუა და ცხორებაჲ თჳსი სიტყჳთ და საქმით სახელოვან ყო და
Line of edition: 22     განთქუმულ, მათ მიერ ჩუენცა შესხმისა გჳრგჳნი შეუთხზნათ მას
Line of edition: 23     სიტყუათა მიერ ჩუენთა, რამეთუ საწუთრონი ესე და კაცობრივნი და
Line of edition: 24     თჳთმფლობელობისა მიერნი შესხმანი და ქებანი, მსგავსად გმობათა
Line of edition: 25     და გინებათა, სწორებით განთხეულ არიან შესხმისაგან წმიდათაჲსა,
Line of edition: 26     რამეთუ ვითარმცა თავს-იდვა ამან ტომთა და ნათესავთა მიერი ქებაჲ
Line of edition: 27     რომელმან ყოველივე მსოფლიოჲ დიდებაჲ მოიძაგა და შვი\ლებაჲ Page of ms.: B335v 
Line of edition: 28     ღმრთისაჲ საქმეთა მიერ კეთილთა უფროჲს ყოვლისა აღირჩია. ანუ,
Line of edition: 29     ვითარ შეიმკოს მამულისაგან, რომელმან ყოვლისა ქუეყანისაგან უცხო
Line of edition: 30     ყო თავი თჳსი და ნივთიერთა მონაგებთა, ვითარცა მტერთა, განეშორა
Line of edition: 31     ცათა შინა განმზადებულისა მისთჳს უოხჭნოჲსა ნეტარებისა.

Line of edition: 32        ანუ თუ კუალად, ვითარმცა შუენიერ უჩნდა მშობელთა და ჰანპაპთა
Line of edition: 33     და პირველთა მამათა მიერი პატივი და წარჩინებულებაჲ, რომელმან
Line of edition: 34     ყოველივე ჴორციელი განსუენებაჲ, ვითარცა თიჴაჲ უბნისაჲ, ესრეთ
Page of edition: 333   Line of edition: 1     დათრგუნა და საბურველიცა ესე ჴორცთაჲ, რომლითა სული
Line of edition: 2     შემოსილ იყო, მძიმე და საწყინო უჩნდა, ვითარცა დამაბრკოლებელი
Line of edition: 3     სათნოებათა სარბიელისაჲ; ანუ თუ ყოვლადვე ვითარმცა თავს-იდვა
Line of edition: 4     შესხმაჲ ჴორციელისა ზრდილობისაგან, გინა ჰასაკისა, გინა გუარისა,
Line of edition: 5     გინა ჴელოვნებისა, ანუ თუ სხუათა რათმე ამაოთა და ცუდთა საქმეთაგან,
Line of edition: 6     რომელი-იგი სიჩჩოჲთ თჳსითგან აღიზარდა და აღორძნდა წურთასა
Line of edition: 7     შინა საღმრთოთა წერილთასა და მოირწყო მადლთა დაუწყუედელითა
Line of edition: 8     ნაკადულითა, და ჰასაკად სავსებისა ქრისტესისა მიიწია, სიტყჳსაებრ
Line of edition: 9     მოციქულისა.

Line of edition: 10        ვინაჲცა, ვინაჲთგან ესე უწყით ჩუენ, რომელ ესევითართა შესხმათა
Line of edition: 11     მიერ არა მხიარულ იქმნების დიდი ესე მამაჲ ჩუენი, ვითარცა
Line of edition: 12     ჴორციელნი იგი საკიცხელთა მათ და ცუდთა ქებათათჳს, ამისთჳს
Line of edition: 13     თჳთ მათვე მისთა შრომათაგან მცირედი რაჲმე შესხმაჲ მისი [ჴელვ]ყოთ,
Line of edition: 14     რამეთუ არა აქუს სიტყუასა ბუნებაჲ, უმეტეს ძალისა თჳსისა
Line of edition: 15     განრთხმად.

Line of edition: 16        აწ უკუე, რაჲთა არცა სურვილი ჩუენი [გა]რდარეულებითა შესხმათაჲთა
Line of edition: 17     შეიკრას, და არცა კუალად უცხოთა ალაგთა მამათა ჩუენთასა
Line of edition: 18     ვიდოდით და სამეუფოჲსა გზისაგან შევსცთეთ უწესოდ მიმოკუეთებითა,
Line of edition: 19     მოკლეთა სიტყუათა მიერ ვაჩუენოთ ჴელოვნებაჲ ჩუენი. Page of ms.: A45r 

Line of edition: 20        და რაჲ-მე არს ესე, რომლისა მიერ გუნებავს შეთხზვაჲ ქებისა
Line of edition: 21     მისისაჲ? -- ესე იგი არს, საქმე და ხედვაჲ, [რომელთა] ყოველივე
Line of edition: 22     მწყობრი სათნოებათაჲ შეუდგს თითოეულად, რომელ არს სარწმუნოებაჲ,
Line of edition: 23     სასოებაჲ და სიყუარული და კეთილადმსახურებაჲ ღმრთისა
Line of edition: 24     მიმართ, წურთაჲ წიგნთა საღმრთოთაჲ; განწმედაჲ სულისა და ჴორცთაჲ,
Line of edition: 25     ცრემლნი დაუწყუედელნი, უდაბნოთა შინა მოქალაქობაჲ, ადგილითიადგილად
Line of edition: 26     სივლტოლაჲ, განშორებაჲ და უცხო-ყოფაჲ სავნებელთაგან,
Line of edition: 27     მოძღურებაჲ დაუდუმებელი და ლოცვაჲ დაუსრულებელი, და მარხვაჲ
Line of edition: 28     და მღჳძარებაჲ უსაზღვროჲ, ჴმელსა ზედა წოლაჲ და ღუაწლმრავალი
Line of edition: 29     ცხორებაჲ, უაღრესი ძალსა სიტყუათასა, და უპოვარებაჲ და
Line of edition: 30     სიმდაბლე, ზეშთა აღმაღლებულნი; მოწყალებაჲ, კაცთა ბუნებისა აღმატებული,
Line of edition: 31     და შური საღმრთოჲ მართლმადიდებლობისა წინააღმდგომთა
Line of edition: 32     მიმართ და ცოფთა მწვალებელთა, და რ[აჲთა] მოკლედ ვთქუა,
Line of edition: 33     ყოველივე, რომლითა ხატად ღმრთისა გამოი[ს]ახვის კაცი, ესევითარითა
Page of edition: 334   Line of edition: 1     შესხმითა განშუენდების ჩუენი ესე მამაჲ და მოძღუარი, და
Line of edition: 2     იცნობს სიტყუასა და უწყნის თჳსნი წარმატებანი და ისმენს ესევითარსა
Line of edition: 3     ქებასა, ვითარცა მიზეზსა სარგებელისასა, არა თუ მისსა,
Line of edition: 4     არამედ ჩუენსა, რამეთუ სახელისაცა ხოლო მისისა მოჴსენებაჲ მიზეზ
Line of edition: 5     სათნოებისა ექმნების მოსწრაფესა, და რამეთუ სათნოებათა მისთა
Line of edition: 6     მითხრობაჲ არათუ სხ[ჳთ სა]დაჲთმე გჳსწავიეს ჩუენ, არამედ მისთავე
Line of edition: 7     მათ თქუმულთაგან, რომელნი-იგი თჳსთა მათ წიგნთა შინა
Line of edition: 8     განსთესნა Page of ms.: B336r  მან. ხოლო ჩუენ, ვითარცა საქებელმან ფუტკარმან,
Line of edition: 9     მრავალფერთა მათ თქუმულთა მისთაგან შევკრიბეთ სიტკბოებაჲ და
Line of edition: 10     პირად-პირადთა მათ ყუავილთაგან სულიერი ესე გოლეული
Line of edition: 11     შევჰმზადეთ.

Line of edition: 12        და უწყი, რამეთუ არა განმირისხნეს ჩუენ ამის ჴელ-ყოფისათჳს
Line of edition: 13     და რამეთუ არცაღა ეშინის მას უკეთურისა ეშმაკისაგან, რომელსა-იგი
Line of edition: 14     დასასრულსა მებრ სათნოებათასა მრავალნი დაუცემიან. რამეთუ ვინაჲთგან
Line of edition: 15     ერთგზის უღელვოსა მას უჴორცოთა ნავთსადგურსა შევიდა,
Line of edition: 16     ზეშთა ქმნილ არს დამნთქმელთა მათ ღელვათა, და ოხრათა
Line of edition: 17     მისთაგან.

Line of edition: 18        ვინაჲცა მოვედით, ზემოჴსენებულთა მათგან თითოეული სათნოებაჲ
Line of edition: 19     უვრცელესად-რე მოვიჴსენოთ და თუ ვითარი იყო საკჳრველი
Line of edition: 20     ესე კაცი და თუ ვითარსა საზომსა სულიერისა სიმაღლისასა აღიწია,
Line of edition: 21     და შემოკრებულთა ამათ განცხადებულად უჩუენოთ და სახედ კეთილისა
Line of edition: 22     წინა-დაუგოთ.

Line of edition: 23        სარწმუნოებაჲ უკუე აქუნდა მას ფრიად მართალი და მიუდრეკელი
Line of edition: 24     ღმრთისმსახურებისაგან, ვითარცა-იგი წიგნთა მისთა აღწერილისაგან
Line of edition: 25     ვისწავეთ, რამეთუ სწორებით სძაგდა მას საბელიოსის
Line of edition: 26     უპირული შერევნაჲ და არიოზის განცოფებული განყოფაჲ, და
Line of edition: 27     დამტკიცებულ იყო იგი შინაგან ღმრთისმსახურებისა საზღვართა, რამეთუ
Line of edition: 28     განჰყოფდა რიცხჳთა და შეაერთებდა ბუნებითა ერთსა მას და შეურევნელსა
Line of edition: 29     და ყოვლადწმიდასა სამებასა; რაჲთა არცა სიგლახაკე ჰურიაებრი
Line of edition: 30     ეყუედროს ღმრთეებასა, არცა სიმრავლე ღმერთთაჲ წარმართული
Line of edition: 31     შორის-შემოვიდეს; არამედ ორთავე მათ სწორებით ემხილოს უჯეროჲ
Line of edition: 32     იგი გმობაჲ ყოვლადწმიდისა სამებისაჲ. ხოლო აპოლინარის
Page of edition: 335   Line of edition: 1     პირუტყულსა გმობასა ესრეთ წარიოტებდა, ვიდრეღა ყოველსავე
Line of edition: 2     სწრაფასა აჩუენებდა, რაჲთა ყოველთა ქრისტიანეთაგან განჴადოს
Line of edition: 3     იგი; და კუალად უსახელოთა, სიბრძნითა სავსეთა და წამებითთა მათ
Line of edition: 4     თქუმულთა მისთა მიერ, უაღჳროთა მათ პირთა დაუყოფდა; და მისნი
Line of edition: 5     იგი ღმრთივსწავლულნი სიტყუანი, დიდად სიმტკიცედ და სამოძღურებულად
Line of edition: 6     ჩუენდა დაუტევნა. ხოლო ნავატის ძლეულებაჲ უკუეთუ
Line of edition: 7     ვისმე ენებოს ხილვად, ეფრემის სიტყუათა კუეთებისაგან იხილოს, და
Line of edition: 8     ესეოდენი გარდამატებულებაჲ ახოვნებისაჲ განიცადოს, რაოდენ იხილვების
Line of edition: 9     ყრმისა მცირისა და უძლეველისა გოლიათისაჲ. და არა
Line of edition: 10     ხოლო თუ მის ყოვლისა ოდენ და პირველ-აღმოცენებულთა ბოროტთა
Line of edition: 11     მთესველისა მის წვალებისა ღუარძლნი მახჳლითა მით მართლმადიდებლობისაჲთა
Line of edition: 12     მოთიბნა, არამედ შემდგომად მისსა და უკუანაჲსკნელცა
Line of edition: 13     გამოჩინებადთა მათ მწვალებელთა, საწინაჲსწარმეტყუელოჲთა
Line of edition: 14     [თუა(ლითა)] და სულითა, მგმობარნი იგი ენანი აღმოჰკუეთნა; და
Line of edition: 15     ამათ ესევითართა სახეთა მიერ და მოძღურებათა წიგნნი მისნი სავსე
Line of edition: 16     არიან და გარდაცემულ; და ესრეთ არარაჲ სადა მოიგონა, გარეშე
Line of edition: 17     ჭეშმარიტებისა, ძემან მან ჭეშმარიტებისამან და არცა აღმოჴდა გმობაჲ
Line of edition: 18     ბაგეთა მისთა.

Line of edition: 19        [Ⴁ]. ხოლო სასოებაჲ ღმრთისა მიმართ ხოლო აქუნდა მხოლოჲსა,
Line of edition: 20     რომლისა მიერ გამოვლენ ღირსთათჳს განმზადებულნი იგი სასოებანი
Line of edition: 21     მადლთანი, რამეთუ სიტყჳთ და საქმით და ცხორებით სიტყუათა მათ
Line of edition: 22     ფსალმუნთასა იწურთიდა და იტყოდა, ვითარმედ: "მას ესვიდა გული
Line of edition: 23     ჩემი და შეწევნულ იქმნა". და ვინაჲთგან ესვიდა უფალსა, "წყალობაჲ
Line of edition: 24     უფლისაჲ გარე-მოადგა მას", და მისა მიმართ სასოებამან
Line of edition: 25     მთასა სიონსა მიამსგავ\სა Page of ms.: B336v  იგი. და არა ხოლო ესე, არამედ მაღალთა
Line of edition: 26     [მათცა შორის] ნეტარებისა მომგებელთა შორის დაადგინა იგი
Line of edition: 27     სასოებამან, ვითარცა გუასწავებენ წინაჲსწარმეტყუელნი, რამეთუ იგივე
Line of edition: 28     დავით იტყჳს, ვითარმედ: "ნეტარ არს კაცი, რომლისა სახელი უფლისაჲ
Line of edition: 29     სასო მისსა არს", ხოლო იერემია, ვითარმედ: "კურთხეულ არს
Line of edition: 30     კაცი, რომელი ესავს უფალსა". და კუალად, ვითარმედ: "და იყოს
Line of edition: 31     სასო მისსა", Page of ms.: A45v  და კუალად, ვითარმედ: "იყოს იგი, ვითარცა ხე
Line of edition: 32     ბორობანი წყალთა ზედა და მწყურნებ[სა] შინა განირთხნეს ძირნი
Page of edition: 336   Line of edition: 1     მისნი". და კუალად, ესაია იტყჳს, ვითარმედ: "უფალი მეუფე
Line of edition: 2     ჩუენდა, უფალი მაცხოვარ ჩუენდა და მან თავადმან მიჴსნნეს ჩუენ".
Line of edition: 3     და კუალად, ვითარმედ: "აჰა, ესერა ღმერთი ჩუენი, აჰა, ესერა მაცხოვარი
Line of edition: 4     ჩუენი უფალი, და მე ვიყო მოსავ მისსა და ვცხონდე მის
Line of edition: 5     მიერ". და კუალად, ნეტარი პავლე გუამცნებს და იტყჳს, ვითარმედ:
Line of edition: 6     "გჳპყრიეს ჩუენ აღთქუმაჲ იგი სასოებისაჲ, და რამეთუ
Line of edition: 7     სარწმუნო არს, რომელმან-იგი აღმითქუა ჩუენ". ამით უკუე საღმრთოჲთა
Line of edition: 8     და მოსალოდებელითა სასოებითა იზარდებოდა, და ყოველნივე
Line of edition: 9     მსოფლიონი და საწუთრონი საქმენი შეურაცხ-ყვნა და საუკუნეთა მათ
Line of edition: 10     კეთილთა დღითი-დღე მოგებად ისწრაფდა.

Line of edition: 11        [Ⴂ]. და კუალად, სიყუარული ღმრთისა მიმართ და მოყუსისა
Line of edition: 12     ესრეთ გამოწულილვით დაიმარხა, ვიდრეღა მისთავე სიტყუათაგან
Line of edition: 13     ჯერ-არს, რაჲთა დავამტკიცო ესე და სარწმუნო ვყო, და რამეთუ ესე
Line of edition: 14     სხუათა ყოველთავე წამებათა უსარწმუნოეს არს; რამეთუ ეგულებოდა
Line of edition: 15     რაჲ ღმერთშემოსილსა მას ამიერ სოფლით მიცვალებაჲ, ესრეთ თქუა,
Line of edition: 16     ვითარმედ: "ყოველსავე ცხორებასა ჩემსა არასადა ვაყუედრე უფალსა,
Line of edition: 17     [არცა ვგმე], და სიტყუაჲ უჯეროჲ არა აღმოჴდა ბაგეთა ჩემთა,
Line of edition: 18     და ყოველსავე ცხორებასა ჩემსა არავინ დავწყევე და არცა ვის მორწმუნესა
Line of edition: 19     შეველალე სალამე ყოვლადვე.

Line of edition: 20        ეჰა, ნეტარი იგი ენაჲ, რომელი კადნიერ იქმნა ესევითარისა ამის
Line of edition: 21     ჴმის აღმოთქუმად, რომელი-ესე ანგელოზთა ხოლო შუენის აღმოთქუმად
Line of edition: 22     უნივთოჲსა მისთჳს და შეუშფოთებელისა ცხორებისა მათისა! ხოლო
Line of edition: 23     ჩუენთჳს, რომელნი-ესე მონანი ვართ ჴორცთანი, უცხო არს და ზეშთა
Line of edition: 24     ბუნებისა, და შეუძლებელ წარმართებად, და ფრიად რაჲ დაშურე და
Line of edition: 25     განიხილნე ცხორებანი სათნოებათა შინა განთქუმულთანი, ვერსადა
Line of edition: 26     შეუძლო ესევითარისა ამის პოვნად, ვითარცა ჩუენისა ამის მამისა
Line of edition: 27     წინამდებარესა ამას თხრობასა შინა აღწერილ არს სასწაული წმიდისა
Line of edition: 28     მის და უზაკუველისა სიყვარულისაჲ; ვინაჲცა, ვინაჲთგან ყოველთა
Line of edition: 29     სათნოებათა სიყუარული უაღრეს არს, და ესე ესრეთ წარჰმართა
Line of edition: 30     ნეტარმან ეფრემ, ვითარ-იგი არავინ სხუამან მამათაგანმან, რაჲღა
Line of edition: 31     ჯერ-არს თქუმად? ხოლო მიიღოს კაცად-კაცადმან მსგავსად საქმეთა
Page of edition: 337   Line of edition: 1     თჳსთა, რამეთუ ჩუენ ამიერითგან ესევითართა ამათ ჴდომითთა შესხ
Line of edition: 2     მათაგან ვიჯმნით, რაჲთა არა გამოვჩნდეთ მამისა მამათა შემასწორებელად
Line of edition: 3     და მძაგებელად, და რამეთუ არათუ საჴდომელად წარმოვთქუთ
Line of edition: 4     სათნოებაჲ წმიდისა ეფრემისი, არამედ რაჲთა საცნაურ ვყოთ ყოველთა
Line of edition: 5     შორის, ვითარმედ თჳთ მას თავსა სულიერთა სათნოებისა კიბეთასა
Line of edition: 6     აღიწია მოძღუარი ჩუენი, და არა ხოლო თუ ჩუენი, არამედ
Line of edition: 7     ყოვლისა სოფლისაჲ.

Line of edition: 8        [Ⴃ]. ხოლო კეთილადმსახურებაჲ ჭეშმარიტისა სიბრძნისა მოგებითა
Line of edition: 9     მოივაჭრა, ვითარცა-იგი "იობსა" შინა წერილ არს, ვითარმედ:
Line of edition: 10     "აჰა, ესერა კეთილადმსახურებაჲ არს სიბრძნე", ვითარცა-იგი ზემო
Line of edition: 11     ვაუწყეთ, და მის მიერ სარწმუნოებისა მისისა სიმაღლე გამოვსახეთ,
Line of edition: 12     რომელთა მიერ, მსგავსად პავლესსა, სამ ცადმდე აღიწია და უკუდავი
Line of edition: 13     ჴსენებაჲ და საუკუ\ნოჲ Page of ms.: B337r  ნეტარებაჲ და დიდებაჲ ეკლესიისაგან
Line of edition: 14     დაიუნჯა.

Line of edition: 15        [Ⴄ]. და კუალად, წურთაჲ და ზრახვაჲ საღმრთოთა წერილთაჲ,
Line of edition: 16     ვითარცა ცეცხლი, ეგზებოდა გულსა მისსა, ვითარცა გალობს მეფსალმუნე
Line of edition: 17     ვითარმედ: "ზრახვასა ჩემსა აღატყდეს ცეცხლი", რამეთუ
Line of edition: 18     ტრფიალებამან სულიერისა ხედვისამან აღატყინა იგი და საჴუმილად
Line of edition: 19     აღმაღლებულად სურვილი მისი აღამაღლა, რამეთუ ყოველნივე ძუელნი
Line of edition: 20     და ახალნი წერილნი დაისწავნა, ვითარ-იგი სხუამან არავინ; და
Line of edition: 21     სიღრმე მათი გამოიკულია და ყოველივე დაფარულებაჲ ძალისა მათისაჲ
Line of edition: 22     განჰმარტა ნათლითა სულისა წმიდისაჲთა, "დაბადებითგან" ვიდრე
Line of edition: 23     სახარებადმდე, და არა ხოლო თუ ჩუენისა ამის და ღმრთივსულიერისა
Line of edition: 24     სიბრძნისა ყოველივე ღმრთივბრწყინვალე ბარძიმი აღმოიწრიდა
Line of edition: 25     და სხუათა უწდია, არამედ გარეშეცა და მსოფლიოჲ,
Line of edition: 26     რავოდენიცა კეთილად მეტყუელებისა და გონებისა სიმახჳლისა და
Line of edition: 27     სიღრმეთა განმარტებისათჳს საჴმარ იყო, კეთილად დაისწავა, და
Line of edition: 28     რავოდენიცა რაჲ სარგებელი იპოებოდა მათ შინა, მოისთულო, და
Line of edition: 29     რაოდენიცა რაჲ იყო მათ შორის ურგები და ამაოჲ, განიშორა და
Line of edition: 30     განსთხია და სასწორითა სიმართლისაჲთა და საქმითა და ხედვითა
Line of edition: 31     ერთბამად განმდიდრდა.

Line of edition: 32        [Ⴅ]. ხოლო სიწმიდე სულისა და ჴორცთაჲ ესოდენი წარჰმართა,
Page of edition: 338   Line of edition: 1     რაოდენსა დაიტევს ბუნებაჲ, და უფროჲსღა უაღრესიცა ბუნებისაჲ,
Line of edition: 2     რამეთუ მადლი საღმრთოჲ იყო ნიჭი ესე, რამეთუ არცა სული წესთაგან
Line of edition: 3     სიმართლისათა მიდრკებოდა და არცა ჴორცთა აუფლებდა შებრკოლებად,
Line of edition: 4     არამედ სულითა მეუფებდა ჭეშმარიტებით, ვითარცა შარავანდედი
Line of edition: 5     ხოლო ჴორცითა ნათობდა და ბრწყინვიდა და ელვარედ
Line of edition: 6     კამკამებდა: და ეწამების სიტყუათა ამათ ჩუენთა მეძავი იგი, რომელი
Line of edition: 7     მის მიერ განათლდა, რომელი-იგი სამჭედურად სიბოროტისა მოიპოვა
Line of edition: 8     ბელიარ, კაცთმოძულემან და კაცისმკლველმან, და განათლებულისა
Line of edition: 9     ამის კაცისა მიერ ესოდენ განცრუვნა სასოებაჲ მისი, ვიდრეღა თჳთ
Line of edition: 10     მეძავი იგი მბრძოლად აღუდგა უკეთურსა მას, სწავლითა და მოძღურებითა
Line of edition: 11     და საღმრთოთა სიტყუათა მადლითა შეცვალებული, და მეძვისა
Line of edition: 12     წილ იქმნა უბიწო, და ხენეშისა წილ -- პატიოსან, და არაწმიდისა
Line of edition: 13     წილ -- წმიდა და სავსე ყოვლითა კეთილითა. Page of ms.: A46r 

Line of edition: 14        [Ⴆ]. ცრემლთა უკუე მისთა დაუწყუედელსა მდინარესა წარმოთქუმად
Line of edition: 15     გულსმოდგინე ვიქმნები და ტირილად აღვიძრვი, და რამეთუ
Line of edition: 16     თჳნიერ ცრემლთაჲსა, უფსკრულსა მას ცრემლთა მისთასა წიაღსლვაჲ
Line of edition: 17     და სიტყჳთ წარმოთქუმაჲ შეუძლებელ არს; რამეთუ [ვითარცა] ყოველთა
Line of edition: 18     კაცთა თანანერგ არს აღმოფშჳნვაჲ და სამარადისო, ეგრეთვე ეფრემის
Line of edition: 19     ცრემლთა მდინარისა ნაკადულნი; რამეთუ არაოდეს იხილვებოდეს
Line of edition: 20     იგი განჴმელად დაუძინებელთა მათ თუალთა წინაშე, არცა დღისი,
Line of edition: 21     არცა ღამე, არცა შუვაღამე, არცა ჟამსა, არცა უჟამოსა, არცა კერძოსა
Line of edition: 22     გინა წამსა ჟამისასა მღჳძარეთა მათ და მიურულებელთა თუალთა
Line of edition: 23     მისთაგან, არამედ ოდესმე ზოგადთა და ოდესმე განთჳსებულთა
Line of edition: 24     მათ ამის სოფლისა უწესოებათათჳს ტირნ და იგლოვნ სამარადისოდ,
Line of edition: 25     რამეთუ სულთქუმათა მიერ სიბრძნით აღმოაცენებნ თუალთაგან თჳსთა
Line of edition: 26     ნაკადულსა ცრემლთასა, და უფროჲსღა ღუარ[ითა] ცრემლთაჲთა
Line of edition: 27     მოიხდინ იგი საჴუმილსა სულთქუმათასა, და იყო ორთავე მათ წარმოჩინებაჲ
Line of edition: 28     განსაკრთომელ, რამეთუ ერთი ერთისა მიზეზ და მშობელ
Line of edition: 29     იქმნებოდა, და ცრემლნი შობდეს სულთქუმათა, და სულთქუ\მანი Page of ms.: B337v 
Line of edition: 30     - ცრემლთა, და მიზეზი მათი მრავალთაგან უცნაურ იყო, ხოლო
Line of edition: 31     ჟამისაგან განუკუეთელ იყვნეს და ურთიერთას შეუდგეს: ცრემლნი _
Line of edition: 32     სულთქუმათა, და სულთქუმანი -- ცრემლთა. და ვითარცა მოქცევსა
Line of edition: 33     შინა უცნაურ იყო დასაბამი და დასასრული მათი და თითოეულისა
Page of edition: 339   Line of edition: 1     მიზეზი, და ესე გულისჴმა-ყოს, რომელიცა თანამზრახვალ ექმნეს
Line of edition: 2     წიგნთა მისთა, რამეთუ არა ხოლო თუ სინანულისა და სწავლისა და
Line of edition: 3     მოძღურებისა და მოქალაქობისა სიტყუათა შინა იხილოს გლოვაჲ და
Line of edition: 4     ტირილი მისი, არამედ თჳთ მათცა სადღესასწაულოთა საკითხავთა
Line of edition: 5     შინა, რომელთა-იგი უმრავლესნი სახარულევანთა სიტყუათა მიერ
Line of edition: 6     შეჰმზადებენ, ხოლო იგი ყოველსავე შინა სწორ იყო და სამარადისოდ
Line of edition: 7     სინანულისა და გლოვისა მადლითა განმდიდრებულ.

Line of edition: 8        რომელთა-იგი მიერ ვიდრე აქამომდე ჭეშმარიტისა მის ცხორებისა
Line of edition: 9     მიმართ მიუწოდს ყოველთავე, რომელნიცა თქუმულთა მისთა
Line of edition: 10     წადიერებით ისმენდენ, რამეთუ ცრემლთა მიერ განზავებულთა მათ
Line of edition: 11     ღმრთივსულიერთა სიტყუათა მისთა ესევითარი აქუს ძალი, და რომელმანმცა
Line of edition: 12     განფიცხებულმან და ლოდთა მსგავსმან გულითა, ისმინნა სიტყუანი
Line of edition: 13     მისნი და არა მოლბა, და სიფიცხე იგი გონებისაჲ არა
Line of edition: 14     განაგდო და თჳსთა ბოროტთათჳს მწუხარე იქმნა და ტირილად
Line of edition: 15     აღიძრა; ანუ თუ რომელმან ველურმან გონებითა და მჴეცთა მსგავსმან
Line of edition: 16     სახითა, სულთა სარგებელნი იგი მოძღურებანი მისნი ისმინნა და
Line of edition: 17     ყურად-იხუნა გონიერად, და არამცა დაიტირა ჟამი იგი, მის მიერ
Line of edition: 18     ბოროტად განლეული! რომელმანმცა უწყალომან და მძჳნვარემან
Line of edition: 19     თაფლმწუთოლვარეთა მათ სიტყუათა მისთა გემოჲ იხილა და არა
Line of edition: 20     მეყსეულად იქმნა ტკბილ და მოწყალე და მყუდრო და კეთილის
Line of edition: 21     მოყუარე! რომელმანმცა მოხარულმა6 და შუების მოყუარემან და გლოვის
Line of edition: 22     მოძულემან მცირედცა ოდე6 ისმინნა სიტყუანი მისნი და არამცა
Line of edition: 23     მგლოვარე იქმნა და მტირალ, და ჴსენებად მოვიდა საქმეთა თჳსთა
Line of edition: 24     მოსაგებელისა!

Line of edition: 25        ქვისა შეგბობაჲ გარეშეთა იგავმან შეუძლებელად წარმოაჩინა,
Line of edition: 26     ხოლო ჩუენ ესე, საქმეთა მიერ და გამოცდილებისა შეძლებულად
Line of edition: 27     ვიხილეთ, რამეთუ უწესოთა და ულმობელთა და დაუმორჩილებელთა
Line of edition: 28     სულთა წესიერებად და ლმობიერებად და მორჩილებად მოიყვანებდა
Line of edition: 29     საღმრთოჲ ესე მოხუცებული; და ვინმცა მიემთხჳა სიმდაბლისათჳს
Line of edition: 30     მის მიერ თქუმულთა სიტყუათა და არამცა მეყსეულად ყოველივე
Line of edition: 31     ამპარტავანებაჲ და სიმაღლე მოიძაგა, და ყოველთა უნარჩევეს თავი
Line of edition: 32     თჳსი ქადაგა! ვინმცა ისმინნა სიყუარულისათჳს თქუმულნი
Line of edition: 33     სწავლანი მისნი და არამცა ისწრაფა სიყუარულისათჳს, არა ხოლო
Line of edition: 34     თუ ძჳრის-ხილვაჲ, არამედ სიკუდილიცა!

Page of edition: 340  
Line of edition: 1        და ეგრეთვე -- ქალწულებისათჳს, და არამცა წმიდად
Line of edition: 2     წარუდგინნა ღმერთსა სული და ჴორცნი თჳსნი!

Line of edition: 3        და კუალად -- საშჯელისათჳს და მეორედ მოსლვისა
Line of edition: 4     უფლისა, და არამცა ესრეთ შეჰრაცხა, ვითარმცა აწვე წარდგომილ
Line of edition: 5     იყო და ძრწოლითა შეპყრობილსა საშინელი იგი განჩინებაჲ
Line of edition: 6     გამოეღო სამშჯავროჲსა მისგან თუალუხუავისა!

Line of edition: 7        რამეთუ ესრეთ წარმოაჩინა ყოფადი იგი საღმრთოჲ სამშჯავროჲ
Line of edition: 8     ყოვლადქებულმან ამან და წინაჲსწარმეტყუელებითა აღსავსემან
Line of edition: 9     კაცმან და განცხადებულად წარმოადგინა, ვიდრეღა არღარაჲ დაუტევა
Line of edition: 10     უცნაურად, თჳნიერ საქმით აღსრულებისა და გამოცდილებით სწავლისა,
Line of edition: 11     რამეთუ ესე\ვითართა Page of ms.: B338r  მათ საშჯელისა ხილვათა მიერ და
Line of edition: 12     ჩუენებათა, განიკაფებოდა სამარადისოდ სამგზის სანატრელი ესე. ამისთჳსცა
Line of edition: 13     ივლტოდა სოფლისაგან და სოფლისა საქმეთა, და განეშორებოდა
Line of edition: 14     და იქცეოდა უდაბნოთა შინა და თავისა თჳსისა და ღმრთისა
Line of edition: 15     განცდასა შექცეულ იყო და სათნოებათა წარმატებასა მიერ მოიღებდა,
Line of edition: 16     რამეთუ გამოწულილვით უწყოდა, ვითარმედ უდაბნოთა შინა ცხორებაჲ
Line of edition: 17     მსოფლიოთა შფოთთაგან იჴსნის კაცსა და მყუდროებისა და
Line of edition: 18     დაყუდებისა მიერ ანგელოზთა თანამზრახვალ ჰყოფს, და საღმრთოთა
Line of edition: 19     ხედვათა მიერ, რაოდენ შესაძლებელ არს, გონებასა ღმრთისა მიმართ
Line of edition: 20     აღამაღლებს. Page of ms.: A46v 

Line of edition: 21        [Ⴇ]. ხოლო ადგილითი-ადგილად ცვალებაჲ, რაჟამს სულმან წმიდამან
Line of edition: 22     აღსაშენებელად მრავალთა განაგის, არა ურჩ ექმნის, არცა
Line of edition: 23     [აცილობნ], რამეთუ უფროჲს ყოველთაჲსა იყო იგი მორჩილ საღმრთოთა
Line of edition: 24     ბრძანებათა. ამისთჳსცა დაუტევა მამული თჳსი, ვითარცა დიდმან
Line of edition: 25     აბრაჰამ, და ედესე ქალაქად მიიწია და რამეთუ არცა იყო სამართალ
Line of edition: 26     მზისა მრავალჟამ ქუეყანასა ქუეშე დაფარვად, ხოლო [ორთა]
Line of edition: 27     საქმეთათჳს თავს-იდვა ესე: ერთად, რაჲთა მუნ მყოფთა მათ წმიდათა
Line of edition: 28     თაყუანის-სცეს და მეორედ, რაჲთა გულისჴმის-მყოფელსა
Line of edition: 29     ვისმე კაცსა მიემთხჳოს და ნაყოფი სიბრძნისაჲ ანუ მოისთულოს, ანუ
Line of edition: 30     მისცეს.

Line of edition: 31        და ვითარცა მიიწია ბჭეთა ქალაქისათა, მეძავსა ვისმე შეემთხჳა,
Line of edition: 32     მის წილ, რომელსა-იგი ეძიებდა სიტყუა-მეცნიერსა ვისმე, და ვითარიგი
Line of edition: 33     წინააღმდგომი გულისსიტყჳვსა თჳსისაჲ შეემთხჳა, მჭმუნვარე
Line of edition: 34     იქმნა იგი და მეძავსა მას განიცდიდა და უკჳრდა განმტყუვნებაჲ იგი
Page of edition: 341   Line of edition: 1     სასოებისა თჳსისაჲ. ხოლო დედაკაცმან მან, იხილა რაჲ, ვითარ-იგი
Line of edition: 2     მიხედვიდა მას წმიდაჲ იგი, მანცა იწყო გულსმოდგინედ განცდაჲ
Line of edition: 3     მისი.

Line of edition: 4        მაშინ ჰრქუა მას ბერმან; "რაჲ არს, დედაკაცო, რამეთუ ესრეთ
Line of edition: 5     განგრძობილად განმიცდი მე? ხოლო მან მიუგო, ვითარმედ: "ჯეროვნად
Line of edition: 6     და სამართლად განგიცდი, რამეთუ შენგან დაბადებულ ვარ მე, ხოლო
Line of edition: 7     შენ ნუ განმიცდი მე, არამედ უფროჲსღა მიწასა განიცდიდი და
Line of edition: 8     ქუეყანად მიმართ ხედევდი, რამეთუ მიერ დაბადებულ ხარ შენ".

Line of edition: 9        ესმა რაჲ ესე ბრძენსა მას, ზეშთა სასოებისა აღიარებდა, ვითარმედ
Line of edition: 10     დიდად სარგებელ ეყო, და ღმრთისა მიუწდომელსა ძლიერებასა
Line of edition: 11     ადიდებდა, რომელსა უსასოთაგან სასოებისა უაღრესთა საქმეთა
Line of edition: 12     ძალუც აღსრულებად.

Line of edition: 13        [Ⴈ]. და მიერ კესარიად კაბადუკიისა მოიწია წინამძღურებითა
Line of edition: 14     სულისა წმიდისაჲთა, და პირი იგი ეკლესიისაჲ და მოძღურებათა
Line of edition: 15     საღმრთოჲ ორღანოჲ და სწავლათა იგი ოქროჲსა აიდონი, დიდი
Line of edition: 16     ბასილი იხილა; და ვითარცა იხილა იგი საღმრთომან მან მოხუცებულმან,
Line of edition: 17     მრავალფერთა შესხმათა მიერ პატივ-სცა მას, რამეთუ დაფარულთა
Line of edition: 18     მხილველითა თუალითა სულისაჲთა, ტრედსა ბრწყინვალესა,
Line of edition: 19     მჴარსა ზედა მისსა მარჯუენესა მჯდომარესა ხედვიდა, რომელიიგი
Line of edition: 20     სიტყუათა მოძღურებისათა მიანიჭებდა მას და სწავლათა მისთა
Line of edition: 21     ერისა მიმართ მიაწევდა, რომელმან-იგი მადლითა მისვე სულისა წმიდისაჲთა
Line of edition: 22     გულისჴმა-ყო და ისწავა მოსლვაჲ მისი, და სახელი, და
Line of edition: 23     ვითარმედ იგი არს ღმერთშემოსილი მამაჲ ეფრემ ასური, და სულიერითა
Line of edition: 24     ამბორის-ყოფითა ურთიერთას მოიკითხნეს და ღმერთსა ჰმადლობდეს;
Line of edition: 25     და ესრეთ, არა სულმოკლებისა და უთმინოებისა ნაყოფი იყო,
Line of edition: 26     არცა ურგებ მოშრომაჲ იგი ეფრემისი, არამედ სავსე ყოვლითა კეთილითა.
Line of edition: 27     ვი\ნაიცა Page of ms.: B338v  მყოვარჟამ დაყვეს ერთბამად და ურთიერთას
Line of edition: 28     განანათლებდეს განათლებულნი იგი და წმიდანი მამანი.

Line of edition: 29        და უკუეთუ სამე ბუნებითმა6 სიწრფოებამან გონებისა მისისამან
Line of edition: 30     და უმანკოებამან სავნებელთა რათმე საქმეთაგან სივლტოლაჲ უწამის
Line of edition: 31     მას, წინაჲსწარმხილველობისა მადლითა, უაღრესი უდარესისაგან განარჩიის
Line of edition: 32     და წმიდაჲ იგი და უბიწოჲ სული მისი და გულისსიტყუაჲ
Line of edition: 33     მათ საქმეთა მიმართ მიდრიკის და დაამტ კიცნის, რომელთა მიერ
Line of edition: 34     მოძღურებაჲ მისი და სწავლაჲ არა დაიხრწეოდის და უმრავლესთაჲ
Page of edition: 342   Line of edition: 1     იქმნებოდის სარგებელი, რამეთუ საღმრთოჲსა მის მოხუცებულისადა
Line of edition: 2     მდიდრად მიცემულ იყო სიტყუაჲ მოძღურებისაჲ ღმრთისა მიერ, და
Line of edition: 3     საღმრთოჲსა მის ტალანტისა სავაჭროსა შინა გულთასა დადებად
Line of edition: 4     მოსწრაფე იყო, და ესე იყო უფროჲს ყოვლისა სასწრაფო წინაშე
Line of edition: 5     მისსა.

Line of edition: 6        [ႨႠ]. და ესე თჳთ მისთა სიტყუათაგან გჳსწავიეს, რამეთუ სიჩჩოჲსა
Line of edition: 7     რაჲ ჰასაკსა წარჰჴდა, ესევითარი ჩუენებაჲ იხილა ღმრთისა
Line of edition: 8     მიერ, ვითარმედ გამოჴდა ენისა მისისაგან ვენაჴი ფრიად ნაყოფიერი
Line of edition: 9     და ესოდენ აღორძნდა, ვიდრემდის აღავსო ყოველი ქუეყანაჲ და
Line of edition: 10     ყოველნი მფრინველნი ცისანი მოვიდოდეს მის ზედა და მისგან განძღებოდეს
Line of edition: 11     საზრდელითა; და განსხლვისა მიერ და მოსთულებისა და
Line of edition: 12     ყოველთა მფრინველთა გამოზრდისა არათუ მოაკლდებოდა რაჲმე
Line of edition: 13     ვენაჴსა მას, არამედ უმეტესად აღორძნდებოდეს ტევანნი მისნი.

Line of edition: 14        [ႨႡ]. და ესე კუალად, სულითა მხილველმან ვინმე წამა მისთჳს
Line of edition: 15     და იტყოდა, ვითარმედ იხილა ანგელოზთა სიმრავლე ზეცით გარდამომავალი
Line of edition: 16     და აქუნდა ჴელთა მათთა ქარტაჲ, შინაგან და გარეშე
Line of edition: 17     წერილი. და იტყოდეს ურთიერთას გამოჩინებულნი იგი საღმრთონი
Line of edition: 18     წესნი, თუ ვისსა-მე ჯერ-არს მიღებაჲ ქარტისაჲ მის. და რომელთამე
Line of edition: 19     მათგანთა თქუეს იგი ვინმე, და სხუათა -- სხუაჲ და სხუათა _
Line of edition: 20     სხუაჲ, რომელნი-იგი მათ ჟამთა ბრწყინვიდეს წმიდანი. და შემდგომად
Line of edition: 21     ყოველთა წარმოთქუმისა თქუეს, ვითარმედ: ჭეშმარიტად ესე ყოველნი
Line of edition: 22     წმიდანი არიან და მონანი ღმრთისანი; გარნა ვერ ძალ-უც ქარტისა
Line of edition: 23     ამის მიღებაჲ. და მერმე უკუანაჲსკნელ ერთჴმა იქმნნეს ყოველნი
Line of edition: 24     და თქუეს ყოველთა ერთბამად, ვითარმედ: "ვერვის ძალ-უც ქარტისა
Line of edition: 25     ამის მიღებაჲ, თჳნიერ ეფრემისა".

Line of edition: 26        და ესე რაჲ ესმა მხილველსა მას, კუალად იხილნა ანგელოზნი
Line of edition: 27     იგი, რამეთუ მისცეს ეფრემს ქარტაჲ იგი. და მხილველი იგი ჩუენებისაჲ
Line of edition: 28     Page of ms.: A47r  მასვე ჟამსა ღამისასა ფრიად მსთუად აღდგა და ეკლესიად
Line of edition: 29     წარვიდა და ესმა მოძღურებაჲ ეფრემისი, რომელსა-იგი ასწავებდა
Line of edition: 30     მდიდრად და უხუებით, შეზავებული მადლითა, ვითარცა მარილითა.
Line of edition: 31     და ჩუენებისა მის შეტყუებაჲ მუნ აღიჴსენა და ადიდებდა
Line of edition: 32     ღმერთსა, და უკჳრდა მადლი იგი სწავლისა და მოძღურებისაჲ, რომელი
Page of edition: 343   Line of edition: 1     მიენიჭა წმიდასა მას, რამეთუ ესოდენ გარდარეული სიბრძნე
Line of edition: 2     მიემადლა, ვიდრეღა დაუწყუედელნი ნაკადულნი სიტყუათანი აღმოდიოდეს
Line of edition: 3     პირით მისით.

Line of edition: 4        გარნა უდარეს იყო სიტყუათა მისთა იგი დაუწყუედელი წყაროჲ
Line of edition: 5     სივრცესა გულისჴმის-ყოფისა მისისასა, არათუ სიმძიმითა ენისაჲთა,
Line of edition: 6     არამედ გულისჴმის-ყოფისა გარდარეულად განმრავლებითა, რამეთუ
Line of edition: 7     სხუათა შორის სწორად გულისჴმის-ყოფისა ძალ-უც ენასა მსახურებაჲ
Line of edition: 8     გონებისა მათისაჲ, ხოლო თჳსთა -- გონებისა ხედვათა უდარეს.
Line of edition: 9     ვინაჲცა დიდი იგი მოხუცებული თჳთ თავით თჳსით გარდამატებულთა
Line of edition: 10     მათთჳს ნიჭთა მოძღურე\ბისათა Page of ms.: B339r  [ევედრებოდა ღმერთსა
Line of edition: 11     და ესრეთ იტყოდა]: "დააცხრვენ, ჵ მეუფეო, ღელვანი მადლისა
Line of edition: 12     შენისანი", რამეთუ უფსკრულნი იგი სწავლათა და მოძღურებათა
Line of edition: 13     მისთანი, და გონებასა შინა მისსა სახედ ღელვათა შობილნი გულისჴმის-ყოფანი
Line of edition: 14     მოსწრაფესა მას ორღანოსა, და ჴელოვნად მზრახვალსა
Line of edition: 15     ენასა ერეოდეს და ჰმძლავრობდეს. ხოლო სწავლათა მისთა მდინარესა
Line of edition: 16     სხუაჲ ვერარაჲ განჰკუეთდა თჳნიერ ხოლო ლოცვისა; და კუალად
Line of edition: 17     ამას -- მოძღურებაჲ, და კუალად სწავლასა -- ცრემლნი და ტირილი;
Line of edition: 18     და ტირილსა შეეყოფოდა ლოცვაჲ, და ლოცვასა -- სწავლაჲ, და ამას
Line of edition: 19     ყოველსა შინა შეზავებულ იყო ხედვაჲ ღმრთისაჲ, და ყოველივე
Line of edition: 20     ცხორებაჲ მისი -- ცრემლთა და ტირილისა მიერ შენელებულ.

Line of edition: 21        [ႨႢ] რამეთუ ჴორცნი მოეკუდინნეს ვნებითურთ და გულის-თქუმით,
Line of edition: 22     და უმთავრესისადა დაემონა უდარესი; და მარხვითა და
Line of edition: 23     მოღუაწებითა მთავარი გონებაჲ მფლობელ-ექმნა; და ყოველთავე უჯეროთა
Line of edition: 24     საქმეთაგან განშორებულ იყო და შეუხებელ, ხოლო ყოველთავე
Line of edition: 25     კეთილთა და სულისა მაცხოვართა საქმეთა -- შეთხზულ და
Line of edition: 26     შეერთებულ.

Line of edition: 27        [ႨႣ] და ვერცა ღამე შემძლებელ იყო სრბასა სათნოებათა
Line of edition: 28     მისთასა განკუეთად და ვერცა დღე, და ვერცაღა მაცთურნი იგი
Line of edition: 29     უცნებანი ძილისანი, რამეთუ ენაცვალებოდა დღისა სიფრთხილესა
Line of edition: 30     ღამე, და მღჳძარეთა მათ თუალთა და გონებისა მისისაგან შეძრწუნებულნი,
Line of edition: 31     ვითარცა ცეცხლისაგან ივლტოდეს უცნებანი იგი ღამისანი. და
Line of edition: 32     რამეთუ ესე იყო მოღუაწებაჲ მისი, რაჲთა არა ეწიოს მას ჴელი იგი
Line of edition: 33     მთავრისა მის ბნელისაჲ მძინარესა. ხოლო ძილსა იჴუმევდა ესეოდენ,
Page of edition: 344   Line of edition: 1     რაჲთა ჴორცთა ცხორებაჲ ხოლო ეგოს, და ბუნებითი იგი სარბიელი
Line of edition: 2     ბუნებისაჲ არა განიხრწნას და ჴორცთა აგებულებაჲ უჟამოდ არა
Line of edition: 3     დაიჴსნას.

Line of edition: 4        [ႨႤ] ხოლო უკუნ-აქცევდა მას და თუალთაგან განსდევნიდა; და
Line of edition: 5     სხუაჲცა მრავალი; არამედ უფროჲსად ჴმელსა ზედა წოლაჲ და
Line of edition: 6     ფიცხელი მოღუაწებაჲ და ყოვლით კერძო ჴორცთა დაქენჯნაჲ. და
Line of edition: 7     რამეთუ ესენი არიან, რომელნი სიღრმესა ძილისასა ექსორია-იქმან და
Line of edition: 8     იოტებენ.

Line of edition: 9        [ႨႥ] ხოლო უპოვარებაჲ ესევითარი აქუნდა, ვითარცა წმიდათა
Line of edition: 10     მოციქულთათჳს წერილ არს. ვინაჲცა, უკუეთუ ვინმე ამას უპოვარებისა
Line of edition: 11     პირმშოდ ხატად უწოდოს, არა შესცთეს ჭეშმარიტებისაგან,
Line of edition: 12     რამეთუ ამისდა მოწამედ თჳთ ტკბილი იგი და ნეტარი ჴმაჲ მისი
Line of edition: 13     გუაქუს ჩუენ, რომელი-იგი აღმოთქუა მასწავლელად უპოვარებისა,
Line of edition: 14     ეგულებოდა რაჲ ზეცად აღსლვაჲ ჟამსა მას მიცვალებისა თჳსისასა,
Line of edition: 15     და ვითარცა მამული სამკჳდრებელი, ესრეთ დამიტევა ჩუენ. და კმა
Line of edition: 16     არს იგი ჩუენდა, რამეთუ თქუა, ვითარმედ: "არასადა მოიგო ეფრემ
Line of edition: 17     ბალანტი, არცა კუერთხი, არცა ვაშკარანი, არცა ვეცხლი, არცა
Line of edition: 18     ოქროჲ, არცა რაჲ სხუაჲ მონაგები ქუეყანასა ზედა არარაჲ, რამეთუ
Line of edition: 19     მესმინა ჴმაჲ სახიერისა მის მეუფისაჲ სახარებასა შინა, რომელი-იგი
Line of edition: 20     ჰრქუა თჳსთა მოწაფეთა, რაჲთა არარაჲ მოიგონ ქუეყანასა ზედა,
Line of edition: 21     ვინაჲცა არცა რაჲ მოვიგე ესევითარი ვნებულად". ესრეთ უკუე
Line of edition: 22     სძაგდა მას დიდებაჲ და მონაგებნი, ხოლო ყოველთა საქმეთა კეთილთა
Line of edition: 23     -- განუძღომელი აქუნდა ტრფიალებაჲ და ესრეთ, ყოვლით კერძო
Line of edition: 24     მოციქულთა ჰბაძვიდა სათნოებითა.

Line of edition: 25        [ႨႦ] ხოლო სიმდაბლისა მისისათჳს რაჲ-მე ვწამოთ, ანუ რაჲ
Line of edition: 26     ვთქუათ, ვინაჲთგან ყოველნი წიგნნი მისნი და სიტყუანი და აღწერილნი
Line of edition: 27     ამას სათნოებასა ქადაგებენ განცხა\დებულად, Page of ms.: B339v  და ყოველივე
Line of edition: 28     ცხორებაჲ თჳსი მას შინა აღასრულა ფრიადითა გულსმოდგინებითა,
Line of edition: 29     რამეთუ რომელი ცრემლთა მიერ ცრემლთა მოუწოდდა, და
Line of edition: 30     ნაცარსა, ვითარცა პურსა ჭამდა სიფიცხითა და უგემურებითა საზრდელისაჲთა;
Line of edition: 31     და სასუმელსა თჳსსა ცრემლითა თჳსითა განზავებდა,
Line of edition: 32     ვითარცა იტყჳს მეფსალმუნე. ეგევითარმან მან ლოდსა მას
Line of edition: 33     სიმაღლისა და ამპარტავანებისასა ოდესმცა წარსცა სულიერი იგი
Page of edition: 345   Line of edition: 1     ფერჴი მისი, რომელი-იგი ყოველსავე დიდებასა კაცობრივსა გარემიაქცევდა
Line of edition: 2     და ევლტოდა. Page of ms.: A47v 

Line of edition: 3        და ვიდრეღა-იგი სოფელსა ამას შინა იყო, ესმა ვისიმე, რომელი
Line of edition: 4     აქებდა მას, და შეეურვა და შეწუხნა ვიდრე სიკუდიდმდე და პირადპირადთა
Line of edition: 5     ღონეთა იწყო მოპოვნებად, და ქუეყანად დავარდებოდა და
Line of edition: 6     მიწასა გარდაისხმიდა და ოფლთა და ცრემლთა მიერ ილტობვოდა, და
Line of edition: 7     ვითარცა ბრალსა რასმე, გინა ცოდვასა ზედა დაპყრობილი, ესრეთ
Line of edition: 8     შეპყრობილ იყო სირცხჳლითა და ვერცაღა თუ სიტყჳსა ეძლო
Line of edition: 9     აღმოთქუმად.

Line of edition: 10        ხოლო რაჟამს-იგი სანატრელისა მის და დაუსრულებელისა ცხორებისა
Line of edition: 11     მიმართ ეგულებოდა მიცვალებაჲ, მაშინ ცხადად და ღმრთივბრწყინვალედ
Line of edition: 12     საანჯმნო-ყო ესე და ფრიადითა კრძალულებითა და
Line of edition: 13     განკანონებითა დააბრკოლნა, რომელთა-იგი ენება პატივით შემურვაჲ
Line of edition: 14     მისი და ჰრქუა, ვითარმედ: "ნუ ჰგალობთ გალობასა ეფრემს ზედა და
Line of edition: 15     ნუცა შეასხამთ მას, ნუცა პატიოსნითა სამოსლითა წარჰგრაგნით მას,
Line of edition: 16     ნუცა თჳსაგან სამარესა შეუმზადებთ მას, რამეთუ აღმითქვამს ღმრთისადა,
Line of edition: 17     რაჲთა უცხოთა თანა განგისუენო, და რამეთუ მსხემ ვარ და
Line of edition: 18     წარმავალ, ვითარცა ყოველნი მამანი ჩემნი; ვინაჲცა გარდარეულად
Line of edition: 19     კმა არს ჩუენდა სათნოებისა ამის სიმაღლე, მაუწყებელად სხუათა
Line of edition: 20     მათცა მაღალთა მოღუაწებათა მისთა.

Line of edition: 21        [ႨႧ] ხოლო წყალობისა და სიტკბოებისა არა ხოლო თუ მოქმედ
Line of edition: 22     ხოლო იყო, არამედ მასწავლელცა, და ჭეშმარიტებისა შჯულ და
Line of edition: 23     საზღვარ, რამეთუ სრულითა მით უპოვარებითა ქველისსაქმესა გლახაკთასა
Line of edition: 24     და საჴმართა განყოფასა ვერ შემძლებელ იყო; ხოლო სხუათა
Line of edition: 25     სწავლითა და ზედაჲსზედა მოჴსენებითა და წყალობად და ჴელისაპყრობად
Line of edition: 26     აღძრვითა, წესსა მას მოწყალებისასა აღასრულებდა; და
Line of edition: 27     თჳნიერ ხილვისაცა იყო ჭეშმარიტად სიტყუაჲ მისი კლიტე ღმრთივგანჭედილ
Line of edition: 28     და განმღებელ საუნჯესა მდიდართასა, ხოლო ანგელოზებრი
Line of edition: 29     იგი სახე მისი კმა იყო ხილვითა ხოლო ფრიად უწყალოთაცა და
Line of edition: 30     ულმობელთა, მოწყალებად და ლმობიერებად მოყვანებად; რამეთუ
Line of edition: 31     იყო იგი წრფელ და უმანკო, და სახიერ და მყუდრო და ყოვლითა
Line of edition: 32     კეთილითა აღსავსე, და ვინმცა იყო ესრეთ კადნიერ და უგბილ,
Line of edition: 33     რომელმანმცა განიცადა სახე მისი და არა შეირცხჳნა და არამცა
Line of edition: 34     შესძინა კეთილთა ზედა კეთილი და უპატიოსნეს იქმნა.

Page of edition: 346  
Line of edition: 1        [Ⴉ]. გარნა ნუუკუე კაცისა ამის ღმრთისა, ესოდენი ესე სიმრავლე
Line of edition: 2     სათნოებათაჲ რაჲ ვის ესმას, ჰგონოს, ვითარმედ უმეცარ იყო
Line of edition: 3     საეკლესიოთა წესთა და კანონთა და სარწმუნოებისა მოძღურებათა,
Line of edition: 4     და იტყოდის, ვითარმედ "და სადაღა მოეცალებოდა მას ესეოდენთა
Line of edition: 5     სათნოებათა მოღუაწებისა მიმართ წარმატებულსა, სარწმუნოებისა
Line of edition: 6     სწავლათა დასწავლაჲ!" გარნა ეგევითარმან მან პირველად ესე უწყოდენ,
Line of edition: 7     რამეთუ მეცნიერებაჲ და გულისჴმის-ყოფაჲ მისი არა კაცობრივთა
Line of edition: 8     სწავლათა საქმე იყო, არამედ ძალისა საღ\მრთოჲსაჲ, Page of ms.: B340r 
Line of edition: 9     ვითარცა ზემო მოვიჴსენეთ. და კუალად ესეცა ისწავენ, რამეთუ ფრიადი
Line of edition: 10     გამოცდილებაჲ და წვრთილებაჲ აქუნდა მას სიტყუათა სულისათაჲ,
Line of edition: 11     რამეთუ არა ხოლო თუ სწავლისა სიტყუათა და მოძღურებათაჲ
Line of edition: 12     მოეღო მადლი, არამედ ორკერძოვე კეთილად წურთილ იყო და
Line of edition: 13     განთქუმულ სიტყუათაცა სარწმუნოებისათა, და მწვალებელთაცა
Line of edition: 14     წინააღდგომისა დაჴსნასა და მხილებასა, რამეთუ შური საღმრთოჲ
Line of edition: 15     აღსძრვიდა მას დამჴობად მჴეცთა მათ წვალებისათა და მბრძოლთა
Line of edition: 16     ღმრთისმსახურებისათა.

Line of edition: 17        [ႩႠ] ვინაჲცა ესევითარი რაიმე შურისა საღმრთოჲსა ქადაგი,
Line of edition: 18     დაუწერელი სიტყუაჲ მოწევნულ არს სასმენელთა ჩუენთა, რომელიიგი
Line of edition: 19     ფრიად კეთილად აღასრულა მან, ესე იგი არს, ვითარმედ: უჴმომან
Line of edition: 20     და უფროჲსღა ყრუმან და უტყუმან და უგონებომან აპოლინარი,
Line of edition: 21     მრავალნი ახლისმეტყუელებანი და მუცლითმეზღაპრეობანი, წინააღმდგომნი
Line of edition: 22     ღმრთისმსახურებისანი, და მბრძოლნი მართლისა სარწმუნოებისანი
Line of edition: 23     აღმოიტეხნა შეგინებულისა მის გულისა მისისაგან, და უშჯულოებითა
Line of edition: 24     სავსენი ორნი წიგნნი აღწერნა და დედაკაცსა ვისმე, გულის-თქუმათა
Line of edition: 25     მისთა მსახურსა და წვალებისა მისისა ზიარსა, ჴელთუსხნა
Line of edition: 26     დაცვად.

Line of edition: 27        ხოლო ცნა რაჲ ესე დიდმან ეფრემ, მოწაფეთა მისთა სახე
Line of edition: 28     შეიმოსა ჩემებით და მოპოვნებით, და დედაკაცსა მას, მცველსა მგმობართა
Line of edition: 29     მათ წიგნთასა, წარმოუდგა ყოვლად ბრძენი იგი და რეცა
Line of edition: 30     უდაბნოჲთ ევლოგიაჲ მიუძღუანა მას, და ნუუკუე და სხუანიცა
Line of edition: 31     რაჲმე სიმარჯუენი იჴუმინა, და მერმე უკუანაჲსკნელ ევედრა, რაჲთა
Line of edition: 32     ზოგადისა მოძღურისა მიერ აღწერილნი იგი წიგნნი, რეცა სარგებელად
Line of edition: 33     და სასწავლელად მისცნეს მას ჟამ რაოდენმე, რაჲთა მწვალებელთა
Line of edition: 34     წინა-აღუდგებოდი და დავამჴობდეო (რეცა ჩუენ გჳწოდდა
Page of edition: 347   Line of edition: 1     მწვალებელად). ხოლო მას, სისუსტითა გონებისაჲთა ეოცნა, ვითარმედ
Line of edition: 2     ერთი არს იგი აპოლინარის მოწაფეთაგანი, Page of ms.: A48r  და ესრეთ განბას
Line of edition: 3     რებულმან ჴელთ-უსხნა მას წიგნნი იგი და ამცნო, რაჲთა ადრე
Line of edition: 4     მიაქცინეს მისსავე.

Line of edition: 5        ხოლო დიდმან ამან იაკობ, ბილწი იგი ესავ განბასრა და ბოროტნი
Line of edition: 6     იგი პირმშონი ნაშობნი, არაწმიდისა მის გონებისა მისისანი აღმოიკითხნა
Line of edition: 7     და მოსრნა, რამეთუ სიბრძნით გულისჴმა-ყვნა წინააღმდგომნი
Line of edition: 8     მათნი და დამარღვეველნი მართლმადიდებლობისა მოძღურებანი, და
Line of edition: 9     ესრეთ, თევზისა წებოჲთა ფურცელი ფურცელსა დააწება და ფრიადითა
Line of edition: 10     გულსმოდგინებითა ფიცარნიცა ზედა-მოურთნა, და ვითარცა ერთი
Line of edition: 11     ფიცარი, ესრეთ შეამტკიცნა ორნივე იგი წიგნნი არაწმიდანი, რომელ
Line of edition: 12     ყოვლადვე ღონე განღებისაჲ არღარა იყო; და ესრეთღა მიართუნა
Line of edition: 13     მომცემელსა მას მათსა დედაკაცსა. ხოლო მან, ვითარცა დედაკაცმან
Line of edition: 14     უგუნურმან და სიბრძნისა გამოუცდელმან, გარეშე რაჲ მათი განურყუნელად
Line of edition: 15     იხილა, შინაგანისათჳს არღარაჲ იზრუნა.

Line of edition: 16        ხოლო ვითარცა დღენი რაოდენნიმე გარდაჴდეს, ვიეთმე მართლმადიდებელთა
Line of edition: 17     აზრახა საღმრთომან მან მოხუცებულმან, ვითარმედ:
Line of edition: 18     მოუწოდეთ უღმრთოსა აპოლინარის, რაჲთა ვეზრახნეთ.

Line of edition: 19        ხოლო მან წოდებაჲ იგი მიითუალა, მისთა მათ უღმრთოთა
Line of edition: 20     წიგნთა მინდობითა, და ეკლესიად მო\ვიდა. Page of ms.: B340v  ხოლო სიტყჳს-გებაჲ,
Line of edition: 21     ვითარცა მოხუცებულმან და უძლურმან, არა ინება, არამედ თჳსთა
Line of edition: 22     წიგნთა მოღებაჲ უბრძანა, და მათ მიერ პასუხისა გაცემად და
Line of edition: 23     ზრახვად ევედრებოდა. და ვითარცა თანამზრახვალთა მისთა წიგნნი
Line of edition: 24     იგი მოიხუნეს, დიდად აღიზახა მათ ზედა დაძუელებულმან მან დღეთა
Line of edition: 25     ბოროტთამან და სიცრუვისა მსაჯულმან, და ჴელად მიიხუნა და
Line of edition: 26     პირველისა წიგნისა განღებად ჴელ-ყო, და ვითარცა არა განეღო,
Line of edition: 27     რამეთუ წებოსა მას, ვითარცა გურდემლი შეესხივა, კუალად საშუვალსა
Line of edition: 28     ადგილსა შებმა-უყო, ხოლო იგი ეგრეთვე შეუჭრეთელ იყო და
Line of edition: 29     განუღებელ; და ესრეთ რაჲ პირველისა მისგან ოჴერ იქმნა, მიერითგან
Line of edition: 30     მეორესა მას შეევედრა, და ვინაჲთგან იგიცა ეგრეთვე განუღებელ და
Line of edition: 31     დამბრმალ იპოვა, სირცხჳლისაგან სახე მისი შეიცვალა და უღონოებისაგან
Line of edition: 32     გონებაჲ მისი განცჳბრდა და შესაკრებელისა მისგან განიჭრა,
Line of edition: 33     და ურვისაგან და მწუხარებისა გონებაცთომილ იქმნა და განიგალა.

Line of edition: 34        [ႩႡ] ესევითარი აქუნდა შური ღმრთისმსახურებისაჲ დიდსა მას
Page of edition: 348   Line of edition: 1     მამასა და მოძღუარსა ჩუენსა, ეფრემს, რამეთუ სხუასა ყოველსავე
Line of edition: 2     ზედა მშჳდ იყო და მყუდრო, ხოლო რაჟამს სარწმუნოებისა ანუ
Line of edition: 3     ღმრთისმსახურებისა წესი დაიჴსნებოდის, ფიცხელ იყო და მკსინვარე,
Line of edition: 4     და ვითარცა ჟამი და წესი საქმისაჲ ეძიებნ, ყოველსავე სიბრძნით
Line of edition: 5     და გონიერად განაგებნ.

Line of edition: 6        ხოლო საღმრთოჲ ესე შური მისი, მრავალთა მათ ცრემლთა და
Line of edition: 7     მღჳძარებისა და მარხვისა და ლოცვისა არა უდარეს იყო, არამედ
Line of edition: 8     უვაღრეს და ფრიად აღმატებულ, რამეთუ ზემოთქუმულნი იგი მოღუაწებანი
Line of edition: 9     მოქმედსა ხოლო მათსა მოატყუებენ სარგებელსა, ხოლო მეორე
Line of edition: 10     ესე ზოგადად სარგებელად ეკლესიისა იქმნების.

Line of edition: 11        და კეთილსაცა მონადირესა ფიცხელთა ნადირთა და ძნიად საბრძოლთა
Line of edition: 12     მონადირებაჲ იქმნების გამომცდელ, სიტყჳსაებრ ჭეშმარიტისა,
Line of edition: 13     და ჴელოვანსა მენავეთ-მოძღუარსა -- ფიცხელთა ქართა წინააღდგომაჲ
Line of edition: 14     და მართებაჲ ნავისაჲ, და ბრძენსა მკურნალსა -- ძნიად
Line of edition: 15     საკურნებელნი სალმობანი, და ახოვანსა მჴედარსა -- წინააღმდგომთა
Line of edition: 16     სიქველე და წინა-განწყობაჲ და ძლევაჲ, და მოსწრაფესა და ღმრთისმსახურსა
Line of edition: 17     -- ჭირთა და განსაცდელთა კუეთებაჲ და მოთმინებაჲ; და
Line of edition: 18     რაჲთა თავიცა თჳსი და სხუანიცა განარინნეს წინააღმდგომთა და
Line of edition: 19     მწვალებელთაგან, ვითარცა ჰყოფდა ყოვლადქებული ეფრემ.

Line of edition: 20        [ႩႢ] და არაჲ იპოვების სახე სათნოებისაჲ, რომელიმცა პირველ
Line of edition: 21     ვისმე წარემართა უაღრეს ეფრემისსა, და ნუუკუე არცა თუ
Line of edition: 22     მსგავსად მისსა.

Line of edition: 23        და ჭეშმარიტად მსგავს არს იგი წყაროსა დაუწყუედელსა და
Line of edition: 24     მრავალფერთა წყალთა აღმომაცენებელსა, სარგებელითა და სიტკბოებითა
Line of edition: 25     და სიხარულითა განშუენებულსა, ანუ თუ სამოთხესა აღყუავებულსა
Line of edition: 26     და პირად-პირადთა ყუავილთა მიერ შემკულსა, გინა თუ ცასა
Line of edition: 27     და სამყაროსა, მრავალფერთა მათ მნათობთა მიერ განათლებულსა,
Line of edition: 28     ანუ თუ თჳთ თავადსა მას სამოთხესა ედემისასა, ურიცხუთა მათ და
Line of edition: 29     თჳთოსახეთა ნაყოფიერთა ნერგთა მიერ განბრწყინვებულსა, გარნა
Line of edition: 30     არა მომატყუებელსა ექსორიობისასა, არცა სავალსა უკეთურისა
Line of edition: 31     გუე\ლისასა, Page of ms.: B341r  ანუ თუ სხუასა რასმე კეთილსა, და საშუებელსა
Line of edition: 32     და სახარულევანსა, რომელსა-იგი მრავალთა და პირად-პირადთა ნიჭთა
Line of edition: 33     მიერ პატივ-სცა ბუნებამან. მას მიამსგავსე დიდისა ეფრემის სამგზის
Line of edition: 34     ნეტარი სული, თჳთოფერთა მათ სათნოებათა მიერ ყოვლით
Page of edition: 349   Line of edition: 1     კერძო ელვარე-ქმნილი, და ვითარცა გჳრგჳნითა გარე-შეცვული და
Line of edition: 2     შემკული, Page of ms.: A48v  რამეთუ ყოვლისავე ცხორებისა თჳსისა მიერ ესევითარი
Line of edition: 3     გულსმოდგინებაჲ მოიგო, რაჲთა არცა ერთი სათნოებათაგანი
Line of edition: 4     თანა-წარჰჴდეს ღმრთივბრწყინვალესა მას სულსა მისსა, არამედ მხოლომან
Line of edition: 5     ყოველთა წმიდათა წარმატებანი შემოიკრიბნა.

Line of edition: 6        [ႩႣ] რამეთუ ვითარცა მღდელი საღმრთოჲ მართალთა შორის
Line of edition: 7     პირველისა მის აბელის, ღმრთივშეწყნარებულსა მას მსხუერპლისა
Line of edition: 8     შეწირვასა მიემსგავსა, და შეწირა ღმრთისა არა მსხუერპლი ცხოვართაჲ
Line of edition: 9     სამწყსოჲსაგან, არცა ცმელი კრავთა და ვერძთაჲ, არამედ
Line of edition: 10     მსხუერპლი უსისხლოჲ, სიტყჳერი მსახურებაჲ, სიწმიდითა ცხორებისაჲთა
Line of edition: 11     მრგულიად დამწუარი; და ესოდენ უაღრეს იქმნა მისსა მას
Line of edition: 12     შესაწირავსა, ვიდრეღა თანა-წარჰჴდა ბოროტსა მას კაცისმკლველსა
Line of edition: 13     და განერა საბრჴეთა მათ კაცთმოძულისა მის ეშმაკისათა და დაუსრულებელსა
Line of edition: 14     მას ცხორებასა მის თანავე მკჳდრ იქმნა.

Line of edition: 15        [ႩႤ] ენოსის სასოებასა ებაძვა და მოშურნე ექმნა, და არა
Line of edition: 16     თჳთ ხოლო ხადოდა სახელსა უფლისა ღმრთისა თჳსისასა, არამედ
Line of edition: 17     სხუათაცა ასწავა, რაჲთა ხადოდინ.

Line of edition: 18        [ႩႥ] ენუქის არა უცხოჲ იგი, ქუეყანით სამოთხედ მიცვალებაჲ
Line of edition: 19     მოიგო, არამედ ნივთიერთა განსუენებათაგან სულიერად შეცვალებაჲ
Line of edition: 20     და განხრწნადთა ჴორცთა მიერ უხრწნელებისა მოგებაჲ.

Line of edition: 21        [ႩႦ] ნოვეს ებაძვა სიმართლესა, და არა ძელისა კიდობნითა
Line of edition: 22     მცირედი თესლი ცხოველთაჲ იჴსნა წყლით-რღუნისაგან, არამედ აურაცხელნი
Line of edition: 23     სულნი აცხოვნნა სწავლითა და თავი თჳსი ყოვლით კერძო
Line of edition: 24     მოჰკრძალა და ზღუაჲ ესე განძჳნებული ამის სოფლისაჲ დაუნთქმელად
Line of edition: 25     წიაღ-ვლო და ღელვათა მისთაგან უვნებელად განერა და ტჳრთი
Line of edition: 26     სათნოებათაჲ ზეცისა სავანეთა შეიკრიბა.

Line of edition: 27        [ႩჁ] აბრაჰამს მამათმთავარსა სხუათაცა მათ სათნოებათა
Line of edition: 28     სიმრავლითა ებაძვა; ესე იგი არს სარწმუნოებითა და სიმშჳდითა და
Line of edition: 29     ღმრთისა სიყუარულითა, ხოლო უფროჲს ყოვლისა -- სოფლისაგან
Line of edition: 30     სივლტოლითა და საქმეთა მისთაგან განშორებითა; ვითარცა-იგი განეშორა
Line of edition: 31     ქუეყანისაგან და ნათესავთა თჳსთა და მეგობარ უფლისა
Line of edition: 32     იწოდა, არა საყუარელისა დაკლვითა, არამედ ჴორცთა თჳსთა ნებსით
Line of edition: 33     თჳსით მოკუდინებითა და ასოთა ქუეყანისათა სრულიად განლევითა.

Page of edition: 350  
Line of edition: 1        [ႩႧ] ისაკს ემსგავსა ნეფსითითა მით და უშფოთველითა
Line of edition: 2     დაკლვითა; გარნა არა მამისა მიერ, ვითარცა იგი, რამეთუ ესე
Line of edition: 3     თჳთ თავსა თჳსსა შესწირვიდა დღითი-დღე, მსგავსად მოციქულისა,
Line of edition: 4     და ჴორცითა შეიწირვოდა ნეფსით თჳსით, ხოლო სულითა ცხოველ
Line of edition: 5     იყო და უფროჲსღა ცხოველ არს ღმრთისა, მსგავსად ვერძისა მის
Line of edition: 6     ჴორცთა თჳსთა უბიწოდ შეწირვითა.

Line of edition: 7        [Ⴊ]. იაკობს ებაძვა განბასრვითა ბილწისა ესავისითა, რომელ
Line of edition: 8     არს წვალებათა მოძღუარი, რომლისაგან მიუღო პირმშოებაჲ. ესე Page of ms.: B341v 
Line of edition: 9     იგი არს ეკლესიისა მართალი მოძღურებაჲ, და ხილვითა არა კიბეთა,
Line of edition: 10     ქუეყანით ზეცად აღმართებულთა, არამედ სუეტსა ცეცხლისასა ზეცად
Line of edition: 11     აღწევნულსა, რომელი-იგი უბრწყინვალესად-რე განუმარტებდა საიდუმლოჲსა
Line of edition: 12     ძალსა და სიღრმესა მისსა განუცხადებდა, და მერმე განყოფითა
Line of edition: 13     კურთხევათაჲთა მოწაფეთა მიმართ, ჟამსა მიცვალებისა თჳსისასა,
Line of edition: 14     ვითარცა-იგი მან აკურთხნა შვილნი თჳსნი, რომელნი-იგი უკუეთუ
Line of edition: 15     ვინ გულსმოდგინედ განიცადნეს, არარაჲთ პოვნეს უნაკლულეს კურთხევათა
Line of edition: 16     მათ დიდისა იაკობისთა.

Line of edition: 17        [ႪႠ] უფროჲსღა იოსებს მიემსგავსა ჴორცთა სიწმიდითა და
Line of edition: 18     უბიწოებითა და უმეტესად[ღა] უაღრეს მისსა იქმნა ქალწულებითა
Line of edition: 19     და განყოფითა სიტყჳსაჲთა, რომელი-იგი გარდამატებულად უაღრეს
Line of edition: 20     არს მისსა მას იფქლის განყოფასა.

Line of edition: 21        [ႪႡ] მოსეს, დიდისა მის შჯულისმდებელისა, კნინღა და
Line of edition: 22     ყოველთავე საქმეთა მიებაძვა, და ანუ თუ უმრავლესთა უეჭუელად,
Line of edition: 23     რამეთუ ესეცა ივლტოდა გონიერისა მის ფარაოჲსაგან და უდაბნოთა
Line of edition: 24     შინა იქცეოდა და ღმერთი იხილა, რაოდენ შესაძლებელ არს ხილვაჲ
Line of edition: 25     ღმრთეებისაჲ; და ნიშნი აღასრულნა და ერსა წარუძღუა მოძღურებითა
Line of edition: 26     და მეგჳპტელნი განბასრნა სიბრძნით და სიმდიდრე მათი წარიტაცა,
Line of edition: 27     რამეთუ მწვალებელთა წიგნნი წარტყუენნა და განაქიქნა და ზღუაჲ
Line of edition: 28     განაპო მარილიანი და უსუმელი ურწმუნოებითა, და მართლმადიდებელთა
Line of edition: 29     ერი წიაღ-იყვანა, და ფარაო და ერი მისი დაანთქა -- მგმობართა
Line of edition: 30     იგი უღმრთოჲ ნათესავი, და ამალეკსა მძლე ექმნა (ესე იგი არს _
Line of edition: 31     მწვალებელთა სიმრავლესა), და შჯული მართლმადიდებლობისაჲ ღმრთისა
Line of edition: 32     მიერ მოიღო და ჩუენ ყოველთა განგჳყო, და სახე იგი კარვისაჲ
Page of edition: 351   Line of edition: 1     მთასა ზედა იხილა, არა მოსეს მიერ შემზადებულისაჲ, არამედ მერმისა
Line of edition: 2     მის საშინელისა განკითხვისაჲ, და საშჯელისა და თითოეულისა
Line of edition: 3     მიგებისაჲ; და მღდელნი სრულ-ყვნა მღდელობისა კანონთა დასხმითა
Line of edition: 4     და შჯულის-დებითა და წყალი კლდისაგან აღმოაცენა, რამეთუ კლდისაჲ
Line of edition: 5     მსგავსნი გულნი ცრემლთა მდინარისა აღმომაცენებელ ყვნა. Page of ms.: A49r 

Line of edition: 6        საზრდელი ზეცით უწჳმა ერსა, ვითარცა-იგი მან მანანაჲ ისრაიტელთა,
Line of edition: 7     რომელ არიან სიყუარულისა სწავლანი, რომელნი-იგი
Line of edition: 8     უფროჲს პურისა განამტკიცებენ სულსა მორწმუნეთასა, და მერმე
Line of edition: 9     საღმრთოსა მას და საიდუმლოსა პურსა კადნიერებით ეზიარებიან,
Line of edition: 10     რომელი-იგი წიაღთაგან მამისათა ცხორებად ჩუენდა გარდამოჴდა.

Line of edition: 11        მწყერმარჴილი აღმოგჳცენა ჩუენ მორწმუნეთა, რომელ არს
Line of edition: 12     ჴსენებაჲ ღმრთისაჲ, ზეცად აღსლვისა მასწავლელი, და მუნთა მათ
Line of edition: 13     სიკეთეთა განმცდელი, და რაჲთა მოკლედ ვთქუა, რომლისაცა ძუელთა
Line of edition: 14     საქმეთაგანისა განთქუმულისა შესწორებაჲ ინებო საქმეთა მამისა
Line of edition: 15     ჩუენისათა, არარაჲთ ჰპოვნე უნაკლულეს ყოვლადვე.

Line of edition: 16        [ႦႢ] მსგავსად ისო ნავესსა იორდანე განაპო, ესე იგი
Line of edition: 17     არს დაჴშულნი ჴელნი მდიდართანი გლახაკთმოწყალებითა აღჭურნა
Line of edition: 18     და საუნჯენი მათნი ქველისმოქმედებითა განახუნა და მორწმუნეთა
Line of edition: 19     კრებულსა არა ქუეყანისა ესე აღთქუმისა ქუეყანაჲ, არამედ ზეცათა
Line of edition: 20     სასუფეველი Page of ms.: B342r  დაუმკჳდრა.

Line of edition: 21        [ႪႣ] ვითარცა სამოელ, სიჩჩოჲთგან ღმრთისა შეიწირა და
Line of edition: 22     საღმრთოჲსა ჴმისა სმენად ღირს იქმნა.

Line of edition: 23        [ႪႤ] ვითარცა დიდმან ელია, მღდელნი იგი სირცხჳლისანი
Line of edition: 24     განკიცხნა, და ცეცხლი იგი საცნაური არა ერთგზის, არამედ მრავალგზის
Line of edition: 25     სიტყჳერსა მას მსხუერპლსა ზედა გარდამოიყვანა და სათნოებათა
Line of edition: 26     ცეცხლისა ეტლითა, არა ეთერისა სიმაღლედ, არამედ
Line of edition: 27     ზეცათა სამყაროჲსა ეტლთა მფლობელ იქმნა.

Line of edition: 28        [ႪႥ] ვითარცა ელისე, მრჩობლი იგი მადლი სულისა წმიდისაჲ
Line of edition: 29     მდიდრად შეიწყნარა.

Line of edition: 30        [ႪႦ] და ვითარცა წინაჲსწარმეტყუელნი, ხილვასა და
Line of edition: 31     გამოცხადებასა ღმრთისასა მრავალგზის ღირს იქმნა.

Line of edition: 32        [ႪჁ] კადნიერ იქმნების სიტყუაჲ უფროჲსსაცა მას დედათა
Page of edition: 352   Line of edition: 1     ნაშობთასა თანა გამოძიებად დიდისა ამის მამისა
Line of edition: 2     ჩუენისა, რომელი-იგი იქმნა შევამდგომელ შჯულისა და მადლისა,
Line of edition: 3     რამეთუ მსგავსად მისსა, უდაბნოს მკჳდრ იქმნა და სიტყუაჲ ღმრთისაჲ
Line of edition: 4     იქმნა ამისსა მომართცა, და სინანულისა ქადაგად იწოდა
Line of edition: 5     და მისა მიმავალთა ცოდვათა აღსარებაჲ ასწავა.

Line of edition: 6        [ႪႧ] ვითარცა პავლე, ჭურმან რჩეულმან ეკლესიისამან,
Line of edition: 7     ყოველნივე განსაცდელნი დაითმინნა და თესვად თესლსა მას სარწმუნოებისასა
Line of edition: 8     მსგავსად მისსა არა მოიწყინა ყოვლადვე, არცა დაშურა.

Line of edition: 9        და რად საჴმარ არს თითოეულად ყოველთა წმიდათა თანაშეტყუებაჲ
Line of edition: 10     სათნოებათა მისთაჲ, რომელთა-იგი ყოველი სოფელი აღუვსიეს,
Line of edition: 11     რამეთუ რაჟამს საქმენი წამებდენ, მრავლისმეტყუელებაჲ ნამეტნავ
Line of edition: 12     არს და უფროჲსღა შეურაცხებისა კერძსა მიდრკების სიგრძე სიტყჳსაჲ,
Line of edition: 13     ვითარმცა არა კმა იყვნეს სათნოებანი მისნი მისდა შემამკობელად,
Line of edition: 14     არამედ სიტყუათა-მიერიმცა შეწევნაჲ ეჴმარებოდა.

Line of edition: 15        [Ⴋ]. ხოლო კეთილ არს, რაჲთა ვითარცა შესანელებელი რაჲმე,
Line of edition: 16     ესრეთ შევსძინოთ სიტყუასა ჩუენსა, ჟამსა აღსრულებისა მისისასა,
Line of edition: 17     მის მიერ ქმნილი საკჳრველებაჲ.

Line of edition: 18        რამეთუ ეგულებოდა რაჲ ღმერთშემოსილსა ამას კაცსა აღსლვაჲ
Line of edition: 19     ზეცისა სავანეთა, მის თანა მყოფთა მათ ამცნო, რაჲთა არა
Line of edition: 20     დაჰმარხონ იგი მრავალსასყიდლისა სამოსლითა, არამედ უკუეთუ მამის
Line of edition: 21     მოყუარე ვინმე იყოს და ესევითარი რაჲმე მოემზადოს, საქმითმცა
Line of edition: 22     ნუ სრულ-ჰყოფს,არამედ, რომელი-იგი მოჰმზადა, ჟამსა მას, რომელსა
Line of edition: 23     საფლავსა დაიდვას, გლახაკთა მიეცინ იგი.

Line of edition: 24        ხოლო ერთსა ვისმე შერაცხილთაგანსა, მუნ მდგომარესა, სამოსელი
Line of edition: 25     მრავალსასყიდლისაჲ მოემზადა, და ენება, რაჲთა საღმრთოჲსა
Line of edition: 26     მის მოხუცებულისა გუამი მითა წარგრაგნოს. ვინაჲცა, ესმა
Line of edition: 27     რაჲ განკანონებაჲ იგი, არად შეჰრაცხა, არამედ უგულებელს-ყო, და
Line of edition: 28     მომზადებულისა მის სამოსლისა გლახაკთა მიცემაჲ არა ინება, არამედ
Line of edition: 29     ესრეთ მოიგონა, ვითარმედ, რაოდენის ღირდეს, ეგოდენი საფასე გლახაკთა
Line of edition: 30     განუყოს; და არა ხოლო თუ მოიგონა, არამედ უმჯობესადცა
Line of edition: 31     შეჰრაცხა.

Line of edition: 32        და მასვე ჟამსა იწყლა იგი ეშმაკისა მიერ ბოროტისა, და ურჩებისა
Line of edition: 33     თჳსისა მწარენი მჭელეულნი მოისთულნა; ვინაჲცა თავი თჳსი
Page of edition: 353   Line of edition: 1     წინაშე სარეცელსა მას წმიდისასა დააგდო და ბოროტად იგუემებოდა
Line of edition: 2     და იღრჭენდა კბილთა და პეროოდა. ხოლო სახიერმან მან კაცმან
Line of edition: 3     ღმრთისამან ჰრქუა მას, ვითარმედ: "გჳთხარ ჩუენ, ჵ კაცო, რაჲ არს
Line of edition: 4     მიზეზი ჭირისაჲ Page of ms.: B342v  ამის, ანუ რაჲ ბოროტი გიქმნიეს, რომელმან
Line of edition: 5     ესევითარსა ამას განსაცდელსა შთაგაგდო?" ხოლო იგი სიტყუასა მას
Line of edition: 6     თანა წმიდისასა აღემართა, და დაფარული იგი გულისსიტყუაჲ თჳსი
Line of edition: 7     მიუთხრა მას და ურჩებაჲ თჳსი გამოუცხადა; და ვითარცა აღიარა,
Line of edition: 8     ტკბილმან მან და მოწყალემან მამამან კუალად განკურნა იგი და
Line of edition: 9     მრთელად და უვნებელად გამოაჩინა ლოცვითა თჳსითა და ჴელთდასხმითა,
Line of edition: 10     და მერმე ჰრქუა მას: "აღასრულე, ძმაო, აღთქუმაჲ შენი,
Line of edition: 11     ვითარ-იგი დაიდევ გონებასა შენსა".

Line of edition: 12        ესევითარი ნიში აღასრულა დასასრულსა ცხორებისა თჳსისასა
Line of edition: 13     და მუნ მდგომარენი იგი მრავალთა სწავლათა მიერ შურად სათნოებათა
Line of edition: 14     აღადგინნა; ვითარცა უკუანაჲსკნელი იგი სწავლაჲ მისი საანჯმნო-ჰყოფს,
Line of edition: 15     და მყუდროსა მას ნავთსადგურსა ზეცათა სასუფეველისასა
Line of edition: 16     მიიცვალა. Page of ms.: A49v 

Line of edition: 17        და შეეძინა საუკუნითგანთა წმიდათა შესაძინელი წმიდაჲ და
Line of edition: 18     ღმრთისა საწადელი, და აწ იშუებს იგი საყოფელთა მათ შინა საუკუნეთა,
Line of edition: 19     სადა-იგი იხარებენ მჴედრობანი ანგელოზთანი და გუნდნი მამათმთავართანი
Line of edition: 20     და კრებულნი წინაჲსწარმეტყუელთანი; სადა-იგი არიან
Line of edition: 21     საყდარნი მოციქულთანი, სადა-იგი არს სუფევაჲ მოწამეთაჲ და ფუფუნებაჲ
Line of edition: 22     მამათაჲ და ბრწყინვალებაჲ მღდელთმოძღუართაჲ და
Line of edition: 23     დღესასწაულობაჲ პირმშოთაჲ და ჴმაჲ წმიდაჲ მერმისა მის ზატიკობისაჲ;
Line of edition: 24     კეთილთა მათ შინა, რომელთაჲ სურის ანგელოზთა ჭჳრობაჲ,
Line of edition: 25     და წმიდათა მათ და ღმრთივბრწყინვალეთა ადგილთა მიიწია ნეტარისა
Line of edition: 26     და ყოვლადქებულისა მამისა ჩუენისა მრავალნეტარი იგი და
Line of edition: 27     უბიწოჲ სული.

Line of edition: 28        ხოლო ამასცა ვიტჳ, ვითარმედ, რაჟამს-იგი ზეცად აღვიდოდა,
Line of edition: 29     წინა-უძღოდეს მას სათნოებანი, რომელნი-იგი ცხორებასა ამას აღესრულნეს,
Line of edition: 30     და უჩუენებდეს მას გამოუთქუმელთა მათ და უხილავთა
Line of edition: 31     კეთილთა, და ვითარმედ პირველ ყოველთაჲსა წარმოუდგა მას უაღრესი
Line of edition: 32     იგი ყოველთა სათნოებათაჲ -- სიყუარული, და ესრეთ
Line of edition: 33     ჰრქუა: "იხილე, სულო, თუ ვითარნი კეთილნი მოგატყუენ", და სიტყუასა
Line of edition: 34     თანა უჩუენნა მას საშუებელნი იგი უოხჭნონი.

Page of edition: 354  
Line of edition: 1        და სიმდაბლემან ჰრქუა: "განიცადე, სასურველო სულო,
Line of edition: 2     და მეცა თუ ვითარი ადგილი განსასუენებელი განგიმზადე". და ეგრეთვე
Line of edition: 3     ყოველთა სათნოებათა თითოეულად, რომელთათჳს-იგი, ვიდრეღა ჴორცთა
Line of edition: 4     შინა იყო, დაშურა და მრავლითა ოფლითა და შრომითა მოიმუშაკნა,
Line of edition: 5     ყოველთავე თითოეულად თჳსნი კეთილნი და მისაგებელნი უჩუენნეს
Line of edition: 6     და ღირსი ნეტარებაჲ მიუძღუანეს.

Line of edition: 7        ეჰა, მრავალსაგალობელი ესე და საშურველი მიცვალებაჲ!

Line of edition: 8        ეჰა, არა მოქენე ესე ცრემლთაჲ სიკუდილი!

Line of edition: 9        ეჰა, განყოფაჲ ესე, სასურველისა შეერთებისა მომატყუებელი!

Line of edition: 10        ეჰა, მიცვალებაჲ, არა მომატყუებელი შენანებისაჲ!

Line of edition: 11        ეჰა, შემურვაჲ ესე, უცხოჲ შეჭირვებისაგან და შეწუხებისა და
Line of edition: 12     მგლოვარეთა და ჭირისუფალთა! -- რამეთუ კეთილთა მათთჳს მისთა,
Line of edition: 13     რომელთათჳს-იგი გჳკჳრს, მათ მიერვე ნუგეშინის-ცემასა მოვიღებთ.

Line of edition: 14        რამეთუ სხუათა მათ კაცთა შორის, მიზეზ გლოვისა ექმნების
Line of edition: 15     სიკუდილი თჳსთა მათთა და საყუარელთა, ხოლო სიკუდილი წმიდათაჲ
Line of edition: 16     სიხარულისა და დღესასწაულობისა მომატყუებელ იქმნების,
Line of edition: 17     რამეთუ არა სიკუდი\ლი Page of ms.: B343r  არს ესევითარი იგი, არამედ
Line of edition: 18     მიცვალებაჲ და უაღრესისა მიმართ მისლვაჲ.

Line of edition: 19        ესე უკუე ჩუენ მიერ, ვითარცა ძღუენი უღირსი, შემკადრებელითა
Line of edition: 20     ენითა, და ვითარცა შესხმაჲ, შეწირულ არს შენდა, ჵ მამათა
Line of edition: 21     დიდებაო და ყოვლისა სოფლისა მოძღუარო, არა თუ ვითარმცა
Line of edition: 22     საჴმარ იყო შენდა; და რამეთუ ვითარი დიდებაჲ მოატყუას სიტყუამან,
Line of edition: 23     რაჟამს ქებულისა მის ღირსებასა ვერ მისწუდებოდის, და უკუანა
Line of edition: 24     კერძო მისსა ვიდოდის, არამედ უფროჲსღა სარგებელად მსმენელთა
Line of edition: 25     და სოფელსა ამას შინა მყოფთა, რამეთუ დიდად კეთილთა მიმართ
Line of edition: 26     აღმძრველ და მაწუეველ ექმნების ღმრთისმოყუარეთა შესხმაჲ და
Line of edition: 27     ჴსენებაჲ წმიდათა და ნებისმყოფელთა ღმრთისათაჲ.

Line of edition: 28        ხოლო ამის ჴელ-ყოფისა და კადნიერებისა მიმართ აღმძრნეს
Line of edition: 29     ჩუენ სხუათაცა მრავალთა, და არა ვიტყჳ შენთა მათ წარმატებათა და
Line of edition: 30     მოძღურებასა და ცხორებასა შენსა, ყოველსა სოფელსა შინა განთქუმულსა,
Line of edition: 31     არამედ უფროჲსღა საკჳრველმან მან ჴელის-აპყრობამან
Line of edition: 32     შენმან და ჴსნამან, რომელი-იგი აჩუენე სეხნაობითა შენითა პატივცემულსა
Page of edition: 355   Line of edition: 1     ეფრემს ზედა, რომელმან-იგი მოღუაწებისა ამის მიმართ
Line of edition: 2     გუაწჳა და ჴელ-გუაყოფია, რომელი-იგი ბარბაროზთა მათგან შვილთა
Line of edition: 3     ისმაელისთა წარიტყუენა და თჳსისა მამულისაგან მრავალთა ჟამთა
Line of edition: 4     განეშორა. და მიერ რაჲ სივლტოლაჲ იჴუმია და თჳსსა ქუეყანასა
Line of edition: 5     მიჰმართა, და არა უწყოდა, ვიდრე-მცა-ვიდა, შენსა მას საკჳრველსა
Line of edition: 6     ჴელის-აპყ-რობასა მიემთხჳა, და გზისათჳსცა ეუწყა და სასოებისა
Line of edition: 7     თჳსისაგან არა ჴუებულ იქმნა, და რაჟამს-იგი თავსა განსაცდელთასა
Line of edition: 8     მიიწია და მძჳნვარებითა ბარბაროზთაჲთა შეიწრდა და არღარაჲ აკლდა,
Line of edition: 9     არამედ სიკუდილი; და ვითარცა სახელი ხოლო შენი მოიჴსენა
Line of edition: 10     და თქუა, ვითარმედ: "წმიდაო ეფრემ, შემეწიე", მყის მახე იგი სიკუდილისაჲ
Line of edition: 11     უვნებელად წიაღ-ვლო და შიში შეურაცხ-ყო და ზეშთა სასოებისა
Line of edition: 12     ცხორებასა მიემთხჳა და, მეოხებითა შენითა შეზღუდვილი, თჳსად მამულად
Line of edition: 13     მოიწია. ვინაჲცა შესხმისა შენისა აღწერად ჴელი ჩუენი განვჰმარტეთ
Line of edition: 14     და არაწმიდათა ბაგეთა მიერ ქებად შენდა კადნიერ ვიქმნენით.

Line of edition: 15        და უკუეთუ არა ფრიად ჴუებულ ვართ საწადელისა ჩუენისაგან,
Line of edition: 16     სიტყუათა ჩუენთა წარმართებისა მიზეზსა შენ მიგაჩემებთ და შენდად
Line of edition: 17     შევჰრაცხთ მადლსა ამას. ხოლო უკუეთუ ფრიად შორს ვიპოვნეთ
Line of edition: 18     ღირსებისაგან, ამისიცა მიზეზი შენვე მიგაჩემოთ (დაღაცათუ კადნიერ
Line of edition: 19     არს სიტყუაჲ ესე), რამეთუ შენ ყოვლადვე შესხმისაგან ივლტოდე,
Line of edition: 20     და ვითარცა-იგი სოფელსა შინა, ეგრეთვე Page of ms.: A50r  შემდგომად
Line of edition: 21     სიკუდილისა, სიმდაბლისა სიყუარულითა შემსხმელთა შენთა აბრკოლებ
Line of edition: 22     და არა უტევებ შესხმად; გარნა ყოველსავე ზედა ჩუენ თანანადები
Line of edition: 23     აღვასრულეთ და გურწამს, ვითარმედ არა ვიბრალნეთ შენგან, მჴურვალენი
Line of edition: 24     ესე მამის მოყუარენი, არამედ ვითარცა შვილთა საყუარელთა,
Line of edition: 25     უსრულად მზრახვალთა, ენაბრგუნვილი ესე და ჩჩჳლებრი შესხმაჲ
Line of edition: 26     მიითუალო. ხოლო შენ, რომელი-ეგე საღმრთოსა მას და ზეცათა
Line of edition: 27     საკურთხეველსა წინაშე სდგა და ცხორებისმომცემელსა მას
Line of edition: 28     და Page of ms.: B343v  ცხოველთა ცხორებასა და ყოველთა არსთა არსად მომყვანებელსა
Line of edition: 29     ყოვლადწმიდასა სამებასა ანგელოზთა თანა ჰმსახურებ, მომიჴსენენ
Line of edition: 30     ჩუენ წინაშე მისსა და გჳთხოვე ცოდვათა მოტევებაჲ და
Line of edition: 31     უოხჭნოჲსა მის სასუფეველისა ფუფუნებაჲ, ქრისტე იესუჲს მიერ,
Line of edition: 32     უფლისა ჩუენისა, რომლისაჲ არს დიდებაჲ თანადაუსაბამოჲთ მამით
Line of edition: 33     და ყოვლადწმიდით და ცხოველსმყოფელით სულითურთ, აწ და მარადის
Line of edition: 34     და უკუნითი-უკუნისამდე, ამენ.



Next part


This text is part of the TITUS edition of Gregory of Nyssa, Works.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.