TITUS
Basilius Magnus, Homiliae
Part No. 20
Previous part

Homily: 20  
Line of ed.: 24  თქუმული წმიდისა მამისა ჩუენისა ბასილისი სიმდაბლისათჳს


Paragraph: 1  
Line of ed.: 25       1. უჴმდა კაცსა, რაჲთამცა დადგრომილ იყო დიდებასა მას შინა, ღმრთისა
Line of ed.: 26    მიერ მოცემულსა, და აქუნდამცა მას სიმაღლე ჭეშმარიტი და არა მოპოვნებული,
Line of ed.: 27    რაჟამს-იგი განძლიერდებიდა ძალითა ღმრთისაჲთა და განბრწყინდებოდა
Line of ed.: 28    სიბრძნითა მით საღმრთოჲთა და იხარებდა საუკუნოჲთა მით კეთილითა. ვინაჲთგან
Line of ed.: 29    უკუე შეცვალა სურვილი იგი საღმრთოჲსა დიდებისაჲ და იწყო ძიებად
Line of ed.: 30    უმეტესისა, რომელსა ვერ მისწუთებოდა, ამისთჳს წარწყმიდა იგიცა, რომლისა
Line of ed.: 31    ძალ-ედვა პყრობად. აწ უკუე კეთილი ცხორებაჲ არს და წამალი სენისა მის
Line of ed.: 32    მისისაჲ და მიმქცეველი პირველისა მის პატივისა მიმართ სიმდაბლე და, რაჲთა
Page of ed.: 198   Line of ed.: 1    არა ეძიებდეს დიდებასა ამაოსა, არამედ ღმრთისაგან ითხოვდეს დიდებასა. რამეთუ
Line of ed.: 2    ესრეთ განჰმართოს მან ცთომაჲ თჳსი, ესრეთ განკურნოს მან სენი თჳსი,
Line of ed.: 3    ესრეთ მივიდეს პირველისავე მის მცნებისა მიმართ. არამედ ეშმაკი იგი, რომელმან
Line of ed.: 4    დასცნა კაცნი სასოებითა მტყუვარისა მის დიდებისაჲთა, იგი არა დას\ცხრების
Line of ed.: 5    ცთუნებად მათდა და ყოველსა ღონესა ეძიებს ამას ზედა და დიდად
Line of ed.: 6    აღუჩენს მას სიმრავლესა საფასეთასა, რაჲთა ამის მიმართ იყოს ყოველი მოსწრაფებაჲ
Line of ed.: 7    მისი. რომელი-იგი არარაჲ არს დიდებად, არამედ უფროჲსად დიდად
Line of ed.: 8    დასაქცეველად. რამეთუ საფასეთა მოგებაჲ საქმჱ არს ანგაჰრებისაჲ, ხოლო
Line of ed.: 9    სადიდებელად არად საჴმარ არს, არამედ ამაოდ დააბრმობს კაცსა, ცუდად
Line of ed.: 10    აღამაღლებს, მსგავს ჰყოფს განსივებულთასა. რამეთუ ვითარცა განსივებულნი
Line of ed.: 11    არა სიმრთელისა-ჴორცკეთილობისაგან არიან ესრეთ ზრქელ, არამედ
Line of ed.: 12    სენთაგან მრავალთა, ეგრეთვე არს ამპარტავანებაჲ სულსა შინა. რამეთუ
Line of ed.: 13    არიან კაცნი, რომელნი არა სიმდიდრესა ზედა ოდენ ზუაობენ და ტაბლათა
Line of ed.: 14    ბრწყინვალეთა დაგებასა და სამოსელთა შუენიერებასა ზედა და სიმრავლესა
Line of ed.: 15    მონათასა და მსახურთასა, არამედ პატივთა ზედაცა, სხუათა მიერ მოცემულთა,
Line of ed.: 16    მაღლოიან. უკუეთუ იქმნენ მთავარ ერისა, ანუ მიიღონ სხუაჲ რაჲმე
Line of ed.: 17    პატივი, ზუაობდიან, ვითარმცა უზეშთაეს ბუნებასა კაცთასა ქმნილ იყვნეს,
Line of ed.: 18    და ვითარცა ღრუბელთა ზედა აღსრულნი, ესრეთ მაღლოიან და მათსა ქუეშე
Line of ed.: 19    მყოფნი კაცნი დასათრგუნველად აქუნდიან, და რომელთაგან მიეღის, პატივი
Line of ed.: 20    მათ ზედავე მძჳნვარებდიან და რომელთა მიერ ზუაობდიან, მათვე შეურაცხჰყოფდიან
Line of ed.: 21    და იქმოდიედ საქმესა, უგუნურებითა სავსესა. რამეთუ აქუნ დიდებაჲ
Line of ed.: 22    უუძლურესი სიზმრისაჲ და აჩრდილთა ღამისათა უამაოესი ბრწყინვალებაჲ
Line of ed.: 23    ემოსის, რამეთუ წამისყოფითა ერისაჲთა ქმნულ არნ და წამისყოფითავე
Line of ed.: 24    დაილიის, ვითარ იყო უგუნური იგი ძჱ სოლომონისი, ყრმაჲ ჰასაკითა და
Line of ed.: 25    უყრმესი გონებითა, რომელსა სთხოა ერმან უმშჳდესი წინამძღურობაჲ და
Line of ed.: 26    მან უქადა მათ უფიცხლესი და ესრეთ საქმითა მით, რომლისა მიერ ჰგონებდა,
Line of ed.: 27    თუ ძლიერად გამოჩნდეს, მის მიერ სრულიად განდევნილ იქმნა მეფობისაგან.

Line of ed.: 28       ხოლო აღაზუავებს კაცსა ძალიცა გუამისაჲ და სიმალჱ ფერჴთაჲ
Line of ed.: 29    შუენიერებაჲ ჰასაკისაჲ. რომელნი-ესე სენთა მიერ განრყუანად არიან და
Line of ed.: 30    ჟამთა მიერ განხრწნადნი. და არა იციან მათ, ვითარმედ: "ყოველივე ჴორცი
Line of ed.: 31    თივაჲ არს და ყოველივე დიდებაჲ კაცისაჲ - ვითარცა ყუავილი თივისაჲ.
Line of ed.: 32    განჴმის თივაჲ იგი და ყუავილი დასცჳვის. ესევითარნი იყვნენ გმირთა მათ
Line of ed.: 33    ძალსა ზედა მათსა ზუაობანი: და გოლიათ უგუნურისა გონებაჲ ღმრთის
Page of ed.: 199   Line of ed.: 1    მბრძოლი და სიკეთესა ზედა აღზუავებული ადონია და შუენიერებასა
Line of ed.: 2    ზედა თმათასა მოქადული აბესალომ.

Paragraph: 2  
Line of ed.: 3       2. ხოლო რომელი-იგი კაცთა შორის უფროჲს ყოვლისა დიდად და მტკიცედ
Line of ed.: 4    შერაცხილ არს, ესე იგი არს სიბრძნე და ფილაფოზობაჲ, მისიცა სიმაღლჱ ამაო
Line of ed.: 5    არს ჭეშმარიტ, უკუეთუ ხორციელი ოდენ იყოს და საღმრთოჲ სიბრძნე
Line of ed.: 6    არა შერთულ იყოს მას თანა, და არარად შერაცხილ არს იგი.

Line of ed.: 7       რამეთუ, პირველ ყოვლისა, სიბრძნესა ზედა სოფლისასა ყოველთასა უმეტესად
Line of ed.: 8    თჳთ ეშმაკი არს ჴელოან და იგი სცთა მისსა მას ჴელოვნებასა შინა.
Line of ed.: 9    და რომელი-იგი ღონე ყო კაცსა ზედა და თჳსითა მით ბოროტითა სიბრძნითა
Line of ed.: 10    აცთუნა იგი, მისისავე თავისა სავნებელად მოჰჴდა, რამეთუ სრულიად
Line of ed.: 11    ღმრთისაგან მით განვარდა და სიკუდილითა მით საუკუნოჲთა დაისაჯა. ხოლო
Line of ed.: 12    კაცი სრულიად ვერ განაგდო ღმრთისაგან, არამედ თჳთ განვარდა; და კუალად
Line of ed.: 13    მახითა მით, რომელი უფალსა დაუდგა, თჳთვე შეპყრობილ იქმნა; და რომელი
Line of ed.: 14    ჰგონებდა ჯუარცუმისა მიერ ვნებად უფლისა, თჳთ მას ევნო ჯუარცუმითა მისითა;
Line of ed.: 15    და სიკუდილითა მით, რომლითა ენება მოკლვაჲ უფლისაჲ, თჳთ მოკუდა.

Line of ed.: 16       აწ უკუე მთავარი იგი ამის სოფლისაჲ, პირველი და დიდი და უხილავი
Line of ed.: 17    სიბრძნისა მის ამაოჲსა მოძღუარი თჳსითა მით სიბრძნითავე დაეცემის და
Line of ed.: 18    უკუანაჲსკნელსა უგუნურებასა მიიწევის, ვითარ არა უფროჲსად მისნი იგი
Line of ed.: 19    მოწაფენი და მიმსგავსებულნი, დაღაცათუ ბრძენ ეგონნენ თავნი მათნი, სუ\ლელ
Line of ed.: 20    იქმნებიან. რამეთუ იხილეთ, თუ ვითარ ინება ფარაო სიბრძნისა მიერ
Line of ed.: 21    თჳსისა აჴოცად ერსა ისრაელისასა, არამედ ღონე იგი მისი თავისა მისისა სა\ლმობად
Line of ed.: 22    მიიქცა, სადაჲთ-იგი არა მოელოდა. და ჩჩჳლი იგი, ბრძანებისათჳს
Line of ed.: 23    მისისა სიკუდილად მიცემული, აღიზარდა სახლსა მას შინა სამეფოჲსა მისისას და არა
Line of ed.: 24    გულისჴმა-ყო მან, თუ ვითარ მისსა სახლსა შინა იზრდებოდა
Line of ed.: 25    დამაქცეველი იგი მისი და განმყვანებელი ყოველსა მას ერსა ისრაელისასა. ხოლო
Line of ed.: 26    კაცისმკვლელმან აბიმელექ, გედეონის არაჭეშმარიტმან ძემან, რომელმან
Line of ed.: 27    სამეოცდაათნი იგი ძენი მისნი ჭეშმარიტნი მოსწყჳდნა და ჰგონებდა, თუ სიბრძნე
Line of ed.: 28    რაჲმე ქმნა, რაჲთამცა მტკიცედ აქუნდა მას მეფობაჲ, უკუანაჲსკნელ
Line of ed.: 29    მოსწყნა იგინი, რომელნი შემწე იქმნეს ბოროტისა მის მისისა და მერმე
Line of ed.: 30    წარწყჳდნა იგინი, ჴელითა დედაკაცისაჲთა და ტყორცებითა ქვისაჲთა. ხოლო
Line of ed.: 31    ჰურიათაცა სიბრძნედ მოიპოეს უფლისათჳს განზრახვაჲ იგი ბოროტი, რაჟამს
Line of ed.: 32    თქუეს, ვითარმედ: "უკუეთუ უტეოთ, ყოველთავე ჰრწმენეს იგი და მოვიდენ
Line of ed.: 33    ჰრომნი და წარტყუენონ ქუეყანაჲ და ნათესავი ჩუენი". ამის განზრახვისა
Line of ed.: 34    მიერ იქმნეს ქრისტეს მკლველ, რაჲთამცა განარინეს ქუეყანაჲ მათი. და წარ\წყმდეს
Line of ed.: 35    განზრახვისა მის მიერ და ტყუე იქმნეს ქუეყანისა მისგან და უცხო _
Line of ed.: 36    რჩულისაგან და ტაძრისა.

Line of ed.: 37       და ესრეთ მრავლითა სახითა პოოს კაცმან, უკუეთუ ეძიებდეს, საქმე ესე,
Page of ed.: 200   Line of ed.: 1    თუ ვითარ ამაო არს კაცობრივისა სიბრძნისა საქმე. და მდაბალ არს და მცირე
Line of ed.: 2    უფროჲსად, ვიდრეღა მაღალ და დიდ.

Paragraph: 3  
Line of ed.: 3       3. და არავინ არს, რომელსამცა აქუნდა გონებაჲ და იგიმცა ზუაობდა
Line of ed.: 4    სიბრძნესა ზედა, ანუ სხუასა რასმე კეთილსა თჳსსა. არამედ ისმინოს მან კეთილი
Line of ed.: 5    იგი სწავლაჲ ნეტარისა ანაჲსი და კუალად წინაჲსწარმეტყუელისა იერემიაჲსი,
Line of ed.: 6    ვითარმედ: "ნუ იქადინ ბრძენი სიბრძნითა თჳსითა, ნუცა ძლიერი ძალითა
Line of ed.: 7    თჳსითა, ნუცა მდიდარი სიმდიდრითა თჳსითა, არამედ რაჲ
Line of ed.: 8    არს ჭეშმარიტი იგი სიქადული და რომლითა საქმითა დიდ იქმნების კაცი?
Line of ed.: 9    ამას ზედა იქადოდენო, რომელი იქადოდის გულისჴმისყოფასა და ცნობასა
Line of ed.: 10    უფლისასა. ესე არს სიმაღლე კაცისაჲ, ესე არს დიდება და ძლიერება
Line of ed.: 11    რაჲთა ჭეშმარიტი იგი დიდებაჲ იცნას და ითხოვდეს დიდებასა მხოლოჲსა
Line of ed.: 12    მის დიდებულისა უფლისაგან, ვითარცა მოციქული იტყჳს, ვითარმედ: "რომელი-იგი
Line of ed.: 13    იქადოდის, უფლისა მიერ იქადოდენ". ვითარმედ "ქრისტე გუექმნა
Line of ed.: 14    ჩუენ სიბრძნე ღმრთისა მიერ, სიმრთელე და სიწმინდე და მჴსნელ". რამეთუ
Line of ed.: 15    ესე არს სრული და კეთილი უფლისა მიერ სიქადული, რაჲთა არავინ მაღლოოდის
Line of ed.: 16    არცა სიმართლესა ზედა თჳსსა, არცა სრუასა რას ზედა, არამედ ცნას,
Line of ed.: 17    ვითარ-იგი ნაკლულევან არს სიმართლისა მისგან ჭეშმარიტისა და სარწმონოებითა
Line of ed.: 18    ოდენ ქრისტესითა განმართლებულ იყოს, ვითარცა პავლე იქადის შეურაცხებისათჳს
Line of ed.: 19    თჳსისა სიმართლისა და ძიებისათჳს სიმართლესა ქრისტესმიერსა,
Line of ed.: 20    რომელი არს ღმრთისაგან და სარწმუნოებისათჳს მეცნიერებისა მისისა და
Line of ed.: 21    ძალისა აღდგომისა მისისა და ზიარებისათჳს ვნებათა მისთაჲსა, თანახატყოფად
Line of ed.: 22    სიკუდილისა მისისა, რაჲთა მიიწიოს აღდგომისა მკუდართასა.

Line of ed.: 23       აქა უკუე დაცემულ არს ყოველივე სიმაღლჱ ამპარტავანებისაჲ და არარაჲ
Line of ed.: 24    დარჩომილ არს შენდა, ჵ კაცო, მიზეზი ზუაობისაჲ, რომლისა-ეგე სიქადული
Line of ed.: 25    ამას ზედა არს და სასოებაჲ, რაჲთა მოაკუდინო თავი შენი ყოვლისაგან
Line of ed.: 26    საქმისა და სცხონდებოდი ქრისტესა მიერ ცხორებისა მისთჳს მერმისა, რომლისა
Line of ed.: 27    დასაბამი გუაქუს აქა, რომელნი-ესე ყოვლითურთ მადლითა მით და ნიჭითა
Line of ed.: 28    ღმრთისაჲთა ვცხონდებით. რამეთუ ღმერთი არს "რომელი მოგუცემს ნებასა
Line of ed.: 29    და ქმნასა კეთილისასა" და ღმერთი არს, რომელი თჳსსა სიბრძნესა,
Line of ed.: 30    განგებულსა წინაჲთვე, დიდებად ჩუენდა გამოგჳცხადებს თჳსისა სულისა
Line of ed.: 31    მიერ და ღმერთი არს, რომელი შრომასა შინა მოგუცემს ძალსა, ვითარცაა
Line of ed.: 32    მოციქული იტყჳს, ვითარმედ: "უწინარეს მათ ყოველთაჲსა დავშუერ,
Line of ed.: 33    არამედ არა მე, გარნა მადლი იგი ღმრთისაჲ, რომელი იყო ჩემ თანა" და
Line of ed.: 34    ღმერთივე გჳჴსნის ჩუენ განსაცდელთაგან, ვითარცა თქუმულ არს, ვითარმედ:
Line of ed.: 35    "ჩუენ თჳთ თავით თჳსით განჩინებაჲ იგი სიკუდილისაჲ მოგუეღო, რაჲთა არა
Line of ed.: 36    ვესვიდეთ თავთა თჳსთა, არამედ ღმერთსა, რომელმან-იგი აღადგინნის მკუდარნი
Line of ed.: 37    რომელმან-იგი ესევითარისა მის სიკუდილისაგან მიჴსნნა ჩუენ და მიჴსნის,
Line of ed.: 38    რომელსა-იგი ვესავთ, ვითარმედ მერმეცა მიჴსნეს შეწევნითა ლოცვათა თქუენთაჲთა".
Page of ed.: 201  

Paragraph: 4  
Line of ed.: 1       4. რასა უკუე ჰმაღლოი, ვითარცა თჳსთა ზედა საქმეთა, მონიჭებულთა მაგათ
Line of ed.: 2    ღმრთისა მიერ, რომელსა-ეგე თანა-გედვა მადლობაჲ მომცემელისა მის?
Line of ed.: 3    რამეთუ: "რაჲ გაქუს, რომელი არა მოგიღებიეს? უკუეთუ კულა მოგიღებიეს,
Line of ed.: 4    რასა იქადი, ვითარმცა არა სხჳსაგან მოგეღო", არამედ თავით თჳსითმცა
Line of ed.: 5    გაქუნდა?

Line of ed.: 6       არა შენ იცან ღმერთი სიმართლითა შენითა, არამედ ღმერთმან შენ გიცნა
Line of ed.: 7    სახიერებისათჳს თჳსისა, რამეთუ: გჳცნობიეს ღმერთი და უფროჲსღა ცნობილ
Line of ed.: 8    ვართ ღმრთისა მიერ. არა თუ შენ ქრისტე ჰპოვე სათნოებითა შენითა,
Line of ed.: 9    არამედ ქრისტემან შენ გპოვა მოსლვითა თჳსითა, რამეთუ იტყჳს, ვი\თარმედ:
Line of ed.: 10    "ვსდევ, რაჲთა ვეწიო, რომლისათჳსცა მეწია მე ქრისტე",
Line of ed.: 11    ვითარცა იტყჳს უფალი, ვითარმედ: "არა თქუენ მე გამომირჩიეთ, არამედ მე
Line of ed.: 12    თქუენ გამოგირჩიენ". არამედ შენ, ვინაჲთგან პატივცემულ იქმენ, ამისთჳს
Line of ed.: 13    ჰმაღლოი? და წყალობაჲ იგი, რომელი შენ ზედა იქმნა, მიზეზად ამპარტავანებისა
Line of ed.: 14    მიიღებ? გარნა მაშინ იცან თავი შენი, თუ ვინ ხარ, რაჟამს გამორდომილ
Line of ed.: 15    იქმნე, ვითარცა ადამ სამოთხისაგან და დატეობილ იქმნა, ვითარცა საულ
Line of ed.: 16    რაჲ დაუტევა სულმან ღმრთისამან და ვითარცა ისრაელი რაჲ მოიკუეთა ძირისა
Line of ed.: 17    მისგან წმიდისა.

Line of ed.: 18       "ნუ ჰმაღლოი უკუე, რამეთუ სარწმუნოებითა მდგომარე ხარ შენ, არამედ
Line of ed.: 19    გეშინოდენ, რამეთუ მადლსა შეუდგეს საშჯელი, და თუ ვითარ-ძი
Line of ed.: 20    გიჴმარებიან მონიჭებულნი იგი, ესე მსაჯულმან მან გამოიძიოს. ხოლო უკუეთუ
Line of ed.: 21    ესეცა ვერ გულისჴმა-გიყოფიეს, ვითარმედ რაჲ-ეგე გაქუს, მადლითა
Line of ed.: 22    ღმრთისაჲთა გაქუს, არამედ მის მიერ მოცემულსა მას თჳსად იტყჳ, შენითა
Line of ed.: 23    ძალითა მოგებულად გარდამატებულითა მით უმეცრებითა, არა ვიცი, თუ
Line of ed.: 24    რაჲღა გრქუა.

Line of ed.: 25       ანუ არა უწყი-ა, ვითარმედ არა უპატიოსნეს ხარ ნეტარისა მოციქულისა
Line of ed.: 26    პეტრესა? რამეთუ არცა თუ გაქუს მისოდენი სიყუარული დმრთისა მიმართ,
Line of ed.: 27    რომელსა ესრეთ უყვარდა იგი, რომელ სიკუდილი ენება მისთჳს სურვიელად
Line of ed.: 28    და ეტყოდა ვითარმედ? "დაღაცათუ ყოველნი დაბრკოლდენ შენდა მიმართ,
Line of ed.: 29    არამედ მე არასადა დავბრკოლდე". არამვდ ვინაჲთგან ესე სიტყუაჲ
Line of ed.: 30    ზუაობით ეთქუა, ამისთჳს მიეცა იგი მოშიშებასა კაცობრივსა და შთავარდა
Line of ed.: 31    უარისყოფად, რაჲთა ესრეთ ცთომისა მის მიერ განისწავლოს არა მინდობად
Line of ed.: 32    თავსა თჳსსა და კუალად წყალობად უძლურთაცა. ვინაჲთგან მიიღო მანცა
Line of ed.: 33    გამოცდილებაჲ უძლურებისა მის კაცობრივისაჲ და გულისჴმა-ყო, ვითარმედ
Line of ed.: 34    ვითარცა-იგი ზღუასა შინა რაჲ დაინთქმოდა, განემტკიცა უფლისა მარჯუენითა,
Line of ed.: 35    ეგრეთვე ზღუასა მას შინა დაბრკოლებისასა მიეახლა დანთქმად ურწმუნოებისა
Line of ed.: 36    მიერ, დაცვულ იქმნა იგი ძალითა ქრისტესითა, რომელმან წინაჲსწარვე
Page of ed.: 202   Line of ed.: 1    ყოველივე უთხრა მას, ვითარმედ: "ვიდრეღა ქათამმან იყივლოს, სამგზის
Line of ed.: 2    უვარ-მყო მე". და პეტრეს ესრეთ ემხილა და შეეწია მას უფალი სამართლად,
Line of ed.: 3    რაჲთა ესრეთ ისწაოს სიმდაბლჱ და წყალობაჲ უძლურთაჲ. ხოლო
Line of ed.: 4    ფარისეველი იგი, ზუავი და ამპარტავანი, რომელი-იგი არა თჳსსა ოდენ თავსა
Line of ed.: 5    ზედა ზუაობდა, არამედ მეზუერესა მასცა სძაგებდა წინაშე ღმრთისა და
Line of ed.: 6    ესრეთ სიქადული იგი სიმართლისაჲ წარწყმიდა ბოროტითა მით ამპარტავანებისაჲთა.
Line of ed.: 7    და გარდამოვიდა მეზუერე იგი, განმართლებული უფროჲს მისსა,
Line of ed.: 8    რამეთუ ადიდებდა იგი წმიდასა მას და სახიერსა უფალსა და არცა თუ ზე
Line of ed.: 9    ახილვად კადნიერ იყო, არამედ ლხინებასა ოდენ ითხოვდა. და შემასამენელ
Line of ed.: 10    იყო იგი თავისა თჳსისა სახითა მით დგომისა მისისაჲთა და ცემითა მით მკერდისაჲთა
Line of ed.: 11    და რამეთუ სხუასა არარას ითხოვდა, არამედ ლხინებასა ოდენ.

Line of ed.: 12       აწ უკუე იხილე სახჱ ესე და ეკრძალე ბოროტსა მას ამპარტავანებისასა,
Line of ed.: 13    ვითარ-იგი მოიწია ფარისეველსა მას ზედა. და დაშჭირდა მას სიმართლჱ, ამპარტავანებითა
Line of ed.: 14    თჳსითა წარწყმიდა მადლი თჳსი, ზუაობითა მით უდარეს იქმნა
Line of ed.: 15    მდაბლისა მის და ცოდვილისა, ვინაჲიგან განადიდა მან თავი თჳსი უფროჲს
Line of ed.: 16    მისსა და არა მოელოდა ღმრთისა საშჯელსა, არამედ თჳსითა ნებითა
Line of ed.: 17    საჯა. არამვდ შენ ნუ ჰმაღლოი კაცსა ზედა, დაღაცათუ ყოველთა ცოდვილთა
Line of ed.: 18    უცოდვილეს იყოს, რამეთუ მრავალგზის სიმდაბლემან იჴსნის დიდად შეცოდებული
Line of ed.: 19    ცოდვათა მისთაგან. და ამისთჳს გეტყჳ, ვითარმედ: ნუ განამართლებ
Line of ed.: 20    თავსა შენსა უფროჲს სხჳსა, ნუუკუე შენითა მით განშჯითა განჰმართლდე და
Line of ed.: 21    ღმრთისაჲთა დაისაჯო, ვითარცა დიდი მოციქული პავლე იტყჳს, ვითარმედ:
Line of ed.: 22    "არა თუ თავსა ჩემსა განვიკითხავ, რამეთუ არარაჲ თავსა ჩემსა შემიცნობიეს,
Line of ed.: 23    არამედ არა თუ ამით რასმე განვმართლდები, ხოლო განმამართლებელი ჩემი
Line of ed.: 24    უფალი არს.

Paragraph: 5  
Line of ed.: 25       5. და აწ შენცა უკუეთუ ჰგონებ, თუ კეთილი რაჲმე გიქმნიეს, ღმერთსა
Line of ed.: 26    ჰმადლობდი და ნუ მოყუასსა ზედა ჰმაღლოი, ვითარცა წერილ არს, ვითარმედ:
Line of ed.: 27    "თითოეული საქმესა თჳსსა განიცდიდინ და მაშინ თავით თჳსით აქუნდეს
Line of ed.: 28    სიქადლი და არა სხჳსა მიმართ". რამეთუ რაჲ არგე შენ მოყუასსა, უკუეთუ
Line of ed.: 29    სარწმუნოებაჲ აღიარე, ანუ დევნულებაჲ თავს-იდევ სახელისათჳს უფლისა,
Line of ed.: 30    ანუ თუ შრომანი მარხვისანი მოითმინენ? არა მეორისაჲ არს სარგებელი ეხე
Line of ed.: 31    არამედ შენი. გეშინოდენ მიმსგავსებად დაცემასა მას ეშმაკისასა, რომელი-იგი
Line of ed.: 32    ამაღლდა კაცსა ზედა და მერმე დაეცა კაცისა მიერ და მიეცა დასათრგუნველად
Line of ed.: 33    დათრგუნვილისა მის. ესევითარი იყო დაცემაჲცა იგი ისრაიტელთაჲ, რამეთუ
Line of ed.: 34    მაღლოოდეს წარმართთა ზედა, ვითარცა არაწმიდათა და იგინი უმეტე\სად
Line of ed.: 35    არა წმიდა იქმნეს და მათი იგი სიმართლჱ იქმნა ვითარცა ძონძი დედაკაცისა
Line of ed.: 36    წიდოვნისაჲ, ხოლო ბილწებაჲ იგი და არაწმიდებაჲ წარმართთაჲ სარწმუნოებისა
Line of ed.: 37    მიერ აღიჴოცა.
Page of ed.: 203  


Line of ed.: 1       გაჴსოდენ უკუე სიტყუაჲ იგი სოლომონისი, ყოველსა ზედა რომელსა
Line of ed.: 2    იტყჳს, ვითარმედ: "უფალი ამპარტავანთა წინააღმდგომ არს, ხოლო მდაბალთა
Line of ed.: 3    მოსცვს მადლი" და კუალად სიტყუაჲ იგი თავადისა უფლისაჲ გაქუნდინ
Line of ed.: 4    გულსა შენსა, რომელსა იტყჳს, ვითარმედ: "რომელმან აღიმაღლოს თავი თჳსი,
Line of ed.: 5    იგი დამდაბლდეს და რომელმან დაიმდაბლოს თავი თჳსი, იგი ამაღლდეს".

Line of ed.: 6       ნუ იქმნები თავისა თჳსისა უსამართლო მსაჯულ, ნუცა თუალთხუმით თავისა
Line of ed.: 7    შენისა ჰყოფ განშჯასა, რაჲთამცა უკუეთუ რაჲმე კეთილი გქონდა, მასმცა
Line of ed.: 8    ოდენ ხედევდი და ცოდვათამცა ნეფსით დაივიწყებდი; ნუ იქმ ამას, რაჲთამცა
Line of ed.: 9    უკუეთუ რაჲმე აწ ჰქმენ კეთილი, მას ზედამცა ჰმაღლოოდე და რომელნი-იგი
Line of ed.: 10    განთიად ანუ გუშინ გიქმნიან ცთომანი, მასმცა შეუნდობდი თავსა
Line of ed.: 11    შენსა. არამედ რაჟას რაჲმე კეთილი ჰქმნე და აღგაზუავებდეს იგი შენ, პირველნი
Line of ed.: 12    ცთომანი მოიჴსენენ, რაჲთა ესრეთ დასცხრეს უგუნური იგი გულისსიტყუაჲ.

Line of ed.: 13       და კუალად, უკუეთუ მოყუსისა ცთომაჲ იხილო, ნუ მას ზედა განიკითხავ
Line of ed.: 14    მას და მას ოდენ ხედავ, არამედ მოიჴსენენ სათნოებანიცა მისნი, რომელნი
Line of ed.: 15    იცნი და რომელნი შენდა არა საცნაურ არიან, ნუუკუე და ჰპოო იბი, ვითარმედ
Line of ed.: 16    ფრიად უმჯობეს არს შენსა, უკუეთუ ოდენ ყოველივე გამოიძიო და არა
Line of ed.: 17    ცთომასა ოდენ იტყოდი და კეთილსა არღარა. რამეთუ ღმერთი არა ერთსა
Line of ed.: 18    კერძსა ზედა შჯის კაცთა, ვითარცა წერილ არს, ვითარმედ: "მე საქმეთა და
Line of ed.: 19    გულისზრახვათა მათთა შეკრებად მოვალ" და კუალად იოსაფატს რაჲ შეჰრისხნა
Line of ed.: 20    ცოდვისა მისთჳს მის ჟამისა, მოიჴსენა ქველისსაქმეცა მისი და თქუა,
Line of ed.: 21    ვითარმედ: "სიტყუანი კეთილნი იპოვნეს შენ თანა",

Paragraph: 6  
Line of ed.: 22       6. ამას და ესევითარსა ყოველსავე ვეტყოდით თავთა ჩუენთა აღმოფხურად
Line of ed.: 23    ჩუენგან ამპარტავანებისა და მარადის დავამდაბლებდეთ თავთა ჩუენთა
Line of ed.: 24    რაჲთა ესრეთ აღვმაღლდეთ.

Line of ed.: 25       მივემსგავსნეთ ზეცით მოსრულსა უფალსა, რომელი უკუანაჲსკნელად
Line of ed.: 26    სიმდაბლედ მოვიდა, რაჲთა ესრეთ ჩუენცა სიმდაბლითა აღვმაღლდებოდით.
Line of ed.: 27    რამეთუ ყოველთა საქმეთა უფლისათა სიმდაბლედ მომყვანებელად ვჰპოებთ:
Line of ed.: 28    ვითარ-იგი ჩჩჳლღა რაჲ იყო, ქუაბსა შინა იყოფოდა და არცა ცხედარსა ზედა,
Line of ed.: 29    არამედ ბაგასა მიიწვინა პირუტყუთასა; მერმე აღიზრდებოდა სახლსა შინა
Line of ed.: 30    ხუროჲსა იოსებისსა და დედისა, ეგრეთვე გლახაკისასა; და ჰმორჩილობდა
Line of ed.: 31    დედასა თჳსსა და იოსებს და ისწავლიდა, რომელი-იგი წყაროჲ არს სიბრძნისაჲ
Line of ed.: 32    და ჰკითხვიდა და იტყოდა, რამეთუ ესრეთ უკჳრდა მათ მისი სიბრძნეო
Line of ed.: 33    მოუდრიკა თავი იოვანეს და ნათლისღებაჲ მონისაგან მიიღო მეუფემან; და
Line of ed.: 34    შეურაცხისმყოფელთა მისთაგანსა არავის წინა-აღუდგებოდა. არამედ, ვითა\რცა
Line of ed.: 35    უძლიერესთა, დაუმდაბლდებოდა; და არა გამოაჩინებდა გამოუთქუმელსა
Line of ed.: 36    მას ჴელმწიფებასა თჳსსა, არამედ სოფლისა ამის ძლიერთა არა წინა-ადუდგებოდა;
Page of ed.: 204   Line of ed.: 1    წინაშე მღდელთმოძღუართაჲსა წარდგა ვითარცა დაშჯილი; წინაშე
Line of ed.: 2    მსაჯულისა მივიდა და საშჯელი მიიღო; და ცილისწამებათა მათ დუმილით
Line of ed.: 3    თავს-იდებდა; ინერწყუებოდა პირი მისი, რომლისაგან ძრწიან ქერობინნი,
Line of ed.: 4    მონათა მიერ და ყრმათა საწყალობელთა; მერმე სიკუდილსა მიეცა და სი\კუდილსა
Line of ed.: 5    ესევითარსა, რომელი კაცთა შორის ბოროტად შერაცხილ იყო და
Line of ed.: 6    უძჳრეს ყოველთა სიკუდილთა.

Line of ed.: 7       ესრეთ წარვლო კაცებაჲ შობითგან ვიდრე აღსასრულამდე და ესევითარითა
Line of ed.: 8    სიმდაბლითა. და უკუანაჲსკნელ გამოაჩინებს დიდებასა თჳსსა, რაჲთა
Line of ed.: 9    თჳსთა თანა ადიდნეს, რომელნი-იგი მის თანა დამდაბლდეს, რომელთაგანნი
Line of ed.: 10    პირველნი არიან დიდებულნი იგი მოწაფენი მისნი, რომელთა გლახაკად და
Line of ed.: 11    შიშულად მოირბინეს ყოველი სოფელი, არა სიბრძნითა სიტყუათაჲთა, არცა
Line of ed.: 12    სიმრავლითა მსახურთაჲთა, არცა სიმრავლითა საფასეთაჲთა, არამედ გლახაკად
Line of ed.: 13    და უნდოდ ზღუათა შინა და ქუეყანათა ჭირვეულნი, ძჳრხილულნი, გუემულნი,
Line of ed.: 14    დევნულნი და უკუანაჲსკნელ მოკლულნი.

Line of ed.: 15       ესე სწავლანი მოცემულ არიან ჩუენდა მამულად და საღმრთოდ, ამათ
Line of ed.: 16    ვჰბაძვიდეთ, რაჲთა სიმდაბლისა მიერ აღმოგჳბრწყინდეს სრული იგი და
Line of ed.: 17    ჭეშმარიტი დიდებაჲ ქრისტესი.

Paragraph: 7  
Line of ed.: 18       7. ხოლო უკუეთუ იტყჳთ, ვითარმედ: "ვითარ-მე მოვიდეთ ესევითარსა
Line of ed.: 19    მას ცხოელსმყოფელსა სიმდაბლესა და ბოროტი იგი ამპარტავანებისა სიმაღლე
Line of ed.: 20    განვიშოროთ ჩუენგან"?ისმინეთ უკუე, ვითარმედ გზაჲ სიმდაბლისაჲ
Line of ed.: 21    ესე არს, რაჲთა მარადის მას ვეძიებდეთ და საქმეთა, მისთა მომყვანებელთა,
Line of ed.: 22    მოვიგებდეთ და არარას შეურაცხ-ვჰყოფდეთ უნდოთა საქმეთაგანსა, ვითარმცა
Line of ed.: 23    მისგან არაჲ გუევნებოდა, რამეთუ სული საქმესა ჴორცთასა მიემსგავსების
Line of ed.: 24    რომლისა მიმართ იყოს საქმე მისი, მისა მიმართ მიეახლების და მას
Line of ed.: 25    ზედა გამოისახვის.

Line of ed.: 26       ამისთჳსცა გეტყჳ შენ, ძმაო, რაჲთა იყოს სახეცა შენი და სამოსელიცა
Line of ed.: 27    შენი და სლვაჲ შენი და ჯდომაჲ და ჭამადი და სარეცელი და სახლი და ყოველივე,
Line of ed.: 28    რაჲ იყოს სახლსა შინა, ესე ყოველი იყავნ უნდო და სიმდაბლისა კერძსა
Line of ed.: 29    მიმზიდველ. სიტყუაჲცა და გალობაჲ და მოყუსისა თანა ყოფაჲ - ესენიცა
Line of ed.: 30    ყოველნი სიმდაბლითამცა შემკულ არიან და ნუ ზუაობითა. ნუ ხარ
Line of ed.: 31    მზუაობარ და შექცეულ სიტყუათა შინა ფილაფოზობისათა, ნუცა ჴმატკბილობისა
Line of ed.: 32    გალობათა შინა გარდამატებულთა, ნუცა მზრახვალ ზუაობით და ამპარტავანებით,
Line of ed.: 33    არამედ ყოველსა შინა მდაბალ, ტკბილ მოყუასისა მიმართ, სახიერ
Line of ed.: 34    მონისა მიმართ, ძჳრუჴსენებელ ბოროტისმოქმედთა მიმართ, კაცთმოყუარე
Line of ed.: 35    მდაბალთა მიმართ, ნუგეშინისმცემელ ჭირვეულთა, მხედველ სნეულთა,
Line of ed.: 36    არავისა შეურაცხისმყოფელ, ტკბილ სიტყჳთა, მშჳდ, მარჯუე, საყუარელ ყოველთაგან,
Line of ed.: 37    არცა თჳთ მაქებელ თავისა თჳსისა, არცა სხუათა მიერ მოყუარე ქებისა,
Line of ed.: 38    არა მოყუარულ სიტყუათა უწესოთა, დამფარველ სათნოებათა შენთა და
Page of ed.: 205   Line of ed.: 1    შემსმენელ ცოდვათა თჳსთა. და ნუ ელი სხუათაგან მხილებასა, რაჲთა იქმნე
Line of ed.: 2    მართალ ჭეშმარიტად, ვითარცა წერილ არს, ვითარმედ: მართალი შემსმენელ
Line of ed.: 3    არნ თავისა თჳსისა, რაჲთა ემსგავსო იობს, რომელსა არა ჰრცხუენა სიმრავლეთაგან
Line of ed.: 4    ერისათა აღსარებად წინაშე მათსა ცთომისა თჳსისა.

Line of ed.: 5       ნუ ხარ შენ მძიმე შერისხვასა ზედა სხუათასა, ნუცა ხარ ადრე და ვნებულად
Line of ed.: 6    მამხილებელ (რამეთუ ამპარტავანება არს ესეცა), ნუ მაბრალობელ
Line of ed.: 7    ხარ მოყუსისა მცირეთა ზედა ცთომათა მისთა, ვითარცა უმეტეს ზომისა სი\მართლისმოყუარე,
Line of ed.: 8    არამედ სიტყჳსაებრ მოციქულისა: "იხილე, ნუუკუე
Line of ed.: 9    შენცა გამოიცადო". ესრეთ მოსწრაფე იყავ არა დიდებად სხუათაგან, რაჲზომ-იგი
Line of ed.: 10    ისწრაფიან სხუანი, რაჲთამცა იდიდნეს. და იჴსენებდ სიტყუასა უფ\ლისასა.
Line of ed.: 11    რომელი იტყჳს ზღვევად სასყიდლისა ღმრთისამიერისა ქებასა კაცთასა
Line of ed.: 12    და წინაშე მათსა ქმნასა სათნოებისასა, რამეთუ იტყჳს, ვითარმედ: "მიუღებიეს
Line of ed.: 13    სასყიდელი მათი.

Line of ed.: 14       ხოლო შენ ნუ მოაწვვ თავსა ზედა შენსა ზღვევასა მას მაჩუენებლობისასა
Line of ed.: 15    მიერ, რამეთუ ღმერთი დიდად მხილველი არს ყოვლისაჲვე. ამისთჳს გეტყჳ:
Line of ed.: 16    დიდებისმოყუარე თუ ხარ, ღმრთისამიერი იგი დიდებაჲ გიყუარდინ, რამეთუ
Line of ed.: 17    ბრწყინვალესა სასყიდელსა მისცემს იგი ყოველთა. უკუეთუ კულა მთავრობა\სა
Line of ed.: 18    და წინამძღურობასა ღირსქმნულ ხარ და იდიდები კაცთა მიერ, იქმენ შენ
Line of ed.: 19    მსგავს მათდა. რომელნი ქუეშე შენსა არიან. უკუეთუ ებისოპოს ხარ, გინა
Line of ed.: 20    მამასახლის, ნუ ჰმაღლოი შენსა ქუეშე მყოფთა მათ ზედა, ნუცა მიემსგავსები
Line of ed.: 21    მთავარაა მათ სოფლისათა, რამეთუ უფალმან ბრძანა, რაჲთა "რომელსა უხუცესობაჲ
Line of ed.: 22    ენებოს, იქმნეს ყოველთა მონა".

Line of ed.: 23       ყოველსა ზედა გრქუა მოკლე სიტყუაჲ: ესრეთ მისდევდი სიმდაბლესა,
Line of ed.: 24    ვითარცა ტრფიალი მისი; ეტრფიალე მას, რაჲთა გადიდოს შენ. ესრეთ მიხჳდე
Line of ed.: 25    დიდებასა მას ჭეშმარიტსა ანგელოზთასა და ღმრთისამიერსა და აღგიაროს
Line of ed.: 26    ქრისტემან თჳსად მოწაფედ წინაშე ანგელოზთა მისთა, უკუეთუ ოდენ
Line of ed.: 27    მსგავს სიმდაბლისა მისისა იქმნე, რომელმან თქუა, ვითარმედ: ისწავეთ ჩემგან,
Line of ed.: 28    "რამეთუ მშჳდ ვარ და მდაბალ გულითა და ჰპოოთ განსუენებაჲ სულთა
Line of ed.: 29    თქუენთაჲ" რამეთუ მისი არს დიდებაჲ თანა მამით და სულით წმიდითურთ
Line of ed.: 30    აწ და მარადის და უკუნითი უკუნისამდე, ამენ.



Next part


This text is part of the TITUS edition of Basilius Magnus, Homiliae.

Copyright TITUS Project, Frankfurt a/M, 5.3.2021. No parts of this document may be republished in any form without prior permission by the copyright holder.