TITUS
Basilius Magnus, Homiliae
Part No. 10
Previous part

Homily: 10  
Line of ed.: 25  თქუმული წმიდისა მამისა ჩუენისა ბასილისი მდიდართა მიმართ


Paragraph: 1  
Line of ed.: 26       1. თქუმულ არს პირველცა სხუასა ჟამსა ჩუენ მიერ ამის ჭაბუკისათჳს,
Line of ed.: 27    რომელი აწ აღმოვიკითხეთ სახარებასა შინა, უწყი, რამეთუ აჴსოდის მოსწრა\ფესა
Line of ed.: 28    მსმენელსა ყოველსავე, რაჲ-იგი მაშინ ვთქუთ პირველად, რამეთუ არა
Line of ed.: 29    იგივე არს რჩულისმოძღუარი იგი, რომლისათჳს ლუკა იტყჳს. რამეთუ იგი
Line of ed.: 30    გამომცდელი იყო და კიცხევით ჰკითხვიდა, ხოლო ესე კეთილად ჰკითხვიდა,
Page of ed.: 96   Line of ed.: 1    არამედ არა მორჩილებით შეიწყნარებდა. რამეთუ უკუეთუმცა უგულებელს\ყოფით
Line of ed.: 2    იყო კითხვაჲ მისი, არამცა წარსრულ იყო შეწუხებული სიტყუათა
Line of ed.: 3    ზედა უფლისათა. ამისთჳსცა ვითარცა შერეულად გამოაჩინებს გონებასა
Line of ed.: 4    მისსა წმიდაჲ სახარებაჲ: ერთ კერძო საქებელად და სხჳთ კერძო კუალად უბა\დრუკად
Line of ed.: 5    და ყოვლითურთ განწირულად. რამეთუ რომელ-იგი იცნა ჭეშმარიტი
Line of ed.: 6    მოძღუარი და თანა-წარჰჴდა ამპარტავანებასა მას ფარისეველთასა და რჩულის\მოძღუართა
Line of ed.: 7    ზუაობასა და მწიგნობართა სიფუდულესა და სახელი მოძღურე\ბისაჲ
Line of ed.: 8    უწოდა ჭეშმარიტსა მას მოძღუარსა, ესე იყო საქებელ. და რამეთუ ზრუ\ნვადცა
Line of ed.: 9    აქუნდა, თუ ვითარ იქმნების დამკჳდრებაჲ ცხორებისა საუკუნოჲსაჲ,
Line of ed.: 10    ესეცა შესაწყნარებელვე იყო. არამედ იგი ამხილებს გონებასა მას და ნებასა
Line of ed.: 11    მისსა, ვითარმედ არა ჭეშმარიტისა მის კეთილისა მიმართ ხედვიდა, არამედ
Line of ed.: 12    რაჲ-იგი წინაშე მრავალთასა სათნოდ ჩანს. რამეთუ ისწავა ჭეშმარიტისა მის მო\ძღურისაგან
Line of ed.: 13    სწავლაჲ ცხორებისაჲ და არა დაწერა იგი გულსა ზედა თჳსსა, არცა
Line of ed.: 14    საქმით ქმნა სწავლული იგი, არამედ წარვიდა შეწუხებული, დაბნელებული
Line of ed.: 15    ვნებითა მით სიმდიდრისმოყუარებისაჲთა, და ესე ამხილებს მისისა მის გო\ნებისა
Line of ed.: 16    დაუწყნარებელობასა და თავისა თჳსისა მიმართ არა წამებასა.

Line of ed.: 17       მითხარ შენ, მოძღურად სახელ-სდებ და მოწაფეთასა არა იქმ-ა? სახიე\რად
Line of ed.: 18    აღიარებ და მის მიერ მოცემულსა მას გარე-მიაქცევ-ა? რამეთუ სახიე\რი
Line of ed.: 19    უეჭუელად სახიერებისაცა მიმცემელ არს. და ჰკითხავ საუკუნოჲსა მის
Line of ed.: 20    ცხორებისათჳს, ხოლო ხარ ყოვლითურთ წარმავალსა ამას ცხორებასა შემ\შჭუალულ?
Line of ed.: 21    ანუ რაჲ ძნელი და მძიმე და უზომოჲ სიტყუაჲ გრქუა მოძღუარ\მან
Line of ed.: 22    მან? არა ესრეთ თქუა-ა, ვითარმედ: "გაყიდე მონაგები შენი და მიეც გლა\ხაკთა?"
Line of ed.: 23    რამეთუ უკუეთუმცა ებრძანა შენდა შრომაჲ მუშაკობისაჲ, ანუ
Line of ed.: 24    ღელვანი იგი ზღუასა შინა ვაჭრობისანი, ანუ სხუაჲ რაჲმე საჭიროთაგანი, რო\მელნი
Line of ed.: 25    არიან საჴმრის მეძიებელთა თანა, მაშინ გიჴმდა შენ შეწუხებაჲ ბრძა\ნებისა
Line of ed.: 26    მისთჳს. ხოლო უკუეთუ ესრეთ ადვილითა გზითა, რომელსა არცა
Line of ed.: 27    შრომაჲ აქუს, არცა ჭირი, აღგითქუამს შენ მიყვანებად საუკუნესა მას ცხორე\ბასა,
Line of ed.: 28    არა გიხარის-ა სიადვილისათჳს ცხორებისა მის? არამედ წარხუალ მწუ\ხარე
Line of ed.: 29    სულითა და მჭმუნვარე და უჴმარ ჰყოფ ყოველსა მას პირველსა შრო\მასა
Line of ed.: 30    შენსა. რამეთუ უკუეთუ არა კაც გიკლავს, ვითარ-იგი შენ იტყჳ, არცა
Line of ed.: 31    გიმრუშავს, არცა გიპარავს და არცა ვისდა ცილი დაგიწამებია, უსარგებლო
Line of ed.: 32    ჰყოფ თავისა შენისათჳს ამას ყოველსა ზედა მოსწრაფებასა, რამეთუ არა შეს\ძინებ
Line of ed.: 33    ნაკლულევანსა მასცა, რომლისა მიერ ოდენ შეუძლო შესლვად სასუფე\ველსა
Line of ed.: 34    ცათასა. და უკუეთუმცა მკურნალი ვინმე გეტყოდა, რაჲთამცა ნაკლულე\ვანებაჲ
Line of ed.: 35    რაჲმე ასოთა შენთაჲ, მოწევნული შენ ზედა ბუნებით, ანუ სენისა მიერ,
Line of ed.: 36    აღასრულა, არამცა მწუხარე იყავ მის ზედა. ვინაჲთგან უკუე დიდი იგი მკურ\ნალი
Page of ed.: 97   Line of ed.: 1    სულთაჲ სრულყოფად შენდა ისწრაფის, რომელსა-ეგე უმჯობესნი
Line of ed.: 2    იგი ასონი გაკლან, არა შეიწყნარებ-ა მადლსა მას, არამედ იგლოვ და მწუხა\რე
Line of ed.: 3    ხარ?

Line of ed.: 4       საცნაურ არს უკუე, ვითარმედ მის მცნებისაგან შორს ხარ და ტყუილით
Line of ed.: 5    დასწამე იგი თავსა შენსა, რომელ სთქუ, ვითარმედ: შეგიყუარებიეს მოყუა\სი,
Line of ed.: 6    ვითარცა თავი თჳსი. რამეთუ აჰა ესერა სიტყუაჲ იგი უფლისაჲ გამხი\ლებს,
Line of ed.: 7    ვითარმედ ჭეშმარიტისა მის სიყუარულისაგან შორს ხარ. რამეთუ
Line of ed.: 8    უკუეთუმცა სიტყუაჲ იგი შენი ჭეშმარიტ იყო და დაგემარხამცა სიყრმითგან
Line of ed.: 9    მცნებაჲ იგი სიყუარულისაჲ და ესეზომი მიგიცემიეს თითოეულისადა,
Line of ed.: 10    რაჲზომ-იგი თავისა შენისადა, ვინაჲ არს შენდა სიმდიდრე ეგე საჴმართაჲ?
Line of ed.: 11    რამეთუ განმლეველი არს სიმდიდრისაჲ მიცემაჲ იგი გლახაკთაჲ, რაჟამს-იგი
Line of ed.: 12    თითოეულსა საჴმარი მიეცემოდის და საცნაურ არს, ვითარმედ: რომელსა
Line of ed.: 13    უყუარდეს მოყუასი, ვითარცა თავი თჳსი, არარაჲ აქუს მას უმეტესი მოყუ\სისაჲ.
Line of ed.: 14    არამედ აჰა ესერა ჩანს, ვითარმედ გაქუს მონაგები ფრიადი. სადაჲთ
Line of ed.: 15    არს იგი ყოველი? გარნა ამისთჳს, რამეთუ თჳსი განსუენებაჲ უპატიოსნეს
Line of ed.: 16    სხუათა განსუენებისა შეგირაცხიეს და რაჲზომცა-ეგე სიმდიდრითა უმეტეს
Line of ed.: 17    ხარ, ესეზომად გაკლს სიყუარული, თუ არა უკუეთუმცა გიყუარდა მოყუასი
Line of ed.: 18    შენი, პირველითგანმცა გეწუართა განბნევაჲ მონაგებისაჲ მის. ხოლო აწ საჴ\მარნი
Line of ed.: 19    უმეტეს არიან შენდა, ვიდრეღა ასონი ჴორცთანი და შეგაწუხებს მათ\გან
Line of ed.: 20    განშორებაჲ, ვითარცა მოკუეთაჲ ასოთაჲ. რამეთუ უკუეთუმცა შეგემო\სა
Line of ed.: 21    შიშუელი, უკუეთუმცა მიგეცა მშიერისადა პური შენი, უკუეთუმცა კარი
Line of ed.: 22    შენი ღია იყო ყოვლისავე უცხოჲსათჳს, უკუეთუმცა ქმნილ იყავ მამა ობო\ლთა
Line of ed.: 23    და გეწყალოდა ყოველივე უძლური, აწმცა რომელთა საჴმართათჳს
Line of ed.: 24    მწუხარე იყავ? ანუ ვითარმცა ძნელ გიჩნდა წარგებაჲ დარჩომილისაჲ მისცა,
Line of ed.: 25    უკუეთუმცა პირველითგან გეწუართა მის ყოვლისაჲვე განყოფაჲ გლახაკთადა?
Line of ed.: 26    ანუ არა ხედავ-ა, ვითარ სავაჭროსა შინა არავინ მწუხარე არნ, რაჟამს-იგი
Line of ed.: 27    მისცემნ, რაჲ-იგი აქუნ და რომელი არა აქუნ, მიიღებნ მას? არამედ რაჲზომცა
Line of ed.: 28    მცირედითა საფასითა უმეტესისა ღირსი იყიდოს, ესეზომად უხარის, ვითარ\ცა
Line of ed.: 29    ბრწყინვალედ და კეთილად ვაჭრობისათჳს. ხოლო შენ მწუხარე ხარ-ა,
Line of ed.: 30    რამეთუ ოქროსა და ვეცხლსა და საჴმართა მისცემ, რომელ არიან ქვა და
Line of ed.: 31    მიწა, რაჲთა მოიგო სანატრელი იგი ცხორებაჲ?

Paragraph: 2  
Line of ed.: 32       2. და რად იჴმარო შენ სიმდიდრე იგი შენი? რაჲთა ბრწყინვალითა სა\მოსლითა
Line of ed.: 33    შეიმოსო-ა? - ორწყრთეული სამოსელი კმა გეყოფის შენ და ერ\თისა
Line of ed.: 34    სამოსლისა შემოსამან მრავალფერთა მათ სამოსელთა საჴმარი აღასრუ\ლოს.
Line of ed.: 35    ანუ საზრდელისათჳს იჴმარო-ა სიმდიდრე? - არამედ ერთი პური კმა
Line of ed.: 36    არს აღვსებად მუცლისა. რაჲსათჳს უკუე მწუხარე ხარ? რაჲსაგან გამოეჴუე\ბი?
Line of ed.: 37    დიდებისაგან-ა, რომელი-იგი სიმდიდრისა მიერ მიგეცემის? არამედ
Page of ed.: 98   Line of ed.: 1    უკუეთუ ქუეყანასა ზედა არა ეძიებდე დიდებასა, ჰპოო ჭეშმარიტი იგი და
Line of ed.: 2    ბრწყინვალე დიდებაჲ, რომელი მოგეცეს სასუფეველსა ცათასა. ანუ იტყჳ,
Line of ed.: 3    თუ თჳთ სიმდიდრე საყუარელ არს, დაღაცათუ არარაჲ იყოს მისგან სარგებე\ლი?
Line of ed.: 4    არამედ ესე ყოველთადა საცნაურ არს, ვითარმედ უსარგებლო არს საჴ\მართა
Line of ed.: 5    იგი და საფასეთა უზომოჲ მოგებაჲ. გარნა სხუაჲცა გითხრა შენ, და
Line of ed.: 6    დაღაცათუ საკჳრველად აღგიჩნდეს, არამედ ჭეშმარიტ არს, ესე იგი არს, ვი\თარმედ:
Line of ed.: 7    უკუეთუ განაბნევდე სიმდიდრესა სახითა მით, რომლითა უფალ\მან
Line of ed.: 8    ბრძანა, უფროჲსად ეგოს შენ თანა და უკუეთუ ანგაჰრობდე, მაშინ გა\ნიბნევის.
Line of ed.: 9    უკუეთუ ჰმარხვიდე, არა გაქუს; უკუეთუ კულა განაბნიო, არა წარ\გიწყმდების,
Line of ed.: 10    რამეთუ წერილ არს, ვითარმედ: "განაბნია და მისცა იგი გლახაკ\თა
Line of ed.: 11    და სიმართლჱ მისი ჰგიეს უკუნისამდე".

Line of ed.: 12       არამედ არა თუ სამოსლისათჳს და საზრდელთა არს ესრეთ საყუარელ
Line of ed.: 13    სიმდიდრე ვიეთგანმე, არამედ მოუპოვნებიეს ღონე რაჲმე ეშმაკსა და ბევ\რეულთა
Line of ed.: 14    მიზეზთა წარგებისათა მოაგონებს მდიდართა, და რაჲთა ნამეტნავსა
Line of ed.: 15    მას და უჴმარსა ესრეთ მოსწრაფებით შეჰკრებდენ, ვითარცა საჭიროსა საჴ\მარსა.
Line of ed.: 16    და არარაჲ ყოლადვე ეყოფინ ღონეთა მათთჳს წარგებისათა, რამეთუ
Line of ed.: 17    განჰყოფენ სიმდიდრესა მას მის ჟამისა წარსაგებელად, რომელსა შინა იყვ\ნენ
Line of ed.: 18    და კუალად მომავალთათჳს ჟამთა; და რომელსამე საფასესა თავთა თჳსთა\თჳს
Line of ed.: 19    ჰმარხვენ და კუალად რომელსამე - შვილთათჳს მათთა. მერმე კუალად
Line of ed.: 20    სხჳსა და სხჳსა საქმისა წარსაგებელად განჰყოფენ მას. რამეთუ იხილეთ, თუ
Line of ed.: 21    ვითარნი არიან განგებანი მათნი, ვითარმედ: "იყავნ ესე საფასჱ საჴმართათჳს
Line of ed.: 22    და ესე რომელიმე იყავნ საუნჯეთა შინა დამარხულად", და რომელი-იგი საჴ\მართათჳს
Line of ed.: 23    არს არა საჭიროთათჳს ოდენ, არამედ უსარგებლოთა: "და კუალად
Line of ed.: 24    ესე რომელიმე საფასე სახლისა შესამკობელად იყავნ და კუალად ესე - გარე\განთა
Line of ed.: 25    მათ უცნებათათჳს და სამკაულთა და ესე რომელიმე - რაჟამს გზას
Line of ed.: 26    წარვიდოდით და კუალად იგი - ოდეს შინა ვიყვნეთ, რაჲთა ბრწყინვალედ და
Line of ed.: 27    შუებით და ფუფუნებით იყოს ცხორებაჲ ჩუენი".
Line of ed.: 28    ხოლო მე განკჳრვებულ ვარ უსარგებლოთა მათ გარდამატებულებათა
Line of ed.: 29    მათთათჳს, ვითარ ეტლები აქუნ ბევრეულები, რომელნიმე თავთა თჳსთა\თჳს
Line of ed.: 30    და რომელნიმე სხუად საჴმარად, ოქროჲთა და ვეცხლითა დაბურვილები,

Line of ed.: 31       ხოლო ცხენნი ეგრეთვე ურიცხუნი (რომელთა სახელები ეწოდებინ მათცა,
Line of ed.: 32    ვითარცა კაცთა - თითოეულსა ნათესავისაგან მამათაჲსა და პაპთაჲსა ეწო\დებინ
Line of ed.: 33    სახელი): რომელნიმე ქალაქსა შინა სავალად, იშუებდიან რაჲ, სხუანი
Line of ed.: 34    კუალად ნადირობად განმყვანებელნი, სხუანი კუალად მგზავრობათათჳს და
Line of ed.: 35    ბრძოლათა განმზადებულნი, რომელთა ზედა იყვნიან უნაგრები და ლაგმები
Page of ed.: 99   Line of ed.: 1    და საბურველები, ყოველივე ოქროცურვებული, ყოველივე ვეცხლისა მკე\დითა
Line of ed.: 2    კერული: ავშარაები ძოწეულები. და შეამკობდიან ცხენთა მათ, ვითარ\ცა
Line of ed.: 3    სძალთა. კუალად ჯორებისა სიმრავლე, ფერად-ფერადად განყოფილი;
Line of ed.: 4    სტრატულნი მათნი, ერთმანერთისა შემდგომნი, სხუანი კუალად წინამსრბოლ\ნი,
Line of ed.: 5    სხუანი თანამავალნი; სხუათა მათ მსახურთა ურიცხჳ სიმრავლჱ, მონა\თა
Line of ed.: 6    დასები - ყოვლისავე ფუფუნებისა მიმართ მოსწრაფენი. კუალად მათ
Line of ed.: 7    ზედა სხუანი მნენი და ზედამდგომელნი - რომელნიმე ტანის მსახურნი,
Line of ed.: 8    რომელნიმე მუშაკნი; სხუანი კუალად ყოვლისავე ჴელოვნებისა მოქმედნი,
Line of ed.: 9    რომელნიმე საჴმრისა საქმისა და რომელნიმე ცუდისა, საშუებელად მოპო\ვნებულისა;
Line of ed.: 10    მზარაულნი, მეპურენი, მემარნენი, მონადირენი, მხატვარნი,
Line of ed.: 11    ყოვლისავე გულისთქუმისა მოქმედნი და აღმასრულებელნი. სიმრავლენი აქ\ლემთანი
Line of ed.: 12    - რომელნიმე ტჳრთთა მკრებელნი და რომელნიმე მძოარნი; რემაე\ბი
Line of ed.: 13    ცხენთაჲ, ნახირები ზროხათაჲ, სამწყსოები ცხოვართაჲ, კოლტები ღორ\თაჲ,
Line of ed.: 14    ამათ ყოველთა მწყემსნი. ყოველივე ქუეყანაჲ, საშუებელად მოგებული
Line of ed.: 15    და შემოსავალითა სიმდიდრისა მის აღმაორძინებელი. აბანოები ქალაქსა შინა,
Line of ed.: 16    აბანოები სოფელთა შინა, ტაძარნი თითოსახეთა მიერ მარმარილოთა შემკო\ბილნი:
Line of ed.: 17    რომელიმე ფრიგიელითა ქვითა, სხუაჲ კუალად ლაკონიკელითა ანუ
Line of ed.: 18    თესალონიკელითა, ანუ ჰრომულითა. და ესენი ესევითარნი იყვნიან, რაჲთა
Line of ed.: 19    რომელნიმე ზამთრის ატფობდენ და სხუანი ზაფხულის აგრილობდენ. ქუეყა\ნაჲ
Line of ed.: 20    იგი სიჭრელითა მით წულილადთა მათ ქვათა მიერ შემკული, ხოლო სარ\თული
Line of ed.: 21    ოქროჲთა მოლესული და კედელნი აღმართებულითა მარმარილოჲთა
Line of ed.: 22    შემკულნი; და რომელიცა ზედაჲთ კერძო მარმარილოთა მათ არნ, მოწერიან
Line of ed.: 23    თითოსახედ.

Paragraph: 3  
Line of ed.: 24       3. და მერმე, რაჟამს ბევრეულად განიყვის სიმდიდრჱ იგი და ჯერეთ
Line of ed.: 25    ჰმატნ, ქუეყანად მისციან და უხილავთა შინა დაფლული დაჰმარხიან და იტყო\დიან:
Line of ed.: 26    "ვინ უწყის მომავალთა მათ ჟამთათჳს, თუ რაჲ ყოფად არს, ნუუკუე
Line of ed.: 27    მოულოდებელნი საქმენი მოიწინენ".

Line of ed.: 28       კაცო, ესე ვინ უწყის, თუ იჴმაროცა სადა? რამეთუ ესე უცნაურ არს,
Line of ed.: 29    ხოლო უწყალოებაჲ ეგე და უკეთურებაჲ შენი არა უცნაურ არს. რამეთუ რა\ჟამს
Line of ed.: 30    მრავალფერითა მაგით ღონითა საფასჱ იგი ვერ განჰლიე, მერმე ქუეყა\ნასა
Line of ed.: 31    შინა დაჰმალე. ეჰა, სიცოფჱ ბოროტი! ვიდრემდის ქუეყანისა თუალთა
Line of ed.: 32    შინა იყო ოქროჲ, სთხრიდი და ეძიებდი და რაჟამს გამოცხადნა და გამოვიდა
Line of ed.: 33    მიერ, კუალად მუნვე დაჰფლავ და უჩინო ჰყოფ. და მერმე, ვითარცა მე
Line of ed.: 34    ვჰგონებ, რაჟამს საფასჱ დაჰფლა, გულსაცა შენსა მას თანავე დაჰფლავ, რა\მეთუ
Line of ed.: 35    "სადაცა საუნჯენი თქუენნი, მუნცა გულნი თქუენნი იყვნენო".

Line of ed.: 36       ამისთჳს შეაწუხებენ მდიდართა მცნებანი, რამეთუ სიკუდილად შეუ\რაცხიეს,
Line of ed.: 37    უკუეთუ უსარგებლოთა მათ წარსაგებელთა არა შექცეულ იყვნენ.
Page of ed.: 100  


Line of ed.: 1       და მე ვჰგონებ, ვითარმედ ვნებაჲ ესე ამის ჭაბუკისაჲ და მსგავსთა მისთაჲ
Line of ed.: 2    მსგავს არს საქმესა კაცისასა, რომელმან სურვილითა ქალაქისა რომლისაჲთამე
Line of ed.: 3    ვლის გზაჲ ფრიადი ხილვად მისა და მახლობელად რაჲ მიიწიის ზღუდეთა
Line of ed.: 4    მისთა, უდებებითა მცირედისა სხჳსა სლვისაჲთა უჴმარ ყვის ფრიადი იგი
Line of ed.: 5    შრომაჲ მისი და ხილვად კეთილთა მათ მის ქალაქისათა არა ღირს იქმნის.
Line of ed.: 6    ესრეთ არიან, რომელნი-იგი სხუასა მრავალსა იქმან და საფასისა წარგებაჲ არა
Line of ed.: 7    ჰნებავს. რამეთუ მრავალნი მიხილვან, რომელნი იმარხვიდიან და ილოცვიდიან
Line of ed.: 8    და სულთ-ითქუმიდიან და წარუგებელსა მას მოღუაწებასა აჩუენებდიან და
Line of ed.: 9    ერთსა წულილსა ჭირვეულთადა მიცემად არა თავს-იდებდიან. რასა-მე ერგოს
Line of ed.: 10    მათ სხუაჲ იგი მოღუაწებაჲ, ვინაჲთგან ვერ დაიტევს მათ სასუფეველი ცათაჲ?
Line of ed.: 11    რამეთუ თავადმან უფალმან ბრძანა, ვითარმედ: "უადვილეს არს აქლემისა
Line of ed.: 12    კურწსა ნემსისასა განსლვად, ვიდრეღა მდიდარი სასუფეველსა ცათასა შეს\ლვად".
Line of ed.: 13    არამედ განჩინებაჲ ესე ესრეთ ცხად არს: და მეტყუელი იგი -
Line of ed.: 14    უტყუელ, ხოლო მორჩილნი - მცირედ.

Line of ed.: 15       არამედ იტყჳან, ვითარმედ: "და ვითარ ვიყოფოდით, რაჟამს ყოველი
Line of ed.: 16    განვაბნიოთ? ანუ რაჲ იყოს სახჱ ამის სოფლისაჲ, რაჟამს ყოველნი განუ\ყოფდენ
Line of ed.: 17    მონაგებთა მათთა?".

Line of ed.: 18       ნუ მკითხავ მე გონებასა ბრძანებათა მათ მეუფისათა. იცის რჩულის\მდებელმან
Line of ed.: 19    მან, რაჲთა შესაძლებელცა ყოს რჩული იგი თჳსი. ხოლო შენი
Line of ed.: 20    გული, ვითარცა სასწორისა მიერ გამოიცადების, თუ ჭეშმარიტისა მის ცხო\რებისა
Line of ed.: 21    მიმართ ანუ წარმავალისა ამის განსუენებისა არს მიდრეკილ ზრახვაჲ
Line of ed.: 22    შენი. რამეთუ ჯერ-არს უწყებაჲ, ვითარმედ სიმდიდრე არა საშუებელად თჳსი\სა
Line of ed.: 23    თავისა, არამედ განსაგებელად სხუათა მოცემულ არს. და რაჟამს მიეცე\მოდის
Line of ed.: 24    გლახაკთა, სიხარული ჯერ-არს, ვითარმცა უცხოთა ნამარხევთაგან გან\ვთავისუფლდებოდეთ,
Line of ed.: 25    და არა მწუხარებაჲ, ვითარმცა თჳსთაგან უცხო ვიქ\მნებოდეთ.

Line of ed.: 26       რაჲსათჳს უკუე მწუხარე ხარ და იგლოვ სიტყჳსა მისთჳს, რომელი იტყჳს,
Line of ed.: 27    თუ: "განყიდე მონაგები შენი?" რამეთუ უკუეთუმცა შეგიდგა შენ მონაგე\ბი
Line of ed.: 28    მის საუკუნისაცა, მაშინცამცა არა საყუარელ იყო, რამეთუ პატიოსნებისა\გან
Line of ed.: 29    მუნ მყოფთა მათ კეთილთაჲსა უჩინომცა იქმნეს სიკეთენი ესე ამის სოფ\ლისანი.
Line of ed.: 30    უკუეთუ კულა თჳნიერ ყოვლისა იჭჳსა ყოველივე იგი აქა დარჩომად
Line of ed.: 31    არს, რაჲსათჳს არა განვყიდოთ და სარგებელი მათი ჩუენ თანა წარვიღოთ?
Line of ed.: 32    ხოლო შენ, რაჟამს ოქროსა მისცემდე და ცხენსა აღიღებდე, არა მწუხარე
Line of ed.: 33    ხარ და რაჟამს განხრწნადთა მათ მისცემდე და სასუფეველი ცათაჲ მოგეცე\მოდის,
Line of ed.: 34    ამისთჳს სცრემლოი-ა? უარ-ჰყოფ მას, რომელი-იგი გთხოვს, და არა
Line of ed.: 35    გნებავს მიცემის, ბევრეულთა მიზეზთა შეიკრებ.
Page of ed.: 101  

Paragraph: 4  
Line of ed.: 1       4. რაჲ-მე მიუგო შენ მსაჯულსა მას? რომელი-ეგე კედელთა ამკობ, კაცსა
Line of ed.: 2    არა შეჰმოს-ა? რომელი ცხენთა ოქროჲთა დაჰბურავ, ძმასა შენსა უშუერად
Line of ed.: 3    შიშუელსა უგულებელს-ჰყოფ-ა? რომელი-ეგე იფქლსა ალპობ, მშიერსა არა
Line of ed.: 4    გამოზრდი-ა? რომელი-ეგე ოქროსა ჰფლავ, უკუეთუ ვინმე თანამდები მოვა\ლისა
Line of ed.: 5    მიერ მოშთობად იხილო, შეურაცხ-ჰყოფ-ა? უკუეთუ კულა მეუღლეცა
Line of ed.: 6    ესევითარისავე გონებისაჲ იპოოს, ორკეც არნ სენი იგი, რამეთუ შუებათა
Line of ed.: 7    განამრავლებს და გემოჲსმოყუარებათა აღაორძინებს და გულისთქუმისა
Line of ed.: 8    საწერტელ ექმნების. რაჟამს მოიპოებნ ქვათა რათმე და მარგალიტთა და
Line of ed.: 9    სამარაგდეთა და იაგუნდთა და ოქროსა, რომელსამე ჭედნ და რომელსამე
Line of ed.: 10    ქსოვნ და ყოვლით კერძო სენსა მას აღაორძინებნ, რამეთუ არა გარეწარად
Line of ed.: 11    აქუნ ამათ საქმეთა მოსწრაფებაჲ, არამედ ღამჱ და დღჱ ამისთჳს ზრუნავნ.
Line of ed.: 12    და თითოფერთა ჴელოანთა შეჰკრებედ: მოიყვანნიან მღებვარნი ბრწყინვა\ლეთა
Line of ed.: 13    საღებავთანი, ოქრომჭედელნი, მენელსაცხებლენი, მქსოელნი ოქროჲ\სანი,
Line of ed.: 14    მხატვარნი. არცა ერთსა ჟამსა აქუნ განსუენებაჲ, არცა ერთი სიმდიდ\რე
Line of ed.: 15    კმა არნ გულისსათქუმელთა მათ აღსრულებად, არცა თუმცა მდინარით
Line of ed.: 16    აღმოდიოდა, რაჟამს საძიებელ არნ ნელსაცხებელი იგი ბარბაროზული, ვი\თარცა
Line of ed.: 17    ზეთი უბანთაჲ და კუალად შუენიერებანი იგი ზღჳთ გამომავალნი:
Line of ed.: 18    კოხლოჲ და პინაჲ - უფროჲს მატყლისა მის ცხოვართაჲსა. და ოქროჲ გარე\მოადგნ
Line of ed.: 19    ქვათა მათ მრავალსასყიდლისათა: რომელიმე შუბლის საკრავ არნ და
Line of ed.: 20    რომელიმე - მანიაკ და სხუაჲ სარტყელთა ზედა წარაგიან, კუალად სხუაჲ -
Line of ed.: 21    ბეჭედთა მათ, რომელნი შეისხნიან ჴელთა და სხუანი იგი - სამკაულნი ფერ\ჴთანი.
Line of ed.: 22    რამეთუ ოქროჲსმოყუარეთა მათ უხარის შეკრვაჲ ჴელთა და ფერჴ\თაჲ,
Line of ed.: 23    ოდენ ოქროჲ იყოს შემკრველ. ხოლო ოდეს-მე იზრუნოს სულისა თჳსი\საჲ
Line of ed.: 24    ესევითარმან მან, რომელი-იგი ბოროტთა მათ გულისთქუმათა ჰმსახურებ\დეს
Line of ed.: 25    შეგინებისათა? რამეთუ ვითარცა ნავი, განტეხილი სიმძაფრითა ღელვა\თაჲთა,
Line of ed.: 26    წარწყმდის, ეგრეთ დაანთქმენ გულისთქუმანი იგი დედათანი სულთა
Line of ed.: 27    მათ საწყალობელთა.

Line of ed.: 28       და რაჟამს ესრეთ ესევითართა საქმეთა მიმართ განმარტებულ იყოს სიმ\დიდრე
Line of ed.: 29    იგი გულისთქუმისმოყუარეთა მათ მიერ, ვერ ოდეს მიიწევის გლახაკ\თა
Line of ed.: 30    მიმართ, არამედ ამაოთა მათ მოსაპოვნებელად განცრუებულ არნ. და უკუ\ეთუ
Line of ed.: 31    ესმას, თუ: "განყიდე მონაგები შენი და მიეც გლახაკთა, რაჲთა გაქუნ\დეს
Line of ed.: 32    საგზალი ცხორებისა მის მიმართ საუკუნოჲსა", წარვალს შეწუხებული;
Line of ed.: 33    უკუეთუ კულა ესმას, ვითარმედ: "მიეც საფასჱ დედათათჳს მგოსანთა, ანუ
Line of ed.: 34    მიეც ქვისა მთლელთა, ოქრომჭედელთა, ხუროთა, მეოქროსოფიოთა, მხატვარ\თა",
Line of ed.: 35    უხარინ, ვითარმცა რაჲმე პატიოსანი საქმჱ და უმჯობესი საფასისა მო\ეცემოდა.

Line of ed.: 36       ჵ კაცო, არა ხედავ-ა ამათ კედელთა, სიგრძისაგან ჟამთაჲსა დარღუეულ\თა
Page of ed.: 102   Line of ed.: 1    რომელთა ნაწილნი ოდენ დარჩომილ არიან ქალაქსა შინა და სხენან წარ\საბრკოლებელად
Line of ed.: 2    ოდენ მავალთა? რავდენნიმცა გლახაკნი ყოფილ იყვნეს
Line of ed.: 3    ქალაქსა ამას შინა, რაჟამს-იგი ესენი აღემართებოდეს, რომელნი-იგი ამათ
Line of ed.: 4    ზედა მოსწრაფებისათჳს მდიდართა მიერ შეურაცხ-იყვნეს? აწ უკუე სადა არს
Line of ed.: 5    ბრწყინვალჱ იგი შემკობილებაჲ მათი? ანუ სადა არს იგი, რომელი ამათისა
Line of ed.: 6    შენებისათჳს საშურველ იყო? არა დარღუეულ და მოოჴრებულ არიან-ა ესენი,
Line of ed.: 7    ვითარცა ყრმათა მიერ მღერით ქჳშითა ქმნილნი იგი ნაშენებნი? ხოლო ამათი
Line of ed.: 8    მოქმედი აწ მდებარე არს ჯოჯოხეთს შინა და ამაოებით მოსწრაფებისა მისი\სათჳს
Line of ed.: 9    ინანის.

Line of ed.: 10       დიდი და ბრწყინვალე სული გაქუნდინ, თუ არა კედელნი მცირეცა და
Line of ed.: 11    დიდი ერთსა საჴმარსა აღასრულებენ. რამეთუ მე, რაჟამს შევიდე სახლსა
Line of ed.: 12    კაცისა ამპარტავანისასა და უძღებად მდიდრისასა და ვიხილო სახლი იგი,
Line of ed.: 13    ყოვლითა შუენიერებითა შემკული, ვიწყებ გლოად, რამეთუ გულისჴმა-ვყვი,
Line of ed.: 14    ვითარმედ ამას კაცსა არარაჲ უპატიოსნესად აქუს უფროჲს ამათ ხილულთასა,
Line of ed.: 15    არამედ უსულოთა მათ შეამკობს და სული მისი უშუერ არს. ანუ მითხარ, თუ
Line of ed.: 16    რომელსა უმეტესსა საქმესა იქმან ვეცხლისა ცხედარნი და ვეცხლისა ტაბლანი,
Line of ed.: 17    პილოჲს ძულისა სავარძელნი და საჯდომნი ბრწყინვალენი, რომელ ამათთჳს
Line of ed.: 18    სიმდიდრე შენი გლახაკთა ვერ მიეცემის? არამედ დგანან ბევრეულნი კართა
Line of ed.: 19    ზედა, ყოველსავე საწყალობელსა სიტყუასა გეტყჳან, ხოლო შენ უარ-ჰყოფ მი\ცემასა
Line of ed.: 20    და იტყჳ, ვითარმედ: "არა კმა მეყოფის მონაგები ჩემი ყოველთა მათ
Line of ed.: 21    გლახაკთა მიცემად". და ენითა ჰფიცავ არაქონებასა, ხოლო ჴელი შენი გამხი\ლებს,
Line of ed.: 22    რამეთუ ჴელი შენი დუმილით ტყუილსა შენსა ქადაგებს, რამეთუ
Line of ed.: 23    ბრწყინავს ბეჭდის თუალისა მისგან, რომელი მას ზედა არს. რავდენთა ჭირ\ვეულთა
Line of ed.: 24    თანამდებთაჲ ძალ-უც ერთსა თითისა შენისა ბეჭედსა გამოჴსნად?
Line of ed.: 25    რავდენთა დარღუევადთა სახლთა ამართებაჲ? ერთსა კიდობანსა შენსა, სავ\სესა
Line of ed.: 26    სამოსლითა შენითა, ძალ-უც მრავლისა ერისა, სიცივითა შეჭირვებუ\ლისა,
Line of ed.: 27    შემოსაჲ. არამედ მოითმენ შენ განტევებად გლახაკისა მის ცალიერად
Line of ed.: 28    და არა გეშინის სამართლად მისაგებელისა მისგან მსაჯულისა მის.

Line of ed.: 29       არა შეიწყალებ-ა? - არცა შენ პოო წყალობაჲ; არა განუღე-ა კარი
Line of ed.: 30    შენი გლახაკსა? - განიდევნო შენცა სასუფეველისაგან; არა მიეც-ა პური? -
Line of ed.: 31    არცა შენ მოგეცეს საუკუნოჲ იგი ცხორებაჲ.

Paragraph: 5  
Line of ed.: 32       5. ანუ გლახაკად უწოდ-ა თავსა შენსა? - მეცა გეწამები, რამეთუ გლა\ხაკი
Line of ed.: 33    იგი არს, რომელსა მრავალი რაჲ უჴმნ და არა აქუნ. და თქუენცა ეგრევე
Line of ed.: 34    გიყოფს განუძღებელობაჲ იგი გულისთქუმათაჲ, რამეთუ ათსა ტალანტსა ზედა
Line of ed.: 35    სხუასა ათსა ისწრაფი შეძინებად და რაჟამს ოც იქმნენ, სხუასა ეგეზომსა
Line of ed.: 36    ეძიებ. და მარადის მომავალი იგი არა თუ ნებასა შენსა აღასრულებს, არამედ
Page of ed.: 103   Line of ed.: 1    უმეტესისა გულისთქუმად აღგაგზნებს. რამეთუ ვითარცა მომთრვალეთა მი\ზეზად
Line of ed.: 2    სუმისა ექმნების სუმაჲვე, ეგრეთვე მდიდართა, რაჟამს ფრიადი მოი\გონ,
Line of ed.: 3    უმეტესისა მიმართ სურის, და რაჲზომსაცა მოიგებდენ, უმეტესად აღორ\ძნდების
Line of ed.: 4    სენი იგი და მოსწრაფებაჲ იგი უმეტესად წინააღმდგომებად მოიწე\ვის.
Line of ed.: 5    რამეთუ არა ახარებს მათ მოგებული იგი, არამედ შეაწუხებს მოუგებე\ლი
Line of ed.: 6    და მარადის სული მათი ზრუნვითა დადნების, რაჟამს გარდამატებულისა
Line of ed.: 7    მიმართ მოსწრაფე იყვნენ.

Line of ed.: 8       რამეთუ ჯერ-იყო სიხარული და მადლობაჲ ღმრთისაჲ, რამეთუ ესეზომ\თასა
Line of ed.: 9    უმდიდრეს არიან, არამედ იგინი იგლოენ, რამეთუ ერთისა ვისმე ანუ
Line of ed.: 10    ორთა უდარეს არიან სიმდიდრითა. რაჟამს ერთსა მდიდარსა მიეწინენ სიმდი\დრითა,
Line of ed.: 11    და მერმე უმდიდრესისა მიისწრაფიან მიწევნად და უკუეთუ მასცა მიე\წინენ,
Line of ed.: 12    მერმე სხჳსა შესცვალებენ სწრაფასა. ვითარცა კიბესა აღმავალნი მარა\დის
Line of ed.: 13    უზეშთაესსა მას ხარისხსა აღიღებენ ფერჴსა და არა დადგებიან, ვიდრემ\დის
Line of ed.: 14    თავსა მიიწინენ კიბისასა, ეგრეთვე ესენი არა დასცხრებიან სწრაფისაგან,
Line of ed.: 15    ვიდრემდე არა ფრიად აღმაღლდენ და დიდისა მის სიმაღლისაგან დაცემულნი
Line of ed.: 16    შეიმუსრნენ.

Line of ed.: 17       მფრინველსა მას, რომელსა ეწოდების სელევკიდაჲ, კეთილისათჳს კაცთა\ჲსა
Line of ed.: 18    შექმნა უძღებად დამბადებელმან ყოველთამან, ხოლო შენ სავნებელად
Line of ed.: 19    მრავალთა გიქმნიეს სული შენი უძღებად.

Line of ed.: 20       რაჲზომცა ჰხედვიდეს თუალი, ესეზომცა სურის ანგაჰრსა: "არა აღივ\სოს
Line of ed.: 21    თუალი ხედვითა" და არცა განძღეს ვეცხლისმოყუარე მოგებითა. არა
Line of ed.: 22    თქუა ჯოჯოხეთმან, თუ კმა არს, არცა ანგაჰრმან ოდეს თქჳს, თუ კმა არს.
Line of ed.: 23    ოდეს იჴმარო ეგე ყოველი? ოდეს ჰპოო მაგათგან განსუენებაჲ, ვინაჲთგან მა\რადის
Line of ed.: 24    ჭირითა მით მოგებისაჲთა შეპყრობილ ხარ?

Line of ed.: 25       ვაჲ მათდა, რომელნი შეაერთებენ სახლსა სახლად და აგარაკსა მიაახ\ლებენ
Line of ed.: 26    აგარაკად, რაჲთა მოყუსისაჲ რაჲმე მიიტაცონ. ხოლო შენ რასა
Line of ed.: 27    იქმ? არა ბევრეულსა მიზეზსა მოიპოებ-ა, რაჲთამცა მოიტაცე მოყუსისაჲ?
Line of ed.: 28    იტყოდი ესრეთ, ვითარმედ: "მიბნელობს სახლი მის მეზობლისაჲ, ჭირსა შე\მამთხუევს,
Line of ed.: 29    ანუ თუ სხუასა რასმე მავნებს", რამეთუ არა დაილევის მიზეზი.
Line of ed.: 30    და ესრეთ სდევნიდი მას და აჭირვობდი, ვიდრემდე განაშორი თჳსაგან. რამან
Line of ed.: 31    მოკლა ნაბუთე ისრაიტელი? არა აქაბის ვენაჴისა მის გულისთქუმამან-ა?

Line of ed.: 32       ანგაჰრი ბოროტი არს თანასაყოფლად ქალაქსა შინა, ბოროტი არს აგარაკ\თა
Line of ed.: 33    შინა.

Line of ed.: 34       ზღუამან იცის საზღვარი თჳსი, ღამე არა წარჰჴდების წესსა თჳსსა, ხოლო
Line of ed.: 35    ანგაჰრი არა ჰრიდებს ჟამსა, არა იცის საზღვარი, არა შეუნდობს პირველით\გან
Line of ed.: 36    მამულობისათჳს, არამედ მსგავს არს ცეცხლისა მძლავრებასა: ყოველსა
Page of ed.: 104   Line of ed.: 1    ზედა მიიწევის, ყოველსა შეშჭამს. და ვითარცა მდინარემან პოის პირველად
Line of ed.: 2    მცირედ განსავალი და იწყის სლვად კუალსა მას და მერმე აღორძნდის მცი\რე-მცირედ
Line of ed.: 3    და რაჲცა იპოის წინაშე მისსა, ყოველივე წარიტაცის, ეგრეთვე
Line of ed.: 4    მდიდართა მიმძლავრებულთა მათგან მიიღიან ძალი უმეტესისა მძლავრობი\საჲ
Line of ed.: 5    და რაჲზომცა უმეტესთა ჰმძლავრობდიან, უმეტესი ძალი ეცის და ექმნის
Line of ed.: 6    უკეთურებისა იგი სიდიდე ძლიერებისა შემმატებელ. რამეთუ რომელნი-იგი
Line of ed.: 7    მიიმძლავრნეს ბოროტად მათ მიერ, იძულებითსა შეწევნასა მისცემენ მათ მი\მძლავრებისათჳს
Line of ed.: 8    და მორჩილებისა სხუათაჲსაცა. რამეთუ რომელი მეზობელი,
Line of ed.: 9    რომელი თანამკჳდრი, რომელი მიმსყიდელი არა მიიმძლავრების? ვერარაჲ
Line of ed.: 10    თავს-იდებს ჭირსა მას სიმდიდრისასა: ყოველივე მოუდრკების მძლავრებასა
Line of ed.: 11    მისსა, ყოველსავე ეშინის და თითოეული მიმძლავრებულთა მათგანი ეძიებნ,
Line of ed.: 12    თუმცა ოდენ სხუაჲცა რაჲმე ბოროტი მოაწია მის ზედა, არა თუმცა მოტაცე\ბულისა
Line of ed.: 13    მისთჳს ისწრაფინ სამშჯავროდ მისლვად, რამეთუ მან წარიტაცნის
Line of ed.: 14    უღელნი იგი ჴართანი, მიიტაცის ქუეყანაჲ უცხოჲ, მოჴნის, დასთესის, მოიმ\კის
Line of ed.: 15    არათჳსი იგი, უკუეთუ გლახაკი იგი წინა-აღუდგის, მეყსეულად მზა იყვ\ნიან
Line of ed.: 16    წყლულებანი: უკუეთუ გოდებნ იგი, აგინებნ; უკუეთუ სამშჯავროდ მი\ვიდის,
Line of ed.: 17    შეყენებულ იქმნის საპყრობილესა, რამეთუ მზა იყვნიან ცრუმოწამენი,
Line of ed.: 18    რომელნი შიშად სიკუდილისა მიმძლავრებულსა მას მიიყვანებდიან. ინატრინ
Line of ed.: 19    იგი სხჳსაცა რაჲსამე მიცემად და ოდენ განრომად მისგან.

Paragraph: 6  
Line of ed.: 20       6. მინდა, ჵ მდიდარო და მტაცებელო, რაჲთამცა მცირედსა ჟამსა ოდენ
Line of ed.: 21    ულხინე თავსა შენსა შრომათა მათგან უსამართლოებისათა და მიეცმცა მო\ცალებაჲ
Line of ed.: 22    გონებასა შენსა, რაჲთამცა გულისჴმა-ყო და მოიგონა, თუ რომლისა
Line of ed.: 23    აღსასრულისა მიმართ ესრეთ ისწრაფის მოსწრაფებაჲ ეგე შენი.

Line of ed.: 24       აჰა ესერა გაქუს ქუეყანისა სიმრავლჱ ესეზომი ყანათა და ვენაჴთაჲ, მთა\ნი
Line of ed.: 25    და ველნი, მდინარენი და სათიბენი. რაჲ უკუე ყოფად არს შემდგომად მა\გის
Line of ed.: 26    ყოვლისა? არა სამწყრთეული მიწაჲ მოგეცეს-ა მაგის ყოვლისაგან? არა
Line of ed.: 27    მცირეთა ქვათა სიმძიმე კმა იყოს-ა დასაფარველად უბადრუკისა მაგილ, გუა\მისა
Line of ed.: 28    შენისა? რაჲსათჳს ისწრაფი? რაჲსათჳს ურჩულოებ? რაჲსათჳს შეჰკრებ
Line of ed.: 29    ჴელითა შენითა უნაყოფოებასა? და ნეტარ თუმცა უნაყოფოებასა და არა ნივ\თსა
Line of ed.: 30    საუკუნოჲსა ცეცხლისასა! არა განიფრთხო-ა ოდესმე მაგის მთრვალობისა\გან?
Line of ed.: 31    არა განამრთელო-ა გონებაჲ შენი? არა მოიქცე-ა თავად შენდა? არა დაი\დვა-ა
Line of ed.: 32    წინაშე თუალთა სამშჯავროჲ იგი ქრისტესი? რაჲ-მე მიუგო, რაჟამს-იგი
Line of ed.: 33    გარე-მოგადგენ შენ მიერ მიმძლავრებულნი და ჭირვეულნი და ღაღადებდენ
Line of ed.: 34    შენ ზედა წინაშე მსაჯულისა მის მართლისა? რაჲ ჰყო? რომელნი სიტყჳთა
Line of ed.: 35    შემწენი და სჳნიღორნი იმიზდნე? რომელნი მოწამენი წარმოადგინნე? ვითარ
Line of ed.: 36    უტყუო მეცნიერსა მას მსაჯულსა? მუნ არა არს ფილაფოზი, არა არს ორკე\ცობაჲ
Page of ed.: 105   Line of ed.: 1    სიტყუათაჲ და ტყუილით ჭეშმარიტებაჲ მათი, რომელთამცა შეუძლეს
Line of ed.: 2    მოპარვად ჭეშმარიტებასა მას მსაჯულისასა. არა იყვნენ მაშინ შენ თანა თუა\ლთმოხუავნი
Line of ed.: 3    იგი, არა იყოს მუნ შენ თანა ქრთამი, არცა დიდებაჲ იგი პატი\ვისა
Line of ed.: 4    შენისაჲ. მოოჴრებულ იყო მოყუარეთაგან, მოოჴრებული შემწეთაგან,
Line of ed.: 5    უსჳნიღოროჲ, უსიტყუელი, სირცხჳლეული; მიგიყვანონ მჭმუნვარე, თავდად\რეკილი,
Line of ed.: 6    მარტოდ დაშთომილი, შეშინებული. რამეთუ სადაცა მიხედნე თუა\ლითა,
Line of ed.: 7    განცხადებულად იხილნე ხატნი იგი ბოროტთა შენთანი: ამიერ ობლი\სა
Line of ed.: 8    ცრემლთა, იმიერ ქურივისა სულთქუმათა, სხჳთ კერძო დაქენჯნილთა მათ
Line of ed.: 9    შენ მიერ გლახაკთა; მონათა მათ, რომელთა ჰგუემდი, მეზობელთა, რომელთა
Line of ed.: 10    ჰმძლავრობდი, ყოველნი შენ ზედა აღდგენ. ბოროტი ბანაკი ბოროტთა საქ\მეთა
Line of ed.: 11    შენთაჲ გარე-მოგადგეს. რამეთუ ვითარცა აჩრდილი გუამსა, ესრეთ შე\უდგან
Line of ed.: 12    სულსა ცოდვანი მისნი და საქმეთა მათ ცხადად გამოსახვიდენ. ამისთჳს
Line of ed.: 13    არა არს მუნ უარისყოფაჲ, არამედ დაიყოფის პირი ყოველივე ურცხჳნოჲ.
Line of ed.: 14    რამეთუ თითოეულსა მუნ საქმენი შესწამებენ, არა თუ ჴმასა გამოიღებენ,
Line of ed.: 15    არამედ ესევითარნი წარმოდგებიან, ვითარნი გუექმნენ.

Line of ed.: 16       ვითარ-მე შეუძლო წარმოდგინებად წინაშე შენსა საშინელებათა მათ?
Line of ed.: 17    ნუუკუე მისმინო, ხუუკუე მოიქცე. მოიჴსენე დღჱ იგი, რაჟამს "გამოჩნდეს რი\სხვაჲ
Line of ed.: 18    ზეცით", მოიჴსენე დიდებული იგი ქრისტეს მოსლვაჲ, რაჟამს "აღ\დგენ
Line of ed.: 19    მოქმედნი კეთილისანი აღდგომასა ცხორებისასა და მოქმედნი ბოროტი\სანი
Line of ed.: 20    აღდგომასა საშჯელისასა". მაშინ სირცხჳლი საუკუნოჲ მიეფინოს ცო\დვილთა
Line of ed.: 21    ზედა და "შური ცეცხლისაჲ, შემჭამელი ცოდვილთაჲ". იგი შეგაწუ\ხებდინ
Line of ed.: 22    და ნუ შეგაწუხებს მცნებაჲ.

Line of ed.: 23       ვითარ-მე ლმობიერ გყო? რაჲ ვთქუა? სასუფეველისათჳს არა გსურის? გე\ჰენიისა
Line of ed.: 24    არა გეშინის? ვინაჲ იპოოს კურნებაჲ სულისა შენისაჲ? რამეთუ უკუე\თუ
Line of ed.: 25    საშინელნი ვერ შეგაშინებენ და ბრწყინვალენი ვერ მოგასურვებენ, მაშა
Line of ed.: 26    ქვისა გულსა ვჰზრახავთ?

Paragraph: 7  
Line of ed.: 27       7. მოხედენ, ჵ კაცო, ბუნებასა მას სიმდიდრისასა. რაჲსათჳს ესრეთ და\გურემულ
Line of ed.: 28    ხარ სიყუარულითა ოქროჲსაჲთა? ქვაჲ არს ოქროჲ და ვეცხლი ქვაჲ\ვე
Line of ed.: 29    არს, ქვაჲ არს მარგალიტი და ყოველივე პატიოსანი თუალი ქვაჲ არს.
Line of ed.: 30    ოქროქვაჲ და ბივრილი და იაგუნდი და ამეთისოჲ და იასპი - ესენი არიან
Line of ed.: 31    პატიოსნებანი სიმდიდრისანი, რომელ-იგი შენ რომელთამე დაჰმარხავ (და
Line of ed.: 32    ბრწყინვალეთა მათ ქვათა ბნელსა შინა დაჰმალავ) და რომელთამე თითთა გმოსიან
Line of ed.: 33    და მათ ზედა ჰზუაობ ფერთოვნებისათჳს მათისა.
Page of ed.: 106  


Line of ed.: 1       მითხარ, რაჲ სარგებელ გეყოფის შენ ქვათა მათგან? განბრწყინვებაჲ
Line of ed.: 2    ჴელისაჲ არა გრცხუენიან-ა? რამეთუ ქვათათჳს გელმის, ვითარცა დედანი
Line of ed.: 3    რაჟამს შობდიან. რამეთუ იგინი ქვათა შეშჭამენ და შენ ქვათათჳს განილევი
Line of ed.: 4    და ეძიებ სარდონიტონთა და იასპინთა და ამეთისოთა. ვინ შეუძლო სამკაუ\ლითა
Line of ed.: 5    ერთისა დღისა შემატებაჲ ცხორებასა თჳსსა? ვის ჰრიდა სიკუდილმან
Line of ed.: 6    სიმდიდრისათჳს? ვის განეყენა სენი საფასეთათჳს?

Line of ed.: 7       ვიდრემდის იყოს ოქროჲ - წარწყმედაჲ იგი სულთაჲ, სამჭედური იგი
Line of ed.: 8    სიკუდილისაჲ, მახჱ ცოდვისაჲ? ვიდრემდის იყოს სიმდიდრე - მიზეზი იგი
Line of ed.: 9    ბრძოლათაჲ, რომლისათჳს იჭედებიან საჭურველნი, რომლისათჳს ილესვიან
Line of ed.: 10    მახჳლნი? ამისთჳს ნათესავნი უმეცარ ექმნებიან ბუნებასა თჳსსა, ძმანი ურთი\ერთას
Line of ed.: 11    სასიკუდინედ ხედვენ. სიმდიდრისათჳს არიან უდაბნოთა შინა ავაზაკნი
Line of ed.: 12    და ზღუათა შინა დამთქმელნი და ქალაქთა შინა ცილისმწამებელნი. ვინ
Line of ed.: 13    არს ტყუილისა მამაჲ? ვინ არს უჯეროებით წერასა მოქმედი? ვინ არს ცრუდ\ფიცისა
Line of ed.: 14    მშობელი? არა სიმდიდრჱ-ა? არა მისი იგი მოსწრაფებაჲ-ა? რაჲ
Line of ed.: 15    წაგეკიდა, ჵ კაცო? ვინ გარდააქცია შემწჱ იგი თქუენი მბრძოლად თქუენდა?
Line of ed.: 16    რამეთუ საჴმარნი შემწედ ცხორებისა მოცემულ არიან, არა თუ მიზეზად ბო\როტთა;
Line of ed.: 17    საჴსრად სულისა, არა თუ წინამძღურად წარწყმედისა. არამედ
Line of ed.: 18    იტყჳთ თქუენ, ვითარმედ კეთილ არს სიმდიდრე შვილთათჳს. ესე არს პირველი
Line of ed.: 19    იგი ანგაჰრებისა მიზეზი, რამეთუ შვილთა მოიღებთ მიზეზად, ხოლო გულთა
Line of ed.: 20    თქუენთა ვერ გულსავსე ჰყოფთ. ნუ მოიყვანებთ მიზეზად უმიზეზოსა მას.
Line of ed.: 21    თჳსი მეუფჱ უვის მას, თჳსი განმგებელი; არა შენგან აქუს ცხორებაჲ, არამედ
Line of ed.: 22    ღმრთისაგან და მისგანვე მოელის განრენასა. ნუუკუე ქორწინებულთათჳს
Line of ed.: 23    არა დაწერილ არს-ა სახარებაჲ, რომელი იტყჳს, ვითარმედ: "უკუეთუ გნებავს
Line of ed.: 24    სრულყოფაჲ, განყიდე მონაგები შენი და მიეც გლახაკთა?".

Line of ed.: 25       რაჟამს ითხოვდი უფლისაგან მოცემასა შვილთასა, რაჟამს ევედრებოდე
Line of ed.: 26    შვილთა მამა ყოფად, ნუუკუე ამასცა იტყოდე-ა, ვითარმედ: მომცენ შვილნი,
Line of ed.: 27    რაჲთა ურჩ ვექმნა მცნებათა შენთა? მომცენ შვილნი, რაჲთა ვერ მივიწიო სა\სუფეველსა
Line of ed.: 28    ცათასა?

Line of ed.: 29       ანუ ვინ იყოს ყრმისა მის თავსმდებ, ვითარმედ კეთილად იჴმაროს მიცე\მული
Line of ed.: 30    იგი? რამეთუ მრავალთა ექმნა სიმდიდრე მიზეზ შეგინებულობისა. არა
Line of ed.: 31    გესმა-ა სოლომონისი, რასა-იგი იტყჳს, ვითარმედ: "ვიხილე სნეულებაჲ ბო\როტი
Line of ed.: 32    - სიმდიდრე დამარხული მისგანისათჳს უკეთურებად მისა"? - და კუა\ლად
Line of ed.: 33    იტყჳს, ვითარმედ: "დაუტეობ მე კაცსა მას შემდგომად ჩემსა და ვინ
Line of ed.: 34    უწყის, თუ ბრძენი იყოს, გინა თუ უგუნური?".

Line of ed.: 35       იხილე, ნუუკუე მრავლითა შრომითა სიმდიდრე იგი შეჰკრიბო, და
Page of ed.: 107   Line of ed.: 1    მოატყუა სხუათა მიზეზი ცოდვისაჲ, და მერმე იპოო ორკერძო ტანჯული: რო\მელი-იგი
Line of ed.: 2    შენ სცოდე და რომელი სხუათა მათ მიზეზ ექმენ.

Line of ed.: 3       ანუ არა, უფროჲს ყოვლისა, თჳსებითა შენი სული არს-ა მახლობელ შენ\სა?
Line of ed.: 4    პირველად მას მიეც ნაწილი მკჳდრობისაჲ, მიეც მას მდიდარი მიზეზი
Line of ed.: 5    ცხორებისაჲ და მერმე შვილთა გაუყო მონაგები. რამეთუ შვილთა მრავალ\გზის
Line of ed.: 6    მშობელთაგან არაჲ მიიღიან და თავისა თჳსისა მოიგიან მოსაგებელი,
Line of ed.: 7    ხოლო სული შენი, უკუეთუ შენ დაუტეო, ვინღა შეიწყალოს?

Paragraph: 8  
Line of ed.: 8       8. ესე სიტყუანი არიან შვილის უფალთა მიმართ, ხოლო უშვილონი რო\მელსა-მე
Line of ed.: 9    მრავალღონესა მიზეზსა ანგაჰრებისა მათისასა წინა-გჳყოფენ? რამეთუ
Line of ed.: 10    ესრეთ იტყჳნ ანგაჰრი იგი, ვითარმედ: "არა განვჰყიდი მონაგებსა ჩემსა, არა
Line of ed.: 11    მივსცემ გლახაკთა საჭიროთა მათ საჴმართათჳს ამის ცხორებისათა". არა სად\მე
Line of ed.: 12    უკუე უფალი არს მოძღუარ შენდა, არცა წმიდაჲ სახარებაჲ რჩულ ცხო\რებისა
Line of ed.: 13    შენისა, არამედ თჳთ ხარ რჩულისმდებელ თავისა შენისა. ხოლო იხი\ლე,
Line of ed.: 14    თუ ვითარსა ბოროტსა შთაჰვარდები ესევითართა გულისსიტყუათა მიერ?
Line of ed.: 15    რამეთუ უკუეთუ უფალმან ესე გუამცნო და შენ იტყჳ, ვითარმედ შეუძლე\ბელ
Line of ed.: 16    არს ამისი ქმნაჲ, სხუასა არარას იქმ, არამედ თავსა შენსა უბრძნესად უფ\ლისა
Line of ed.: 17    გამოაჩინებ. ანუ ესრეთ იტყჳ: "ვიშუებდე მე დღეთა ამათ ცხორებისა
Line of ed.: 18    ჩემისათა და შემდგომად აღსასრულისა ჩემისა მკჳდრად მონაგებთა ჩემთა
Line of ed.: 19    ვყვნე გლახაკნი და ჴელისწერილითა და ანდერძითა უფლად სიმდიდრისა ჩე\მისა
Line of ed.: 20    ვყვნე იგინი"?

Line of ed.: 21       რაჲ არს უკუე სიტყუაჲ ესე, რომელსა იტყჳ? რაჟამს არღარა კაცთა
Line of ed.: 22    თანა შერაცხილ იყო, მაშინ იქმნე-ა კაცთმოყუარე? რაჟამს მკუდრად გიხი\ლო,
Line of ed.: 23    მაშინ გიწოდო-ა ძმათმოყუარედ? დიდ არს მადლი ეგე მოწყალებისა შე\ნისაჲ,
Line of ed.: 24    რამეთუ სამარესა შინა მდებარჱ და მიწად გარდაქცეული ესრეთ
Line of ed.: 25    უხუ იქმენ და სახიერ მიცემად მონაგებთა. ანუ რომელთა ჟამთა მადლი და
Line of ed.: 26    სასყიდელი ითხოო? მითხარ-ღა, ცხორებისა ჟამთაჲ ანუ რომელნი-იგი შემ\დგომად
Line of ed.: 27    სიკუდილისა დაჰყვნე? რამეთუ რომელთა დღეთა ცხოელ იყავ, გე\მოთა
Line of ed.: 28    შინა და შუებათა და გულისთქუმათა შინა განიხრწნებოდე და მიხედ\ვადცა
Line of ed.: 29    არა გენება გლახაკთა, ხოლო რაჟამს მოჰკუდე, რომელიღა არს საქმჱ
Line of ed.: 30    შენი? ანუ რაჲ იყოს სასყიდელი შენი? გამოაჩინენ საქმენი და ესრეთ ითხოვ\დი
Line of ed.: 31    სასყიდელსა.

Line of ed.: 32       შემდგომად სავაჭროჲსა აღებისა არღარავინ ივაჭრებნ; შემდგომად რკინო\ბისა
Line of ed.: 33    განშორებისა მისრული არავინ გჳრგჳნოსან იქმნის; შემდგომად მბრძოლ\თა
Line of ed.: 34    წარსლვისა არავინ იბრძვინ და არცა ვინ შემდგომად სიკუდილისა იქმს
Line of ed.: 35    სათნოებასა. მელნითა და ქარტითა მიქადებ-ა მოწყალებისა ქმნასა? ვინ უკუე
Line of ed.: 36    გითხრა შენ ჟამი იგი აღსასრულისაჲ? ვინ არს თავსმდები და მაუწყებელი, თუ
Line of ed.: 37    ვითარსახედ განსლვად ხარ ამიერ? რავდენნი ძნელოვანთა საქმეთა მიერ
Page of ed.: 108   Line of ed.: 1    მეყსა შინა წარტაცებულ იქმნეს, რომელთა სიტყუაჲცა ვერ თქუეს? რავდენ\ნი
Line of ed.: 2    თავქედმან უცნობო ყვნა? რაჲსათჳს უკუე მოელი ჟამსა მას, რომელსა
Line of ed.: 3    შინა ნუუკუე და არა იყო უფალი გონებისა შენისა? მოიწიოს ღამჱ ბნელი
Line of ed.: 4    და სენი მძიმჱ და შემწე არსადა ჩნდეს; და მიმღებელი მონაგებისა შენისაჲ
Line of ed.: 5    მზა იყოს, ყოველსავე თჳსისა ნებისაებრ განაგებდეს და შენნი განზრახვანი
Line of ed.: 6    უსარგებლო იქმნენ. მაშინ მიმოიხედნე ამიერ და იმიერ და იხილო შენდა გა\რემოდგომილი
Line of ed.: 7    იგი ოჴრებაჲ, მაშინ გულისჴმა-ჰყო ბოროტად განზრახვაჲ
Line of ed.: 8    შენი, მაშინ სულთ-ითქუნე უგუნურებისათჳს შენისა, თუ რომლისა ჟამისათჳს
Line of ed.: 9    ჰმარხევდი მცნებასა მას, რაჟამს-იგი ენაჲ უტყუ იყოს და ჴელი შენი ათრთო\ლებულ
Line of ed.: 10    და ვერცა სიტყჳთ რას იტყოდი, ვერცა ჴელითა დასწერდე და გამო\აჩინებდე
Line of ed.: 11    გულისსიტყუასა შენსა? რომელ-იგი დაღაცათუმცა ყოველივე ცხა\დად
Line of ed.: 12    აღწერილ იყო და კეთილად ქადაგებულ, ერთი ასოჲ შეცვალებული შემ\ძლებელ
Line of ed.: 13    იყო მის ყოვლისა დარღუევად, ანუ ერთი ბეჭედი შეცვალებული,
Line of ed.: 14    გინა თუ ორთა ანუ სამთა მოწამეთა ყოველიმცა იგი მონაგები სხუათა
Line of ed.: 15    მიაჩე/მეს.

Paragraph: 9  
Line of ed.: 16       9. რად უკუე აცთუნებ თავსა შენსა და აწ ბოროტად განაგებ სიმდიდრესა
Line of ed.: 17    მას გულისთქუმათა ზედა ჴორციელთა და იქმ აღთქუმასა უკუანაჲსკნელ, რა\ჟამს
Line of ed.: 18    არღარა იყო უფალ საქმეთა მათ?

Line of ed.: 19       ვითარცა-ესე ვთქუათ, ეჰა ბოროტი განზრახვაჲ: "ვიდრემდის ცხოელ ვიყო,
Line of ed.: 20    ვიშუებდე გულისთქუმათა მიერო და რაჟამს მოვკუდე, მერმე აღვასრულნე
Line of ed.: 21    მცნებანი". შენცა გრქუას აბრაჰამ, ვითარმედ: "მიგიღებიეს კეთილი შენი
Line of ed.: 22    ცხორებასა შენსა". ვერ დაგიტევს შენ იწროჲ იგი და საჭიროჲ გზაჲ შემო\სილსა
Line of ed.: 23    სიზრქითა მით სიმდიდრისაჲთა, რომელი-ეგე განხუედ მათ თანა და
Line of ed.: 24    არა განიძარცუენ იგინი, ვითარცა გიბრძანა უფალმან.

Line of ed.: 25       რაჟამს ცხოელ იყავ, ცხორებისათჳს არა ზრუნევდი, რაჟამს მოჰკუედ,
Line of ed.: 26    მცნებასა მას უფროჲს მტერთა შენთასა პატივ-ეც, რომელი-ეგე ესრეთ დას\წერ,
Line of ed.: 27    ვითარმედ: "რაჲთა არა მიიღოს იგი მან ვინმე, მიიღენ იგი უფალმან".
Line of ed.: 28    ხოლო ამას საქმესა რაჲ სახელ-ვსდვათ? მტერთა შურისგებად, ანუ მოყუსისა
Line of ed.: 29    სიყუარულად? წარიკითხე-ღა ანდერძი შენი, არა ესრეთ დასწერე-ა დასაბამსა,
Line of ed.: 30    ვითარმედ: "მენება ცხორებაჲ და სიხარული მონაგებთა ჩემთა ზედა, არა\მედ
Line of ed.: 31    ვინაჲთგან წარვალ, აწ ესრეთ იყავნ, ვითარ-ესე შენ იტყჳ?" მადლი სი\კუდილისაჲ
Line of ed.: 32    არს, არა შენი, რამეთუ უკუეთუმცა არა მომკუდარ იყავ, არამცა
Line of ed.: 33    მოგეჴსენა შენ მცნებაჲ იგი.

Line of ed.: 34       "ნუმცა სცთები, ღმერთი არა მოიკიცხვის". მკუდარი საკურთხეველად
Line of ed.: 35    არა შევალს, ცხოელი შეწირე მსხუერპლი. რამეთუ რომელი ნამეტნავისაგან
Line of ed.: 36    შესწირვიდეს, შეუწირველ არს, ხოლო შენ, რომელი-იგი შემდგომად ყოვლი\სავე
Line of ed.: 37    ცხორებისა შენისა დაგმატდა, მას შესწირავ-ა სახიერისა მის? ანუ იკად\რი-ა
Page of ed.: 109   Line of ed.: 1    ნეშტითა ტაბლისა შენისაჲთა სტუმრებად წარჩინებულთა მათ მეფისა\თა?
Line of ed.: 2    ვითარ უკუე იკადრებ ნეშტთაგან ყოვლისავე ცხორებისა შენისათა შესა\წირავისა
Line of ed.: 3    მიცემად ღმრთისა?

Line of ed.: 4       იხილეთ აღსასრული იგი ვეცხლისმოყუარებისაჲ, ჵ მდიდარნო, და დასც\ხერით
Line of ed.: 5    ესრეთ ვნებულად სიყუარულისაგან ოქროჲსა. რაჲზომცა დიდების\მოყუარე
Line of ed.: 6    ხარ, ეგეზომად ნურარას დაუტეობ მონაგებთა შენთაგანსა. ყოველი\ვე
Line of ed.: 7    შენდად შექმენ, ყოველივე თანა წარიღე. ნუ დაუტეობ უცხოთა სიმდიდრე\სა
Line of ed.: 8    შენსა, რომელთა ნუუკუე შე-ცა-არა-გმურონ შენ კეთილად, არამედ ეს\რეთ,
Line of ed.: 9    ვითარცა იპოო, დაგმარხონ. და მონანი შენნი მკჳდრთა მიექცენ, რო\მელნი-იგი
Line of ed.: 10    ბრძნობდენცა ნუუკუე შენ ზედა და იტყოდინ, ვითარმედ: "უგუ\ნურება
Line of ed.: 11    არს შემკობაჲ მკუდრისაჲ და პატიოსნად განყვანებაჲ უცნობელისაჲ
Line of ed.: 12    მის. ანუ არა უმჯობეს არს-ა, რაჲთა რომელნი-იგი აქა არიან, იგინი შეიმკვნენ
Line of ed.: 13    მაგით სამოსლითა, ვიდრეღა დალპებოდის მკუდარსა მას თანა? ანუ რად ეჴ\მარების
Line of ed.: 14    კეთილად განწმედილი საფლავი და წარსაგებელი უჴმარი მკუდარსა
Line of ed.: 15    ზედა? უმჯობეს არს ჴმარებაჲ მაგათ საჴმართაჲ ცხორებასა ამას, ვიდრეღა
Line of ed.: 16    წარგებაჲ მის ზედა". ესრეთ იტყოდინ შენნი იგი მსახურნი და მონანი და შენ
Line of ed.: 17    ზედა შურსა-იგებდენ და შენთა მათ ნაცვალთა მოიმადლებდენ.

Line of ed.: 18       უსწრვე უკუე და თავი შენი კეთილად დაჰფალ. კეთილი დაფლვაჲ არს
Line of ed.: 19    ღმრთისმსახურებაჲ. ყოველივე შენი შეიმოსე და ესრეთ წარვედ. სამკაულად
Line of ed.: 20    ჭეშმარიტად თავისა შენისა ქმენ სიმდიდრე შენი. გაქუნდინ იგი შენ თანა
Line of ed.: 21    ისმინე კეთილისა მის განმზრახისა ქრისტესი, რომელმან შეგიყუარა შენ, რო\მელი-იგი
Line of ed.: 22    დაგლახაკნა ჩუენთჳს, რაჲთა ჩუენ მისითა მით სიგლახაკითა გან\ვმდიდრდეთ,
Line of ed.: 23    რომელმან მისცა თავი თჳსი საჴსრად ჩუენთჳს. ანუ ვითარ\ცა
Line of ed.: 24    ბრძნისა და უმჯობესისა განმზრახისაჲ ვისმინოთ მისი, ანუ ვითარცა მო\ყუარისა
Line of ed.: 25    ჩუენისაჲ და ვირწმუნოთ და ვქმნათ სიტყუაჲ მისი, რაჲ-იგი
Line of ed.: 26    გჳბრძანა, რაჲთა დავიმკჳდროთ ცხორებაჲ საუკუნოჲ მისვე ქრისტეს მიერ,
Line of ed.: 27    რომლისაჲ არს დიდებაჲ და სიმტკიცჱ თანა მამით და სულით წმიდითურთ აწ
Line of ed.: 28    და მარადის და უკუნითი უკუნისამდე, ამენ.



Next part


This text is part of the TITUS edition of Basilius Magnus, Homiliae.

Copyright TITUS Project, Frankfurt a/M, 5.3.2021. No parts of this document may be republished in any form without prior permission by the copyright holder.