TITUS
Gregory of Nyssa, Works
Part No. 12
Previous part

Text: Perfect.  
Page of edition: 297  
Line of edition: 1   ეპისტოლე წმიდისა გრიგოლი ნოსელისაჲ
Line of edition: 2   არმონიოს და კესარიონ და ულუმპოს მოღუაწეთა მიმართ

Line of edition: 3   სისრულისათჳს

Line of edition: 4   და რაჲთა უწყოდით, თუ ვითარი ჯერ-არს
Line of edition: 5   რაჲთა იყოს ჭეშმარიტი ქრისტიანე


Line of edition: 6        შუენის კეთილსა მაგას და ღმრთისმოყუარესა ნებასა და გონებასა
Line of edition: 7     თქუენსა და შეჰგავს ესევითარი ესე მოსწრაფებაჲ, რაჲთა უწყოდით
Line of edition: 8     თუ ვითარ ვინ სრულ იქმნეს სათნოდ ცხორებისა მოქალაქობითა,
Line of edition: 9     რაჲთა ესრეთ სრულებით და უნაკლულოდ წარჰმართოთ უბიწოჲ ეგე
Line of edition: 10     ცხორებაჲ თქუენი და ყოვლადღირსი მოქალაქობაჲ, ხოლო მე ყოვლით
Line of edition: 11     კერძო გამოვიძიე ცხორებასა შინა ჩემსა, უკუეთუმცა ვითარ
Line of edition: 12     შეუძლე სახისა რაჲსმე, თქუენ მიერ საძიებელისა და სასურველისა,
Line of edition: 13     პოვნად, რაჲთამცა პირველ სიტყუათაჲსა საქმეთა მიერი მოძღურებაჲ
Line of edition: 14     მიგიძღუანე, და ესრეთმცა უსარწმუნოეს იყო საღმრთოთა სწავლათა
Line of edition: 15     მითხრობაი, Page of ms.: D130v  რაჟამს ცხორებაჲ ჩუენი სიტყუათამცა ჩუენთა
Line of edition: 16     თანა დუმილით ეწამებოდა და მეტყუელებდა.

Line of edition: 17        და ამისთჳს ვილოცავ, რაჲთა იქმნეს ესე ოდესმე. ხოლო აწ არღა
Line of edition: 18     ვხედავ ესევითარსა რასმე თავსა შორის ჩემსა, რაჲთამცა სიტყუათა
Line of edition: 19     წილ ცხორებასა წარმოვაჩინებდი, არამედ რაჲთა არა სრულიად უჴმარ
Line of edition: 20     და ურგებ გამოვჩნდეთ პირისა მის მიმართ, თქუენ მიერ საძიებელისა,
Line of edition: 21     ამისთჳს, ვითარცა საგზალი რაჲმე უბიწოჲსა ცხორებისაჲ,
Line of edition: 22     საღმრთოთა წერილთაგან შეგიმზადე თქუენ ეპისტოლე ესე, შენელებული
Line of edition: 23     ღმრთივბრწყინვალედ სამოციქულოთა მათ სწავლათა მიერ, და
Line of edition: 24     ესრეთ ვჰყოფ დასაბამსა სიტყჳსასა, და ამიერ ვიწყებ.

Line of edition: 25        ყოვლადსახიერმან მეუფემან ჩუენმან იესუ ქრისტე კაცთმოყუარებითა
Line of edition: 26     თჳსითა მოგუანიჭა ჩუენ ზიარებაჲ თაყუანის-საცემელისა სახელისა
Page of edition: 298   Line of edition: 1     თჳსისაჲ, და რაჲთა სხჳსა არარაჲ\საგან Page of ms.: B262r  სახელ-გუედებოდის
Line of edition: 2     ჩუენ; არცა სიმდიდრისა, არცა წარჩინებულებისა, არცა მამათა
Line of edition: 3     და ტომთა სიმაღლისა, არცა მკოდოვთა შვილებისა, არცა სიგლახაკისა,
Line of edition: 4     არცა ჴელოვნებათა და პატივთა საჩინოებისა, არამედ რაჲთა
Line of edition: 5     ყოველნივე ესე ესევითარნი სახელნი დუმნენ, და მისსა მიმართ
Line of edition: 6     მორწმუნეთა ერთა ხოლო სახელი ჭეშმარიტი ეწოდებოდის, რომელ
Line of edition: 7     არს ქრისტიანე.

Line of edition: 8        და ვინაჲთგან ესე სახელი Page of ms.: A14v  მადლისა მიერ საღმრთოჲსა პირველითგან
Line of edition: 9     დამტკიცებულ არს ჩუენ ზედა, ჯერ-არს და თანანადებ,
Line of edition: 10     რაჲთა პირველად ნიჭისა ამის სიდიდე განვიცადოთ, რაჲთა ღირსი
Line of edition: 11     მადლობაჲ შევწიროთ ღმრთისა, რომელმან ესევითარი ესე ნიჭი მოგუანიჭა
Line of edition: 12     ჩუენ, და მერმე, რაჲთა ესევითარი ცხორებაჲ მოვიგოთ,
Line of edition: 13     ვითარსა ეძიებს დიდისა ამის სახელისა ძალი.

Line of edition: 14        ხოლო ნიჭისა ამის დიდისა ძალი, რომლითა სეხნა მეუფისა ჩუენისა
Line of edition: 15     ვიქმნენით, ესრეთ საცნაურ იქმნეს ჩუენდა, უკუეთუ ქრისტესთჳს
Line of edition: 16     მოსწავებულნი სახელნი გულისჴმა-ვყვნეთ, რაჲთა ვცნათ, რაჟამს
Line of edition: 17     ყოველთა უფალსა ლოცვათა შინა ჩუენთა ამით სახელითა უწოდდეთ
Line of edition: 18     და ვევედრებოდით, თუ ვითართა გულის-სიტყუათა მოვიგონებთ სულთა
Line of edition: 19     შინა ჩუენთა, ანუ თუ კუალად, განვიცადოთ რაჲ სახელი ესე, თუ
Line of edition: 20     ვითარითა კრძალულებითა და სარწმუნოებითა ვხადით სახელსა მისსა,
Line of edition: 21     და რაჟამს ესე გულისჴმა-ვყოთ, მერმე თუ ვითართაჲ ჯერ-არს
Line of edition: 22     ყოფაჲ ჩუენი და მოსწრაფებაჲ და Page of ms.: D131r  ცხორებაჲ, განცხადებულად
Line of edition: 23     ვისწაოთ, რაჟამს მოძღურად და წინამძღურად ცხორებისა ჩუენისა _
Line of edition: 24     საღმრთოჲ იგი სახელი ვიჴუმიოთ.

Line of edition: 25        აწ უკუე მთავარ და მასწავლელ ორისავე ამის გამოძიებისა ჩუენისა
Line of edition: 26     იყავნ პავლე მოციქული, რაჲთა უცთომელ იქმნეს სლვაჲ ჩუენი და
Line of edition: 27     საძიებელთა ამათ გამოთარგმანებაჲ, რამეთუ ამან გამოწულილვით
Line of edition: 28     გულისჴმა-ყო, თუ ვინ არს ქრისტე და თუ ვითარი ჯერ-არს, რაჲთა
Line of edition: 29     იყოს, რომელი სახელ-სდებდეს სახელსა მისსა, რომელმან-იგი პირველ
Line of edition: 30     საქმით ქმნა და მერმე სიტყჳთ წარმოაჩინა, და ესრეთ ღმრთივბრწყინვალედ
Line of edition: 31     მიემსგავსა მას, ვიდრეღა ხატი მეუფისა თჳსისაჲ
Line of edition: 32     თავსა შორის თჳსსა გამოსახა განცხადებულად და გამოწულილვით
Line of edition: 33     მიმსგავსებითა მისითა შეცვალა ხატი სულისა თჳსისაჲ, მსგავსად
Page of edition: 299   Line of edition: 1     პირმშოჲსა მის ხატისა, ვიდრეღა არღარა პავლედ საგონებელ იყო
Line of edition: 2     მეტყუელი იგი, არამედ თავადსა ქრისტესა მის შორის ცხოველად
Line of edition: 3     უწოდდა, ვითარცა იტყჳს თჳსთა მათ კეთილთა კეთილად
Line of edition: 4     გულისჴმისმყოფელი იგი, ვითარმედ: "ანუ თუ გამოცდასა ეძიებთ
Line of edition: 5     ქრისტესსა, რომელი-იგი იტყჳს ჩემ შორის", და ვითარმედ: "ცხოველ
Line of edition: 6     არღა მე ვარ, არამედ ცხოველ არს ქრისტე ჩემ შორის".
Line of edition: 7     ამან უკუე ნეტარმან, და სახელთაცა ქრისტესთა სიმაღლენი გუაუწყნა
Line of edition: 8     ჩუენ და თქუა, ვითარმედ: "ქრისტე არს ღმრთისა ძალი და ღმრთისა
Line of edition: 9     სიბრძნე". და კუალად, მშჳდობად სახელ-სდვა მას და ნათლად
Line of edition: 10     მიუახლებელად, რომელსა შინა მკჳდრ არს ღმერთი,
Line of edition: 11     და სიწმიდედ და მჴსნელად და მღდელთმთავრად
Line of edition: 12     დიდად და ზატიკად და სალხინებელად სულთა
Line of edition: 13     და ბრწყინვალებად დიდებისად და ხატად
Line of edition: 14     ძლიერებისად და შემოქმედად საუკუნეთა და
Line of edition: 15     საჭმელად და სასუმელად სულიერად და კლდედ
Line of edition: 16     და წყლად და საფუძველად სარწმუნოებისა
Line of edition: 17     და თავად Page of ms.: B262v  საკიდურად და ხატად ღმრთისა
Line of edition: 18     უხილავისა და ღმრთად დიდად და თავად
Line of edition: 19     გუამისა მის ეკლესიისა და პირმშოდ ახლისა
Line of edition: 20     დაბადებულისა და დასაბამად შესუენებულთა
Line of edition: 21     და პირმშოდ მკუდართა და პირმშოდ
Line of edition: 22     მრავალთა შორის ძმათა და შუვამდგომელად ღმრთისა
Line of edition: 23     და კაცთა და ძედ მხოლოდშობილად,
Line of edition: 24     დიდებითა და პატივითა გჳრგჳნოსანად Page of ms.: D131v  და
Line of edition: 25     უფლად დიდებისად და დასაბამად დაბადებულთა
Line of edition: 26     და მეუფედ სიმართლისად და მეუფედ მშჳდობისა
Line of edition: 27     და მეუფედ ყოველთა, რომელსა-იგი გარეშემოუწერელად
Line of edition: 28     აქუს სიმტკიცე მეფობისაჲ, და სხუანი ესევითარნი
Line of edition: 29     მრავალნი, რომელთა აღრიცხუვაჲ არა ადვილ არს, და რაჟამს ესე
Page of edition: 300   Line of edition: 1     ყოველნი ურთიერთას შეიერთნენ, თითოეულისა სახელისა ძალი,
Line of edition: 2     თავისა მიერ თჳსისა უწყებულისა მის გამოცხადებისა შემოღებითა,
Line of edition: 3     სახისმეტყუელებასა რასმე და გამოჩინებასა ქრისტესსა სახელთა მათ
Line of edition: 4     მიერ გულისჴმა-გჳყოფს, და, რაოდენი ძალ-გჳც განცდად სულითა,
Line of edition: 5     ეგოდენსა გჳჩუენებს ჩუენ გამოუთქუმელისა მის სიმდიდრისა ძალსა
Line of edition: 6     და სიდიდესა, ხოლო ვინაჲთგან ყოვლისა პატივისა და ჴელმწიფებისა
Line of edition: 7     და ძლიერებისა უმაღლეს არს მეფობისა პატივი, და სახელი
Line of edition: 8     ქრისტესი, პირველი და ჭეშმარიტი, მეფობისა სიმტკიცესა მოასწავებს,
Line of edition: 9     ხოლო ვითარცა წიგნნი გუაუწყებენ, წინა-უძღჳს ცხებაჲ
Line of edition: 10     მეფობასა, ხოლო მეფობაჲ ყოველთა მათ სხუათა სახელთა ძალსა
Line of edition: 11     შემოიკრებს და შეიცავს; ამისთჳს, რომელმანცა უაღრესი იგი და თავი
Line of edition: 12     ყოველთა სახელთაჲ გულისჴმა-ყოს, მას სხუათა მათცა, შემდგომთა
Line of edition: 13     მისთა, სახელთა ძალი თითოეულად გულისჴმა-უყოფიეს. ესე იგი
Line of edition: 14     არს მეუფებაჲ რომლისა გამომაჩინებელი სახელი ქრისტეს სახელის-დებაჲ
Line of edition: 15     არს. Page of ms.: A15r 

Line of edition: 16        აწ უკუე, ვინაჲთგან პირველისა და დიდისა და უაღრესისა სახელთაჲსა
Line of edition: 17     სახიერებითა მეუფისა ჩუენისაჲთა იქმნა ზიარებაჲ ჩუენი,
Line of edition: 18     და რაჲთა სეხნაობითა ქრისტესითა პატივცემულთა ქრისტიანედ
Line of edition: 19     გუეწოდებოდის, საჭირო არს და თანაწარუვალ, რაჲთა ყოველნივე
Line of edition: 20     იგი სახელნი, რომელნი ძალსა ამის სახელისასა განაცხადებენ, ჩუენ
Line of edition: 21     შორისცა იხილვებოდინ, რაჲთა არარაჲ ამაოჲ და ტყუვილისა სახელი
Line of edition: 22     გუეწოდებოდის, რამეთუ არა თუ წოდებაჲ იქმს საქმესა წოდებისასა,
Line of edition: 23     არამედ წოდებისა მის გამომაჩინებელი ბუნებაჲ, ვითარცა
Line of edition: 24     იყოს, შეერთებითა მით სახელისაჲთა, და შემდგომებითა საცნაურ
Line of edition: 25     იქმნების. ესე იგი არს, რამეთუ, უკუეთუ ხესა ვინმე გინა კლდესა
Line of edition: 26     სახელი კაცისაჲ Page of ms.: D132r  უწოდოს, ნუუკუე წოდებისა მის ძლით კაც
Line of edition: 27     იქმნესა ხე იგი გინა კლდე? -- ნუ იყოფინ! არამედ პირველად ჯერარს,
Line of edition: 28     რაჲთა კაცი იყოს, და მერმეღა წოდებად სახელი ბუნებისაჲ,
Line of edition: 29     რამეთუ არცაღა სახეთა და მსგავსებათა წოდებასა აქუს ჭეშმარიტებაჲ,
Line of edition: 30     რაჲთამცა, უკუეთუ ვინ კერპსა და ძეგლსა და მსგავსებასა
Line of edition: 31     ცხენისასა კაცად და ცხენად უწოდა, დამტკიცნა-მცა წოდებაჲ
Line of edition: 32     მისი და ბუნებაჲ. არამედ, უკუეთუ ჰნებავს რაჲსამე ჭეშმარიტად და
Page of edition: 301   Line of edition: 1     უტყუველად წოდებაჲ, ჭეშმარიტებაჲ იგი წოდებისაჲ საცნაურ ყავნ
Line of edition: 2     ბუნებისაგან და მოძრავობისა. ხოლო ნივთსა მას, შემწყნარებელსა
Line of edition: 3     სახისასა, ვითარიცა იყოს, ეგევითარიცა სახელი ეწო\დენ, Page of ms.: B263r  ესე
Line of edition: 4     იგი არს, გინა რვალი გინა ქვაჲ ანუ თუ სხუაჲ ესევითარი რაჲმე,
Line of edition: 5     რომელსა-იგი ჴელოვნებამან შთააცუა სახე, ვითარიცა ენება.

Line of edition: 6        ვინაჲცა, რომელნი ქრისტეს სახელისაგან სახელ-სდებდენ თავთა
Line of edition: 7     თჳსთა, პირველად თანა-აც, რაჲთა ეგევითარნი იქმნენ, ვითართა ეძიებს
Line of edition: 8     წესი იგი მაღლისა მის სახელისაჲ, და მერმეღა წოდებად წოდებაჲ
Line of edition: 9     იგი ეგევითარისა მის სახელისაჲ. რამეთუ, ვითარცა უკუეთუ ვინმე
Line of edition: 10     განჰყოფდეს ჭეშმარიტისა კაცისაგან სახესა, კაცისა სახელითა წოდებულსა,
Line of edition: 11     შემსგავსებულთა თჳთებათაგან იქმს განწვალებასა, და ერთსა
Line of edition: 12     მას ცხოველად პირმეტყუელად უწოდს, გონებისა და
Line of edition: 13     ჴელოვნებისა შემწყნარებელად, ხოლო მეორესა მას -- ნივთად უსულოდ,
Line of edition: 14     მსგავსებისა მიერ მიმღებელად ხატისა. ეგრეთვე ქრისტიანე
Line of edition: 15     ჭეშმარიტი და საგონებელი, წარმოჩინებულითა ხატოვნებითა თითოეულისა
Line of edition: 16     მსგავსებისაჲთა ვიცნნეთ. ხოლო ხატი ჭეშმარიტისა ქრისტიანისაჲ
Line of edition: 17     არს იგი ყოველი, რომელი ქრისტესთჳს გულისჴმა-ვყავთ,
Line of edition: 18     რომელთა-იგი, რაოდენიცა ეტევის ბუნებასა შინა ჩუენსა, მივემსგავსებით,
Line of edition: 19     და რაოდენი არა ეტევის, პატივ-ვსცემთ და თაყუანის-ვსცემთ
Line of edition: 20     ვინაჲცა ყოველნივე იგი ქრისტეს მომასწავებელნი სახელნი ჯერ-არს,
Line of edition: 21     რაჲთა ბრწყინვიდენ ცხორებასა შინა ქრისტიანისასა; რომელნიმე
Line of edition: 22     მიბაძვითა და რომელნიმე თაყუანის-ცემითა, უკუეთუ ჰნებავს კაცსა
Line of edition: 23     მას ღმრთისასა, რაჲთა სრულ იყოს და უნაკლულო, სიტყჳსაებრ
Line of edition: 24     მოციქულისა, და რაჲთა არა რომლითა სახითა სიბოროტისაჲთა
Line of edition: 25     განჰრყუნიდეს შუენიერებასა და სიმრთელესა თჳსსა; ვითარცა, რომელნი-იგი
Line of edition: 26     საწარმართ\ოთა Page of ms.: D132v  მათ ზღაპართა წარჰრევენ, და გინა თუ
Line of edition: 27     სიტყჳთ და გინა თუ გამოხატვით ცხენკაცთა რათმე და ვირ-დევთა და
Line of edition: 28     ჴარისთავთა და ვეშაპფერჴთა ანუ თუ სხუასა რასმე ესევითარსა,
Line of edition: 29     სხუათა და სხუათა აგებულებათაგან წარმოაჩენენ და შეაერთებენ.
Line of edition: 30     არა თუ პირმშოჲსა სახისა მიმართ და ბუნებისა აღიყვანებენ მსგავსებასა
Line of edition: 31     მას, არამედ ბუნებასა აგინებენ უჯეროჲთა მით წარევნითა,
Line of edition: 32     და თანა-წარჰვლენ საზღვარსა ბუნებათასა, და სხუასა რასმე უარსებოსა
Page of edition: 302   Line of edition: 1     და ამაოდ მოპოვნებულსა გამოსახვენ, და არა კაცსა.

Line of edition: 2        და ვინმცა უწოდა კაცად ესევითარსა მას ამაოდ მოგონებულსა
Line of edition: 3     და უცხოსახედ შეერთებულსა, დაღაცათუ კერძოჲთა რაჲთმე კაცობრივისა
Line of edition: 4     გუამისა მსგავსებაჲ აქუნდეს მოპოვნებულსა მას და ველურსა
Line of edition: 5     სახესა.

Line of edition: 6        ეგრეთვე, არცა ვის ჭეშმარიტად ქრისტიანედ სახელ-ედების,
Line of edition: 7     რომლისა თავი პირუტყჳსაჲ იყოს, ესე იგი არს, რომელსა თავი იგი
Line of edition: 8     ყოველთაჲ, რომელ არს სიტყუაჲ, სარწმუნოებასა შინა არა აქუნდეს,
Line of edition: 9     დაღაცათუ სხჳთა საქმითა მრთელ იყოს; და ანუ თუ თავსა მას
Line of edition: 10     სარწმუნოებისასა არა შეამსგავსოს გუამი იგი მოქალაქობისა თჳსისა
Line of edition: 11     და ცხორებისაჲ; და ანუ თუ რისხვითა ვეშაპთაჲთა აღივსებოდის და
Line of edition: 12     მსგავსად ქუეწარმავალთა მათ განმჴეცდებოდის, ანუ თუ ცხენ მცბიერ
Line of edition: 13     იქმნებოდის და მათსა მას სიბორგილესა არაწმიდებისა მიერ და
Line of edition: 14     სიძვისა კაცობრივსა სახესა შეჰმოსდეს; და Page of ms.: B263v  ორცხოველ რაჲმე და
Line of edition: 15     ვირ-დევ, პირმეტყუელებისაგან და პირუტყუებისა შეიმზადებოდის. Page of ms.: A15v 

Line of edition: 16        და ესევითარნი მრავალნი იხილვებიან კუროჲსა და ჴბოჲსა თავითა,
Line of edition: 17     რომელ არს ანგაჰრებისა კერპთმსახურებაჲ, და რეცა წესიერსა
Line of edition: 18     ცხორებასა იჩემებენ ორგულებით, ვითარცა მინოტავროჲსთჳს დასწერენ,
Line of edition: 19     რომელნი-იგი ქრისტიანობისა წესსა მჴეცებრივსა გუამსა უწესოდ
Line of edition: 20     ცხორებითა შეაყოფენ, ვითარცა ვირ-დევთა და ფერჴვეშაპთა სახესა.

Line of edition: 21        აწ უკუე, რაჲთა ვითარცა გუამი კაცობრი\ვი Page of ms.: D133r  ყოვლითურთ
Line of edition: 22     მრთელ იყოს და განურყუნელ, ეგრეთვე ჯერ-არს ქრისტიანისაჲ,
Line of edition: 23     რაჲთა ყოველნივე სარწმუნოებისა სახენი და ხატნი კეთილად ცხორებისა
Line of edition: 24     მიერ მოქალაქობასა შინა თჳსსა გამოწერნეს, რამეთუ, უკუეთუ
Line of edition: 25     რომლითამე ესევითარი იყოს, ვითარი ქრისტიანობისა სახელსა
Line of edition: 26     ჰნებავს, და რომლითამე წინააღმდგომისა კერძსა მიდრკებოდის, ესევითარი
Line of edition: 27     იგი სხუაჲ არარაჲ არს, არამედ სახედ მბრძოლისა; თჳთ
Line of edition: 28     თავით თჳსით თავისა მიმართ თჳსისა მბრძოლ არს და განმბძარველ,
Line of edition: 29     და სათნოებისა მიერ და სიბოროტისა თავისა თჳსისა განმკუეთელ, და
Line of edition: 30     დაუგებელითა მით ბრძოლითა ყოვლისავე ცხორებისა თჳსისა განმლეველ.
Line of edition: 31     ხოლო რაჲ ზიარებაჲ არს ნათლისა და ბნელისაჲ, სიტყჳსაებრ
Line of edition: 32     მოციქულისა.

Line of edition: 33        ვინაჲთგან უკუე შეუზავებელ არიან ნათელი და ბნელი, და შუაკედელი
Page of edition: 303   Line of edition: 1     არა იქმნების დამაყენებლ წინააღმდგომისა მათისა, რომელი
Line of edition: 2     ორთავე მათ შეიტკბობდეს და თითოეულსა მათსა შეეზავებოდის და
Line of edition: 3     ერთისა რომლისაგანმე არა იჯმნიდეს ურთიერთას წინააღდგომისათჳს
Line of edition: 4     უღონო არს, რაჲთამცა ეგევითარი იგი არა ორად განიკუეთა,
Line of edition: 5     რაჟამს შემრღუეულითა ცხორებითა ერთბამად ნათელ და ბნელ იქმნებოდის
Line of edition: 6     და სარწმუნოებაჲ განანათლებდეს, ხოლო ბნელი იგი და
Line of edition: 7     უწესოჲ ცხორებაჲ ნათელსა სარწმუნოებისასა დააშავებდეს. ვინაჲთგან
Line of edition: 8     უკუე შეურყვნელ არს და მოუზავებელ ნათელი ბნელისა
Line of edition: 9     მიმართ, მაშა, რომელი ორთა წინააღმდგომთა მიმართ განიწვალებოდის,
Line of edition: 10     არა მბრძოლი არსა იგი თავისა თჳსისაჲ? -- ჰე, ჭეშმარიტად;
Line of edition: 11     რამეთუ ორად განიყოფვის, -- სათნოებად და სიბოროტედ, და თავისა
Line of edition: 12     თჳსისა სახედ მტერისა მბრძოლ იქმნების, და ვითარცა ორთა
Line of edition: 13     მბრძოლთაჲ არა ეგების, რაჲთამცა ორნივე ურთიერთას მძლედ
Line of edition: 14     გამოჩნდეს, რამეთუ ერთისა მის ძლევაჲ სიკუდილსა მოატყუებს მეორესა,
Line of edition: 15     და ეგრეთვე, ტომითი ესე ბრძოლაჲ, შემრღუეულისა ცხორებისა
Line of edition: 16     მიერ მოწევნული, არა იძლევის, უკუეთუ უაღრესისა კერძისა
Line of edition: 17     შეწევნითა უდარესი იგი კერძი არა განიხრწნეს. Page of ms.: D133v 

Line of edition: 18        რამეთუ ღმრთისმსახურებისა მჴედრობაჲ ვითარ იქმნეს უაღრეს
Line of edition: 19     სიბოროტისა, რაჟამს მწყობრი იგი წინააღმდგომთაჲ უჴდებოდის მას
Line of edition: 20     და ჰბრძოდის? არამედ, უკუეთუ ჰნებავს, რაჲთა მძლე ექმნეს უაღრესი,
Line of edition: 21     მოიკალნ წინააღმდგომი, და ესრეთღა სათნოებამან სიბოროტისა
Line of edition: 22     მიმართ აღიღოს ძლევაჲ, რაჟამს ყოველივე წინააღმდგომი და
Line of edition: 23     მჴდომი გულისსიტყუათა კეთილთა თა\ნამოღუაწებითა Page of ms.: B264v  და შეწევნითა
Line of edition: 24     სრულიად იავარ-იქმნეს და დაირღუეს და წარწყმდეს, და
Line of edition: 25     ესრეთ სრულ-იქმნეს სიტყუაჲ ღმრთისაჲ, რომელსა იტყჳს წინაჲსწარმეტყუელისა
Line of edition: 26     მიერ, ვითარმედ: "მე მოვაკუდინო და ვაცხოვნო",
Line of edition: 27     რამეთუ შეუძლებელ არს ჩემ შორის კეთილისა განცხოველებაჲ,
Line of edition: 28     არა თუ სიკუდილითა მტერისაჲთა განცხოველდეს მბრძოლი ჩემი.

Line of edition: 29        ხოლო ვიდრემდის ორთა მიმართ განყოფილ ვიყვნეთ და თითოეულითა
Line of edition: 30     ჴელითა წინააღმდგომთა მათ შევიპყრობდეთ, შეუძლებელ
Line of edition: 31     არს ორთავე ერთბამად შეტკბობაჲ, რამეთუ, რაჟამს სიბოროტესა
Page of edition: 304   Line of edition: 1     შევიტკბობდეთ, სათნოებაჲ ჴელთაგან განივლტის და განიჭრების.

Line of edition: 2        ვინაჲცა მოვედით და კუალად თავითგანვე ვიწყოთ და დასაბამი
Line of edition: 3     სიტყჳსა ჩუენისაჲ მოვიჴსენოთ. რამეთუ ვიტყოდეთ, ვითარმედ ერთი
Line of edition: 4     გზაჲ, დიდი და მაღალი, საღმრთოჲსა ცხორებისაჲ, სათნოებისა მოყუარეთათჳს
Line of edition: 5     ესე არს, რაჲთა უწყოდინ, თუ რასა მოასწავებს სახელი
Line of edition: 6     ქრისტესი, რომლისაჲ-იგი თანა-გუაც, რაჲთა მივამსგავსოთ ცხორებაჲ
Line of edition: 7     ჩუენი, წმიდათა მათ სახელთა მისთა მოძღურებისაებრ, რომელნი
Line of edition: 8     სათნოებისა მიმართ მასწავლელ გუექმნებიან.

Line of edition: 9        რავოდენნიცა უკუე დაწყებასა სიტყჳსა ჩუენისასა სახელნი და
Line of edition: 10     სიტყუანი და გულისჴმის-ყოფანი წმიდისა მისგან პავლეს მოძღურებისა
Line of edition: 11     ქრისტეს სახელისა მაუწყებელად გამოვარჩიენით, ესენი წინაშე
Line of edition: 12     ჩუენსა დავისხნეთ სახედ წინამდებარისა ამის საძიებელისა ჩუენისა,
Line of edition: 13     რაჲთა სათნოდ ცხორებისა მიმართ გუექმნენ ჩუენ უცთომელ და
Line of edition: 14     ღმრთივბრწყინვალე წინამძღუარ, რაჲთა რომელთამე მიმემსგავსებოდით,
Line of edition: 15     ვითარცა ზემო ვთქუთ, ხოლო რომელთამე თაყუანის-ვსცემდეთ
Line of edition: 16     და პატივ-ვსცემდეთ. ხოლო იქმენინ ჩუენდა სახელთა მათ
Line of edition: 17     განხილვისა და Page of ms.: D134r  გულისჴმის-ყოფისა შემდგომითი-შემდგომად
Line of edition: 18     ზემო მოჴსენებისა წესი.

Line of edition: 19        პირველად უკუე პირველთაგან ვიწყოთ, რამეთუ იტყჳს, ვითარმედ:
Line of edition: 20     "ქრისტე ღმრთისა ძალი და ღმრთისა სიბრძნე". Page of ms.: A16r  ამათ მიერ
Line of edition: 21     პირველად ღმრთივშუენიერთა და მაღალთა გულისჴმის-ყოფათა ქრისტეს
Line of edition: 22     სახელის-დებითა ვისწავებთ, რომელთა მიერ იქების და იდიდების
Line of edition: 23     სახელი მისი ჩუენ მიერ. ვინაჲთგან ყოველივე დაბადებული, ხილული
Line of edition: 24     და უხილავი, მის მიერ დაებადა და მის მიერ დამტკიცნა და მის მიერ
Line of edition: 25     ჰგიეს, ამისთჳსცა საზღვარსა შინა ქრისტეს სახელისასა, რომელმან-იგი
Line of edition: 26     ყოველივე დაჰბადა, ჯეროვნად შეყოფილ არიან სიბრძნე
Line of edition: 27     და ძალი. ხოლო ორთა ამათ მიერ, რომელ არიან სიბრძნე და
Line of edition: 28     ძალი, ესე გუეცნობების ჩუენ და ამას ვისწავებთ ვითარმედ: არამცა
Line of edition: 29     იყვნეს დიდნი ესე და გამოუთქუმელნი დაბადებისა საკჳრველებანი,
Line of edition: 30     უკუეთუმცა არა სიბრძნესა მოეგონა დაბადებაჲ მათი, და ძალიმცა არა
Line of edition: 31     შეყოფილ იყო სიბრძნისადა, მოგონებულთა მათ სრულ-ყოფად, რომლისა
Line of edition: 32     მიერ მოგონებაჲ საქმით სრულ იქმნების. ხოლო განიყოფვის
Page of edition: 305   Line of edition: 1     ურთიერთას მრჩობლად გულისჴმის-ყოფად სახელი ქრისტესი; ესე
Line of edition: 2     იგი არს სიბრძნედ და ძალად, რაჲთა, რაჟამს სიდიდესა ამას
Line of edition: 3     არსთა აგებულებისასა მივხედნეთ, გამოუთქუმელი იგი ძალი მისი
Line of edition: 4     ხილულთა ამათ და მისაწდომელთა მიერ გავიცადოთ. ხოლო რაჟამს
Line of edition: 5     გამოვეძიებდეთ, თუ ვითარ არაარსნი არსებად და დაბადებად მოვიდეს
Line of edition: 6     მრავალსახეთა ამათ არსებათა ბუნებისა, და საღმრთოჲთა წამისყოფითა
Line of edition: 7     წარმოიჩინნეს და სრულ იქმნნეს, მაშინ მიუწდომელსა მას
Line of edition: 8     Page of ms.: B264v  სიბრძნესა, სრულმყოფელსა მათსა, თაყუანის-ვსცეთ, რომლისა
Line of edition: 9     მოგონებაჲ -- საქმე არს განსრულებული.

Line of edition: 10        ხოლო რაჟამს გურწმენეს, ვითარმედ ქრისტე ძალ არს და
Line of edition: 11     სიბრძნე კეთილთა მოგებისა მიმართ, არა ურგებ და უქმ იქმნების
Line of edition: 12     ჩუენდა ესევითარი იგი სარწმუნოებაჲ. რამეთუ რომელსა-იგი ვინ
Line of edition: 13     ხადოდის ლოცვასა შინა, და რომლისა-იგი მიმართ თუალითა სულისაჲთა
Line of edition: 14     ხედვიდეს, ესევითარსა მას ლოცვისა მის მიერ თჳსისა თავისა
Line of edition: 15     მიმართ თჳსისა მოიზიდავს. და ესრეთ, ძალისა მიერ განმტკიცნების
Line of edition: 16     შინაგანითა კაცითა, რომელი ძალისა მიმართ ხედვიდეს, ვითარცა
Line of edition: 17     მოციქული იტყჳს. ხოლო ძალი ქრისტე არს და ბრ\ძენ Page of ms.: D134v 
Line of edition: 18     იქმნების, ვითარცა იგავთა წერილ არს: რომელი სიბრძნესა ხადოდის,
Line of edition: 19     რომელ არს უფალი, ვინაჲცა რომელსა სეხნად და თანამოსახელედ
Line of edition: 20     ქრისტესა ეწოდებოდის, ეწოდების მას სიბრძნედ და
Line of edition: 21     ძალად. ძალად -- ამისთჳს, რამეთუ ცოდვისა მიმართ განძლიერდების
Line of edition: 22     და ერევის მას, და სიბრძნედ -- რამეთუ სიბრძნესა გამოაჩინებს
Line of edition: 23     თავსა შორის თჳსსა უმჯობესისა გამორჩევითა. ხოლო რაჟამს
Line of edition: 24     სიბრძნე და ძალი ჩუენ შორის იხილვებოდინ, და სიბრძნე
Line of edition: 25     კეთილსა მოგუაგონებდეს, ხოლო ძალი მოგონებულსა მას დაამტკიცებდეს,
Line of edition: 26     ორთავე ამათ მიერ სრული და უცთომელი ცხორებაჲ
Line of edition: 27     წარემართების.

Line of edition: 28        ეგრეთვე მშჳდობად რაჲ გულისჴმა-ვყოთ ქრისტე, ჭეშმარიტებაჲ
Line of edition: 29     ქრისტეს სახელისაჲ თავთა მიერ ჩუენთა გამოვაჩინოთ, რაჟამს
Line of edition: 30     თავთა შორის ჩუენთა და ცხორებასა შინა ჩუენსა სახედ ქრისტესა
Line of edition: 31     მშჳდობა ვყოთ. რამეთუ მან, სიტყჳსაებრ მოციქულისა, მტერობაჲ
Line of edition: 32     მოაკუდინა, არცა ჩუენ განვაცხოველოთ იგი თავთა შორის ჩუენთა,
Line of edition: 33     არამედ ცხორებისა მიერ ჩუენისა მკუდრად გამოვაჩინოთ, რაჲთა
Page of edition: 306   Line of edition: 1     ნუუკუე საცხორებელად ჩუენდა ღმრთისა მიერ კეთილად მოკლული
Line of edition: 2     იგი ჩუენ რისხვისა მიერ და ძჳრისჴსენებისა წარმწყმედელად სულთა
Line of edition: 3     ჩუენთა და მოსასრველად, ბოროტად აღდგინებად კუალად აღუდგინოთ
Line of edition: 4     იგი თავთა თჳსთა, რომელი-იგი კეთილად მოიკლა.

Line of edition: 5        არამედ უკუეთუ ქრისტე გურწამს ჭეშმარიტად მშჳდობად, ჩუენცა
Line of edition: 6     თავთა შორის ჩუენთა მტერობაჲ მოვაკუდინოთ, რაჲთა, რომელი-იგი
Line of edition: 7     მისთჳს გურწამს, ესე ჩუენსაცა ცხორებასა შინა მოვიგოთ,
Line of edition: 8     და არა ხოლო თუ მოვიგოთ, არამედ წარვჰმართოთ-ცა; რაჲთა, ვითარცა-იგი
Line of edition: 9     მან შუვაკედელი იგი მტერობისაჲ დაჰჴსნა და ორივე
Line of edition: 10     იგი დაჰბადა თავისა მიერ თჳსისა ერთად ახლად კაცად, და ყო
Line of edition: 11     მშჳდობაჲ, ეგრეთვე ჩუენ დავიგნეთ, არა ხოლო თუ გარეშე მბრძოლნი
Line of edition: 12     ჩუენნი, არამედ ჩუენ შორისცა მაშფოთებელნი იგი, რაჲთა არღარა
Line of edition: 13     გული-უთქუმიდეს ჴორცთა სულისათჳს, და არცა სულსა -- ჴორცთათჳს,
Line of edition: 14     არამედ რაჲთა დაემორჩილოს ჴორციელი განზრახვაჲ შჯულსა
Line of edition: 15     საღმრთოსა, და ესრეთ, ვჰყოფთ მშჳდობასა თავთა შორის ჩუენთა და
Line of edition: 16     ერთად ახლად კაცად მშჳდობისად შევიმზადებით, და ორნი ერთობად
Line of edition: 17     მოვალთ. რამეთუ საზღვარი მშჳდობისაჲ Page of ms.: D135r  ესე არს, რაჲთა
Line of edition: 18     განყოფილნი ერთობად მოვიდენ.

Line of edition: 19        აწ უკუე, რაჟამს დაიჴსნეს ბუნებისაგან ჩუენისა ტომითი ესე
Line of edition: 20     ბრძოლაჲ, მაშინ ჩუენცა ჩუენ შორის მშჳდობა ვყოფთ, და ვიქმნებით
Line of edition: 21     მშჳდობა, და მტკი\ცესა Page of ms.: A16v  და ჭეშმარიტსა სახელისმოდგამებასა
Line of edition: 22     ქრისტესსა თავთა შორის ჩუენთა გამოვაჩინებთ.

Line of edition: 23        ხოლო ნათლად რაჲ ჭეშმარიტად და ტყუვილისაგან შეუხებელად
Line of edition: 24     Page of ms.: B265r  უწოდოთ ქრისტესა, ამას ვისწავებთ, ვითარმედ:
Line of edition: 25     ჯერ-არს, რაჲთა ჩუენიცა ცხორებაჲ ჭეშმარიტისა მის ნათლისა ბრწყინვალებათაგან
Line of edition: 26     განვანათლოთ, ხოლო ბრწყინვალებანი ესე, რომელნი
Line of edition: 27     მზისა მისგან სიმართლისა განმანათლებელად ჩუენდა გამოჰკრთებიან,
Line of edition: 28     სათნოებანი არიან, რომელთა მიერ იქმნების განშორებაჲ საქმეთა
Line of edition: 29     ბნელისათაჲ, და ვითარცა დღესა შინა შუენიერად სლვაჲ, და
Line of edition: 30     უვარ-ყოფაჲ და მოძაგებაჲ საქმეთა სირცხვლისათაჲ, და ყოველსავე
Line of edition: 31     ნათელსა შინა ქმნაჲ, რაჲთა ესრეთ თჳთცა ნათელ იყოს და
Page of edition: 307   Line of edition: 1     სხუათაცა განანათლებდეს საქმეთა მიერ კეთილთა, რამეთუ ესე
Line of edition: 2     არს საქმე ნათლისაჲ.

Line of edition: 3        და სიწმიდედ რაჲ უწოდოთ ქრისტესა, ამას გულისჴმავჰყოფთ,
Line of edition: 4     რაჲთა ყოვლისავე ბილწისა და არაწმიდისა საქმისაგან და
Line of edition: 5     გულისსიტყჳსა თავნი თჳსნი განვაშორნეთ და ზიარ ჭეშმარიტ სახელისა
Line of edition: 6     მისისა გამოვაჩინნეთ, და არა სიტყჳთ, არამედ საქმით სიწმიდისა
Line of edition: 7     იგი ძალი ცხორებისა მიერ ჩუენისა გამოვაცხადოთ.

Line of edition: 8        ხოლო გამოჴსნად რაჲ და მჴსნელად უწოდოთ ქრისტესა,
Line of edition: 9     რომელმან-იგი საჴსრად ჩუენდა მისცა თავი თჳსი, ამას ვისწავებთ,
Line of edition: 10     რამეთუ ვითარცა სასყიდელი კაცად-კაცადისა სულისაჲ, მომცა
Line of edition: 11     ჩუენ უკუდავებაჲ და ერად მოგებულად სიკუდილისაგან ჴსნილნი
Line of edition: 12     ესე და მოსყიდულნი გამოგუაჩინნა ცხორებისა მიერ.

Line of edition: 13        აწ უკუე, უკუეთუ მონანი ვართ გამომჴსნელისა ჩუენისანი, განაღა
Line of edition: 14     უეჭუელად თანა-გუაც, რაჲთა უფალსა მას ჩუენსა შეუდგეთ და მისა
Line of edition: 15     მიმართ ვხედვიდეთ, და რაჲთა არა თავთა თჳსთათჳს ცხოველ
Line of edition: 16     ვიყვნეთ, არამედ მომგებელისა მის ჩუენისა და მომსყიდელისა ცხოველსმყოფელისა,
Line of edition: 17     და რამეთუ არღარა ვართ უფალ თავთა თჳსთა,
Line of edition: 18     არამედ, რომელმან-იგი მოგჳყიდნა, იგი არს მფლობელ და მეუფე
Line of edition: 19     თჳსთა Page of ms.: D135v  მონათა, ხოლო ჩუენ -- მონა და მონაგებ მისა.

Line of edition: 20        ვინაჲცა შჯულ ცხორებისა ჩუენისა იყავნ ჩუენდა ნებაჲ მეუფისა
Line of edition: 21     ჩუენისაჲ, რამეთუ ვითარცა-იგი სიკუდილი რაჲ სუფევდა ჩუენ ზედა,
Line of edition: 22     შჯული იგი ცოდვისაჲ მოქალაქობდა ჩუენ შორის. ეგრეთვე, ვინაჲთგან
Line of edition: 23     მონაგებ ცხორებისა ვიქმნენით, თანანადებ არს და ღირს,
Line of edition: 24     რაჲთა მფლობელისა ჩუენისა მიმართ მივცვალოთ მოქალაქობაჲ ჩუენი;
Line of edition: 25     ნუუკუე ნებისა მისგან ცხორებისა ჩუენისა განვცჳვეთ და კუალად
Line of edition: 26     ბოროტისა მის მიმართ მძლავრისა და სულთა მკლველისა სიკუდილისა,
Line of edition: 27     ცოდვისა მიერ მივისწრაფოთ. ხოლო ესევითარი ესე კეთილი
Line of edition: 28     გონებაჲ საკუთარ და საყუარელ გუყოფს ჩუენ უფლისა.

Line of edition: 29        და ზატიკად რაჲ და მღდელთმოძღურად უწოდის ქრისტესა
Line of edition: 30     პავლე, ამას ვისწავებთ, რამეთუ ჭეშმარიტად ზატიკად ჩუენდა
Line of edition: 31     დაიკლა ქრისტე; და მღდელთმოძღუარ, რომელმან შეწირა
Line of edition: 32     ღმრთისა მსხუერპლად თავი თჳსი, არავინ არს სხუაჲ, არამედ ქრისტე;
Page of edition: 308   Line of edition: 1     ვითარცა იტყჳს, ვითარმედ: თავი თჳსი შეწირა მსხუერპლად და
Line of edition: 2     შესაწირავად ჩუენთჳს.

Line of edition: 3        ამის უკუე პირისაგან ამას ვისწავებთ, ვითარმედ, რომელი მისსა
Line of edition: 4     მიმართ ხედვიდეს, რომელმან-იგი თავი თჳსი შეწირა ღმრთისა, მსხუერპლად
Line of edition: 5     და შესაწირავად, და ზატიკად ჩუენდა დაიკლა, მანცა
Line of edition: 6     წარუდგინნეს ჴორცნი თჳსნი ღმერთსა მსხუერპლად ცხოველად, წმიდად
Line of edition: 7     და სათნოდ, და იქმნეს იგი სიტყჳერ მსახურება. ხოლო პირი
Line of edition: 8     ამის შეწირვისაჲ ესე არს, რაჲთა არა თანახატ ექმნას სოფელსა,
Line of edition: 9     არამედ რაჲთა შეიცვალოს იგი განახლებითა გონებისა თჳსისაჲთა და
Line of edition: 10     გა\მოცდითა, Page of ms.: B265v  თუ რაჲ არს ნებაჲ ღმრთისაჲ, კეთილი, სათნოჲ და
Line of edition: 11     სრული; რამეთუ ვერ ძალ-უც ჴორციელთა ჴორცთა, [უკუეთუ
Line of edition: 12     არა შჯულითა სულიერითა შეიწირნენ ღმრთისა, კეთილისა] მის
Line of edition: 13     ნებისა ღმრთისა შეწყნარებად თავსა შორის თჳსსა. რამეთუ ზრახვაჲ
Line of edition: 14     იგი ჴორცთაჲ მტერობა არს ღმრთისა, და შჯულსა ღმრთისასა ვერ
Line of edition: 15     დაემორჩილების და ვერცა ძალ-უც, ვიდრემდის ჴორცნი ცხოველსმყოფელისა
Line of edition: 16     მის შეწირვისა მიერ განწმდენ მოკუდინებითა ქუეყანისა
Line of edition: 17     ასოთაჲთა, რომელთა მიერ აღიძრვიან ვნებანი, და ესრეთღა
Line of edition: 18     დაუბრკოლებელად სათნოჲ და სრული ნებაჲ ღმრთისაჲ ცხორებასა
Line of edition: 19     შინა მორწმუნეთასა წარემართოს. Page of ms.: D136r 

Line of edition: 20        და ეგრეთვე სალხინებელად თჳსითა სისხლითა იწოდოს
Line of edition: 21     რაჲ ქრისტე, ამას გუასწავებს, რაჲთა თითოეული თავსა
Line of edition: 22     თჳსსა ექმნეს სალხინებელ, Page of ms.: A17r  და ჴორციელთა ასოთა მოკუდინებითა
Line of edition: 23     უკუდაგ ყოს სული.

Line of edition: 24        ხოლო რაჟამს ბრწყინვალებად დიდებისად და ხატად
Line of edition: 25     გუამოვნებისა და გინათუ ძლიერებისად იწოდოს
Line of edition: 26     ქრისტე, თაყუანისსაცემელისა მის დიდებისა მისისა გულისჴმის-ყოფად
Line of edition: 27     მოვალთ სიტყუათა ამათ მიერ, რამეთუ ჭეშმარიტად ღმრთივსულიერმან
Line of edition: 28     და ღმრთივსწავლულმან პავლე, რომელმან სიღრმესა შინა
Line of edition: 29     სიმდიდრისა და სიბრძნისა და მეცნიერებისა ღმრთისასა უჩინონი და
Line of edition: 30     დაფარულნი საღმრთოთა საიდუმლოთანი გამოიძინა, მისდა მიმართ
Line of edition: 31     ქმნილთა მათ ბრწყინვალებათა ღმრთისა მიერ, გამოუთქუმელთა
Page of edition: 309   Line of edition: 1     და გამოუკულეველთა გულისჴმის-ყოფისა, ვინაჲთგან უუძლურეს გონებისა
Line of edition: 2     ხედვიდა ენასა თჳსსა, რავოდენ დაიტევდა მსმენელთა იგი სასმენელი
Line of edition: 3     განგონებასა მისსა საიდუმლოთა ამათ ძალი, სახეთა რათმე
Line of edition: 4     მიერ და ბრწყინვალებათა გამოუცხადა; ესოდენ, რაოდენ ძალ-ედვა
Line of edition: 5     სიტყუასა მსახურთაჲ გონებისაჲ. რამეთუ ყოველივე, რაოდენსა დაიტევს
Line of edition: 6     კაცობრივი ძალი საღმრთოჲსა ბუნებისათჳს, განიცადა, და გამოუთქუმელად
Line of edition: 7     და მიუწდომელაღ კაცობრივთა გულისსიტყუათაგან აღმატებულისა
Line of edition: 8     მის ბუნებისა გამოთქუმაჲ გამოაჩინა. ხოლო საქმენი იგი,
Line of edition: 9     რომელნი მის თანა იხილვებიან, იგი გამოთქუნა და უწოდა მშჳდობად
Line of edition: 10     და ძლიერებად და ცხორებად და სიმართლედ
Line of edition: 11     და ნათლად და ჭეშმარიტებად და სხუად ესევითარად.
Line of edition: 12     ხოლო თავადისა მისთჳს არსებისა და ბუნებისა უსაზღვროჲსა სრულიადი
Line of edition: 13     მიუწდომელობაჲ განაჩინა და თქუა, ვითარმედ: არცა ოდეს ხილულ
Line of edition: 14     არს ღმერთი და არცა ოდეს იხილვების. და იტყოდა, ვითარმედ:
Line of edition: 15     "რომელი არავინ კაცთაგანმან იხილა და არცა ხილვად შემძლებელ
Line of edition: 16     არს".

Line of edition: 17        ამისთჳსცა, ეძიებდა რაჲ, თუ ვითარ უწოდოს გონებისაგან
Line of edition: 18     მოუგონებელსა მას, და ვითარ ვერ პოვა გამოცხადებული სახელი
Line of edition: 19     მიუწდომელისა მის და გამოუთარგმანებელისაჲ, დიდებად და
Line of edition: 20     ძლიერებად სახელ-სდვა უაღრესსა მას ყოველთა კეთილთასა და
Line of edition: 21     Page of ms.: D136v  უხილავსა და განუცდელსა. ამისთჳსცა აღმატებული იგი არსთა
Line of edition: 22     არსებაჲ დაუტევა გამოუთქუმელად, ხოლო ერთარსებაჲ და განუყოფელობაჲ
Line of edition: 23     ძისაჲ მამისაგან, რაოდენ ძალ-ედვა, გამოთარგმანა, და
Line of edition: 24     უსაზღვროჲსა და უხილავისა მამისა უსაზღვროდ და უხილავად თანაშეყოფილსა
Line of edition: 25     ბრწყინვალებად დიდებისად და ხატად Page of ms.: B266r 
Line of edition: 26     ძლიერებისად უწოდა; და ესრეთ, ბრწყინვალებისა მიერ
Line of edition: 27     განუყოფელობაჲ და ერთარსებაჲ მოასწავა, ხოლო ხატებისა მიერ
Line of edition: 28     სწორებაჲ გამოსახა; რამეთუ არცა ბრწყინვალებისა და ბუნებისა მის,
Line of edition: 29     რომლისაგან ბრწყინვალებაჲ იგი გამოჰკრთებოდის, მოიგონების რაჲ
Line of edition: 30     განყოფილთაჲ და განწვალებაჲ, არცა უმრწემესობაჲ ხატისაჲ ძლიერებისა
Line of edition: 31     მისგან და გუამოვნებისა, რომლისაჲ იყოს ხატ; და რომელმან
Line of edition: 32     ბუნებასა მას ბრწყინვალებისა გამომავლინებელისასა მიხედნეს, შეუძლებელ
Line of edition: 33     არს თუმცა ბრწყინვალებაჲცა არა მის თანავე განიცადა; და
Page of edition: 310   Line of edition: 1     რომელმან სიდიდე გუამოვნებისა და ძლიერებისაჲ გონებად მოიღოს,
Line of edition: 2     უღონო არს თუმცა არა სივრცესა გუამისა და ძლიერებისასა შეასწორა
Line of edition: 3     აგებულებაჲ იგი ხატოვნებისაჲ. ამისთჳსცა ხატად ღმრთისა
Line of edition: 4     უწოდს უფალსა; არა ამისთჳს, რაჲთამცა დაამცირა იგი, არამედ
Line of edition: 5     სიდიდისა მისისა გამოსაცხადებელად, რომელსა შინა იხილვების დიდებაჲ
Line of edition: 6     მამისაჲ, რომელი ხატოვნებისა თჳსისა საზღვართა არა წარემატების,
Line of edition: 7     არცა გარეშე ხატისა თჳსისა იპოვების. რამეთუ უხატოჲ და
Line of edition: 8     უშუერი მამისა თანა არარაჲ არს, რომელიმცა არა შუენიერებითა
Line of edition: 9     ძისაჲთა განშუენდებოდა, და სიკეთისა მისთჳს და ბრწყინვალებისა
Line of edition: 10     მხოლოდშობილისა იხარებდა. ამისთჳსცა იტყოდა უფალი, ვითარმედ:
Line of edition: 11     "რომელმან მიხილა მე, იხილა მამაჲ ჩემი", და ამის მიერ
Line of edition: 12     საანჯმნო ჰყოფდა, ვითარმედ არცა გარდამატებაჲ რაჲმე იხილვების,
Line of edition: 13     არცა მოკლებაჲ, უმეტესი ძისაჲ, მამულსა მას თანა დიდებასა, თჳნიერ
Line of edition: 14     მამობისა და უშობელობისა. ხოლო რომელსა-იგი იტყჳს
Line of edition: 15     მოციქული ძისათჳს, ვითარმედ: "უტჳრთვან ყოველნი სიტყჳთა ძლიერებისა
Line of edition: 16     თჳსისაჲთა", დაჰჴსნის მის მიერ გამოუკულეველთა გამოძიებისა
Line of edition: 17     გამომეძიებელთა სივერაგესა, Page of ms.: D137r  რომელნი ნივთიერებისა
Line of edition: 18     სიტყუასა გამოიკულევენ და გამოძიებისა დასასრულსა ვერსადა
Line of edition: 19     მიემთხუევიან; რომელნი იტყჳან, ვითარმედ: "ვინაჲ იხილვების უნივთოსა
Line of edition: 20     თანა ნივთი, და ვითარ ვითარებაჲ -- უვითაროსა თანა,
Line of edition: 21     და ვითარ ხატი -- გამოუსახველსა თანა, და ვითარ ფერი _
Line of edition: 22     უხილავსა თანა, Page of ms.: A17v  და ვითარ უსაზღვროსა თანა და უსაზომოსა
Line of edition: 23     -- თჳსისა უსაზღვროებისა საზღვარი და საზომი; და მარტივსა
Line of edition: 24     თანა და აუგებელსა ვინაჲ შეეყოფის ნივთი და აგებულებაჲ?
Line of edition: 25     -- ესე და ყოველივე მსგავსი ამისი უჯეროჲ საძიებელი
Line of edition: 26     დაჰჴსნა, თქუა რაჲ, ვითარმედ: "ყოველნივე უტჳრთვან სიტყჳთა ძლიერებისა
Line of edition: 27     მისისაჲთა", რომელნი-იგი არარაჲსაგან არსებად მოიყვანნა,
Line of edition: 28     რამეთუ ყოველთავე ხილულთა და უხილავთა ბუნებათა აგებულებისა
Line of edition: 29     - ერთი მიზეზი არს, რომელ არს სიტყუაჲ იგი გამოუთქუმელისა
Line of edition: 30     ძლიერებისაჲ.

Line of edition: 31        ხოლო ამის ყოვლისა მიერ ამას ვისწავებთ, რაჲთა მისა მიმართ
Line of edition: 32     ვხედვიდეთ და მას განვიცდიდეთ, რომლისაგან-იგი მოვიდეს არსნი
Page of edition: 311   Line of edition: 1     არსებად და დაბადებად, და მის მიერ დავემტკიცენით და მის მიერ
Line of edition: 2     ვჰგიეთ; უეჭუელად თანა-გუაც, რაჲთა არარაჲ მოვიგონოთ ყოვლადვე
Line of edition: 3     განმაშორებელი და განმყოფელი მისგან, რომლისაგან-იგი დავიბადენით
Line of edition: 4     და რომლისა მიერ ვჰგიეთ და რომლისა მიმართ მივიცვალებით,
Line of edition: 5     რომელმან-იგი უწყნის დაფარულნი და უჩინონი გულთა
Line of edition: 6     და გონებათანი, და არარაჲ არს დაფარულ წინაშე მისსა. და ამათ
Line of edition: 7     გულისსიტყუათა მიერ წარემართების ჩუენ შორის უცოდველობაჲ,
Line of edition: 8     რამეთუ, ვინმცა იყო, რომელსამცა ჰრწმენა, ვითარმედ მისგან და მის
Line of edition: 9     მიერ და მისსა მიმართ არს ყოველივე არსებაჲ და აგებულებაჲ და
Line of edition: 10     ცხორებაჲ მისი, Page of ms.: B266v  და მანმცა იკადრა უწესოდ ცხორებისა მოწამედ
Line of edition: 11     მოყვანებაჲ მისი, რომლისა შორის შემოწერილ არს და რომლისა
Line of edition: 12     მიერ ჰგიეს ყოველთა არსთა ცხორებაჲ.

Line of edition: 13        და კუალად, საზრდელად რაჲ და სასუმელად სულიერად
Line of edition: 14     უწოდოს უფალსა მოციქულმან, ესევითარსა ძალსა
Line of edition: 15     მოასწავებს, ვითარმედ არა ერთსახე არს კაცობრივი ბუნებაჲ, არამედ
Line of edition: 16     - უხილავი ხილულსა თანა შეზავებულ, და ორკერძოვე განთჳსებ\ულად Page of ms.: D137v 
Line of edition: 17     თითოეული საზრდელ იქმნების; რამეთუ ხილული ესე
Line of edition: 18     საზრდელი ჴორცთა განაპოხებს, ხოლო სულიერი იგი სულსა განამტკიცებს.
Line of edition: 19     და ვითარცა-იგი ჴორცთათჳს მტკიცე საზრდელი, ლბილსა
Line of edition: 20     და ნედლსა თანა განზავებული, მპყრობელ იქმნების ბუნებისა, ურთიერთას
Line of edition: 21     განლევითა დადნობისა მიერ; და თითოეულსა მას ოთხთა
Line of edition: 22     მათ ნივთთა ჩუენთაგანსა შეეყოფვიან, ეგრეთვე სახედ სახისმეტყუელებით
Line of edition: 23     უხილავსა მას საზრდელსა განჰყოფს მოციქული, და საჭმლად
Line of edition: 24     და სასუმლად უწოდს, რომელი-იგი მიმღებელსა მას
Line of edition: 25     ორკერძო შეეზავების და იპყრობს, რამეთუ მოუძლურებულსა და
Line of edition: 26     დაჴსნილსა პურ ექმნების, განმამტკიცებელ გულსა კაცისსა, ხოლო
Line of edition: 27     დამაშურალსა უბადრუკებითა ამის ცხორებისაჲთა და წყურიელსა _
Line of edition: 28     ღჳნო ექმნების, გულთა მახარებელ და მხიარულ-მყოფელ.

Line of edition: 29        და კუალად, ესევითარიცა ძალი გულისჴმა-იყოფების სიტყჳსა ამის
Line of edition: 30     მიერ, რამეთუ სიტყუაჲ ღმრთისაჲ არს, რომლისა მიერ იზარდების
Line of edition: 31     სული, და ვითარცა ეჴმარებოდის, ეგევითარსაცა მადლსა მიანიჭებს
Line of edition: 32     მუშაკთა თჳსთა და მოსურნეთა, საწინაჲსწარმეტყუელოჲსა მისებრ
Page of edition: 312   Line of edition: 1     იგავისა, რომელი-იგი ადგილსა მწუანვილოვანსა და წყალთა ზედა
Line of edition: 2     განსასუენებელთა დამკჳდრებასა სახედ სიტყჳსა მიერისა ნუგეშინის-ცემისა
Line of edition: 3     მოასწავებს, ხოლო უკუეთუ ვინმე სახედცა წმიდათა
Line of edition: 4     საიდუმლოთა მოიღოს სიტყუაჲ ესე, და საჭმლად და სასუმლად
Line of edition: 5     სულიერად უწოდოს უფალსა, არცა ესე იპოოს უცხო
Line of edition: 6     ჭეშმარიტებისაგან, რამეთუ ჭეშმარიტად ჴორცი მისი ჭეშმარიტი
Line of edition: 7     საჭმელი არს და სისხლი მისი ჭეშმარიტი სასუმელი
Line of edition: 8     არს.

Line of edition: 9        ხოლო პირველ თქუმულისა მისებრ ძალისა ჴელმწიფებაჲ აქუს
Line of edition: 10     ყოველთავე სიტყჳსა მიერ გამოზრდად, რამეთუ, რომელთაცა ენებოს
Line of edition: 11     და ეძიებდენ მას შეუორგულებელად, ექმნების მათ საჭმელ და სასუმელ,
Line of edition: 12     და ყოველთა მისდა შევედრებულთა შეიტკბობს.

Line of edition: 13        ხოლო მეორისა მისებრ ძალისა არღარა გამოუძიებელ არს, არცა
Line of edition: 14     მარტივ, ესევითარისა მის საზრდელისა და სასუმელისა მიღებაჲ,
Line of edition: 15     რამეთუ იგივე მოციქული ესრეთ განაჩინებს, ვითარმედ: "კაცად-კაცადმან
Line of edition: 16     თავი თჳსი გამოიცადენ, და ესრეთ პურისა მისგან ჭამენ და
Line of edition: 17     სასუმელისა მის\გან Page of ms.: D138r  სუნ, ხოლო რომელი უღირსად ჭამდეს
Line of edition: 18     და სუმიდეს, დასაშჯელად თავისა თჳსისა ჭამს და სუამს".

Line of edition: 19        და ვითარ ვჰგონებ, ამისვე პირისა კრძალულებისათჳს შემოიღო
Line of edition: 20     მახარებელმან სიტყუაჲ იგი დაფლვისა ჴორცთა უფლისათაჲ,
Line of edition: 21     და თქუა, ვითარმედ: "ჟამსა მას ვნებისა უფლისასა შუენიერმან მან
Line of edition: 22     მზრახვალმან წმიდასა და უბიწოსა სინდონსა წარგრაგნა გუამი
Line of edition: 23     უფლისაჲ და ახალსა და წმიდასა საფლავსა შინა დადვა იგი". და
Line of edition: 24     ორივე ესე -- მოციქულისაცა და მახარებელისა მოძღურებაჲ ესევითარსა
Line of edition: 25     Page of ms.: B267r  შჯულსა დამიდებს ჩუენ, რაჲთა წმიდითა სჳნიდისითა
Line of edition: 26     ვეზიარებოდით ყოვლადწმიდათა მათ ქრისტეს საიდუმლოთა. და უკუეთუ
Line of edition: 27     ბიწი რაჲმე ცოდვისაჲ შეგუეხოს, ცრემლთა მდინარითა წარვრღუნათ
Line of edition: 28     იგი. Page of ms.: A18r 

Line of edition: 29        ხოლო კლდედ რაჲ უწოდოს ქრისტესა, ესევითარსა
Line of edition: 30     სარგებელსა მოგუატყუებს ჩუენ სახელისა ამის იგავი, რამეთუ გუასწავებს
Line of edition: 31     სიმტკიცესა და უცვალებელობასა სათნოდ ცხორებისასა, და
Line of edition: 32     რაჲთა შეუძრველ ვიყვნეთ ვნებათა მიერ, მოთმინებითა კლდისა მიერ,
Page of edition: 313   Line of edition: 1     და ყოვლისავე ცოდვათა კუეთებისა მიმართ განუკუეთელსა და მოუწყლველსა
Line of edition: 2     სულსა მოვიგებდეთ, და ამათ მიერ და ესევითართა ჩუენცა
Line of edition: 3     კლდე ვიქმნებით, მობაძავ მეუფისა ჩუენისა, მსგავსად ძალისა ჩუენისა,
Line of edition: 4     ქცევადითა ამით ბუნებითა და უძლურითა -- უქცეველისა მის და
Line of edition: 5     უცვალებლისა.

Line of edition: 6        და კუალად, რაჟამს-იგი თავადსა ბრძნისა მის მიერ ხუროთმოძღურისა
Line of edition: 7     საფუძველად სარწმუნოებისად და ლოდად
Line of edition: 8     თავსაკიდურად სახელ-ედვას, არცა ესე გუექმნენ ჩუენ სათნოდცხორებისა
Line of edition: 9     მიმართ მოუზავებელ, რამეთუ ამათ მიერ ვისწავებთ,
Line of edition: 10     ვითარმედ ყოვლისავე კეთილადმოქალაქობისა და ყოვლისავე კეთილადსწავლულებისა
Line of edition: 11     და საქმისა დასაბამი და სრულმყოფელი -- უფალი
Line of edition: 12     არს. რამეთუ, გინათუ სასოებაჲ სთქუა, რომელსა თავად
Line of edition: 13     გულისჴმა-ვჰყოფთ, რომლისა მიერ სრულ-იქმნების ყოველივე მწყობრი
Line of edition: 14     სათნოებათაჲ, იგივე თავადი არს, მოციქულისა მიერ წოდებული;
Line of edition: 15     და დასაბამ ნივთიერისა ამის ცხორებისა გოდლის შენებისა იქმნების
Line of edition: 16     მისა მიმართ სარწმუნოებაჲ, რომელსა ზედა, ვითარცა საფუძველსა
Line of edition: 17     რასმე, Page of ms.: D138v  დაწყებასა ცხორებისა ჩუენისასა დავსდებთ, და დღითიდღედთა
Line of edition: 18     სათნოებათა მიერ და წმიდათა გულისსიტყუათა და საქმეთა,
Line of edition: 19     აღვაშენებთ. და ესრეთ იქმნების თავ ჩუენდა თავი იგი ყოველთაჲ;
Line of edition: 20     და ორთა მათ ცხორებისა ჩუენისა კედელთა, რომელ არს სული და
Line of edition: 21     ჴორცნი, ღმრთივშუენიერად და სიწმიდით აღშენებულთა და კიდეთა
Line of edition: 22     მათ თავ-ყოფითა თჳსითა და შენაწევრებითა შეამკობს.

Line of edition: 23        ხოლო უკუეთუ ნაკლულევანებაჲ რაჲმე იპოვოს კედელთა მათ
Line of edition: 24     შინა და უსრულებაჲ, ესე იგი არს, რაჟამს ხილულსა მას და ჴორციელსა
Line of edition: 25     წესიერებასა თანა სულისაცა იგი უხილავი სიწმიდე არასრულ
Line of edition: 26     იქმოდის შენებულსა მას, ანუ თუ სულიერთა სათნოებათა,
Line of edition: 27     ჴორცთა იგი წესიერებაჲ არა შეენაწევრებოდის, ესევითარისა მის
Line of edition: 28     უსრულისა ცხორებისა თავსაკიდურ არა იქმნების ქრისტე, რომელიიგი
Line of edition: 29     ორთა მათ ხოლო სწორად შენებულთა სრულ ჰყოფს. და რამეთუ
Line of edition: 30     არცა შესაძლებელ არს, თჳნიერ ორთა კედელთა განსრულებისა, ქვისა
Line of edition: 31     მის კიდეთა შემკრველისა დადებაჲ. და რამეთუ მაშინღა შეიმკობვის
Line of edition: 32     სიკეთე უვნებელისა ჩუენისაჲ, რაჟამს შუენიერებამან მან თავსაკიდურისამან
Line of edition: 33     განაშუენოს, და რაჟამს ორკერძოვე მართლისა ცხორებისა
Page of edition: 314   Line of edition: 1     წესითა განემარტოს მას ზედა საზომი იგი ხუროთმოძღურებისაჲ,
Line of edition: 2     ორთა მათ ცხორებათა დამასწორებელი. და არღარაჲ იყოს მათ
Line of edition: 3     შორის ღირღოვანი და დრკუჲ.

Line of edition: 4        ხოლო ხატად ღმრთისა უხილავისა და ღმრთად
Line of edition: 5     ყოველთა ზედა და ღმრთად დიდად რაჲ უწოდოს მოციქულმან
Line of edition: 6     ქრისტესა, ამათ ყოველთა მიერ ქადაგებს დიდებულებათა
Line of edition: 7     ჭეშმარიტისა მის მეუფისათა და იტყჳს: "დიდისა ღმრთისა და
Line of edition: 8     მაცხოვრისა ჩუენისა იესუ ქრისტესსა", და ვითარმედ: "რომელთაგან
Line of edition: 9     ქრისტე ჴორციელად, რომელი-იგი არს ღმერთი ყოველთა
Line of edition: 10     ზედა კურთხეულ უკუნისამდე. Page of ms.: B267v  ამათ უკუე სიტყუათა
Line of edition: 11     მიერ ამას გუასწავებს, ვითარმედ, რომელი-იგი მარადის არს, ვითარცა
Line of edition: 12     არს. ხოლო არს, ვითარ-იგი მან ხოლო თავადმან უწყის,
Line of edition: 13     რომელი-იგი არს მარადის. ხოლო კაცობრივისა მიწდომისაგან, დაღაცათუ
Line of edition: 14     დღითი-დღე წარმატებისა მიერ მას თავადსა მიეახლებოდის და
Line of edition: 15     ზეცისასა ზრახვიდეს, სამარადისოდ აღმატებულ არს და Page of ms.: D139r 
Line of edition: 16     მიუწდომელ. ესე უკუე თავადი, უმაღლესი ყოვლისა ცნობისა და
Line of edition: 17     მიწდომისაჲ, გამოუთქუმელი და მიუთხრობელი, რაჲთა შენ გყოს
Line of edition: 18     კუალად ხატად ღმრთისა. იგი მხოლოჲ კაცთმოყუარებისათჳს თჳსისა
Line of edition: 19     იქმნა ხატ ღმრთისა უხილავისა, ესე იგი არს, რამეთუ
Line of edition: 20     კაცობრივსა სიგლახაკესა შეაყო თავი თჳსი, რაჲთა ჩუენ სიმაღლედ
Line of edition: 21     ღმრთეებისა ავმაღლდეთ. რამეთუ ესე იყო საქმე ძისა ღმრთისაჲ,
Line of edition: 22     რაჲთა ხატი იგი შენი, რომელი მიიღო და იქმნა მსგავს შენდა, თავისა
Line of edition: 23     მიერ თჳსისა განაღმრთოს და გყოს შენ ხატ პირმშოჲსა მის სიკეთისა
Line of edition: 24     კუალად: რაჲთა იქმნე, რაჲ-იგი იყავ პირველითგან.

Line of edition: 25        აწ უკუე, უკუეთუ გუნებავს, რაჲთა ვიქმნეთ ჩუენცა ხატ ღმრთისა
Line of edition: 26     უხილავისა, სახისა მის მიმართ ცხორებისა ჩუენისა
Line of edition: 27     ჯერ-არს გამოსახვაჲ ცხორებისა ჩუენისაჲ.

Line of edition: 28        და რაჲ-მე არს ესე, რაჲთა ჴორცითა რაჲ ვცხოვნდებოდით, არა
Line of edition: 29     ჴორციელად ვიქცეოდით, და რამეთუ პირმშოჲცა იგი ხატი უხილავისა
Line of edition: 30     ღმრთისაჲ, რომელი ქალწულისაგან განკაცნა, იქმნა ყოვლითურთ
Line of edition: 31     მსგავსებით კაცობრივისა ბუნებისა მიმღებელ, თჳნიერ ხოლო ცოდვისა,
Line of edition: 32     რომლისა-იგი გამოცდილებაჲ ყოვლადვე არა შეიწყნარა, ვითარცა
Line of edition: 33     წერილ არს, ვითარმედ: "რომელმან-იგი ცოდვაჲ არა ქმნა, არცა
Page of edition: 315   Line of edition: 1     იპოვა ზაკუვაჲ პირსა მისსა". ვინაჲცა, უკუეთუმცა ვისწავლიდით
Line of edition: 2     მხატვრობისა ჴელოვნებასა, და წინაშე ჩუენსამცა დადვა მოძღუარმან
Line of edition: 3     ჩუენმან გამოხატული შუენიერად ხატი რაჲმე გინა მაგალითი, Page of ms.: A18v 
Line of edition: 4     განაღა უეჭუელად თანა-გუედვა სიკეთესა მას სახისასა მიმსგავსებაჲ
Line of edition: 5     გამოხატულისა მის ჩუენისაჲ, და ეგრეთვე განშუენებაჲ სიკეთესა მას
Line of edition: 6     ქმნულებისასა.

Line of edition: 7        აწ უკუე, ეგრეთვე სახედ, ვინაჲთგან კაცად-კაცადი მხატვარი არს
Line of edition: 8     თჳსისა ცხორებისაჲ, და ჴელოვნებაჲ ამის ხუროვნებისაჲ არს ნებაჲ,
Line of edition: 9     და ფერნი, სრულმყოფელნი ხატისანი, არიან სათნოებანი, არა
Line of edition: 10     მცირედი ზღვევაჲ მოწევნად არს ჩუენ ზედა, უკუეთუ განვრყუნათ
Line of edition: 11     პირმშოჲსა მის ხატისა მიმსგავსებაჲ და ბილწთა რათმე წამალთა
Line of edition: 12     მიერ და უსწავლელისა და უმეცრისა მხატვრობისა უშუერი რაჲმე და
Line of edition: 13     უგუაროჲ ხატი საუფლოისა მის წილ ყოვლადშუენიერისა სიკეთისა
Line of edition: 14     გამოვხატოთ; არამედ, რაოდენცა შესაძლებელ იყოს, სათნოებათა Page of ms.: D139v 
Line of edition: 15     ფერნი წმიდანი, ჴელოვნითა რაჲთმე შეერთებითა შეზავებულნი,
Line of edition: 16     ბრწყინვალედ გამოხატვისა ძალად ვიჴუმინეთ; რაჲთა ვიქმნნეთ ხატ
Line of edition: 17     ხატისა მის საუფლოჲსა, გამოწულილვით მიმსგავსებითა; და რაოდენცა
Line of edition: 18     შეუძლოთ, პირმშოჲსა მის ხატისა სიკეთე თავთა შორის ჩუენთა
Line of edition: 19     გამოვაჩინოთ, ვითარცა იქმოდა პავლე, და უბიწოდ და სათნოდ ცხორებითა
Line of edition: 20     მიემსგავსებოდა ქრისტესა.

Line of edition: 21        და უკუეთუ ჯერ-არს თითოეულად წარმოთქუმაჲ, თუ ვითარ
Line of edition: 22     იქმნების მიმსგავსებაჲ ხატისაჲ ამის, და თუ რომელნი წამალნი
Line of edition: 23     საჴმარ არიან, არა დავიცონოთ ზოგს-რაჲმე ამისიცა უწყებაჲ.

Line of edition: 24        ერთი წამალი არს სიმდაბლე, რამეთუ იტყჳს, ვითარმედ: "ისწავეთ
Line of edition: 25     ჩემგან, რამეთუ მშჳდ ვარ და მდაბალ გულითა". და მეორე
Line of edition: 26     წამალი არს სულგრძელებაჲ, Page of ms.: B268r  რომელი-იგი ხატსა მას
Line of edition: 27     შორის ღმრთისა უხილავისასა ბრწყინვალედ გამოჩნდა. და უკუეთუ
Line of edition: 28     გნებავს, განიცადე, თუ რაოდენნი ვნებანი მოითმინნა სულგრძელებით;
Line of edition: 29     ესე იგი არს მახჳლნი და საჭურველნი, კრულებანი და გუემანი,
Line of edition: 30     ყურიმლის-ცემანი და ნერწყუანი, და გუემაჲ იგი და წყლულებაჲ
Line of edition: 31     ბეჭთაჲ, და სამშჯავრონი უშჯულონი და განჩინებანი უწყალონი, და
Line of edition: 32     მჴედარნი იგი და ერისაგანნი, უჯეროჲსა მის განჩინებისათჳს მოხარულნი,
Line of edition: 33     და კიცხევანი და ბასრობანი და შეურაცხებანი და გინებანი,
Line of edition: 34     და ლერწმისა მიერნი წყლულებანი და სამშჭუალნი და ლახუარი და
Page of edition: 316   Line of edition: 1     ძმარი და ნავღელი, და ესე ყოველნი, უბრალოდ მოწევნულნი მის
Line of edition: 2     ზედა, რომელი-ესე ყოველთა უძჳრეს არს. და უფროჲსღა, ურიცხუთა
Line of edition: 3     მათ ქველისმოქმედებათა მისთა წილ მოგებულნი.

Line of edition: 4        ხოლო რომელნი-იგი ამათ და ესევითართა იქმოდეს, რაჲ იყო
Line of edition: 5     მისაგებელი მათი, გინა შურისგებაჲ? -- ესე იგი არს, ვითარმედ:
Line of edition: 6     "მიუტევე, მამაო, რამეთუ არა იციან, რასა იქმან".

Line of edition: 7        ნუუკუე ვერ ძალ-ედვა ზეცით დატეხაჲ მათ ზედა, ანუ ქუეყნისა
Line of edition: 8     განპებაჲ და მაგინებელთა მათ შთანთქმაჲ მას შინა, ანუ თუ გამოყვანებად
Line of edition: 9     ზღჳსა თჳსთა საზღვართაგან და წარრღუნად ყოვლისა ქუეყანისა,
Line of edition: 10     ანუ თუ სოდომელთა ცეცხლისა წჳმად მათ ზედა, ანუ თუ
Line of edition: 11     სხჳსა რაჲსმე განსაკრთომელისა ნიშისა მოწევნად? არამედ ესე ყოველი
Line of edition: 12     სიმშჳდით Page of ms.: D140r  მიითუალა და სულგრძელებით თავს-იდვა, რაჲთა
Line of edition: 13     თჳსითა მით სულგრძელებითა ცხორებასა შენსა შჯული დაუდვას.
Line of edition: 14     და ესრეთვე, სხუანი იგი მაღალნი სათნოებანი ყოველნივე პირმშოჲსა
Line of edition: 15     მის ხატისა თანა იხილვებიან, რომელთა-იგი, უკუეთუ ვინ გულსმოდგინედ
Line of edition: 16     ხედვიდეს და ცხორებასა თჳსსა მათ მიერ განაშუენებდეს,
Line of edition: 17     იგიცა იქმნეს ხატ ღმრთისა უხილავისა, სათნოებათა მიერ
Line of edition: 18     გამოხატულ.

Line of edition: 19        ეგრეთვე კუალად, რომელმან გულისჴმა-ყოს, ვითარმედ ქრისტე
Line of edition: 20     არს თავი ეკლესიისაჲ, პირველად ესე გულისჴმა-ყავნ, ვითარმედ
Line of edition: 21     ყოველი თავი მის ქუეშე მყოფისა გუამისა თანა შეერთებულ
Line of edition: 22     არს, და თანაარს; და ეგრეთვე, ერთ არს თითოეულისა ასოჲსა
Line of edition: 23     ყოვლისავე გუამისა მიმართ შეერთებაჲ და შეწყობაჲ; და სწორი
Line of edition: 24     წყალობაჲ და ზოგადი სიყუარული და ერთობაჲ აქუს ურთიერთას,
Line of edition: 25     გუამსა და ასოთა და თავსა.

Line of edition: 26        აწ უკუე, რომელი გუამისაგან განვარდეს, იგი უეჭუელად თავისაგანცა
Line of edition: 27     უცხო-ქმნილ არს; და ამას გუასწავებს ჩუენ სიტყუაჲ თქუმულთა
Line of edition: 28     ამათ მიერ, რაჲთა, ვითარცა-იგი არს თავ გუამისა ბუნებით,
Line of edition: 29     ეგრეთვე იყვნენ თითოეულნი ასონი, და რაჲთა ერთობაჲ აქუნდეს
Line of edition: 30     თავისა მიმართ. ესე უკუე ასონი ჩუენ ვართ, რომელნი შეყოფილ ვართ
Line of edition: 31     გუამსა თანა ქრისტესსა. აწ უკუე, უკუეთუ ვინმე აღიხუნეს ასონი
Line of edition: 32     ქრისტესნი და ყვნეს იგი ასო მეძვისა, ესევითარი არს იგი,
Page of edition: 317   Line of edition: 1     ვითარმცა ვის მახჳლი ეჴადა ბილწებისა იგი სიცბილი, და ბოროტისა
Line of edition: 2     მის ვნებისა მიერ მოეკუეთნეს ასონი იგი, და უცხო-ექმნნეს ნაწილისაგან
Line of edition: 3     თავისა; და ყოველნივე სიბოროტისა ორღანონი ეგრეთვე მახჳლ
Line of edition: 4     იქმნებიან და განჰკუეთენ ასოთა, შეერთებისაგან გუამისა, და განაშორებენ
Line of edition: 5     თავისაგან. Page of ms.: A19r 

Line of edition: 6        აწ უკუე, რაჲთა ყოველივე გუამი ბუნებითსა წესსა ზედა ეგოს და
Line of edition: 7     საკუთარ იქმნეს თავისა, ეგრეთვე თითოეულსა ასოსა თანა-აც, რაჲთა
Line of edition: 8     წმიდა იქმნეს და ღირს-იქმნეს იგი ასოდ წოდებად ესევითარისა
Line of edition: 9     მის გუამისა, რომელსა თავად აქუნდეს თავი იგი ყოვლისა ეკლესიისაჲ,
Line of edition: 10     რომელ არს სიტყუაჲ ღმრთისაჲ. რამეთუ უკუეთუ უხრწნელად
Line of edition: 11     გურწამს თავი, ეგრეთვე უეჭუელად ასონიცა მისნი უხრწნელნი Page of ms.: D140v 
Line of edition: 12     ჯერ-არიან, რაჲთა იყვნენ; და რაოდენიცა სახელი თავსა მას ეწოდების,
Line of edition: 13     ჯერ-არს, რაჲთა ასოთაცა იგივე სახელნი ეწოდებოდინ, ესე იგი
Line of edition: 14     არს: მშჳდობაჲ და სიწმიდე და ჭეშმარიტებაჲ, და
Line of edition: 15     სხუაჲ ყოველივე ესევითარი. რამეთუ, ესე რაჲ და ესევითარნი ასოთა
Line of edition: 16     შინა იხილვებოდინ, ჩანს, რამეთუ შენაწევრებულ არიან იგინი გუამისა
Line of edition: 17     თანა და თავისა, ვითარცა-იგი თქუა მოციქულმან, ვითარმედ: იგი
Line of edition: 18     არს თავი, რომლისაგან ყოველი გუამი შენაწევრებულ და შემტკიცებულ
Line of edition: 19     არს ყოვლითა შეახლებითა უხუებისაჲთა, შეწევნისაებრ საზომისა
Line of edition: 20     თითოეულისა ასოჲსა, სიორძილსა მას გუამისასა ჰყოფდით.

Line of edition: 21        და ამისიცა თანა-გუაც სახელის-დებითა მით თავისაჲთა სწავლად,
Line of edition: 22     რამეთუ, ვითარცა-იგი ცხოველნი თავისა მიერ განეგებიან და თითოეული
Line of edition: 23     მათი სასმენელთა და სახედველთა მიერ იღუწების და
Line of edition: 24     წარემართების; და არცა ჴელთა საქმე და არცა ფერჴთა მოძრავობაჲ
Line of edition: 25     და არცა სხუაჲ რაჲმე სასწრაფოთა და საძიებელთა საქმეთაგანი
Line of edition: 26     სრულ-იქმნების, თჳნიერ თუალთა და სასმენელთაჲსა, ეგრეთვე ჯერარს,
Line of edition: 27     რაჲთა ჭეშმარიტისა მისებრ თავისა, გუამთაცა ჩუენთა მოძრავობაჲ
Line of edition: 28     განეგებვოდის საქმით და სიტყჳთ, ვინაჲ კერძოცა წარგუმართნეს
Line of edition: 29     მან, რომელმან-იგი შექმნნა თუალნი და დაჰნერგნა ყურნი.

Line of edition: 30        ხოლო კუალად, ვინაჲთგან თავი ზე ხედავს, თანა-აც, რაჲთა
Line of edition: 31     ასონიცა იგი მისდა შეერთებულნი ეგრეთვე იქმოდინ და ზეცად მიმართ
Line of edition: 32     ხედვიდენ, წინამძღურებისაებრ და განგებისა თავისა მის, მპყრობელისა
Line of edition: 33     მათისა.

Page of edition: 318  
Line of edition: 1        ხოლო რაჟამს გუესმას უფლისათჳს პირმშოდ დაბადებულთა
Line of edition: 2     და პირმშოდ მკუდართა და პირმშოდ ძმათა
Line of edition: 3     მრავალთა, პირველად მწვალებელთა ცუდისმეტყუელებანი
Line of edition: 4     წარვიოტნეთ, და რამეთუ არცა ერთისა გმობისა მიზეზსა მისცემს მათ
Line of edition: 5     წინამდებარე ესე სიტყუაჲ, და მერმე სარგებელად ცხორებისა ჩუენისა
Line of edition: 6     მის მიერ შემოღებული მოძღურებაჲ გულისჴმა-ვყოთ.

Line of edition: 7        რამეთუ ვინაჲთგან მხოლოდშობილსა ღმერთსა, ყოველთა დამბადებელსა,
Line of edition: 8     რომლისაგან და რომლისა მიერ და რომლითა ყოველივე
Line of edition: 9     არსებად მოვიდა და ჰგიეს, საქმედ უწოდენ Page of ms.: D141r  ღმრთისა, და დაბადებულად
Line of edition: 10     იტყჳან ღმრთისმბრძოლნი იგი, და სიტყუასა მას
Line of edition: 11     მოციქულისასა თანაშემწედ თჳსისა უღმრთოებისა ჰგონებენ, რომელი-იგი
Line of edition: 12     უწესს მას პირმშოდ ყოველთა დაბადებულთა,
Line of edition: 13     და ვითარცა ძმასა დაბადებულთასა, ჟამითა ხოლო და უხუცესობითა
Line of edition: 14     პატივ-სცემენ, ვითარცა რუბენს უხუცესობითა თჳსთა ძმათაჲთა,
Line of edition: 15     და არა ბუნებით უპირატესად, არამედ ჟამითა ხოლო
Line of edition: 16     უხუცესად.

Line of edition: 17        პირველად უკუე ამას ვიტყჳთ მათდა მიმართ, ვითარმედ არა ერთ
Line of edition: 18     არიან მხოლოდშობილი და პირმშოჲ, რამეთუ მხოლოდშობილი
Line of edition: 19     ძმათა თანა არა გულისჴმა-იქმნების; და ეგრეთ\ვე, Page of ms.: B269r 
Line of edition: 20     პირმშოჲ თჳნიერ ძმათაჲსა არა იცნობების. და უკუეთუ მხოლოდშობილ
Line of edition: 21     არს, ძმანი არა უსხენ; ხოლო უკუეთუ ძმათა პირმშოჲ არს,
Line of edition: 22     უეჭუელად არცა არს მხოლოდშობილ და არცა ეწოდების.

Line of edition: 23        ვინაჲცა მოუზავებელ არიან ესენი ურთიერთას და წინააღმდგომ;
Line of edition: 24     და შეუძლებელ არს, რაჲთამცა ერთსა და მასვე მხოლოდშობილადცა
Line of edition: 25     ეწოდებოდა და პირმშოდცა.

Line of edition: 26        იტყჳან უკუე ვითარმედ: სახარებაჲ მხოლოდშობილად ძედ
Line of edition: 27     უწესს მას, და პავლე -- პირმშოდ ყოველთა დაბადებულთა.
Line of edition: 28     ამისთჳს უკუე ვიტყჳ, ვითარმედ ბჭობითა ჭეშმარიტებისაჲთა
Line of edition: 29     ჯერ-არს მრჩობლ განყოფაჲ საიდუმლოჲსაჲ ამის, და
Line of edition: 30     მართლმადიდებლობით გულისჴმის-ყოფად, რაჲთა ორკერძოვე უცთომელ
Line of edition: 31     იყოს საღმრთოთა ამათ სახელთა ღმრთისმეტყუელებაჲ.

Page of edition: 319  
Line of edition: 1        მხოლოდშობილ უკუე არს ჭეშმარიტად პირველ-საუკუნეთა
Line of edition: 2     სიტყუაჲ ღმრთისაჲ, და მერმე ყოვლისა მის ქრისტეს მიერ ახლისა
Line of edition: 3     დაბადებულისა ჴორცთშესხმითა იგივე სიტყუაჲ ღმრთისაჲ პირმშოდ
Line of edition: 4     იწოდების და არს ჭეშმარიტებით. და პირმშოდ მკუდართა
Line of edition: 5     და პირმშოდ ძმათა მრავალთა და პირმშოდ
Line of edition: 6     დაბადებულთა წოდებაჲ მისი, და შემდგომითი-შემდგომად სამნივე
Line of edition: 7     ესე პირნი ერთსა სახესა და ერთსა ძალსა მოგუასწავებენ და
Line of edition: 8     ესრეთ გულისჴმა-ვყოთ, რამეთუ პირმშოდ მკუდართა იწოდების,
Line of edition: 9     რომელი-იგი იქმნა დასაბამ შესუენებულთა, რაჲთა გზა-უყოს
Line of edition: 10     აღდგომისა ყოველსა დაბადებულსა, და პირმშოდ ძმათა
Line of edition: 11     მრავალთა -- რომელნი-იგი მეორედ შობითა წყლისა მიერ და
Line of edition: 12     სულისა ზეგარდამო იშვნეს, და ძე ნათლისა და დღისა იქმნნეს
Line of edition: 13     ბუნებით შვილნი იგი Page of ms.: D141v  რისხვისანი, რომელთა-იგი თჳთ იგი
Line of edition: 14     თავადი იქმნა პირმშო და წინამძღუარ ესევითარისა მის შობისა
Line of edition: 15     მდინარესა შინა იორდანისასა, Page of ms.: A19v  რაჟამს-იგი დასაბამსა მას
Line of edition: 16     ზედა ბუნებისა ჩუენისასა მადლი სულისა წმიდისაჲ გარდამოიყვანა
Line of edition: 17     და ყოველნივე სულიერისა მის მიერ მეორედ შობისა განაცხოველნა
Line of edition: 18     და წყლისა მიერ და სულისა შობილთა მათ ძმად და თანამკჳდრად
Line of edition: 19     უწოდა, და ესრეთ იქმნა პირმშო მრავალთა
Line of edition: 20     ძმათა შორის.

Line of edition: 21        ეგრეთვე სახედ, ქრისტეს მიერ ახლისა დაბადებულისა პირმშოდ
Line of edition: 22     რაჲ უწოდით უფალსა, არა ვსცთებით ჭეშმარიტებისაგან, რამეთუ
Line of edition: 23     ვინაჲთგან პირველი იგი დაბადებული წარჴდა, უჴმარ-ქმნილი ცოდვისა
Line of edition: 24     მიერ, დაჴსნილისა მის და უჴმარ-ქმნილისა წილ ჯეროვნად
Line of edition: 25     შემოვიდა ახალი დაბადებული ნათლისღებისა მიერ, და
Line of edition: 26     მეორედ შობისა გამობრწყინვებული, რომლისა-იგი წინამძღუარ იქმნა
Line of edition: 27     დასაბამი ცხორებისა ჩუენისაჲ ქრისტე, და პირმშოდ იწოდა.
Line of edition: 28  

Line of edition: 29        ესე უკუე მცირედნი სიტყუანი ვთქუენით, რაჲთა ცნას სწავლის
Line of edition: 30     მოყუარემან, თუ ვითარ ჯერ-არს წინა-განწყობაჲ წინააღმდგომთაჲ,
Line of edition: 31     და ვჰგონებ თუ კმა არიან თანაშემწედ ჭეშმარიტებისა. ხოლო თუ
Line of edition: 32     ვითარ მომზავებელ იქმნენ სათნოდ ცხორებისა ზემო თქუმულნი ესე
Line of edition: 33     სიტყუანი, მოკლედ თქმულთა მიერ სიტყუათა ამისიცა წარმოთქუმაჲ
Page of edition: 320   Line of edition: 1     არა დავიცონოთ.

Line of edition: 2        პირმშოჲ იყო შემდგომთა თჳსთაჲ რუბენ, და წამებდა შემდგომად
Line of edition: 3     მისა შობილთა მისსა მიმართ თჳსებასა ხატი და აგებულებაჲ
Line of edition: 4     და მსგავსებაჲ Page of ms.: B269v  პირმშოჲსა მის საკუთრებასა. აწ უკუე,
Line of edition: 5     ვინაჲთგან წყლისა მიერ და სულისა მეორედ შობითა ჩუენცა ვიქმნენით
Line of edition: 6     ძმა უფლისა, რომელი-იგი იქმნა ჩუენთჳს პირმშო
Line of edition: 7     მრავალთა ძმათა შორის, ჯერ-არს და თანანადებ, რაჲთა
Line of edition: 8     მსგავსებითა ცხორებისა ჩუენისაჲთა ვაჩუენოთ მისსა მიმართ თჳსებაჲ
Line of edition: 9     ჩუენი და მოქალაქობითა ჩუენითა მობაძავ ვიქმნნეთ პირმშოჲსა
Line of edition: 10     მის დაბადებულთაჲსა. ხოლო რაბამი და ვითარი მსგავსებაჲ გჳსწავიეს
Line of edition: 11     წერილთა მიერ ხატოვნებისა მისისაჲ, ესე იგი არს, ვითარმედ:
Line of edition: 12     "ცოდვაჲ არა ქმნა, არცა იპოვა ზაკუვაჲ პირსა მისსა", ვინაჲცა,
Line of edition: 13     უკუეთუ გუნებავს ძმად წოდებაჲ მეორედ შობისა Page of ms.: D142r  მიერ
Line of edition: 14     პირმშოჲსა მის ჩუენისაჲ, უცოდველობამან ცხორებისა ჩუენისამან
Line of edition: 15     სარწმუნო ყავნ თჳსებაჲ იგი მისი, და ნუმცა რაჲ მწიკული განგუყოფს
Line of edition: 16     წმიდისა მის შეერთებისა მისისაგან.

Line of edition: 17        არამედ სიმართლეცა არს და სიწმიდე პირმშოჲ იგი
Line of edition: 18     ჩუენი, და სიყუარული და მშჳდობაჲ და გამომჴსნელი
Line of edition: 19     და სხუაჲ ესევითარი მრავალი; და უკუეთუ ესევითართა საქმეთა მიერ
Line of edition: 20     გამოისახვოდის ცხორებაჲ ჩუენი, ცხად იყვნენ და ბრწყინვალე აზნაურებისა
Line of edition: 21     ჩუენისა სასწაულნი. და უკუეთუ ვინმე განიცდიდეს ცხორებასა
Line of edition: 22     ჩუენსა, ესევითართა ამათ კეთილთა მიერ შემკულსა, მანცა
Line of edition: 23     გუწამნეს ძმად ქრისტესა უეჭუელად, რამეთუ იგი თავადი არს,
Line of edition: 24     რომელმან განმიხუნა ჩუენ კარნი აღდგომისანი, და ამის მიერ იქმნა
Line of edition: 25     იგი დასაბამ დაძინებულთა, და რამეთუ აღვდგეთ ყოველნი
Line of edition: 26     მეყსა შინა და წამსა თუალისასა უკუანაჲსკნელითა მით საყჳრითა,
Line of edition: 27     ესე ცხად ყო თავისა მიერ თჳსისა და საქმეთა მათ მიერ,
Line of edition: 28     რომელნი ქმნნა სიკუდილისა მიერ პყრობილთა მათ ზედა. ხოლო
Line of edition: 29     ყოფადსა მას ყოველთა აღდგომასა შემდგომად ამის ცხორებისა აღსასრულისა
Line of edition: 30     არღარა სწორი აღდგომაჲ მიელის ყოველთა, რომელნიიგი
Line of edition: 31     აღდგენ მიწისაგან ქუეყანისა, ვითარცა იტყჳს, ვითარმედ: "გამოვიდოდიან
Line of edition: 32     კეთილისა მოქმედნი აღდგომასა ცხორებისასა, ხოლო ბოროტისა
Line of edition: 33     მოქმედნი -- აღდგომასა საშჯელისასა".

Page of edition: 321  
Line of edition: 1        ვინაჲცა, რომლისა ცხორებაჲ საშინელსა მას დაშჯასა მოელოდის,
Line of edition: 2     ეგევითარი იგი დაღაცათუ მეორედ შობისა მიერ ძმათა თანა უფლისათა
Line of edition: 3     აღრაცხილ იყოს, ამაო არს და ტყუვილ სახელის-დებაჲ მისი,
Line of edition: 4     რამეთუ სიბოროტისა სახითა პირმშოჲსა მის ხატისა თჳსებაჲ უვარუქმნიეს
Line of edition: 5     და განურყუნიეს, ხოლო შუვამდგომელად რაჲ ღმრთისა და
Line of edition: 6     კაცთა იწოდოს ქრისტე, და თავისა მიერ თჳსისა შეაერთებდეს
Line of edition: 7     კაცებასა ღმრთისა მიმართ, ესრეთ გულისჴმა-ყავ, რამეთუ მას ხოლო
Line of edition: 8     შეაერთებს, რომელი ღმრთისა მიმართ შეერთებისა ღირს იყოს; რამეთუ
Line of edition: 9     ვითარცა-იგი ძალითა ღმრთეებისაჲთა თავსა თჳსსა შეასაკუთრა კაცი,
Line of edition: 10     რომელი-იგი კერძოჲ იყო ზოგადისა მის ბუნებისაჲ, გარნა არა შთავრ
Line of edition: 11     დომილი ვნებათა ბუნებისათა, ცოდვისა მიმართ მიმხდელთა; ვითარცა
Line of edition: 12     წერილ არს, ვითარმედ: "ცოდვაჲ არა ქმნა, არცა იპოვა ზაკუვაჲ
Line of edition: 13     პირსა მისსა". ეგრეთვე კაცად-\კაცადსა Page of ms.: D142v  შეაერთებს ღმრთეებასა,
Line of edition: 14     უკუეთუ შეერთებისა ღმრთისა უღირსი არარაჲ იპოვოს მათ
Line of edition: 15     თანა, არამედ რომელიცა ჭეშმარიტებით იყოს ტაძარ ღმრთისა,
Line of edition: 16     და არარაჲ აქუნდეს თავსა შორის თჳსსა სიბოროტისა სახე
Line of edition: 17     და კერპები, ესევითარი იგი შუვამდგომელისა მის დიდისა მიერ
Line of edition: 18     ზიარებად ღმრთეებისა აღიყვანოს, და Page of ms.: B270r  სიწმიდისა მიერ წმიდისა
Line of edition: 19     მის წმიდათაჲსა სავანე იქმნეს, რამეთუ არცა ბოროტის მოქმედსა
Line of edition: 20     სულსა შევიდეს სიბრძნე, ვითარცა თქუმულ არს, არცა წმიდამან
Line of edition: 21     გულითა თჳნიერ ღმრთისა იხილოს რაჲ სხუაჲ თავსა შორის
Line of edition: 22     თჳსსა, რომელსა-იგი უხრწნელებითა შეემშჭუალა და შეეყო, რომელი-იგი
Line of edition: 23     არს სუფევაჲ და მეუფებაჲ ყოველთავე კეთილთა და
Line of edition: 24     ფუფუნებათა უაღრესი და თავი.

Line of edition: 25        და რაჲთა უმეტეს ცხად იქმნეს სიტყუაჲ ჩუენი, ჴმაჲ იგი უფლისაჲ
Line of edition: 26     მოვიჴსენოთ, რომელი მიჰრქუა მოციქულთა მარიამის მიერ, ვითარმედ:
Line of edition: 27     "აღვალ მამისა ჩემისა და მამისა თქუენისა, და ღმრთისა ჩემისა და
Line of edition: 28     ღმრთისა თქუენისა". Page of ms.: A20r 

Line of edition: 29        ესე უკუე თქუა შორის მამისა, და თჳსთა მათ ქადაგთა და მოციქულთა,
Line of edition: 30     დიდმან მან შუვამდგომელმან ღმრთისა და კაცთამან, რომელმან
Line of edition: 31     თავისა მიერ თჳსისა დამაგნა მტერნი ესე ღმრთისა ჭეშმარიტსა და
Page of edition: 322   Line of edition: 1     მხოლოსა ღმრთეებასა, რამეთუ ვინაჲთგან კაცნი ცოდვისა მიერ, სიტყჳსაებრ
Line of edition: 2     წინაჲსწარმეტყუელისა, უცხო იქმნნეს ცხოველსმყოფელისა
Line of edition: 3     მის საშოჲსაგან, და მუცლითგან ტყუვილსა ჭეშმარიტებისა წილ
Line of edition: 4     იტყოდეს, ამისთჳს მჴსნელმან დასაბამი ზოგადისა ბუნებისაჲ მიიღო
Line of edition: 5     სულისა მიერ და ჴორცთა, და წმიდა იყო, და ყოვლისავე სიბოროტისა
Line of edition: 6     შეუწყნარებელ და შეურყვნელ თავისა მიერ თჳსისა, და
Line of edition: 7     ღმრთივბრწყინვალედ გამოაჩინა, რაჲთა უხრწნელებისა მიერ შეწიროს
Line of edition: 8     იგი მამისა, და მის მიერ მოიზიდოს მისა ყოველივე ნათესავი მისი და
Line of edition: 9     ტომი და ბუნებაჲ, და ყვნეს უცხო-ქმნილნი იგი შვილ ღმრთისა, და
Line of edition: 10     მტერნი ღმრთისანი -- თანამკჳდრ და ზიარ ღმრთეებისა.

Line of edition: 11        აწ უკუე, ვითარცა დასაბამი იგი ობისა ჩუენისაჲ, სიწმიდისა მიერ
Line of edition: 12     და უვნებელობისა, საკუთარ იქმნა ჭეშმარიტისა მის მამისა და ღმრთისა,
Line of edition: 13     ეგრეთვე ჩუენცა, თბენი ესე, მითვე გზითა მობაძავითა მისითა,
Line of edition: 14     შევეყვნეთ მამასა მას ჭეშმარიტებისასა, მსგავსად ძალისა მიმსგავსებითა
Line of edition: 15     შუვამდგომელისა მის Page of ms.: D143r  ჩუენისა უვნებელობასა და უცვალებელობასა.
Line of edition: 16     და ესრეთ, ვიქმნნეთ მხოლოდშობილისა ღმრთისა გჳრგჳნ
Line of edition: 17     ქვათაგან პატიოსანთა, დიდებითა და პატივითა კეთილად ცხორებისაჲთა
Line of edition: 18     შემკულნი, ვითარცა იტყჳს პავლე, ვითარმედ: "მცირედ რაჲმე
Line of edition: 19     დააკლო თავი თჳსი ანგელოზთა, ვნებითა მით სიკუდილისაჲთა;
Line of edition: 20     და პირველ ეკლისა ბშნებად შეცვალებულნი ცოდვისა მიერ, განგებულებითა
Line of edition: 21     მით სიკუდილისაჲთა გჳრგჳნად თჳსად გამოაჩინნა; და
Line of edition: 22     ვნებისა მის მიერ დიდებად და პატივად შეცვალნა ეკალნი იგი.

Line of edition: 23        ვინაჲცა ჭირი არს და ზღვევაჲ არამცირედი, უკუეთუ რომელმანიგი
Line of edition: 24     აიხუნა ცოდვანი სოფლისანი, და გჳრგჳნი ეკლისაჲ დაიდგა,
Line of edition: 25     რაჲთა დიდებითა და პატივითა შეთხზულად გჳრგჳნად გამოაჩინნეს
Line of edition: 26     კაცნი, და ესევითარსა მას გჳრგჳნსა შინა იპოვოს ვინმე ბოროტად
Line of edition: 27     ცხორებისა მიერ, ეკლად და კუროჲსთავად, რომლისა მიმართ ითქუას
Line of edition: 28     უეჭუელად ჴმისა მის მიერ სიმართლისა, ვითარმედ: "ვითარ შემოხუედ
Line of edition: 29     აქა, რომელსა არა გმოსიეს სამოსელი საქორწინე", ანუ
Line of edition: 30     თუ ვითარ შეეთხზენ გჳრგჳნსა ჩემსა სამეუფოსა, დიდებითა და პატივითა
Line of edition: 31     შემკულსა, ეკალი ეგე და კუროჲსთავი? რაჲ ზიარებაჲ არს
Line of edition: 32     ქრისტესი ბელიარის თანა, ანუ რაჲ ნაწილი უც მორწმუნესა ურწმუნოჲსა
Line of edition: 33     თანა? ანუ თუ რაჲ შეტყუებაჲ არს ნათლისაჲ ბნელისა
Page of edition: 323   Line of edition: 1     თანა? აწ უკუე რაჲთა ესევითარნი ესე სიტყუანი არასადა ითქუნენ
Line of edition: 2     ჩუენდა მომართ, უჯე\როდ Page of ms.: B270v  ცხორებითა ჩუენითა, ყოველივე მოღუაწებაჲ
Line of edition: 3     ვაჩუენოთ და ყოველივე ეკალი და კუროჲსთავი, საქმითი და
Line of edition: 4     სიტყჳთი და გონებითი, ყოვლისავე ცხორებისა ჩუენისაგან განვჰფხურათ,
Line of edition: 5     რაჲთა წმიდითა და უვნებელითა მოქალაქობითა ვიქმნნეთ პატივ
Line of edition: 6     და დიდება და თავი იგი ყოველთაჲ თავთა თჳსთა მიერ გჳრგჳნოსან
Line of edition: 7     ვყოთ, რაჲთა ვითარცა საუნჯენი რაჲმე და მონაგებნი სამეუფონი
Line of edition: 8     შევირაცხნეთ, რამეთუ ვინაჲთგან უფალი არს დიდებისა და
Line of edition: 9     პატივისაჲ, არარას მიიახლებს უპატიოსა.

Line of edition: 10        ვინაჲცა, რომელი ყოვლისავე უშუერებისა და საძაგელებისაგან
Line of edition: 11     უცხო იქმნეს, ხილულითა და უხილავითა კაცითა, მეუფედ თჳსად
Line of edition: 12     გამოაჩინებს, არა შეურაცხებისა, არამედ დიდებისა და პატივისა უფალსა.

Line of edition: 13        ხოლო არს უფალი დასაბამიცა და Page of ms.: D143v  ძირი და საფუძველი, და
Line of edition: 14     ყოვლისავე საქმისა დასაბამი შემდგომისა მისისაგან არა უცხო არს;
Line of edition: 15     რამეთუ უკუეთუ ვინ ცხორებაჲ განაჩინოს დასაბამად, შემდგომიცა
Line of edition: 16     იგი დასაბამისაჲ ცხორებაჲვე იყოს უეჭუელად. და უკუეთუ
Line of edition: 17     ნათელი იყოს დასაბამი, ნათელი იყოს განაღა შემდგომიცა იგი
Line of edition: 18     ნათლისაჲ.

Line of edition: 19        აწ უკუე დასაბამად რაჲ გურწმენეს უფალი, რასა
Line of edition: 20     სარგებელსა მოვისთულებთ ამის მიერ? ესე იგი არს, რაჲთა, ვითარი
Line of edition: 21     გურწამს დასაბამი ჩუენი, ეგევითარნივე ვიქმნნეთ ჩუენცა, რამეთუ არა
Line of edition: 22     იწოდების ბნელი დასაბამად ნათლისა, არცა სიკუდილი -- ცხორებისა,
Line of edition: 23     არამედ, არა თუ ვისმე აქუნდეს უვნებელობისა მიერ და სათნოებისა
Line of edition: 24     შეზავებაჲ და ერთობაჲ, წინამძღურისა მის მიმართ და დასაბამისა
Line of edition: 25     კეთილთაჲსა, ესევითარისა მის დასაბამ არა იქმნების დასაბამი იგი
Line of edition: 26     და ძირი ყოველთა კეთილთა და არსთა არსებისაჲ.

Line of edition: 27        რამეთუ დასაბამ ბნელისა ცხორებისა -- სოფლის მპყრობელი არს
Line of edition: 28     ბნელისაჲ, და დასაბამ სიკუდილშემოსილისა ცოდვისა არს, _
Line of edition: 29     რომელსა-იგი აქუს სიმტკიცე სიკუდილისაჲ და ბოროტად ცხორებისა
Line of edition: 30     მიერ მთავრობასა ქუეშე ბნელისასა დაწესებული ყოვლისა კეთილისა
Line of edition: 31     დასაბამსა დასაბამად თჳსად ვერ უწოდს; ნუ იყოფით და
Line of edition: 32     ესევე ძალი აქუს, რომელნი თჳსთა კეთილთა სიმტკიცედ საღმრთოთა
Line of edition: 33     მათ ჴმათა შეიმზადებენ და მეუფედ სიმართლისა და მშჳდობისა
Page of edition: 324   Line of edition: 1     უწოდენ უფალსა.

Line of edition: 2        რამეთუ რომელი მოძღურებისა მისებრ საუფლოჲსა მის
Line of edition: 3     ლოცვისა, სუფევისა უფლისა მის ზედა მოსლვად ილოცვიდეს
Line of edition: 4     და გულსავსე იქმნეს, ვითარმედ სიმართლისა და მშჳდობისაჲ არს
Line of edition: 5     მეუფე, ჭეშმარიტი იგი მეუფე, ეგევითარი იგი უეჭუელად წარჰმართებს
Line of edition: 6     ცხორებასა შინა თჳსსა სიმართლესა და მშჳდობასა, რაჲთა სუფევდეს
Line of edition: 7     მის ზედა მეუფე იგი სიმართლისა და მშჳდობისაჲ.

Line of edition: 8        აწ უკუე, ვინაჲთგან ყოველნი სათნოებანი მკჴდრობად სამეუფოდ
Line of edition: 9     შერაცხილ არიან, რამეთუ სიმართლისა მიერ და მშჳდობისა
Line of edition: 10     ყოველნივე სათნოებანი მოესწავებიან, უკუეთუ ვინმე
Line of edition: 11     ლტოლვილ იქმნეს საღმრთოჲსა მჴედრობისაგან და უცხოთესლთა
Line of edition: 12     მწყობრსა შეერთოს, და ბოროტთა მომპოვნებელისა მის ჭურვილად
Line of edition: 13     გამოჩ\ნდეს, Page of ms.: D144r  და განიძარცოს ჯაჭჳ იგი სიმართლისაჲ და ყოველივე
Line of edition: 14     საჭურველი მშჳდობისაჲ, ვითარ დაეწესოს იგი წესთა თანა
Line of edition: 15     ჭეშმარიტისა მის მეუფისათა, რომელი-იგი უცხო იქმნა ჭეშმარიტებისაგან
Line of edition: 16     და ლტოლვილ წყობისაგან? -- ცხად არს უკუე, რამეთუ
Line of edition: 17     ერთგულებასა და საკუთრებასა წყობისა თჳსისასა საანჯმნო ჰყოფს
Line of edition: 18     წინაშე მეუ\ფისა Page of ms.: B271r  თჳსისა, რომელი საგონებელისა მის წილ და
Line of edition: 19     ამაოჲსა მჴედრობისა, ცხორებისა მიერ თჳსისა გამოაჩინებდეს წინამძღურისა
Line of edition: 20     თჳსისა მორჩილებასა და ხატსა.

Line of edition: 21        ვინაჲცა სამგზის სანატრელ არს საღმრთოჲსა ერისმთავრობისა
Line of edition: 22     ქუეშე დაწესებული და ბევრის-ბევრეულთა მათ მჴედრობათა თანა
Line of edition: 23     აღრაცხილი და სიბოროტისა მიმართ სათნოებათა მიერ აღჭურვილი,
Line of edition: 24     რომელი-იგი ხატსა სამეუფოსა -- შემოსითა მისითა საანჯმნო
Line of edition: 25     ჰყოფდეს.

Line of edition: 26        და რადღა საჴმარ არს უმეტეს-რაჲმე განგრძობაჲ სიტყჳსაჲ ამის,
Line of edition: 27     და ყოველთავე ჴმათა, რომელნი სახელსა ქრისტესსა მოასწავებენ,
Line of edition: 28     წინაშე დასხმად გამოძიებასა ამას შინა სისრულისასა, რომელთა
Line of edition: 29     მიერ იქმნების სათნოდ ცხორებისა მიმართ წარმართებაჲ, რაჟამს
Line of edition: 30     თითოეული სახელი თჳსითა ღმრთისმეტყუელებითა და იგავითა თანაშემწე
Line of edition: 31     გუექთებოდის სრულისა და უნაკლულოჲსა ცხორებისა მოგებად,
Line of edition: 32     ვინაჲთგან ყოველთავე წარმოთუმაჲ შეუძლებელ არს, და გონიერთათჳს
Line of edition: 33     ესეცა ნამეტნავ არს, სიტყჳსა მისებრ იგავთაჲსა, ვითარმედ:
Line of edition: 34     "ეც ბრძენსა მიზეზ და უბრძნეს იყოს". აწ უკუე, კაცად-კაცადსა
Page of edition: 325   Line of edition: 1     დაუტეოთ გამოძიებაჲ მათი, და ჩუენ ზემო ჴსენებულთა მათ მოძღურებათა
Line of edition: 2     ძალი კუალად მოვიჴსენოთ, რაჲთა ესრეთ სარგებელი რაჲმე
Line of edition: 3     მოვისთულოთ საძიებელისა მისთჳს, რომელი პირველითგან პირად და
Line of edition: 4     სახედ სიტყჳსა ჩუენისა განვაწესეთ; ესე იგი არს, რამეთუ ვეძიებდით,
Line of edition: 5     თუ ვითარ ვინ წარჰმართოს სისრულე ცხორებასა შინა თჳსსა.

Line of edition: 6        ამისთჳს უკუე ამას ვიტყჳ მე, რამეთუ რომელი მარადის იგონებდეს,
Line of edition: 7     ვითარმედ, სიტყჳსაებრ მოციქულთაჲსა, თანაზიარ არს თაყუანისსაცემელისა
Line of edition: 8     მის ქრისტეს სახელისა, ქრისტიანედ წოდებისა
Line of edition: 9     მიერ, ეგევითარმან მან უეჭუელად სხუათა მათცა სახელთა ძალი,
Line of edition: 10     რომელთა მიერ ქრისტე იქადაგების, Page of ms.: D144v  თავსა შორის თჳსსა შემოიკრიბოს
Line of edition: 11     და თითოეულისა წოდებისა ზიარ იქმნეს უბიწოჲსა ცხორებისა
Line of edition: 12     მიერ.

Line of edition: 13        რამეთუ სამნი არიან, რომელნი გამოსახვენ ქრისტიანისა ცხორებასა,
Line of edition: 14     ესე იგი არს -- საქმე, სიტყუაჲ და გონებაჲ. და ამათ შორის
Line of edition: 15     უმთავრეს გონებაჲ არს. რამეთუ ყოვლისავე სიტყჳსა დასაბამ
Line of edition: 16     გონებაჲ იქმნების. და შემდგომად გონებისა მეორედი წესი აქუს სიტყუასა,
Line of edition: 17     რომელი-იგი გამოისახვის სულსა შინა გონებისა მიერ, და
Line of edition: 18     ჴმისა მიერ წარმოიჩინების და გამოცხადდების. ხოლო შემდგომად
Line of edition: 19     გონებისა და სიტყჳსა მესამე წესი უპყრიეს საქმესა, და განგონებულსა
Line of edition: 20     მას საქმით სრულ-ჰყოფს ქმნისა მიერ. ვინაჲცა, რომლისაცა ამათგანისა
Line of edition: 21     წესმან ცხორებისა ჩუენისამან მიმიყვანნეს და გუეგულებოდის
Line of edition: 22     გინა მოგონებად, გინა სიტყუად, გინა ქმნად, ყოვლისა პირველად
Line of edition: 23     ფრიადი კრძალვაჲ თანა-გუაც, რაჲთა, გინა თუ ვიგონებდეთ, გინა თუ
Line of edition: 24     ვიტყოდით, და გინა თუ ვიქმოდით, არარას ვიქმოდით გარეშე საღმრთოთა
Line of edition: 25     ამათ სახელთაჲსა, რომელთა მიერ ქრისტე იქადაგების და
Line of edition: 26     გულისჴმა-იქმნების. რაჲთა, ნუუკუე გარეშე მაღალთა ამათ ღმრთისმეტყუელებათა
Line of edition: 27     ძალისა განვიდეს გონებაჲ, გინა სიტყუაჲ, გინა საქმე
Line of edition: 28     ჩუენი, და წარვწყმდეთ. რამეთუ სიტყჳსა მისებრ სამოციქულოჲსა,
Line of edition: 29     ყოველი, რომელი არა სარწმუნოებით იყოს, იგი ცოდვა არს, და
Line of edition: 30     ეგრეთვე ამას განვაჩინებთ, ვითარმედ: ყოველივე, რომელი არა ქრისტეს
Line of edition: 31     მიმართ ხედვიდეს, გინა თუ გონებაჲ, ანუ თუ სიტყუაჲ, ანუ თუ
Line of edition: 32     საქმე, იგი Page of ms.: B271v  ანტიქრისტეს მიმართ ხედავს და მას ჰმორჩილობს.
Line of edition: 33     რამეთუ რომელი ნათლისა და ცხორებისაგან განვარდეს, უეჭუელად
Page of edition: 326   Line of edition: 1     ბნელსა და სიკუდილსა მიეცემის. და ვინაჲთგან რომელი გარეშე
Line of edition: 2     ქრისტეს მცნებათა და ბრძანებათა რასმე იტყოდის გინა იქმოდის ანუ
Line of edition: 3     თუ იგონებდეს, ეგევითარი იგი ეშმაკსა შეესაკუთრების. მაშა ქრისტეცა
Line of edition: 4     სამე უვარ-ჰყოფს მას და იჯმნის მისგან უკეთურებისა მისისათჳს,
Line of edition: 5     Page of ms.: A21r  და ჭეშმარიტებით სრულ-იქმნების მის ზედა საწინაჲსწარმეტყუელოჲ
Line of edition: 6     იგი სიტყუაჲ, ვითარმედ: "გარდამავალად შევჰრაცხენ Page of ms.: D145r 
Line of edition: 7     ყოველნი ცოდვილნი ქუეყანისანი", ესე იგი არს -- უვარისმყოფელად.
Line of edition: 8     რამეთუ ვითარცა რომელმან დევნულებათა შინა უვარ-ყოს
Line of edition: 9     ქრისტე, უარის-მყოფელი არს იგი თაყუანის-საცემელისა სახელისა
Line of edition: 10     მისისაჲ და გარდამავალი შჯულისაჲ. ეგრეთვე, რომელმან სიმართლე
Line of edition: 11     და ჭეშმარიტებაჲ უარ-ყოს ანუ თუ სიწმიდე და უხრწნელებაჲ ანუ
Line of edition: 12     თუ სხუაჲ რაჲმე მაღალთა მათ სათნოებათაგანი, ჟამსა მას ვნებათა
Line of edition: 13     კუეთებისასა, გარდამავლად და უშჯულოდ ეწოდების ეგევითარსა
Line of edition: 14     მას წინაჲსწარმეტყუელისა მიერ, მისთჳს, რომელი-იგი ამათ
Line of edition: 15     სახელთა მიერ იცნობების და იდიდების ქრისტე ღმერთი.

Line of edition: 16        რაჲ-მე უკუე თანა-აც, რაჲთა იქმოდის, რომელი ღირს-ქმნულ
Line of edition: 17     იყოს ქრისტეს ღმრთისა დიდისა მის სახელისა სეხნაობასა? და რაჲმცა
Line of edition: 18     თანა-ედვა სხუაჲ, არამედ რაჲთა ყოვლითავე გამოწულილვითა
Line of edition: 19     და ყოვლითავე გამოძიებითა განიკითხვიდეს თავსა თჳსსა და გონებასა
Line of edition: 20     და სიტყუასა და საქმესა, და უკუეთუ თითოეული ამათი ქრისტეს
Line of edition: 21     მცნებათაებრ-ძი იქმნების, ანუ თუ უცხო ქმნილ არს ქრისტესგან
Line of edition: 22     და ამის განკითხვისა და გულისჴმის-ყოფისა გამორჩევასა არცა ერთი
Line of edition: 23     აქუს სიძნელე, არამედ ფრიადი სიადვილე, რამეთუ ყოველი რომელი
Line of edition: 24     ვნებისა რაჲსათჳსმე გინა იქმნებოდის გინა იგონებოდის გინა ითქუმოდის,
Line of edition: 25     ეგევითარსა მას არცა ერთი აქუს ქრისტეს მიმართ ზიარებაჲ,
Line of edition: 26     არამედ ხატი ეშმაკისაჲ ჰმოსიეს, რომელი სიწმიდისა წილ მარგალიტსა
Line of edition: 27     მას სულისასა ვნებათა მწჳრესა ასხურებს და ქვისა მის
Line of edition: 28     პატიოსნისა ბრწყინვალებასა განჰრყუნის.

Line of edition: 29        ხოლო რომელსა ენებოს ყოვლისავე ვნებათა სიყუარულისაგან განწმედაჲ,
Line of edition: 30     წინამძღურისა მის მიმართ უვნებელობისა ჰხედავს და მას
Line of edition: 31     ემსგავსების, რომელ არს ქრისტე, რომლისა მიერ, ვითარცა წმიდისა
Line of edition: 32     და უხრწნელისა წყაროჲსაგან აღმოივსებს საღმრთოსა გულისჴმისყოფასა,
Page of edition: 327   Line of edition: 1     და ეგევითარსა მსგავსებასა აჩუენებს საუფლოჲსა მის ხატისასა,
Line of edition: 2     ვითარი იქმნების წყაროჲსა და ნაკადულისაჲ, და მათგან აღმოვსებულისა
Line of edition: 3     წყლისაჲ ჭურჭელსა შინა, რომელთა-იგი ერთ არს არსებაჲ
Line of edition: 4     და ბუნებაჲ და სიწმიდე. ეგრეთვე სახედ იქმნების ქრისტეს მიერ
Line of edition: 5     და სახელთა მისთა Page of ms.: D145v  და ცხორებისა ჩუენისა, რამეთუ იგი არს
Line of edition: 6     წყაროჲ ცხორებისაჲ, და საღმრთონი იგი სახელნი მისნი ნაკადულნი
Line of edition: 7     არიან ცხორებისანი, ხოლო აღმასრულებელი ძალსა საღმრთოთა მათ
Line of edition: 8     სახელთასა, კეთილად ცხორებისა მიერ ვითარცა სარწყული აღმოივსებს
Line of edition: 9     საღმრთოთა მათ გულისჴმის-ყოფათა სიკეთესა, და ესრეთ, უხილავისა
Line of edition: 10     და ხილულისა კაცისა მოქალაქობაჲ და წესიერებაჲ ქრისტეს მცნებათა
Line of edition: 11     აღსრულებითა განშუენდების და ერთ Page of ms.: B272r  იქმნების.

Line of edition: 12        და განბჭობისა ჩემისაებრ და განჩინებისა ესე არს სრული ქრისტიანეთა
Line of edition: 13     ცხორებაჲ, რაჲთა ყოველთავე სახელთა, რომელთა მიერ
Line of edition: 14     ქრისტესა სახელ-ედების ზიარებაჲ აქუნდეს სულისა მიერ და სიტყჳსა,
Line of edition: 15     და ამის ცხორებისა საქმეთა, რაჲთა კურთხევაჲ იგი სამოციქულოჲ
Line of edition: 16     სრულებით და უნაკლულოდ სიწმიდითურთ დაუმკჳდროს
Line of edition: 17     თავსა თჳსსა, და სულით და ჴორცით და გონებით ყოვლისავე
Line of edition: 18     ბოროტთა აღრევისაგან უცხო იქმნეს და განშორებულ სამარადისოდ.

Line of edition: 19        ხოლო უკუეთუ ვინმე იტყოდის, ვითარმედ ძნიად წარსამართებელ
Line of edition: 20     არს კეთილი, ვინაჲთგან უცვალებელი უფალი ხოლო არს მხოლოჲ
Line of edition: 21     დაბადებულთა მფლობელი, ხოლო კაცთა ბუნებაჲ -- ქცევადი და
Line of edition: 22     შეცვალებისა მიმართ მარჯუე და ადრე მიდრეკადი, და ვითარ შესაძლებელ
Line of edition: 23     არს, კეთილსა შინა სიმტკიცე და უქცეველობაჲ, ქცევადსა
Line of edition: 24     ბუნებასა შინა წარმართებად. ამათ უკუე ესევითართა სიტყუათა მიმართ
Line of edition: 25     ამას ვიტყჳთ, ვითარმედ ვერ გჳრგჳნოსან იქმნების, უკუეთუ
Line of edition: 26     ვინმე არა შჯულიერად იღუაწოს. და შჯულიერად მოღუაწებაჲ
Line of edition: 27     არა იქმნების, უკუეთუ მბრძოლი არა იყოს. რამეთუ უკუეთუმცა
Line of edition: 28     მბრძოლი არა იყო, არცამცა გჳრგჳნი იყო, რამეთუ ძლევაჲ თავით
Line of edition: 29     თჳსით არა იქმნების, უკუეთუ ძლეული არა იყოს.

Line of edition: 30        ვინაჲცა თჳთ მის ქცევადისა ბუნებისა ჩუენისა მიმართ ვიღუაწოთ,
Line of edition: 31     და ვითარცა წინააღმდგომსა რასმე, გულის-სიტყუათა მიერ ბრძოლაუყოთ,
Line of edition: 32     და არა დაცემითა მისითა გამოვჩნდეთ მძლედ, არამედ არა
Line of edition: 33     შენდობითა დაცემად ჩუენდა. რამეთუ არა ხოლო თუ ბოროტისა
Line of edition: 34     მიმართ ოდენ იჴუმევს კაცი ქცეულებასა, რამეთუ უკუეთუმცა ბოროტისა
Page of edition: 328   Line of edition: 1     მიმართ ოდენ აქუნდა Page of ms.: D146r  ქცეულებაჲ და მიდრეკაჲ ბუნებით
Line of edition: 2     შეუძლებელმცა იყო და უღონო კეთილისა რაჲსმე წარმართებაჲ.
Line of edition: 3     ხოლო აწ უაღრესი საქმე ქცეულებისაჲ კეთილთა აღორძინებასა
Line of edition: 4     შინა იხილვების, და ყოვლადვე უმჯობესისა მიმართ შეცვალებაჲ
Line of edition: 5     საღმრთოსა პატივსა ღირს-ჰყოფს კეთილად შეცვალებულსა მას.

Line of edition: 6        აწ უკუე რომელი-იგი საშინელად საგონებელ იყო, ესე იგი არს
Line of edition: 7     ქცეულებაჲ ბუნებისა ჩუენისაჲ, აჰა ესერა სიტყუამან ვითარცა ფრთე
Line of edition: 8     რაჲმე გამოაჩინა, შემწე უმაღლეს ფრინვისა მიმართ, ვიდრეღა ზღვევა
Line of edition: 9     იყო ჩუენდა და დაჭირვება, უკუეთუმცა ვერ შემძლებელ ვიყვენით
Line of edition: 10     უმჯობესისა მიმართ შეცვალებად.

Line of edition: 11        ნუმცა ვინ უკუე მწუხარე არს, ხედვიდეს რაჲ Page of ms.: A21v  ბუნებისა
Line of edition: 12     ჩუენისა ქცეულებისა მიმართ სიადვილესა, არამედ მარადის უმჯობესისა
Line of edition: 13     მიმართ შეიცვალებოდენ და დიდებითი-დიდებად აღიწეოდენ. და
Line of edition: 14     ესე იყავნ ქცეულებაჲ მისი, რაჲთა დღითი-დღე აღორძნდებოდის და
Line of edition: 15     მარადის უაღრეს იქმნებოდის და ყოვლადვე უსრულესისა მიმართ
Line of edition: 16     აღისწრაფდეს და არასადა მისწუდებიდის სისრულისა თავსა, რამეთუ
Line of edition: 17     ჭეშმარიტი სისრულე ესე არს, რაჲთა არაოდეს დადგეს უაღრესისა
Line of edition: 18     მიმართ აღმატებისაგან, არცა შემოსაზღვრებითა რაჲთმე და
Line of edition: 19     დასასრულითა შემოსაზღვროს დაუსრულებელი იგი სრულებაჲ.

Line of edition: 20        ლოცვა ყავთ ჩუენთჳს, ქრისტეს მოყუარენო, და სწავლისმოყუარენო
Line of edition: 21     ძმანო, ამენ.



Next part


This text is part of the TITUS edition of Gregory of Nyssa, Works.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.