TITUS
Basilius Magnus, Homiliae
Part No. 21
Previous part

Homily: 21  
Line of ed.: 31  თქუმული წმიდისა მამისა ჩუენისა ბასილი კესარიელ მთავარეპიზკოპოზისჲ
Line of ed.: 32  არაშექცევისათჳს საქმეთა სოფლისათა და ცეცხლისა მისთჳს, რომელი შეედვა მაშინ
Line of ed.: 33  კესარიელთა ქალაქსა


Paragraph: 1  
Line of ed.: 34       1. მე ვჰგონებდი, საყუარელნო, ვინაჲთგან ესრეთ მარადის საწერტელითა
Line of ed.: 35    მით სიტყჳსა ჩემისაჲთა გიწერტ, ვითარმედ მოგეწყინოს თქუენ ჩემი
Line of ed.: 36    სწავლაჲ და სამძიმარ გიჩნდეს, ვითარცა მეტად კადნიერებით მეტყუელი სიტყუათა,
Page of ed.: 206   Line of ed.: 1    რომელნი არა უჴმან თქუმან კაცსა, შეპყრობილსა მათვე ცთომათა
Line of ed.: 2    მიერ, რომელთათჳს იტყოდის. არამედ თქუენ უმეტესად მხილებისა მის ჩემისა
Line of ed.: 3    მიერ სურვილად სწავლისა მოხუედით და წყლულებანი იგი, ენისა ჩემისა
Line of ed.: 4    მიერ თქუენდა მოწევნულნი, უმეტესისა წადიერებისა მიზეზ გექმნეს
Line of ed.: 5    და არა უცხო არს საქმე ესე, რამეთუ თქუენ ბრძენნი ხართ სულიერად, ვითარცა
Line of ed.: 6    იტყჳს სიტყუათა შინა თჳსთა სოლომონ, ვითარმედ: "ამხილე ბრძენსა
Line of ed.: 7    და შეგიყუაროს შენ. ამისთჳს უკუე, ძმანო, აწცა მოვალ სწავლად, ნუუკუე
Line of ed.: 8    შეუძლო ძალითა ღმრთისაჲთა განრენად თქუენდა ბადეთა მათგან ეშმაკისათა,
Line of ed.: 9    რამეთუ მრავალთა და თითოსახეთა ბრძოლათა მოაწევს იგი ჩუენ
Line of ed.: 10    ზედა, საყუარელნო, მარადღე. ხოლო მოაწევს, ვითარცა უწყით, ჩუენ ზედა
Line of ed.: 11    ჩუენთავე გულისთქუმათა, რამეთუ იგინი ჰქონან მას ისრად ჩუენ ზედა. და
Line of ed.: 12    მარადის ჩუენგან მიიღებს ძალსა ვნებად ჩუენდა, რამეთუ ფრიადი იგი ძალი
Line of ed.: 13    მისი მეუფემან საკრველითა მტკიცითა შეკრა და არა უტევა, რაჲთამცა
Line of ed.: 14    სრულიად დააქცია ნათესავი კაცთაჲ. და მიერითგან არა აქუს თჳსი ძალი
Line of ed.: 15    არამედ ჩუენგან მიიღებს ძალსა ვნებად ჩუენდა უგუნურებითა ჩუენითა მოშურნე
Line of ed.: 16    იგი. და ვითარცა უკეთურნი იგი და ანგაჰრნი კაცნი, რომელთა სიქმჱ
Line of ed.: 17    ესე არს, რაჲთა სხუათაგან მოტაცებულითა მით მონაგებითა განმდიდრდებოდინ
Line of ed.: 18    და ძალი არა აქუნ ამისდა ქმნად, მაშინ უკუე წარვიდიან და დასხდებიან
Line of ed.: 19    გზათა ზედა, დამალულნი ქუაბთა შინა, გინა ტყეთა, რაჲთა უხილავ იყვნენ
Line of ed.: 20    მგზავრთა მიერ, და ესრეთ იხილნიან რაჲ მომავალნი მგზავრნი, მეყსა შინა
Line of ed.: 21    უცნაურად ზედა მიუჴდიან მათ, რაჲთა ვერ უძლონ მათ განრო მაჲ მათგან,
Line of ed.: 22    ეგრეთ არს უკეთური ეშმაკი, პირველითგანი იგი მბრძოლი ჩუენი: ჴორცთა
Line of ed.: 23    განსუენებისა ჴურელთა შინა დაიმალვის, რომელნი-იგი არიან გზასა ზედა
Line of ed.: 24    ამის ცხორებისასა, რომელთა ძალ-უც დამალვად ავაზაკისა მის, რაჲთა ჩუენ
Line of ed.: 25    ვერ ვხედვიდეთ და მუნით უცნაურად წარწყმედისა საფრჴეთა დაგჳდგამს.

Line of ed.: 26       ხოლო ჩუენ უკუეთუ გუნებავს, რაჲთა გზაჲ იგი ამის ცხორებისაჲ კეთილად
Line of ed.: 27    წარვლოთ და წარუდგინოთ ქრისტეს სული და ჴორცნი, სირცხჳლისა მისგან
Line of ed.: 28    წყლულებათაჲსა განთავისუფლებულნი, და ესრეთ მოვიღოთ გჳრგჳნი იგი
Line of ed.: 29    ძლევისაჲ, გჳჴმს მარადის მღჳძარედ მიმოვლებაჲ თუალთა მათ სულისათა და,
Line of ed.: 30    რაჲთა ყოველთა მიმართ კეთილთა ამის სოფლისათა იჭუეულ ვიყვნეთ და
Line of ed.: 31    არარას მათგანსა შევაქცევდეთ გონებათა ჩუენთა. დაღაცათუ რქროჲ წინამდებარე
Line of ed.: 32    იყოს დასხმული ხუავად, ნუმცა მივლენ მას ზედა გულნი თქუენნი
Line of ed.: 33    ("რამეთუ სიმდიდრე თუ გარდაგერეოდის, ნუ შეაპყრობთ გულთა"), ნუმცა
Line of ed.: 34    უკუე ვხედავთ ქუეყანისა კეთილთა რამეთუ ჩუენი მოქალაქობაჲ ზეცა\თა
Line of ed.: 35    შინა არს, ვინაჲცა მოველით მაცხოვარსა ქრისტეს"), ნუცა მღერათა
Line of ed.: 36    მიმართ და ტაბლათა და მთრვალობათა მივისწრაფით ("რამეთუ ამაოებაჲ
Line of ed.: 37    ამაოებისაჲ -- ყოველივე ამაო არს"). ნუცამცა შუენიერებაჲ პირთაჲ
Line of ed.: 38    შეგუაგინებს, რომელთა შინა დამკჳდრებულ იყვნიან სულნი ბოროტნი (რამეთუ
Page of ed.: 207   Line of ed.: 1    ბრძენი იგი იტყჳს, ვითარმედ: "პირისაგან დედაკაცისა, ვითარცა პირი\საგან
Line of ed.: 2    გუელისა, ივლტოდე", ნუცა ძლიერებანი და მთავრობანი და დიდებანი
Line of ed.: 3    კაცთანი და სიმაღლჱ საყდრისაჲ და ბრწყინვალებაჲ გუაცთუნებს და
Line of ed.: 4    მონებაჲ ქალაქთა და ნათესავთაჲ ("რამეთუ ყოველი კაცი თივაჲ არს და ყოველი
Line of ed.: 5    დიდებაჲ კაცისაჲ -ყუავილი თივისაჲ; განჴმის თივაჲ იგი და ყუავილი
Line of ed.: 6    მისი დასცჳვის). რამეთუ ამათ ყოველთა შინა მტერი იგი ჩუენი და\მალულ
Line of ed.: 7    არს და ელის, თუ ოდეს-ძი მივდრკეთ გზისა მისგან მართლისა და
Line of ed.: 8    საყოფელთა მათ მისთა მივიდეთ. და შიში არს დიდი, ნუუკუე შევიდეთ საქმეთა
Line of ed.: 9    ამათ შინა კეთილად საგონებელთა და არა უწყოდით დაფარული იგი
Line of ed.: 10    ბოროტი და ესრეთ შთავნთქათ გემოსა მას თანა სიტკბოებისასა სამჭედური
Line of ed.: 11    იგი მწარისა მის წარწყმედისაჲ. და მერმე რომელიმე ნეფსით და რომელიმე
Line of ed.: 12    უნვბლიეთ იქმნას შემშჭუალვაჲ ჩუენი საქმეთა მათ და ესრეთ მიგჳზიდნენ
Line of ed.: 13    ბულისთქუმათა უცნაურად საშინელისა მის საყოფლისა მიმართ ავაზაკისა მის,
Line of ed.: 14    რომელ არს სიკუდილი.

Paragraph: 2  
Line of ed.: 15       2. არამედ ამისთჳს უკუე კეთილ არს, ძმანო რაჲთა ვიქმნეთ, ვითარცა
Line of ed.: 16    მგზავრნი მალიად მსრბოლნი და სუბუქად მავალნი, და ესრეთ აღვასუბუქნეთ
Line of ed.: 17    სულნი ჩუენნი სიმძიმეთა მათგან სოფლისათა სლვად გზასა მას უცთომელად
Line of ed.: 18    და კეთილად აღსასრულად მივიწინეთ. და ნუ ვინ მოიგონებს, თუ მე ახალთა
Line of ed.: 19    სახელთა მოქმედი ვარ. რამეთუ ცხორებასა კაცთასა გზად უწოდა, რამეთუ
Line of ed.: 20    წინაჲსწარმეტყუელმანცა დავით ესრეთ უწოდა ცხორებასა ამას, რაჟამს-იგი
Line of ed.: 21    იტყოდა: "ნეტარ არიან უბიწონი გზასა, რომელნი ვლენან რჩულსა უფლისასა"
Line of ed.: 22    და კუალად მეუფისა მიმართ ღაღადებს, ვითარმედ: "გზაჲ სიცრუვისაჲ
Line of ed.: 23    განმაშორე ჩემგან" და კუალად, უგალობდა რაჲ ღმერთსა შეწევნისა მისისათჳს,
Line of ed.: 24    რომელსა ჰყოფს ჭირვეულთა ზედა, და ორძალსა სცემდა კეთილად და
Line of ed.: 25    იტყოდა: "ვინ არს ღმერთ, გარნა ღმრთისა ჩუენისა ღმერთი, რომელმან შემმოსა
Line of ed.: 26    მე ძალი და დასხნა უბიწოდ სლვანი ჩემნი. და ყოველსა ადგილსა
Line of ed.: 27    გზად უწესს ცხორებასა კაცთასა, გინა თუ საქებელი არნ, ანუ თუ ბოროტი.

Line of ed.: 28       რამეთუ ვითარცა მავალნი გზისანი ბიჯთა მათ ფერჴისათა მარადის ურთიერთას
Line of ed.: 29    წინა მოსწრობით დასდებენ, და რომელი-იგი ფერჴი წინა დადვიან,
Line of ed.: 30    მეორესა ბიჯსა უკუანაჲთ მოაქციიან და კუალად წინაჲ იგი უკუანა ყვიან შეცვალებითა
Line of ed.: 31    მით მეორისაჲთა და ესრეთ მიიწინიან დასასრულსა გზისა მათისასა,
Line of ed.: 32    ეგრეთვე რომელნი ცხორებასა ამას შემოვიდენ დამბადებელისა მიერ,
Line of ed.: 33    მეყსეულად დაწყებასავე ცხორებისა მათისასა უკუნ-გდებაღ ჟამთა იწყებენ
Line of ed.: 34    და წინა მყოფი იგი დღჱ მარადის უკუანაჲთ მოაქციიან და ესრეთ მივლენ
Line of ed.: 35    აღსასრულად ცხორებისა მათისა. ანუ თქუენ ვითარ იტყჳთ? არა ესევითარი
Line of ed.: 36    გზაჲ არს-ა ესე ცხორებაჲ და სლვაჲ, განყოფილი ჰასაკებითა ვითარცა მილიონებითა?
Line of ed.: 37    და დაწყებაჲ სლვისაჲ მის თითოეულისაჲ იქმნების სალმობაჲ იგი
Line of ed.: 38    დედისაჲ და შობაჲ, ხოლო დასასრული სარბიელისაჲ მის იქმნების საფლავი.
Page of ed.: 208   Line of ed.: 1    და რომელიმე გჳანად-რე მივიდის აღსასრულსა მას გზისა თჳსისასა და რომელიმე_
Line of ed.: 2    ადრე; და რომელმანმე წარვლნის ყოველნი იგი სადგურნი ჰასაკთანი,
Line of ed.: 3    ხოლო რომელიმე პირველსაცა უტევანსა ცხორებისასა არა მივიდის. და სხუათა
Line of ed.: 4    მათ გზათა, რომელნი ქალაქითი-ქალაქად მივლენ, შესაძლებელ არს არა
Line of ed.: 5    წარვლაჲ, რომელსაცა ენებოს, არამედ ამას გზასა დაღაცათუ ჩუენ არა გუენებოს
Line of ed.: 6    სლვაჲ, ვინაჲთგან ერთგზის შეგჳწყნარნა, თჳნიერ ყოვლისა მიზეზისა
Line of ed.: 7    დასასრულად მიგჳყვანებს. და არა შესაძლებელ არს, საყუარელნო, რომელსა
Line of ed.: 8    ერთგზის გამოევლოს ამას ცხორებასა შემომყვანებელი იგი ბჭჱ და გზასა
Line of ed.: 9    ამას შემოსრულ იყოს, თუმცა არა მივიდა აღსასრულად. არამეღ თითოეულმან
Line of ed.: 10    გამო-რაჲ-ვლის საშოჲ დედისაჲ, მეჴსეულად მდინარესა მას შინა შევალს და
Line of ed.: 11    დის მათ თანა და მარადის დღჱ იგი, რომელსა შინა არნ, ზურგით დაუტევის
Line of ed.: 12    და გუშინდლისა მიმართ არღარა შესაძლებელ არს მიქცევად, დადაცათუ
Line of ed.: 13    ფრიად ენებოს. ხოლო ჩუენ გჳხარის, რაჲზომცა წინაჲთ კერძო მივიწეოდით,
Line of ed.: 14    ვითარმცა რაჲმე მოგუეცემოდა, რაჟამს-იგი სიყრმისაგან ვიქმნით ჭაბუკ და
Line of ed.: 15    მერმე მოხუცებულ; და უმეცარ ვართ, რაჲთამცა გულისჴმა-ვყავთ, ვითარმედ
Line of ed.: 16    წარგჳწყმდების იგი ყოველი, რომელიცა წარვლოთ და ვერ ვსცნობთ განლევასა
Line of ed.: 17    მას ცხორებისა ჩუენისასა და არა უწყით, თუ ოდესმე ინებოს მან, რომელმან-იგი
Line of ed.: 18    გზასა ამას გამოგუავლინნა, დასასრულისა ყოფად სლვისა ამის
Line of ed.: 19    ჩუენისა. ანუ თუ ოდეს განუღებს თჳთოეულისა მავალთა მათგანისა კარსა
Line of ed.: 20    შემოსლვად გზასა ამას და ვითარმედ გჳჴმს მარადის მზა ყოფად და მოლოდებად
Line of ed.: 21    ნებასა მეუფისასა, რაჟამს ყოს აღსასრული, ვითარცა თავადი იგი იტყჳს,
Line of ed.: 22    ვითარმედ: "იყვნენ წელნი თქუენნი მორტყმულ და ლამპარნი აღნთებულ და
Line of ed.: 23    თქუენ ემსგავსენით კაცთა, რომელნი ელოდიედ უფალსა მათსა, ოდეს მოიქცეს
Line of ed.: 24    ქორწილით, რაჲთა მო-რაჲ-ვიდეს და ჰრეკოს, მეჴსეულად განუღონ მას".

Paragraph: 3  
Line of ed.: 25       3. ხოლო ჩუენ არა გუნებავს გულისჴმისყოფაჲ, თუ რომელნი არიან
Line of ed.: 26    ტჳრთნი იგი სუბუქნი ამის გზისა მიმართ, რომელნი სადგურსა მას ჩუენ თანავე
Line of ed.: 27    მოვლენ. რაჲთამცა იგინი შევკრიბენით, რომელნი მუნ გუახარებენ ჩუენ,
Line of ed.: 28    ანუ თუ რომელნი არიან მძიმენი და ძნელოვანნი და ქუეყანასა შემშჭუალულნი, რომელნი
Line of ed.: 29    არა ჭეშმარიტად მიეცემიან კაცთა, არცა ეტევიან იწროსა მას გზასა,
Line of ed.: 30    რაჲთამცა შეუდგეს მომგებელთა მათთა. არამედ დაგჳტეობიან იგინი, რომელთაჲ
Line of ed.: 31    შეკრებაჲ გჳჴმდა და რომელთაჲ ჯერ-იყო შეურაცხყოფაჲ, მათ შევჰკრებთ.
Line of ed.: 32    რამეთუ რომელნი-იგი ჭეშმარიტად ჩუენნი არიანღა ჩუენთანა მოვლენსული
Line of ed.: 33    და ჴორცნი, ესენი ესრე განუწმედელად და შებღალულად ვნებათა მიერ
Line of ed.: 34    დაგჳტეობიან და არა მივხედავთ, ხოლო რომელნი-იგი უცხო არიან ჩუენგან მა\რადის
Line of ed.: 35    და სირცხჳლსა ოდენ მოგუატყუებენ და სხუასა არარას, მათ დაკრებად
Page of ed.: 209   Line of ed.: 1    არა დავაცადებთ. დავშურებით და ვიჭირვით ამაოდ, ვითარმცა ვინ აცთუნებდა
Line of ed.: 2    თავსა თჳსსა და განჴურეტილსამცა ჭურსა შთაასხმიდა. რამეთუ
Line of ed.: 3    ესრეთ ვგონებ, თუ ესე ყოველთავე უწყიან ჩჩჳლთაცა ყრმათა, ვითარმედ
Line of ed.: 4    არა რაჲ არს სოფლისა ამის კეთილთაგან, რომელთა ზედა მრავალნი მოსწრაფე
Line of ed.: 5    არიან, ჭეშმარიტად ჩუენი, არცა ოდეს იქმნას ჩუენდად, არამედ ყოველთაგანვე
Line of ed.: 6    უცხო არს - მომგებელთაცა მათთა და რომელთაცა არა რაჲ
Line of ed.: 7    აქუნდეს მათგანი. რამეთუ უკუეთუ რქროჲ ვიეთმე შეკრიბონ ფრიადი და
Line of ed.: 8    ურიცხჳ სოფელსა ამას, მათიმცა იყო-ა იგი მარადის? ნუ იყოფინ! არამედ
Line of ed.: 9    მრავაგზის სიცოცხლესავე მათსა ივლტინ მათგან. დაღაცათუ იგინი ყოვლით
Line of ed.: 10    კერძო ჰმარხვიდიან მას, არამედ იგი წარვიდის მათგან სივლტოლით.
Line of ed.: 11    ანუ დაღაცათუ სიცოცხლესა უბადრუკებითა და ჭირითა რაჲმე დაჰმარხიან,
Line of ed.: 12    არამედ ჟამსა მას სიკუდილისასა დაუტევნის მან იგინი და არა ჰნებავნ მომ\გებელთა
Line of ed.: 13    მათ თჳსთა თანა წარსლვად. არამედ იგინი მიიზიდვებოდიან
Line of ed.: 14    მძლავრებით სულთა მათთა განმაშორებელისა მისგან უბადრუკისა მის გუა\მისაგან
Line of ed.: 15    და მიიყვანებოდიედ გზასა მას თანაწარუვალსა. მაშინ მოიქციან სიმდიდრისა
Line of ed.: 16    მის მათისა მიმართ და ცრემლოოდიედ ამაოთა მათ შრომათა მათთათჳს
Line of ed.: 17    და ოფლთა მათ, რომელნი მათ ზედა დასთხინეს. ხოლო საფასე იგი
Line of ed.: 18    სხჳსა ჴელთა მივიდის და მათ მისცის შრომაჲ იგი ოდენ, რომელი მას ზედა
Line of ed.: 19    თავს-იდვეს, და ცოდვაჲ იგი ანგაჰრებისაჲ. და არცა, თუ მოიგოს კაცმან ქუეყანასა
Line of ed.: 20    ზეღა სიმრავლე საფასეთაჲ ბევრეული და შუენიერებანი ტაძართანი და
Line of ed.: 21    სიმრავლენი საცხოვართანი და თითოფერთა მათ ცხოელთანი და ყოველი\ვე
Line of ed.: 22    კაცობრივი დიდებაჲ შეიმოსოს. აქუს რაჲ სარგებელი მის ყოვლისაგან,
Line of ed.: 23    არამედ მცირედ ეწოდის მას ყოველსა ზედა სახელი, და მერმე სხუათა მიეცის
Line of ed.: 24    და მან მცირედი მიწაჲ ოდენ პოვის სამკჳდრებელად თჳსად და მრავალგზის,
Line of ed.: 25    უწინარეს სიკუდილისა და საფლავისა და ამიერ წარსლვისა, იხილის
Line of ed.: 26    სიმდიდრე იგი სხუათადა მიცემულად, და ნუუკუე მტერთაცა მისთა
Line of ed.: 27    მიიღიან იგი სამკჳდრებელად. ანუ არა უწყით-ა, რავდენი სოფლები და რავდენნი
Line of ed.: 28    ტაძარნი და რავდენნი ქალაქნი და ქუეყანანი, ვიდრეღა ცხოელ იყვნიან
Line of ed.: 29    მომგებელნი მათნი, სხუათა უფალთა ჴელსა მივიდიან? და რომელნი-იგი
Line of ed.: 30    მონა იყვნიან, მრავალგზის საყდარსა უფლებისასა დასხეს და უფალნი იგი
Line of ed.: 31    და მეფენი მონათა თანა შეირაცხნეს შეცვალებითა საქმეთაჲთა?

Paragraph: 4  
Line of ed.: 32       4. ხოლო ჭამისა და სუმისა იგი ღონენი, რომელნი ბოროტმან სიმდიდრემან
Line of ed.: 33    მოიპოვნა, ყოველივე უმეტესი საჴმრისაჲ აღსავსებელად უმადლოჲსა მის
Line of ed.: 34    და არარაჲსა დამმარხველისა მუცლისა, მათგანი რაჲმცა იქმნა ჩუენდად?
Line of ed.: 35    რომელნი-იგი ოდენ სლვასა მას შინა მათსა მცირედსა გემოსა დაუტეობენ სასასა
Line of ed.: 36    შინა და თჳთ ივტლიან და მერმე, ვითარცა საწყინონი და შემაიწრებელნი
Line of ed.: 37    განვყარნით იგინი ჩუენგან, რომელ თუ დაეყოვნონ გუამსა შინა, ბოროტსა
Page of ed.: 210   Line of ed.: 1    მოაწევენ ჩუენ ზედა. რამეთუ სიმაძღრემან მრავალთა მოატყუა სიკუდილი
Line of ed.: 2    და მიზეზ ექმნა აღარასოდეს ჭამისა.

Line of ed.: 3       ხოლო კუალად სარეცელნი იგი ბილწებისანი და შეერთებანი იგი შეგინებულნი
Line of ed.: 4    და ყოველნი იგი საქმენი განცოფებულისა და დაბნელებულისა სუ\ლისანი,
Line of ed.: 5    რაჲ არიან იგინი, რასა იტყჳთ? არა სრულიად ზღვევა და ვნება ბუნებისა
Line of ed.: 6    ჩუენისა არიან-ა და კეთილთაჲ მათ ჭეშმარიტად ჩუენთაჲ წარწყმედა
Line of ed.: 7    და ჴორცთაცა მავნებელ? რამეთუ ბოროტი იგი ბილწებაჲ მიიღებს ძალსა
Line of ed.: 8    გუამისასა და დაჰჴსნის ასოთა სიმტკიცესა. და ამისთჳსცა თითოეული, შებღალული
Line of ed.: 9    ბოროტთა მათ სარეცელთაგან, მას ჟამსა, რაჟამს სიქმჱ იგი ბილ\წებისაჲ
Line of ed.: 10    აღასრულოს და სიბორგილე იგი ჴორცთაჲ დასცხრეს და დამჭნარ იქმნას
Line of ed.: 11    და გონებაჲ მოვიდეს გულისჴმისყოფად საქმისა მის, ვითარცა მთრვალობისაგან
Line of ed.: 12    დიდისა მოქცეულმან, ანუ ძილისაგან განღჳძებულმან, და მოიგონოს,
Line of ed.: 13    თუ სადა არს აწ გემოჲ იგი ბოროტისაჲ მის საქმისაჲ, მაშინ ფრიად
Line of ed.: 14    მწარედ შეინანებს დაჴსნილობისა მის საქმესა, რამეთუ სცნობს, თუ ვითარ
Line of ed.: 15    უძლურ იქმნების და განლეულ გუამი და საქმეთა მიმართ საჴმართა უდებ და
Line of ed.: 16    უსუსურ. ამისთჳსცა ესე გულისჴმა-ყვეს კაცთა და რჩულსა მას სიწმიდისასა
Line of ed.: 17    დასწერენ სარკინობელთა მათ ადგილთა, რაჲთა, რომელსა ენებოს მო\კინლობაჲ,
Line of ed.: 18    დაიცვიდეს ჴორცთა თჳსთა ესევითართა სიქმეთაგან, და ესრეთ
Line of ed.: 19    დასწერენ განკრძალვასა, რაჲთა მორკინალნი პირთაცა შუენიერთა არა მიხე\დვიდენ,
Line of ed.: 20    რაჲთა ესრეთ გჳრგჳნოსან იქმნენ, რამეთუ ბილწებაჲ საკიცხელ ჰყოფსო
Line of ed.: 21    მორკინალთა და არა გჳრგნოსან.

Paragraph: 5  
Line of ed.: 22       5. ესრეთ უკუე ამას ყოველსა თანა-წარვჰჴდეთ, დავიყვნეთ თუალნი
Line of ed.: 23    ჩუენნი ესრეთ არა ხილვად უჴმართა ამათ და არაჩუენთა საქმეთა და ვისწრაფოთ
Line of ed.: 24    მოგებად ჭეშმარიტად ჩუენთა მათ. ხოლო რაჲ არს ჭეშმარიტად
Line of ed.: 25    ჩუენი?

Line of ed.: 26       პირველად უკუე სული, რომლითა ცხოელ ვართ, რომელი არს წურილ,
Line of ed.: 27    თხელ და გონიერ და არარაჲ უჴმს მას ზრქელთაგან ამის სოფლისათა, და
Line of ed.: 28    მერმე ჴორცნი, რომელნი მიეცნეს მას ეტლად დამბადებელისა მიერ სოფელსა
Line of ed.: 29    ამას შინა. რამეთუ ესე არს კაცი -- გონებაჲ შერთული ჴორცთა ამათ შინა
Line of ed.: 30    შუენიერად და ჴელოვნებით ქმნულთა. ესე ყოლად ბრძნისა მის, ჴელოვნისა
Line of ed.: 31    ყოველთაჲსა, საშოსა მას შინა დედისასა დაიბადების. ამას ნათლად მოიყვანებს
Line of ed.: 32    ბნელთა მათ ადგილთაგან ჟამი იგი შობისაჲ, ესე მთავრად დადგინებულ
Line of ed.: 33    იქმნა ყოველთა ზედა ქუეყანისა დაბადებულთა, ამისდა მოცემულ არს სოფელი
Line of ed.: 34    გამოსაცდელად სათნოებისა მისისა, ამისდა მოცემულ არს რჩული მიმსიგავ\სებად
Line of ed.: 35    დამბადებელისა ძალისაებრ თჳსისა და რაჲთა წესიერებაჲ იგი ზეცისაჲ
Line of ed.: 36    გამოსახოს ქუეყანასა ზედა. ესე ამიერ მიიცვალების, ესე ღმრთისა შემოქმედისა
Line of ed.: 37    საყდარსა წარმოუდგების, ესე განიკითხვის, ესე მიიღებს ნაცვალსა
Page of ed.: 211   Line of ed.: 1    აქა ქმნილთა მათ საქმეთასა. ხოლო მონაგებნი ჭეშმარიტნი სათნოებანი არიან,
Line of ed.: 2    რაჟამს მოღუაწებითა ჩუენითა შეეთხზნენ ბუნებასა ჩუენსა, და არცა ქუე\ყანასა
Line of ed.: 3    ზედა დაგჳტეობენ, ჭირსა რაჲ მივეცნეთ, უკუეთუ ოდენ ჩუენ არა
Line of ed.: 4    წარვდევნნეთ იგინი იძულებით ვნებათა მიერ. არამედ მუნ რაჲ მივიდოდით,
Line of ed.: 5    წინა გჳრბიან და ანგელოზთა თანა შეაერთებენ მომგებელთა მათთა და ბრწყინვენ
Line of ed.: 6    მარადის წინაშე თუალთა მომგებელისა მათისათა. ხოლო სიმდიდრე და
Line of ed.: 7    დიდებაჲ და შუებაჲ, რომელნი-ესე მარადღე ჩუენითა ამით უგუნურებითა
Line of ed.: 8    აღორძნდებიან, იგინი არცა შემოსრულ არიან ჩუენ თანა ცხორებასა ამას,
Line of ed.: 9    არცა განვლენ ვიეთ თანამე, არამედ რომელი-იგი ოდესმე მართალმან მან
Line of ed.: 10    თქუა, იგი აღსრულებულ არს ყოველსა კაცსა ზედა და მტკიცე არს, ვითარმედ
Line of ed.: 11    "შიშუელი გამოვედ დვღის მუცლით ჩემით და შიშუელიცა წარსლვად
Line of ed.: 12    ვარ".

Paragraph: 6  
Line of ed.: 13       6. და რომელმანცა კეთილად განიზხრახოს უმჯობესი თჳსი, მან ყოველივე
Line of ed.: 14    ზრუნვაჲ თჳსი სულისა თჳსისათჳს ქმნას, რაჲთა იგი აცხოვნოს კეთილად და
Line of ed.: 15    ჯეროვნად, ხოლო ჴორცნი გინა თუ სიყმილითა მოსწყდებოდინ. ანუ ყინელითა
Line of ed.: 16    და სიცხითა დაიშჯებოდინ, ანუ სენთა მიერ ელმოდის, არარად შეჰრაც\ხნეს,
Line of ed.: 17    არამედ სიტყუასა მას მოციქულისასა იტყოდის ყოველთა შინა ჭირთა,
Line of ed.: 18    ვითარმედ: "დაღაცათუ გარე კაცი ჩუენი განიხრწნების, არამედ შინაგანი
Line of ed.: 19    განახლდების დღითი-დღე. და არცა სიკუდილისაგან შეშინდეს" არცა სა\ტანჯველთაგან,
Line of ed.: 20    არამედ მანცა თქუას, ვითარმედ: "ესე უწყით, უკუეთუ ქუეყანისა
Line of ed.: 21    ესე სახლი, ჩუენი საყოფელი, დაირღუეს, აღშენებული ღმრთისამიერი
Line of ed.: 22    მაქუს ჩუენ სახლი ჴელითუქმნელი, საუკუნე ცათა შინა". ხოლო უკუეთუ
Line of ed.: 23    ვის ენებოს რიდობაჲ ჴორცთაჲ, რამეთუ იგინი ოდენ არიან მონაგებ სულისა
Line of ed.: 24    და შემწე მისა ცხორებად ქუეყანასა ზედა, კნინი რაჲმე ზრუნვაჲ მისცეს
Line of ed.: 25    მათ, რაჲთა ოდენ ეგნენ ქუეყანასა ზედა და მსახურებასა მას შინა სულისასა
Line of ed.: 26    ფრთხილ იყვნენ, ხოლო არა ესრეთ, რაჲთამცა სიმაძღრისაგან აღიძრვოდეს
Line of ed.: 27    არამედ უკუეთუ იხილნეს იგინი ოდესმე უმეტეს ზომისა მეძიებელ,
Line of ed.: 28    ჰრქუას მათ, ვითარმედ: "არარაჲ შემოვიღეთ სოფელსა ამას და არცა
Line of ed.: 29    რაჲ განღებად გჳც, არამედ საზრდელი ესე და სამოსელი კმა იყავნ ჩუენდა",
Line of ed.: 30    რამეთუ ესევითარითა ამით სახითა სუბუქად აღჴდეს აღსავალსა მას
Line of ed.: 31    ცისასა და მოიგნეს ჴორცნი თჳსნი შემწედ სათნოებისა.

Line of ed.: 32       უკუეთუ კულა უტეოს მათ აღმაღლებად და მარადღე აღვსებად მუცლისა,
Line of ed.: 33    ვითარცა მჴეცი რაჲმე ველური, უკუანაჲსკნელ მიიმძლავროს მის მიერ
Line of ed.: 34    და დაეცეს ქუეყანად და გოდებდეს უსარგებლოდ. რაჟამს მიიყვანონ იგი
Line of ed.: 35    წინაშე მეუფისა და ეძიებდენ მისგან ჟამთა მათ, ამას სოფელსა შინა მისდა
Line of ed.: 36    მიცემულთა, და არარაჲ აქუნდეს მას, რაჲთამცა მისცა, მაშინ იგლოოს გრძელად
Line of ed.: 37    და უსარგებლოდ და დაიმკჳდროს ბნელი იგი საუკუნოჲ. და ფრიად აბრალოს
Page of ed.: 212   Line of ed.: 1    შუებასა მას და ცთომასა თჳსსა, რომელი-იგი სცთა მას ზედა და წარწყმიდა
Line of ed.: 2    ჟამი იგი ცხორებისაჲ. და ცრემლთა მათგან არარაჲ ერგოს, "რამეთუ
Line of ed.: 3    ჯოჯოხეთს შინა ვინ-მე აღგიაროს შენ"? -- იტყჳს დავით.

Paragraph: 7  
Line of ed.: 4       7. ვივლტოდით უკუე, ჵ ძმანო, საქმეთაგან სოფლისათა მოსწრაფებით
Line of ed.: 5    და კეთილად, თავნი ჩუენნი ნეფსით ვტანჯნეთ. რამეთუ უკუეთუ ვინ ცთომილ
Line of ed.: 6    არს და გონებაჲ თჳსი ზრუნვითა სიმდიდრისაჲთა დაუბნელებიეს და
Line of ed.: 7    საკრველითა მისითა შეუკრავს, ანუ ბილწებაჲ, შეგინებაჲ მოუწევიეს თავსა
Line of ed.: 8    ზედა თჳსსა, ანუ სხუათა მათ ცოდვათაგან შეუბღალავს თავი თჳსი, ესევითარმან
Line of ed.: 9    მან, ვიდრეღა ჟამი არს, ვიდრეღა არა მოსრულა სრულიად წარწყმედაჲ,
Line of ed.: 10    აღასუბულქენ ტჳრთთა მათ თჳსთა სიმძიმე და ვიდრე არა დანთქმულ
Line of ed.: 11    არს სრულიად ნავი იგი, გარდაყარენ სიმრავლე იგი ტჳრთისაჲ, რომელი-იგი
Line of ed.: 12    თჳთ განბნევად არს. თუცა მან არა განაბნიოს. მიემსგავსენ მენავეთა, რომელნი-იგი
Line of ed.: 13    რაჟამს ადღგენ მათ ზედა ღელვანი სასტიკნი, დაღაცათუ რაჲმე დიდფასისაჲ
Line of ed.: 14    აქუნდეს სიმძიმჱ, ზღუად შთააბნევენ, რომელ ესრეთ ნავი იგი ყვიან
Line of ed.: 15    უზეშაეს ღელვათა, რაჲთა იგინი ოდენ შემძლებელ იქმნენ შრომით განრომად
Line of ed.: 16    დანთქმისა მისგან. ხოლო ჩუენ უმეტესადღა თანა-გუაც, რაჲთა ესრეთ ვჰყოფდეთ,
Line of ed.: 17    რამეთუ მათ რომელიცა-რაჲ გარდააბნიონ, მეყსეულად წარუწყმედია
Line of ed.: 18    მოიწევის მათ ზედა ჭირი სიგლახაკისაჲ, ხოლო ჩუენ, რაჲზომცა განვაბნიოთ
Line of ed.: 19    ბოროტი იგი ტჳრთი, უმეტესსა სიმდიდრესა შეუკრებთ თავთა თჳსთა.
Line of ed.: 20    რამეთუ სიძვაჲ და მსგავსნი მათნი დაუტევნეთ რაჲ, წარწყმდებიან და არარა
Line of ed.: 21    იქმნებიან დაჴსნილნი ცრემლთა მიერ, ხოლო სიწმიდე და სიმართლე საუკუნოდ
Line of ed.: 22    ჰგიან, რამეთუ საქმენი არიან ესენი სუბუქნი და დაუფარველნი ღელვათა
Line of ed.: 23    მიერ. და კუალად საფასჱ, განბნეული კეთილად, არა წარუწყმდების განმბნეველთა
Line of ed.: 24    მისთა, არამედ ვითარცა სხუათა ნავთა შინა, მაგართა და დიდთა,
Line of ed.: 25    შევალს მუცელთა მათ გლახაკთასა და დაიმარხვის და მიიწევის ნავთსაყუდელაღ
Line of ed.: 26    ცხორებისა და ექმნების განმბნეველთა მათ სამკაულ და არა სიგლახაკე

Paragraph: 8  
Line of ed.: 27       8. აწ უკუე, საყუარელნო, განვიზრახოთ ჩუენცა თავთა ჩუენთათჳს კეთილი
Line of ed.: 28    რაჲმე და სიმძიმჱ ესე სიმდიდრისაჲ. უკუეთუ გუნებავს, რაჲთა სიმ\დიდრე
Line of ed.: 29    იქმნას ჩუენდა, განუყოთ გლახაკთა, რომელთა მიიღონ იგი ყოველი
Line of ed.: 30    სიხარულით და წიაღთა მათ მეუფისათა შინა დაჰმარხონ, საუნჯესა მას უშიშსა,
Line of ed.: 31    სადა მღილმან არა გარყუნას, არცა ავაზაკთა წარიტაცონ.

Line of ed.: 32       მივსცეთ ჴელმწიფებაჲ სიმდიდრესა განბნევად, რომელი-იგი იძულებით
Line of ed.: 33    დაგჳყენებიეს, რაჲთა ესრეთ მივიდეს გლახაკთა თანა. ნუ თანა-წარვჰჴდებით
Line of ed.: 34    წინაშე თუალთა ჩუენთა მდებარეთა ლაზარეთა, ნუცა დაუყენებთ მათ ნაფშუენსა
Line of ed.: 35    ტაბლისა ჩუენისასა, რომელი ეყოფის მათ განსაძღომელად, ნუცამცა
Page of ed.: 213   Line of ed.: 1    მივემსგავსებით უკეთურსა მას მდიდარსა, რაჲთა არა მასვე გეჰენიასა მივიდეთ,
Line of ed.: 2    სადაცა იგი. თუ არა ფრიად ვევედრნეთ მაშინ აბრაჰამს და ყოველთა
Line of ed.: 3    მართალთა და არავისგან ვპოოთ შეწევნაჲ, "რამეთუ ძმამან ვერ იჴსნას, კაცმან
Line of ed.: 4    იჴსნას-ა?. არამედ თჳთოეულმან მათგანმან გურქუას ჩუენ? "ნუ ეძიებ წყალობასა,
Line of ed.: 5    რომელი-იგი შენ სხუათა თანა არა ჰქმენ, ნუცა გნებავს ესევითართა
Line of ed.: 6    დიდთა კეთილთა მიღებად, რომელმან-ეგე უნდოთა მათგან არავის ნუგეშინის-ეც.
Line of ed.: 7    მიიღე აწ, რაჲ-ეგე სოფელსა შინა გიქმნიეს. ცრემლოოდე, რამეთუ მაშინ
Line of ed.: 8    მტირალი ძმაჲ არა შეიწყალე" - ესე ყოველი გურქუან ჩუენ და სამართლადცა.

Line of ed.: 9       ხოლო მე მეშინის, ნუუკუე ამათსა უმწარესთა სიტყუათა გუეტყოდინ,
Line of ed.: 10    რამეთუ ვსძლევთცა მას მდიდარსა სიბოროტითა, ვითარცა უწყით თქუენცა
Line of ed.: 11    ვინაჲთგან არა ოდენ სიმდიდრესა ვსწყალობთ და შეურაცხ-ვჰყოფთ გლახაკთა
Line of ed.: 12    და დაუმარხავთ საფასესა მას შვილთა, არამედ უკეთურებასა შინა წარვაგებთ
Line of ed.: 13    სიმდიდრესა მას და აღმლესველად ცოდვისა ვიქმთ და სასყიდელად ბილწებისა.
Line of ed.: 14    რამეთუ რავდენნი მომღერალნი და მგოსანნი და მსახიობელნი მამანი და
Line of ed.: 15    დედანი დგანან ტაბლასა ზედა ვიეთსამე ჩუენგანთასა და ინაჴით-მჯდომარესა
Line of ed.: 16    მას რომელნიმე სიტყუათა მიერ ბილწებისათა აჰამებენ და რომელნიმე
Line of ed.: 17    სახეთა მათ მიერ და ხილვათა ბოროტთა პირთაჲსა ცეცხლსა მას სიძვისასა
Line of ed.: 18    აღაგზნებენ და სხუანი ურთიერთას კიცხევითა და ხუმრობითა სიცილად აღსძრვენ
Line of ed.: 19    მჯდომარესა მას და სხუანი ქებათა მათ მიერ და შესხმათა ტყუვილისათა
Line of ed.: 20    ადიდებენ. და იგინი მერმე მიიღებენ ნიჭთა სიმრავლესა და საფასეთა
Line of ed.: 21    და ისწავებენ ჩუენგან ესევითართა მათ საქმეთა მიერ, ვითარმედ უმჯობეს
Line of ed.: 22    არს საქმე იგი ბილწებისაჲ, ვიდრეღა სათნოებაჲ, ვინაჲთგან ესრეთ პატივცემულ
Line of ed.: 23    არიან იგინი.

Line of ed.: 24       უკუეთუ კულა წარმოგჳდგეს ჩუენ გლახაკი, რომელი შიმშილისაგან ჭირით
Line of ed.: 25    შემძლებელ იყოს სიტყუად, გარე-მივაქცევთ ჩუენსავე მსგავსსა მას
Line of ed.: 26    კაცსა, გუძაგს იგი და მოსწრაფებით ვივლტით მისგან, ვითარმცა გუეშინოდა,
Line of ed.: 27    ნუუკუე ნელიად სლვითა ჩუენითა და ახლოს მისა ყოფითა მოგუეცამცა მისი
Line of ed.: 28    იგი სიგლახაკე. და უკუეთუ ქუეყანად ხედვიდეს სირცხჳლეული განსაცდელისა
Line of ed.: 29    მის მიერ, მანქანად სახელ-ვსდებთ; უკუეთუ კულა კადნიერებით გუევედრებოდის
Line of ed.: 30    ფრიადისა მის ჭირისაგან შიმშილისა მის, ურცხჳნოდ ვეტყჳთ;
Line of ed.: 31    და უკუეთუ ემოსოს სამოსელი მრთელი, მიცემული ვისგანმე, ვითარცა უძღებსა
Line of ed.: 32    ვსდევნით და ვფუცავთ, ვითარმედ იჩემებს იგი სიგლახაკესა; და
Line of ed.: 33    უკუეთუ უნდოები ძონძები ემოსოს და დამღულალები, ვითარცა მყრალსა,
Line of ed.: 34    ვიოტებთ. და არცა სახელისაგან ღმრთისა, შემთქმედისა ჩუენისა, შევიკდიმით,
Line of ed.: 35    რომელსა-იგი შეჰრთავნ ვედრებათა მათ თანა და არცა, რაჟამს გუაფუცებნ
Line of ed.: 36    არა შთავრდომასა ჩუენსა მათვე ბოროტთა შინა, ვერ მოსდრეკს უწყალოსა
Line of ed.: 37    მას გონებასა ჩუენსა.
Page of ed.: 214  


Line of ed.: 1       ამის ყოვლისათჳს მეშინის მე საუკუნოჲსა მის ცეცხლისაგან, ნუუკუე
Line of ed.: 2    უმძიმესად მოიწიოს ჩუენ ზედა, ვიდრეღა მდიდარსა მას.

Line of ed.: 3       და უკუეთუ ჟამი მიტევებდა და ძალიმცა მაქუნდა, ყოველივემცა საქმე
Line of ed.: 4    მის მდიდრისაჲ წარმოვთქუ და გითხრენმცა სიტყუანი მისნი. ხოლო აწ ჟამი
Line of ed.: 5    არს, რაიჲთა განგიტევნე თქუენ, რომელნი-ეგე დამაშურალ ხართ. არამედ
Line of ed.: 6    თქუენ, უკუეთუ რაჲ დაგჳკლიეს უძლურებისაგან გონებისა და ენისა ჩემისა,
Line of ed.: 7    თქუენ თჳთ გულისჴმა-ყავთ იგი და ასწავებდით სულთა თქუენთა, რამეთუ:
Line of ed.: 8    "ეც მიზეზ ბრძენსა და უგრძნეს იყოსო"- იტყჳს წერილი. "ხოლო შემძლებელ
Line of ed.: 9    არს ღმერთი ყოვლისავე მადლისა განმრავლებად თქუენ შორის, რაჲთა
Line of ed.: 10    მარადის ყოველსა შინა გაქუნდეს მისმიერი შეწევნაჲ და ესრეთ გარდაემატნეთ
Line of ed.: 11    ყოველსა სიქმესა კეთილსა".

Paragraph: 9  
Line of ed.: 12       9. არამედ აღსასრულად რაჲ მოიწია სიტყუაჲ ჩუენი, კუალად მოგუაქცინეს
Line of ed.: 13    გზასა მას სწავლისასა ძმათა ვიეთმე, რამეთუ გუეტყოდეს არა თანა-წარსლვად,
Line of ed.: 14    რაჲ-იგი გუშინ ქმნა მჴსნელმან საკჳრველებაჲ, და რაჲთა არა დავიდუმოთ,
Line of ed.: 15    ვითარ-იგი მაცხოვარმან სირცხჳლეულ-ყო ეშმაკი. რაჲთა კუალად მიგცეთ
Line of ed.: 16    მიზეზი გალობისაჲ. რამეთუ, ვითარცა უწყით, კუალად ეშმაკმან თჳსი იგი ბოროტებაჲ
Line of ed.: 17    ჩუენ ზედა აჩუენა და შეჭურა თავი თჳსი ალითა ცეცხლისაჲთა და
Line of ed.: 18    ტაძარსა მას ეკლესიისასა ბრძოლად მოუჴდა და კუალად დედამან მან ჩუენ
Line of ed.: 19    ყთველთამან სძლო და მისდავე მიაქცია ღონე იგი, და არარაჲ ირგო, გარნა
Line of ed.: 20    ესე, რომელ თჳსი იგი უკეთურებაჲ გამოაჩინა. აღიძრა, მადლისა ღმრთისა
Line of ed.: 21    ქარი პირისპირ ღელვათა მათ ეშმაკისამიერთა და დააცხრვნა იგინი და დაიცვა
Line of ed.: 22    ტაძარი ესე უვნებელად. ვერ შეარყია ზამთარმან მან ვშმაკისამან კლდჱ
Line of ed.: 23    იგი, რომელსა ზედა ქრისტეს აღეშენა თჳსისა სამწყსოჲსა შესაკრებელი.
Line of ed.: 24    მოვიდა აწცა ჩუენ თანა, რომელმან-იგი დაუშრიტა ალი ცეცხლისაჲ ბაბი\ლონს
Line of ed.: 25    შინა ყრმათა.

Line of ed.: 26       აწ ფრიად მწუხარე არს ეშმაკი, რამეთუ ვერ აღასრულა ნებაჲ თჳსი
Line of ed.: 27    რომელმან-იგი მახლობელად ეკლესიისა აღაგზნა საჴუმილი იგი მზაკუვარმან
Line of ed.: 28    მან, რაჲთამცა კეთილსა ამას ჩუენსა ავნო. და ყოვლით კერძო აღეტყინა იგი და
Line of ed.: 29    შემოგარეათა მათ შესწუვიდა და მიეახლებოდა ეკლესიასა ხოლო მაცხოვარ\მან
Line of ed.: 30    აღმგზნებელისა მის მიმართ მიაქცია იგი. და ესრეთ უკეთურებისა თჳსისა
Line of ed.: 31    მშჳლდსა გარდაუცუა ეშმაკმან, არამედ ტყორცებაჲ ისრისაჲ ვერ შეუძლო და
Line of ed.: 32    უფროჲსად სტყორცა ისარი, არამედ ისარი იგი გულადვე მისად მიექცა და
Line of ed.: 33    გლოვაჲ იგი, რომელ ჩუენ განგჳმზადა, მისა მივიდა. არამედ ჩუენ, ძმანო,
Line of ed.: 34    განვაძლიეროთ წყლულებაჲ იგი და გლოვაჲ მისი, ხოლო თუ ვითარ? მე
Line of ed.: 35    ვთქუა და თქუენ ქმენით.

Line of ed.: 36       არიან ვიეთნიმე, რომელთა ცეცხლისა მის მიერ დაეწუა ყოველი, რაჲ-იგი
Line of ed.: 37    აქუნდა და არარაჲ აქუს ყოლადვე, არამედ თავნი ოდენ თჳსნი განარინნეს
Page of ed.: 215   Line of ed.: 1    ბოროტსა მას. ხოლო ჩუენ, რომელთა არა გჳხილავს გემოჲ ძჳრისა რაჲსამე,
Line of ed.: 2    ზიარ უყოთ მათ ჩუენი ესე სიმდიდრე. შევიტკბნეთ ძნიად განრომილნი იგი
Line of ed.: 3    ძმანი, ვთქუათ თითოეულისათჳს, ვითარმედ: "მომკუდარ იყო და აღდგა, წარწყმედულ
Line of ed.: 4    იყო და იპოვა" და წინა-აღუდგინოთ განსაცდელთა მათ მტერისათა
Line of ed.: 5    ჩუენმიერი იგი ნუგეშინისცემაჲ, რაჲთა ბრძოლაჲ მისი უძლურ იქმნეს და
Line of ed.: 6    ვნებაჲ მისი -- არარა, და რომელმან-იგი წარწყმიდა მონაგები ძმათაჲ, ჩუენითა
Line of ed.: 7    სიკეთითა ძლეულ იქმნას.

Paragraph: 10  
Line of ed.: 8       10. ხოლო თქუენ, ძმანო. რომელნი განრომილ ხართ ჭირისა მისგან და
Line of ed.: 9    ფრიად მწუხარე ხართ ბოროტთა მათთჳს, ნუ ესრეთ დაინთქმით მწუხარებითა
Line of ed.: 10    არამედ განაგდეთ ნისლი მისი თქუენგან და გულისსიტყჳთა სიმჴნისაჲთა
Line of ed.: 11    განაძლიერენით, სულნი თქუენნი. და განსაცდელი იგი ქმენით მიზეზ
Line of ed.: 12    გჳრგჳნოსნობისა. რაჲთა ესრეთ იქმნეთ გამოცდილ, ვითარცა ოქროჲ ბრძმედ\სა
Line of ed.: 13    შინა და ეშმაკსა სირცხჳლი განუმრავლოთ. რაჟამს შე-ცა-არა-სწუხდეთ
Line of ed.: 14    საქმეთა მათ ზედა, მოიჴსენეთ იობისი იგი ახოვნებაჲ, თქუთ თქუენცა, ვითარცა
Line of ed.: 15    მან, ვითარმედ: "უფალმან მომცა და უფალმანვე მომიღო; ვითარცა
Line of ed.: 16    უფალსა ენება, ეგრეთცა იქმნა". და ნუვინ მოიგონებს უჯეროსა გულისსიტყუასა,
Line of ed.: 17    რაჲთამცა საძნაურად გიჩნდა განგებაჲ უფლისაჲ, არამედ მჴნესა მას
Line of ed.: 18    მოღუაწესა მიემსგავსენით და იგი მიიღეთ განმზრახად კეთილისა. მოიგონენით,
Line of ed.: 19    თუ რავდენთა ღუაწლთა შევიდა იგი და რავდენნი ისარნი ეშმაკისაგან
Line of ed.: 20    მიიხუნა და არა მოიწყლა ერთითაცა, ვითარ წარწყმიდა ყოველი სიმდიდრე
Line of ed.: 21    მისი და ინება ზედაჲზედობითა მით ბოროტთა მათ ჰამბავთაჲთა დაბნელებად
Line of ed.: 22    გონებისა მისისა, რამეთუ ვიდრეღა-იგი ერთი უთხრობნ, სხუაჲ მოვიდის
Line of ed.: 23    მთხრობელი ბოროტთა მათ უძჳრესთაჲ. და ერთიერთსა შეუდგა ბოროტი და
Line of ed.: 24    მსგავს იყვნეს ღელვათა განსაცდელნი იგი, რამეთუ ვიდრეღა ერთი არა დაც\ხრომილნ
Line of ed.: 25    არნ, მეორე მოიწიის ხოლო მართალი იგი დგა, ვითარცა კლდე,
Line of ed.: 26    შეურყევვლი ღელვათა მათგან და პერულად განაქარვებდა მათ და კეთილსა
Line of ed.: 27    მას სიტყუასა იტყოდა: "უფალმან მომცა და უფალმანცა მომიღო; ვითარცა
Line of ed.: 28    უფალსა ენება. ეგრეთცა იქმნა", და არცა ერთი მოწევნულთა მათგანი ღირს
Line of ed.: 29    ყო ცრემლისა. ვინაჲთგან უკუე ესმა შვილთა მისთაჲ სახლსა მას შინა სიხარულისასა
Line of ed.: 30    სიკუდილი, მაშინ ოდენ დაიპო სამოსელი თჳსი და გამოაჩინა მოწყალებაჲ
Line of ed.: 31    იგი ბუნებითი. და ვითარმედ მამაჲ იყო შვილთმოყუარ, გარნა მაშინცა
Line of ed.: 32    ზომისაებრ თჳსისა ყო საზღვარი გლოისაჲ მის და კეთილთა მათ სიტყუათა
Line of ed.: 33    მიერ შეამკო საქმე იგი და თქუა: "უფალმან მომცა და უფალმანვე მომიღო;
Line of ed.: 34    ვითარცა უფალსა ენება, ეგრეთცა იქმნა", "იყავნ სახელი უფლისაჲ
Line of ed.: 35    კურთხეულ, - ვითარმცა იტყოდა -- ვითარმედ ვიქმენ მე მამა შვილთა, ვიდრემდის
Line of ed.: 36    უფალსა ენება", კუალად უკუე: "ვინაჲთგან ინება აღებად გჳრგჳნი
Line of ed.: 37    ჩემი, რომელი მომცა, არა წინა-აღუდგები მას, თჳსთა მათ ზედა მისთა იყავნ,
Page of ed.: 216   Line of ed.: 1    ვითარცა მეუფესა მას ჰნებავს, იგი არს დამბადებელი მათი. ხოლო მე ორღანოჲ
Line of ed.: 2    ვარ. რად მიჴმს მწუხარებაჲ ურგებად მონასა ამას მისსა და ბრალობად
Line of ed.: 3    ბრძანებისა მის, რომლისა ვერ ძალ-მიც დაჴსნად?" -- ესევითართა სიტყუათა
Line of ed.: 4    მიერ მოწყლა ეშმაკი მართალმან მან.

Paragraph: 11  
Line of ed.: 5       11. ხოლო იხილა რაჲ ეშმაკმან თავი თჳსი ძლეულად და ვითარ-იგი ვე\რარაჲთა
Line of ed.: 6    სძლია მას, თჳთ მისსა მას გუამსა ზედა მოაწია წყლულებაჲ იგი
Line of ed.: 7    ფიცხელი, რომლისაგან მატლნი აღმოდიოდეს და საყდართა მათგან სამეუ\ფოთა
Line of ed.: 8    დაამდაბლა და სკორეთა ზედა დასუა. ხოლო იგი ამასცა ზედა მტკიცედ
Line of ed.: 9    იყო და ჴორცნი მისნი დაიბძარვოდეს, არამედ საუნჯჱ იგი ღმრთის მოშიშე\ბისაჲ
Line of ed.: 10    წარუპარველად იყო სულსა შინა მისსა.

Line of ed.: 11       იხილა რაჲ უკუე უკეთურმან მან, ვითარ ვერარაჲ ავნო, მოიჴსენა
Line of ed.: 12    პირველი იგი ცთომაჲ, დედაკაცისა მიერ ქმნილი და მეუღლისა მისისა გონებაჲ
Line of ed.: 13    მიიტაცა ბოროტისა მიმართ და ინება მის მიერ ცთუნებად მართლისა მის.
Line of ed.: 14    და იქმნა იგი სულმოკლე და წარმოუდგა მართალსა მას ქუე დადრეკილი და
Line of ed.: 15    ჴელთა იცემდა ურთიერთას ბოროტთა მათთჳს და ღმრთისმოშიშებისა ნაყოფსა
Line of ed.: 16    აყუედრებდა მას და მოაჴსენებდა პირველსა მას ფართოებასა და მაშინდელსა
Line of ed.: 17    მას ჭირსა და თუ ვითარნი საქმენი ვითართა წილ მოიწინეს მათ
Line of ed.: 18    ზედა და თუ რაჲ იქმნა სარგებელი მრავალთა მათ შესაწირავთაგან. იტყოდა
Line of ed.: 19    უკუე სიტყუათა, შემსგავსებულთა უძლურებასა მას დედათასა, არამედ აღ\ძრვად
Line of ed.: 20    გულისა მისისა ვერ უძლო ყოლადვე, ვითარ-იგი იტყოდა, ვითარმედ:

Line of ed.: 21       "მიმოავალ და ვჰმსახურებ სხუათა, ვხედავ მონათა ჩემთა და მათგან
Line of ed.: 22    ვითხოვ და რომელი-ესე მრავალთა გამოვზრდიდი, სხუათა მიერ გამოვიზრდები.
Line of ed.: 23    და უმჯობეს არს თქუმაჲ სიტყუათა ბოროტთაჲ, რაჲთა ესრეთ აღვლესოთ
Line of ed.: 24    გულისწყრომისა ღმრთისა მახჳლი, რაჲთა ადრე აღგუჴოცნეს ქუეყა\ნით,
Line of ed.: 25    ვიდრეღა ყოფაჲ ამათ ბოროტთაჲ შინა. "

Line of ed.: 26       ხოლო იგი სიტყუათა ამათ ზედა შეწუხნა, ვითარ არა ოდეს იყო ესრეთ
Line of ed.: 27    შეწუხებულ ესეზომთა მათ ბოროტთა ზედა და გულისწყრომითა აღავსო
Line of ed.: 28    თუალი თჳსი და მიიქცა მისა მიმართ, ვითარცა მბრძოლისა მიმართ, და
Line of ed.: 29    ჰრქუა:

Line of ed.: 30       "რად ესრეთ, ვითარცა ერთმან უგუნურთა დედათაგანმან, სთქუ შენ?
Line of ed.: 31    გულისჴმა-ყავ, ჵ დაკაცო, ზრახვაჲ ეგე, რად შეაგინებ ცხორებასა ჩუენსა
Line of ed.: 32    სიტყუათა მაგათ მიერ, რამეთუ ჩემიცა ცხორებაჲ უჴმარ გიქმნიეს? ესრეთ
Line of ed.: 33    შემირაცხიეს აწ, ვითარმედ ნახევარსა ზედა ვცოდე, რამეთუ ქორწინებამან
Line of ed.: 34    ორნივე ერთჴორც გუყვნა. ხოლო შენ აჰა გმობისა მაგის მიერ დაცემულ ხარ.
Line of ed.: 35    უკუეთუ კეთილი შევიწყნარეთ ჴელისაგან უფლისა, ბოროტი არა თავს-ვიდვათ-ა?.
Line of ed.: 36    მოიჴსენენ კეთილნი იგი, რომელნი გაქუნდედ. შეასწორე განსუენებაჲ
Line of ed.: 37    იგი ჭირსა ამას, რამეთუ არავისი არს კაცთაგანისა ცხორებაჲ ყოველივე
Line of ed.: 38    სანატრელ. მარადის კეთილსა შინა ყოფაჲ მხოლოჲსა ღმრთისაჲ არს, ხოლო
Page of ed.: 217   Line of ed.: 1    შენ. უკუეთუ აწინდელთა ამათთჳს გელმის, პირველ გარდასრულთა მათგან
Line of ed.: 2    ნუგეშინის-ეც თავსა შენსა. აწ სცრემლოი, არამედ ფრიად გიცინებიეს; აწ
Line of ed.: 3    გლახაკ ხარ, არამედ ოდესმე მდიდარ იყავ; გისუამს ტკბილი იგი შუებისა სა\სუმელი,
Line of ed.: 4    აწ მძიმეცა ესე თავს-იდევ. რამეთუ მდინარეთაცა წყალი არა მარადის
Line of ed.: 5    წმიდა არნ, ხოლო ჩუენი ცხორებაჲ, უწყი, მდინარე არს და დის მარადის
Line of ed.: 6    დინებისაგან არა დასცხრების: რამეთუ რომელიმე მისი წარსრულ არს და
Line of ed.: 7    რომელიმე აწ დის და რომელიმე არღა მოსრულ არს-და ყოველნივე სიკუდილად
Line of ed.: 8    მივალთ. "აწ უკუეთუ კეთილნი შევიწყნარენით ჴელისაგან უფლისა, ბოროტნი
Line of ed.: 9    არა თავს-ვისხნეთ-ა"? არამედ ვაიძულებთ მსაჯულსა მას მარადის ერთად
Line of ed.: 10    მოცემად ჩუენდა კეთილთა და ვასწავლით მეუფესა, თუ ვითარ განაგოს
Line of ed.: 11    ცხორებაჲ ჩუენი. მას აქუს ჴელმწიფებაჲ თჳსთა ზედა ბრძანებათა და, ვითარ\ცა
Line of ed.: 12    ენებოს, განაგებს ცხორებასა ჩუენსა და არს წყარო სიბრძნისა და უწყის
Line of ed.: 13    ყოველივე უმჯობესი.

Paragraph: 12  
Line of ed.: 14       12. "ხოლო შენ ნუ გამოიწულილავ ბრძანებათა მათ და საშჯელთა მეუფისათა.
Line of ed.: 15    ოდენ გთნდინ საქმე მისი ყოველივე, რაჲცა ქმნას. რომელიცა მოგცეს,
Line of ed.: 16    მას შეიწყნარებდ სიხარულით. გამოაჩინე აწ ჭირთა ამათ შინა, ვითარმედ
Line of ed.: 17    პირველისა მისცა სიხარულისა არა ღირს იყავ".

Line of ed.: 18       ამას ესევითარსა ეტყოდა მას იობ და გარე-წარაქცია ესევითარი იგი
Line of ed.: 19    ეშმაკისა დონე და სრულიად მოაწია მას ზედა ძლევისა იგი სირცხჳლი. და
Line of ed.: 20    მერმე ივლტოდა მისგან სენი იგი, მოსრული ამაოდ. მოიქცა სიკეთედვე გუამი
Line of ed.: 21    მისი, აღყუავილნა კუალად ცხორებაჲ მისი და ორკეცად მოვიდა ყოველივე
Line of ed.: 22    იგი სიმდიდრე, რაჲთა ერთი იგი ნაწილი აქუნდეს, ვითარმცა არარაჲ წარეწყმიდა
Line of ed.: 23    და მეორჱ იგი იყოს პატივად მართლისა მის მოთმინებისათჳს მისისა.

Line of ed.: 24       ხოლო რაჲსათჳს ცხენნი და იქლემნი და საცხოვარი და ყოველივე იგი
Line of ed.: 25    დიდებაჲ ორკეცად მიიღო, ხოლო შვილნი სწორად მომკუდართა მათ მოეცნეს?
Line of ed.: 26    რამეთუ პირუტყუნი იგი და სხუაჲ ყოველივე განხრწნადი იგი მონაგები
Line of ed.: 27    სრულიად წარწყმდა, რომელი-იგი წარწყმდა და არაარსებად მივიდა, ხოლო
Line of ed.: 28    შვილნი დაღაცათუ მოკუდეს ჴორცითა, არამედ სულითა ცხოელ იყვნეს. და
Line of ed.: 29    ვინაჲთგან მიეცნეს სხუანი ძენი და ასულნი ღმრთისა მიერ, ესეცა ორკეცობით
Line of ed.: 30    აქუნდა: რამეთუ რომელნი-იგი იყვნეს მის თანა, ახარებდეს მაშინ
Line of ed.: 31    მშობელთა მათ, ხოლო სხუანი იგი წინა წარსრულ იყვნეს და მიელოდეს მშობელსა
Line of ed.: 32    მას, რაჲთა მაშინ გარე-მოადგენ ყოველნივე იობს, რაჟამს მსაჯულ\მან
Line of ed.: 33    მან სიმართლისამან ქმნას კრებაჲ იგი დიდი, რაჟამს საყჳრმან მან, რომელი
Line of ed.: 34    მოასწავებდეს მოსლვასა მეუფისასა, ძლიერად ჴმა-უყოს საფლავებსა შინა
Line of ed.: 35    მყოფთა და აღმოიყვანნეს ნამარხევნი იგი გუამთანი ქუეყანით, მაშინ მკუდარნი
Line of ed.: 36    მეყსა შინა წარდგენ წინაშე დამბადებელისა. ამისთჳს იქმნა უკუე, ვითარ
Page of ed.: 218   Line of ed.: 1    იგი მე ვჰგონებ, რომელ სხუაჲ ყოველივე ორკეცობით მისცა, ხოლო შვილნი
Line of ed.: 2    შემსგავსებულად პირველთავე.

Line of ed.: 3       იხილე-ა, რავდენი კეთილი მოატყუა იობ თავსა თჳსსა მოთმინებითა?
Line of ed.: 4    და აწ შენცა, უკუეთუ რაჲ შეგეხო ჭირი და განსაცდელი გუშინდელსა მას
Line of ed.: 5    დღესა ცეცხლისა მისგან საეშმაკოჲსა, მოითმინე იგი და მწუხარებაჲ შენი კეთილითა
Line of ed.: 6    გულისსიტყჳთა დააწყნარე, ვითარცა იტყჳს წერილი, ვითარმედ:
Line of ed.: 7    "მიუტევე გულისსიტყუაჲ შენი უფალსა და მან გამოგზარდოს შენ", რამეთუ
Line of ed.: 8    მისა შუენის ყოველივე დიდებაჲ, პატივი და თაყუანისცემაჲ მამისა და
Line of ed.: 9    ძისა და წმიდისა სულისა აწ და მარადის და უკუნითი უკუნისამდე, ამენ.


This text is part of the TITUS edition of Basilius Magnus, Homiliae.

Copyright TITUS Project, Frankfurt a/M, 5.3.2021. No parts of this document may be republished in any form without prior permission by the copyright holder.